銀咖哩 (已結業)

天寒地凍，想食啲辣嘢暖暖身，所以選了此店。見到收銀處掛住咖哩芝士漢堡飯，二話不說就叫了一個，再加親子烏冬(因為怕個漢堡太漏，另一個餐就唔選咖哩)。咖喱芝士漢堡飯卒先上桌，見到真身時，真的被漢堡的份量嚇親，塊漢堡又大又厚，完全蓋過整碟飯。由於係日式咖喱關係，啲咖喱味唔濃，民是微甜，但個漢堡扒內有黑椒，所以食食吓都有啲辣，啲芝士略嫌唔夠 creamy .由於塊扒真係好大，唔夠飯送扒，如果可以，應該加底。兩個人食完漢堡扒都有啲飽，所以都冇咩心情細味個親子烏冬，只記得個烏冬中規中距。

銀咖哩離工作的地方十幾分鐘的步程，不過很久都未再光顧的原因下，今晚就趁機會去試試﹗由於吉列豬扒售罄下，唯有點了咖哩吉列雞扒餐(連薯角及汽水)，以及吉列海鮮薯餅。以前在其他的分店都會點吉列豬扒；但今次吃過吉列雞扒後就獲得新的感覺。雞扒始終相對嫩滑下會較易入口，而炸過的雞扒所散發的雞油都非常多，所以吃起來很鮮。當然加入咖哩汁就會生色不少。銀咖哩提供的飯份量每次都是很多的，所以從來我都不要求加飯(大盛)或者加咖哩汁的，現在的份量已經剛剛好吧﹗而吉列海鮮薯餅就保持一貫的水準，可能是剛剛炸好的原因，吃起來非常脆而不會太油膩。

係深山差唔多餓咗六個鍾頭，除咗幾條 gel 同 bar 之外咩都無食過。同男朋友好似餓鬼投胎咁返返市區時就即時諗到要食銀咖喱喇～我嗌咗個正正常常既炸豬扒蛋飯，而男友咁擦得就梗係嗌富士山飯喇我個飯不過不失，但可能真係太餓，我食完仲想食。男朋友個富士山飯真震撼，有炸豬扒，漢堡扒，蛋同腸仔！我都忍唔住偷食，個漢堡扒喜岀望外，有咬口好好食。雖然富士山份量好大，但男友一個人都輕鬆食得晒！😂 個人認為個咖喱汁有小小辣會好食啲，但呢個價錢有呢個份量真係好掋食，無需要挑剔。

富士山飯，十分高大。配有豬扒、漢堡扒、腸仔、蛋、芝士、咖喱汁，份量超卓。2人同食都會食到飽飽、如果3人唔太肚餓都夠填肚。咖喱汁微甜，是傳統日式咖喱，味道不俗。芝士是車打芝士、上牒後很快就會變硬變乾，所以要配上蛋優先搞勻。腸有2條，是常見的雞肉腸，不用擔心食左豬/牛。豬扒是炸物，麵衣脆口、肉質偏鬆。漢堡扒有"蘇"味，不太喜歡這味道，所以沒有吃完。另外加左10 元配薯角和汽水，薯角脆口、配茄汁開胃。汽水是蘇打水，而不是c字頭款式。

好似去征服一座食得既富士山😋😋😋，令原本肚餓既我更加狼吞虎嚥，好想快點倒落肚子！真的「平，靚，正」，前題必須要最少有兩位肚餓既朋友。呢個飯其實也不是100分的好吃，炸豬扒較乾，但$78/1.5kg也不能要求太多了..這個 1.5kg 的富士山咖哩飯用了珍珠米、一大塊炒滑蛋和二條廚師腸一塊碎上的炸豬排和不辣的咖哩，每人用～$40的價錢來說，真的很高質了下次大家肚餓既，推薦吃這個咖哩飯

早前經過AEON，見到呢到一個咖哩飯都係30幾蚊，好似好好味咁，決定搵日黎試下。咖哩係日式咖哩，有辣有唔辣，第一級已經係大辣，無需加錢，如果要再辣D就要加$2。我叫左吉列豬扒，要大辣，原來所謂既大辣係加少少紅辣椒粉俾我，不過夠辣就得啦。吉列豬扒係即叫即炸，夠熱之餘仲夠新鮮好味。同行既朋友叫左吉列雞，我都食左一件雞，感覺上好似吉列豬好味D。我地都另外叫左一個煎餃子，收你果12蚊俾成5隻餃子你，真係算係咁架啦。

今天晚上在沙田正為晚餐煩惱，掃了一陣開飯喇，最後選擇走遠一點，到禾輋商場試一試這間銀咖哩。點了一個豬扒蛋包飯，加飯和加辣，再點了一杯橙汁。上菜時以金屬盤盛著咖哩飯，看起來很有特色，不過蛋身不是以奄列的方式，只是普通加蛋伴一伴的方式處理，感到有點失望。味道方面，咖哩雖已加辣，但味道仍然偏甜，豬扒很瘦而乾身，幸好不算太韌，吃起來也可以接受。整體上如果想吃一個飽肚的飯，我相信它會比起其他快餐店是更合適的選擇。

