Think (已結業) 查看

經朋友介紹黎到呢度，是夜星期三晚，人不是太多。我地係黎傾計的，只度只得飲品，冇食物供應，空間比想像中大，感覺都幾好。我地分別叫左咖啡同花茶。咖啡見佢有拉花，而花茶係一壺壺已經沖好左。$60任飲，我冇飲咖啡，朋友話幾好。花茶就一般，玫瑰花茶比出面個D少左玫瑰花香。如果有蜜糖加就更好啦。呢度比較自助，有台有沙發有書。真係開會或傾計的好地方。

同朋友搞生日會，要搵一間港島區既cafe，上openrice search 到呢間就即刻book 左xd$60/3 小時，有咖啡，花茶，罐裝飲品任飲，價錢唔算貴，老闆好熱情，而且都坐都幾舒服，景觀幾開揚xd係同朋友靜靜地傾計既好地方咁飲品方面xd大致上熱咖啡同埋熱茶都唔錯，我幾鐘意熱mocha但凍咖啡真係冇咁好......我仲叫左杯season special,幾特別，不太甜（但我正好想要一杯甜既xd呢間cafe唔提供野食，所以可以自己帶野食入去總括黎講，我下次會想同朋友靜靜地係到傾下計，因為呢間cafe 真係比到人舒服既感覺

本身係個日就同3個朋友諗住搵個地方坐下玩下game,咁當然係搵d cafe啦,咁就上openrice見到呢間cafe既comment都唔錯,於是同日就打電話去book左呢間3點玩3個鐘.收費係$60/3h+任飲飲品(有咖啡,樽裝,汽水,花茶)同埋呢間cafe係無野食嗌,所以係可以打電話嗌外賣架 老板都幾好人,同我地講6點有人book左場,咁我地都係打算坐3個鐘就走,咁當然無問題啦.咁我地約左3點齊人,之後一路搵一路搵,搵極都係得12樓,再盲中中先知原來係隔離個棟..所以大家去個陣要小心,係京都商業中心先岩,哈哈.講反THINK先,一入門口見到係換團購,心諗都疾左一疾,會唔會又撞板呢?點知原來就係呢度,,haha,,一入去個感覺好舒服,環境好靜,都有2.3位客人係度,老板都好熱情同我地介紹,重話可以叫外賣比埋外賣紙我地,咁嗌左幾杯野飲,有玫瑰咖啡,薄荷咖啡,雲尼拿咖啡,玫瑰花茶x2,桂花茶,樽裝既健康工房竹庶矛etc..其實佢d咖啡都係麻麻地,全部都係凍飲,下次再去可能會試熱飲..有飯友話熱飲好似好d@@?花茶方便都ok,不過淨水,無花的,味道接受到,bytheway呢3個鐘好舒服好安

琴日同友人食飽飯後..本想食甜品傾計....但由於實在太飽...所以就打算坐低飲杯野...繼續傾計.......上黎一search...就見到呢間野..友人記得有人報道過....所以就話想試下上到黎..見到有人上緊堂...有少少卻步...但老板好快就過黎...招呼我地...帶我地坐左個窗邊位...仲介紹返佢地既特色..任飲3小時...跟住由於我同友人..之前太飽...所以由天后..行過黎==熱到爆...就叫左 ice mocha 同ice caramel latte....跟住見到有個書櫃..就去睇下有咩旅遊書參考...老板亦話可以 拎黎睇...睇唔哂可以借返去睇~拎完書..野飲就到左...我飲ice mocha...一般般...唔係話特別好飲..但可以接受...而友人個杯caramel...友人話..係飲過最難飲....跟住我地傾到咁上下...我杯野就飲哂...又坐到涼涼地..就試左杯熱 hazelnuts latte....一黎到..有個心心拉花...心情頓時唔錯...奶打得幾好...飲落去...同凍飲 完全係兩回事.....跟住友人飲完之後...都覺得完全唔同..好飲好多最後我地

Think是一間樓上咖啡店，可供散座閒聊，亦可包場盡歡。店內平均消費$60一位，咖啡茶任飲三小時，價錢都算實惠。另有小量會議用品可供選用，可作小型會議工作坊。因這兒沒有食物供應，可自攜食品入內或點外賣。飲品方面，試了玫瑰花茶及朱古力咖啡，玫瑰花茶清香撲鼻，寧神效皆，多喝無仿。朱古力咖啡賣相無乜特別，不及熱飲咖啡般畫花講究，味道都算平穩對辦。行經銅鑼灣，可考慮到此咖啡歇一歇。

