東京部屋 (已結業)

好耐之前,她買的團購劵便陪她試一試我心中是無期望,因為食放題次次都中伏炸物NO GOOD,太厚粉,刺身是新鮮,驚喜是帶子是真的大隻的,不是那些眼屎SIZE,加分,叫4件左右就等於1隻.帶子鮮味,但不夠爽3文魚也肥,魚味中等,合格,甜蝦少少甜無異味,合格燒物除了羊架之外都唔掂,羊架燒得剛剛好,肉質軟,調味重,夠惹味其他串燒太乾了,又唔夠味如是者又是只有刺身好,熟食唔掂的放題幸好都有羊架陪伴我,也有清酒任飲值得一讚既順帶一題排隊的地方很少,建議早點到

放題一向係大胃人士開餐聚腳點，由於今日要請大食嘅細佬所以巳選定食放題。知道亞士厘道也有數間放題，樓下也有人派傳單。（由於本人胃口偏少，也比較少吃放題類的餐廳）一坐得有侍應遞上食物，原來入坐送的。每人只有一客。花之戀同甜蝦，仲有燒扇貝。本人覺得跟外面食得壽司店感覺無太大差別，至於扇貝我食到冇食，比細佬偷食了。（我諗也可以吧）一拎起d order紙當然第一時間點刺身，刺身也很新鮮，也沒有像之前食評寫得甘細件，也很有口感。三文魚、希靈魚、甜蝦更是推介👍👍👍跟住點了壽司，壽司飯也不會太大，可讓我們試多數款。和風刺身沙律，刺身份量也太小，配一點酸酸的汁很美味最後也點了數款熟食羊扒一d都唔羶也很入味，推介黑柳粒則普通唔入味也感覺牛很鞋口清酒煮蜆則不太夠酒味仲有試了雞翼，雞軟骨，雞腎，牛舌，三文魚骨腩，都很好味！！（唔知係咪因香港人口味要少鹽呢，我就剛好，但如果唔夠也可以找待應代勞）忘記了這裏係任飲的，有啤酒，清酒及汽水。我點的日本啤酒，很易入口。結帳還有雪米糍附迸，不過沒有甜品，也算吧，食放題巳經很飽了也不易多吃。現金付款還有9折。抵食！

個仔放暑假，所以安排同班死黨一齊食自助餐；見有團購咁平就買左六張齊齊食！咁平都稔住無好野啦；去到個門口好細（因為我有個輪椅），佢地又安排得OK喎！我地坐既位置後面可以擺到輪椅，只不過安排入坐就慢左D（得一個人帶入去，第二檯又要等個人出黎先帶入去）！一開始叫野食就乜鬼都寫啦！野食都黎得都唔算慢；最緊要係無乜漏單！不過我地寫12佢黎6！唔緊要，再寫過！啤酒、汽水任飲，正！燒羊架，正正正！（如果以價錢論，直情係好過中環間X屋！因為我地全部人都好鍾意食羊架；而最好味係X屋）呢度只係X屋一半價錢都唔駛；簡直超值！其它壽司、魚生、手卷、沙律等係一般貨色！但團購咁平、重想點呀？重有啤酒、汽水任飲呢！地方係差少少，但稔下自己比幾多錢就覺得賺哂啦！係唔夠冷氣差D囉；我地個個都肥嘛！（食到出哂汗）本來我係無稔住寫食評，所以一張相都無影到！今日因為想去食多次就上網查下想再買團購；點知見到呢度有好多人唱佢唔好，唔抵得就寫番篇！呢度唔係話好正！但夠哂平！咁既價錢食到乜；心照啦！佢重有小童、老人優惠，中環個間乜鬼都無添呀！

都痴線，book左幾點就幾點，黎到仲要等成個幾鍾，我book黎做乜  1肚氣, 啲野食又無誠意，燶到黑，介辣好似過曬期咁，魷魚so簡直係魷魚乾。燒帶子，粒帶子細到爆，帶子邊大3陪，我食燒帶子邊呀 black list 