行完aeon supermarket出來剛巧食lunch時間, 自己一個經過旁邊的銀咖哩, 今日lunch一於食咖哩喇富士山咖哩飯, 超貴價的$75, 等我睇下值唔值先嗯... 份量果然大到根本夠兩個人食, 勉強食哂成碟, 飽到上心口, 我估我有排都唔敢再食銀咖哩了

上次想試時, 汽水機壞咗, 食咖哩唔飲汽水點得呀? 所以上次冇食, 今次有汽水飲, 就可以試喇~買咗飛後即做的, 但可以坐埋位, 等專人拎嚟比你, 而且係open kitchen, 可以睇住廚師煮~等咗唔駛10分鐘, 已經送上枱~  吉列豬扒咖哩飯配7喜呢個係人氣之選, 但其實都係不外如是, 塊吉列豬扒又薄, 塊炸皮夾埋同埋豬扒差不多, 雖然個皮即炸, 好脆好熱, 但唔係好食到豬扒個味~咖哩因為係日本咖哩, 所以係甜甜地, 唔辣的, 仲有紅蘿蔔同薯仔, 但已經煮到爛哂, 好彩就會食到比較大粒少少, 如果唔係, 你係唔會發現佢有落紅蘿蔔同薯仔~  炸蝦咖哩飯配7喜呢個仲差過吉列豬扒, 已經貴兩蚊, 但只有2隻蝦, 完全唔抵食, 又係炸粉厚過蝦, 呢個係仲厚d, 完全係食炸粉多過食蝦~

呢間銀咖哩出名又平又好食！今次同bf試呢個有二人份量既富士山！嘩！又真係好大份播！有漢煲牛扒，腸仔，蛋，豬扒，芝士！咖哩好好味，唔會太甜太咸！味道岩岩好！不過唔夠辣！得有紅點果啲撈住食先有辣味！不過睇落好多咁… 但同bf一齊share食，完全唔夠食呀😦我同佢都唔太飽！我覺得同叫一人一個餐沒太大分別！😂😂

在屋邨的商場被「領會」翻一翻，門面的確煥燃一新，但價錢自然相呼應！但今晚開餐的［銀咖喱］飯店都幾抵食。$31的咖喱吉列豬扒冇餐飲，但可以要求白開水，大大塊吉列豬扒都脆脆地，咖喱汁有少少薯仔和肉碎、紅蘿蔔絲，有非常小的微辣令咖喱汁不會太寡味。兒子也吃咖喱吉列豬扒「鬼盛」，原來「鬼盛」是加大份量的意思，果然咖喱汁和飯都加大份量，沒有加錢！飯店是自助形式，購票後有待應送上！都很經濟實惠！

之前同班同學仔來咗呢啲食午餐，我叫咗個美式雞扒，加咗$3轉烏冬。服務等同一般快餐店嘅質素。好快，有野食啦，首先食咗塊雞扒。唔。。。都唔錯 ！吉列做得好好，咖喱味道都幾好，夠香濃，而且又唔係話好辣，有啲甜甜地，好特別。不過真係唔好咁講求烏冬質素，應該係港貨／大陸貨，有啲酸 ！所以我俾咗3分味道。總括來講，應該有下次（不過跟飯）。

銀叻喱係一間平平地既叻喱，因為係日本叻喱，所以係甜甜地，唔會太辣今次食左富士山，雖然份量果然十足，好多配料，漢堡排，腸仔，豬扒但係味道就麻麻地啦，豬扒有少少硬，叻喱都麻麻地，冇乜日本叻喱味，有少少咸添，所以唔係真係話咁好味，所以未必會食下一次

沙田市中心早已人滿之患，尤其是新城市廣場一帶，一田百貨內的food court也有日式咖喱可選擇，但每次看到所有桌椅差不多被人坐滿，而且價錢也不算便宜而作罷。銀咖喱位置稍遠，然而價廉質素不俗，用的是珍珠米飯、咖喱汁內有甘筍、薯仔和牛肉碎，當然日本咖喱是不辣的。吉列豬扒也是和預期相符，臨關門前20分鐘才下單，等10分鐘食物到，豬扒剛炸好，味道不俗，不算厚但鬆化，整個飯的份量也足夠。

火炭番學食野真係無咩好食，始終係學生，一餐lunch真係唔想太貴，所以銀咖哩絕對係個好選擇連汽水都係$27，有另外一個餐係$22，真係想慳可以簡$22果款。呢個飯有塊芝士，一食到芝士果邊真係好好味，好濃郁既芝士，但因為得一塊芝士，所以其他一邊既飯比較單調左啲。始終無乜肉，真係唔係好夠食，所以下次食呢款飯可以加啲餸食😉😉整體黎講，咖哩好多，絕對夠食，味道屬於普通啦，但價錢合理。