從個多月以前已經有朋友推介這間咖啡店，一直都提不起興趣來品嚐品嚐。前幾天突然好想找個地方坐坐，看看還沒看過的小說，便想起朋友推介過的Think cafe。上網看一看openrice的食評，看見評價不錯，使用的咖啡豆是有點名氣(小妹對咖啡研究不太深入)。便大感興趣，可惜想去的當天剛巧是情人節，為了避免碰釘子，所以決定今天才拜訪。今天我一下課便從薄扶林趕到銅鑼灣來，7點有約，大概可以坐2個多小時吧。第一次到這家cafe，來到面門，便看到門口的右手邊有個思想家的圖案，旁邊有"THINK"字樣初來報到，有點人生路不熟的感覺。老闆剛巧在洗手間做維修，很精明的指導我坐在落地玻璃旁的沙發椅。走近那兩張沙發椅，有點害怕，因為小妹有些少畏高，由19樓看下去，真是有點腿軟。但小妹大無畏不怕死的精神，碎步碎步的走過去，然後一個大屁股坐下沙發椅。從這家很重悠閒感的溫馨咖啡店看出去，外面大廈林立，繁忙的街道上有很多人很多車熙來攘往。外頭的霓虹燈令整個街道充滿著不同的色彩燈光，像點綴一樣。這樣強烈的對比，令人有種忙裡偷閒，偷得浮生半日閒的感覺。先拜訪一下洗手間，整天在學校都沒有上廁所。廁所在出門口轉左。裡頭掛了一

要為旅程作一個很好的預算，二人就找了個地方坐坐，看看旅遊書，此店地點方便，就在旺區老銅之內的一所上樓小店，有沙發座，也有普通的餐桌餐椅，本人一向不愛盤膝而坐，最後都是選擇坐普通的餐桌餐椅好了。此店可說是詳談或計劃旅行行程的好地方，除了環境夠光猛，方便閱讀之外，場內更有不少的旅遊書，就連超級Informative的Lonely Planet也有，真好！更好的是其收費模式夠實惠，坐足三小時任飲多款飲品，也只不過是五十元，坐過了三小時的，就以每小時十五元計，而且可能是由於店家沒有食物供應，所以更大方的讓顧客外帶食物，所以真的想不到有更好坐的地方了。見店家用的是Rancilio半自動機，加上用的牛奶及咖啡都還有點名氣，牛奶是香港很多咖啡店也用的Greenfield，而咖啡豆都是意國品牌Caffe Vergnano 1882，雖然以前兩次光顧過此品牌在香港的咖啡店，不過相信跟其咖啡豆的質數不太有關係，所以都對此店的咖啡有一定的期望。此店咖啡的選擇也真的非常之多，除了一貫的Mocha、Café Latte及Cappuccino之外，更竟然有Irish Latte，那當然要喝喝吧，其實Irish C

上網見到呢間cafe 60蚊任飲3個鐘已經一直好想黎今日終於有機會上到去坐下，坐左4個鐘，總共叫左4杯野飲，第一杯果陣個味道真係好淡，但老闆好好人唔夠味既話佢會幫你加重啲味！所以之後叫既野飲都有話想要甜啲或者唔好咁甜雖然wi-fi真係好慢但總算夠用，另外仲可以自己帶食物上黎食，一定會再上黎！

第二次黎其實第一次黎已經對依間cafe冇乜好感但係因為人民公社被包場所以迫不得已過對面依間cafe坐d野飲gei choice 得好少花茶冇味梳打冇味mocha, mint latte同hazelnut latte gei 味係一樣gei!!!同埋d位坐得好唔舒服我個friend一起身個頭就撞左埋去部電視機到總之60蚊任飲坐三個鐘都覺得唔抵（依間野唯一好處係可以帶外面野食入黎食）

呢間 cafe 同其他樓上 cafe 最唔同係收費, $50 任飲 3 個鐘, 飲完咖啡又可以飲花茶, 真係抵到爛! 服務方面, 應該叫做自助式, 而唔係差囉. 最少人地有禮貌, 無黑面又無咀"描描". 好似我咁唔飲得咖啡, menu 上無寫明有朱古力飲品, 就咁問佢可唔可以要淨飲朱古力唔要咖啡, 佢都即刻沖到, 呢 d 咪叫做貼心囉!另外推介玫瑰花茶, 好香, 必試. 檸檬草花茶味道就唔係人人啱, 我覺得似藥油味....

