吉野家 (已結業)

話說經過社會運動之後 吉野家就 建立了一套銅牆鐵壁 去保護佢哋間餐廳。 從前係一個落地玻璃可以一樓打邊爐一路望出街外嘅 觀景， 如今變成了 防彈鐵閘 ，甚至入去食嘢嘅人都要戴住副超遮住塊面。我最近忍唔住去咗食一次， 發現佢哋生意額 真係受到好大衝擊所以推出咗好多優惠 就連33蚊大野菜牛肉飯都出返嚟。淨係講佢嘅食物 其實真係好抵33蚊有野菜又有大大塊牛肉加汽水 真係好誇張。 但係好可惜香港嘅環境之下，令到你不能如常地做生意。 我都好懷念以前一個人冬天嘅時候去你度打邊爐， 望住啲年青理大生，一大班人 個個著住拖鞋短褲齊娃娃打邊爐 真係好有生氣呀。 希望呢一日會再回來啦。

吉野家好多人都會去食不過次數我敢話我比較多, 唔係因為便, 如果便我是M 記都可以而吉野家的味道真是保持得幾好, 有水準我喜歡蛋, 尤其是半生熟的溏心蛋, 所以最近愛上了吉野家的溫泉蛋牛肉飯套餐.日本專賣牛肉飯的食店也會有溫泉蛋 + 牛肉飯的套餐推出, 但在香港卻很少見, 這次吉野家可以引入對我來說無疑是一個好消息. HK$34.5便有一碗大盛份量的牛肉飯 + 一隻溫泉蛋 + 一杯飲品, 以價格來說算是OK, 蛋黃和牛肉混在一起的味道很香, 是令人回味無窮的美食.服務態度都幾好, 仲主動比個牛肉汁我~~ 

又到糧尾，即係冇錢洗嘅時候，每一筆洗費都要慳，梗係要搵下有啲乜嘢平嘅嘢食來做午餐。😏🙌🏻其實我幾鍾意食吉野家嘅午餐，相比起其他餐廳來講，有平嘅選擇，而且又可以儲分，之後用嚟換其他嘢食，就可以加餸🙌🏻🙌🏻今次我就唔食野菜雞扒飯而係食肉燥糖心蛋飯。首先就同一般嘅吉野家飯一樣，會將啲餸菜同飯分開擺，咁就唔會啲汁比啲飯索晒，然後啲飯就稔晒啦，保持到佢嘅新鮮度🙌🏻😛流心蛋夠哂流心吖，一整開啲蛋黃就流晒出嚟😛撈飯一流🥰而且我覺得蛋黃，肉碎同埋飯係一個無敵嘅配搭，我對佢完全冇抵抗力，就好似窩蛋免治牛飯一樣，只要由呢三種材料配搭而成，都係冇得彈啊😍😍肉燥飯嘅肉碎夠晒細粒所以滷得都幾入味，連鎖餐廳算係咁😎最後總結，呢個價錢，呢個質素，仲有咩好要求？繼續食！繼續食！😁🙆🏻‍♀️🙆🏻‍♀️

見到近來吉野家賣晒廣告話推出了新嘅京蔥牛舌丼，咁身為牛舌粉絲一定要試試！去到個吉野家都有好多吉位，排咗一陣就到我。不過要講一講排隊時有一陣洗手間嘅氣味🤢🤮好彩拎埋位食野個到無呢陣氣味咋好快就有得拎，一睇就覺得同想像中嘅牛舌/廣告上圖像有出入🤣呢個牛舌飯嘅牛舌切得比較薄身，望落去似一般牛肉。食落去味道同口感都只屬一般，偏淡。另外，個飯本身沒咩汁，所以建議可以同平時食牛肉飯一樣，叫多汁。而個餐奉送嘅日本茶（熱）送來時已係室溫，若可以真的再熱啲就更好

好耐無食吉野家火鍋，見佢哩排有送多盒牛coupon，排咗好耐隊😂😂原來佢而家得返兩個鍋，就係濃厚咖哩鍋同芝士竹輪鍋兩個鍋都有牛有雞，但就分別$70同$72都加價唔少🤫-我同朋友一人嗌一個，哩個配搭真係最好，因為我覺得咖哩湯底好正，但係又超想食芝士竹輪😂😂😂唔好睇個咖哩湯底一開始係稀啲，越煮越香濃 啲餸完全唔使再點麻醬😂😂😂，我一次水都無加過，最後落個烏冬煮到差不多收乾晒啲水收火😍個濃稠度真係一流，超超超推介！！而家諗返起就想即刻再食個烏冬！！

趕時間，要搵個地方快快脆脆食個下午茶。見冇人就入去叫野食啦⋯⋯下午茶餐：雞粒烏冬餐（連日本茶）$30感覺真係好快餐，雞件無味，軟硬度適中。鹹湯湯底冇特別，但烏冬黐埋一舊。$30呢個質素，一般般啦⋯⋯

呢一日約左朋友食個快lunch，朋友係紅磡反工，其實呢頭都多野食既，但就要d時間等位咁。點解我地要食得咁急，難得一見都要食快餐呢，原來朋友係非洲玩左一個月反黎，話果邊冇吉野家wo，但佢就曬到成個非洲人咁😂😂嚇死寶寶了，佢今日就比手信我既，手信就係，藍罐曲奇，話比定我過年食wo。我真係多謝佢啊，好彩我都唔弱，買左罐嘉頓雜餅。今日lunch呢，我就叫左個雙拼飯，牛肉拼煎雞，又可以用牛肉汁撈飯，又有外脆內軟既，煎雞，味道一流。

因為要執屋，在家忙了大半天，肚子也開始感到餓啦，但離晚飯時間又不是太遠，打開openrice找了一會，最後決定去屋企附近的吉野家醫肚。一看門口旁的電子餐牌，種類實在非常多，不同的配合，不同的份量，真的是花多眼亂，最後我點選了一個只是$20的下午茶（M1）。在香港要用$20食一個下午茶已經很不容易啦，而這個下午茶餐雖然只是$20，但內容乜是不錯的，它有：迷你牛肉食飯 - 該店招牌飯，迷你版當然是份量少，但都有幾片牛肉的，仍是保持水準。麻胡凍豆腐 - 鮮凍的小豆腐，再配上麻胡醬，非常開胃。煉奶脆豬 - 一個香脆的小麵包，配上煉奶，口味不錯，如果熱些會更好百事可樂 - 這個就不用多介紹了，當然你可以轉為一杯熱茶的總括來說，這個$20的下午茶真的是物超所值！如果你想要份量多些，這𥚃保證會有其他種類的套餐能滿足到你的！

話說之前有新聞話啲牛有問題 都好耐無食過吉野家.... 咁岩個日經過 朋友話想食就入左去. 都算多位置坐 易搵位😂 但吾知係咪因為全部去哂排隊🌚條隊係莫名其妙地長🤦🏻‍♂ 排左成4個字先到我落到單 因為得一個兩個人 要做哂收銀同飲品吧都係同一個人做.... 結果由排隊到拎到餐要成8 9個字... 下次都係不了！食左個和風牛肉飯 啲牛肉比之以往好飲咸左同鞋左. 依加另外加汁仲要加錢.... Note: 唔知點解呢間分店個地下可以甘滑 好似一地油咁🤦🏻‍♂

今日假期晨早流流比阿媽捉落街食早餐，真係眼都未開😅 阿媽話好耐冇食過吉野家， 都好啦，好耐冇食過牛肉飯。黃埔呢間吉野家，裝修都幾乾淨企理，不過收銀處一路都係得一個店員落柯打收錢整野飲包外賣，攪到買餐都有排等🤦🏼‍♀️好心佢應該請多個人啦，做嗰個都真係好辛苦。講返野食，見佢電子餐牌既選擇都好多，除左牛肉雞肉飯麵都仲有好多西式早餐🥣。不過都係細牛肉飯呢啲最抵食、22蚊個餐。炸魚柳多士嗰啲就要30蚊起跳。野菜牛肉飯不嬲都係我嘅心水選擇，吉野家整嘅肥牛果汁係幾好食嘅。雖然今日啲牛肉略為煮得耐左有啲鞋，但係份量真係好多，亦都落咗好多洋蔥，所以個汁夠香。野菜種類夠多，不過啲四季豆又係煮得過熟，所以食完有啲渣。我試埋阿媽嘅海苔粟米牛肉飯，估唔到呢個更加好食，因為粟米煮到林林地又夠甜，配個牛肉汁好夾。便埋餐肉綠茶🍵兩個餐都係43蚊，比起其他連鎖店既早餐我覺得相對抵食好多啦。🤗

叫咗一個芝士竹倫火鍋我同朋友要咗一樣嘅野但係一開 明顯我個煲 材料少好多我只有一棵金菇 但係我朋友有三棵菜都係 我只有散散地幾塊 但佢有完整既...仲要係大家嘅相差都幾大

長假期最後一天，因為連續兩日食得太豐富， 所以今日個晏晝食得簡單啲。行過黃埔吉野家，發覺佢裝修完都好整潔。又好掛住佢牛肉飯，咁不如就簡簡單單喺度食個晏啦！整體上來講食物保持水準，不過要讚係新班底個服務好左，同快咗好多！以前有冇人執嘢(位) ， 落單用混亂。今次感覺不錯！

一天早餘係飲左蔬菜汁，做運動之後都係11點幾，想食個早餐當午餐，眼見唔係太多食店係附近，食得多西式早餐想食另外一D野，見到呢間有飯食，個肚特別餓，原本去親呢間都係食蟹子三文魚飯，可惜佢話冇，見呢個餐張相幾吸引，試下唐楊雞飯咖哩汁餐先。估唔到咖哩汁幾香同好送飯，炸雞又幾好食。

吉野家下午茶同晚餐打邊爐食唔少但今日決家試一試個早餐$25 一個早餐的質數會如何？若以分量來說，女仕係足夠的但男人就應該差少少。首先炒蛋比較熟而且唔知點解隻蛋係有黑色一點點，係咪炒鑊屎定有咁高級有黑松露？烏冬份量好炒同家人果碗唔同，明顯分量不一致。午餐肉超級薄切，好失望麵包好乾，唔知隔咗幾多晚

今晚同friends 去左紅磡間吉野家打邊爐。果時都8點半，好彩仲有火鍋賣（去到9點半，聽到出面話得返7個火鍋..... 好彩咋）入到去，等位，咁岩有人食完，所以只係等左5mins 左右我地3個，每人叫左一個珍寶蟹棒鍋，要濃湯。我就揀左雞肉，friends就揀肥牛，我再另外加左娃娃菜同響鈴。等拎野食等左10mins果日都幾多人打邊爐，所以要等個酒精爐個邊爐好足料，好夠食！我個人覺得雞肉好食過肥牛，因為真係好滑！！烏冬好好食！！仲重要係有芝麻醬比我地!!!! 小插曲係，個酒精爐入面唔夠料，搞到個火好細，滾唔起d野。換左兩次先至有個猛火既爐.........