最初唔知負責人為何到在這裏搞校服派對，上到去先知點解，呢到搞活動的確一流。當晚有廾零卅人左右都唔覺逼。環境環境係呢到一大賣點，夜間景色雖不算吸引，但客人可以邊坐邊遠晀街上行人，大廈燈光或者車水馬龍的馬路，咁就一日。書櫃陳列的書籍多同雜誌，上至財經演員、羅馬帝國石刻史話,下至帶銀公主都有。中間梳化坐得算舒服，但有一個窗傍的座地軟梳化坐得好唔自在，箍荀形狀似足廁所，看到很多人坐時對腳亦要申到直一直。此舖令一好處是在大廈頂層，不像二樓的cafe包場時有大量街外客人打搞雅興。舖內亦非常光猛不會烏燈黑火。服務兩個黑面男夥計負責調酒，大煞風景。當晚全場人玩得興高彩烈時他們全程都係玄壇口面，雖飲品飲任，但看到他們的勁掘態度都唔想打搞佢地，一於自己攞現成的飲品食物順帶一提，他們調飲品技術亦是非常不堪，難以入口。雜果賓治又話唔識整，雞尾酒又苦，連波蘿賓治都甜到立即爛牙。想好飲唯有自己去斟一些不用調的飲品。食物是外賣氣氛當然一流，大家有講有笑，但頂多只和這間cafe的場地有關去呢到開派對、包場真係一流，如果換埋啲黑面夥計會重好。飲品、服務都唔合格，呢個笑面係畀靚女搞手所安排的校服派對

$50 任飲3個鐘,真係好抵環境好,又有得借野玩,又有書睇同FD傾計都唔錯,又可以自己帶野食去食d人都好nice,笑容滿面咖啡都唔錯,夠味仲有花茶,其他飲品都係任飲

悠閒假期，突然好想飲咖啡，原本打算去總統戲院附近的 18 Grams，但無奈小店早已坐滿了人，唯有走上京都廣場，轉為試試另一間 Think。Think 地方不大，勝在裝修簡約，座位除了 sofa 外，也放了些 bean bags，感覺隨意，如果和朋友來吹吹水的話，這裡應比不少烏煙瘴氣的樓上 Café 好。收費方面，首三小時一律收 $50，飲品是任叫任飲的，包括多款咖啡和花茶的選擇，先來一杯 Mochaccino，再拿了一本研究香港足球發展的書籍，隨意選了近窗口的位置坐。Mochaccino 面頭有一層厚厚的奶泡，質地唔夠綿滑，咖啡味道帶點甜中帶點微甘，幾易入口，不用十五分鐘就喝光了，看來我是少了那份耐性。接著叫了一杯 Iced Cappuccino，賣相是對辦的，可惜糖漿放得太多，飲落只得一股死甜，實在不太滿意。Think 設有免費 wifi，若然你有 IPad / Notebook，不妨來這裡上上網，待足三個小時，比去 Pacific Coffee / Starbucks 更化算，但如果單純想飲杯咖啡的話．．．或者是我期望太高了！

星期日同朋友去完活動後, 想找個地方坐下傾下計, 想起之前在openrice睇過0既 THINK , 一於上去呢度~星期日下午 THINK 都幾多人, 不過一D都唔嘈, 果度又有好多書比大家睇~50元3小時任飲都幾抵~我飲左3種花茶 (玫瑰,檸檬草,桂花) 都ok呀~我唔記得左影朋友飲果d...........我地另外點左2個 Crème Brûlée, 不過呢個就麻麻喇~ 口感似食緊甜0既牛油........老闆非常nice~招呼好好呀~個toilet乾淨度都係一般, 可以好d....如果我要找個地方舒舒服服傾下計, 一定會再上來~呢度環境都好適合book場搞聚會呢~^^~

早前約去朋友要出去溫下書坐下上開飯咁好彩搵到think見大家既評都唔錯,又係12點就開真係幾岩我地就拍板去左think啦差唔多1點去到,無人,搞到我地都唔係好敢行入去一入去個感覺已經幾好老闆(?!)幾nice! 最後坐左係老闆話最多人鐘意既位第一杯同朋友叫左玫瑰花茶同cuppucino花茶好飲cuppucino就不過不失啦之後再加summer special(mango soda) 同玫瑰coffee(無影相)mango soda都唔錯,不過有d難溝玫瑰coffee,玫瑰味夠,coffee味都好,不過加起黎有dd怪,可能因為凍既原因?!野飲不錯!雖然未到最top,但都算係誠意之作重要提下凍飲既飲管,半邊有色,半邊透明,真係幾特別!小小既細節都可以做得細緻可見老闆係個用心既人,讚!! 如果唔係係open rice見到,真係唔會無啦啦行入商業大廈黎think一開始睇評都睇到有人話好熱鬧怕好嘈,但最後上到去,係星期六既日子黎講,真係唔算好嘈!!!!環境黎講非常好,真正有採光既窗就係我地坐個個位其他窗都有層透明啡色隔左一隔d陽光今日有d太陽,所以同朋友落左窗簾,成間店暗左走既時候拉開返,成間