同友人係團購度買,時間果度有10-12 pm俾我地揀,但打去book個人又話10:45 last order...ok ...咁我地咪book 9:30囉...9:30去到,又熱又焗等到十點幾先有得入(當時都諗算啦,可能真係其他客坐得耐,最緊要野食OK就得喇),點知入到去就係咁叫野食啦,野食質素真係差d蝦好多沙,d牛柳粒一睇就知擺耐左...係d壽司叫似樣d,之後都唔知佢地d同事想點係咁黎d我地冇叫過既野食,想點呢?之後有位朋友因工作關係10:30先到...於是就叫多少少留俾佢,佢黎到再叫多轉,點知有個同事走黎講好多都賣哂,仲話其他果D野食係咪一定要,如果食唔哂要罰$,其實果個同事咁講俾我感覺一D都唔好,,一黎你做得餐廳,野食一定要預得足,如果係冇足夠既野食去SUPPORT客人需要點解要有10-12PM呢個時段俾人選擇二黎講完好多野賣哂又問其他野係咪要又話罰錢點點點,成件事俾人感覺係你地趕住收工叫D客唔好食!

環境很舒適入座時人不多, 位與位不逼有午餐優惠 $55 三板東西吃, 不用加一第一樣我叫了三文魚沙律菜浸上一些醬油色的汁, 甜甜咸咸微酸好特別, 令菜不單調但三文魚不多, 不過挺鮮味第二樣是鯖魚未加檸汁前魚皮是香脆, 還是有肉汁, 不會乾加了檸汁, 鮮味加強第三樣, 當然是主菜, 碎魚生飯料幾多, 而且有我喜愛的酸薑, 不過分量不多, 而且沒什特別, 一般貨色不過不失啦整個餐還有餐飲, 抵!而且服務不錯, 有笑容!

我前排見到佢既團購就買左如果book6:00-8:00 仲要星期六、日既話真係幾難book最後我選左星期三既8:00-10:00既時段上去之前，睇過其他人既食評....真係好擔心一星期前係佢附近食過放題~>///<~上到去唔係好多人，7:xx我地到左~佢都比我地入坐之後個比我地去到10:00第一件事緊係點野食啦其實我覺得佢d紙太厚啦，好唔環保，不過佢d款真係好多點好晒野食，佢就送左2隻蝦 同花之戀但我見到食評d人有鵝肝食~>///<~蝦....一般花之戀....我冇特別喜好寫完比佢唔夠5分鐘d野就開始上我以為刺身快d 其他耐d點知我錯啦....佢d野一齊上攪到成張台都放唔晒~講下d野食~刺身....有好多款、咁多樣我覺得縲最好食，我3次都有叫佢~(最得意係，平時我去食放題叫10件黎5件，呢間相反....我叫5件佢比10件我~XD)壽司....D飯好食 明顯真係手做，火灸時間唔夠，燒多兩下會好D牛舌....呢個好好味牛肉粒...好味~唔UN天婦羅... 蝦~冇特別 芝士豆腐....好好食 芝士魚旦....好好食 蟹鉗...好

男朋友之前係yahoo!團購買左coupon見$138/1位都幾抵咪諗住試下囉訂左23/9(日) 下午6:00-8:00我地5:55到上到去已經見到好多人走廊因為人多又焗加上有2個廁所已經好臭等到成6:10先開始有人帶位有d人買coupon又無訂位擾攘左1陣到我入座已經6:18到個時已經有少少覺得亂黎一坐低即刻畫野食啦開頭上左個送既花之戀就等左好耐都無野食到有野食上又上錯晒明明無叫過既野又照上個唔知部長定經理叫個侍應俾返碟野我叫我地食住先 之後畫左5張紙等成半個鐘先上2樣野真係未試過食放題食到咁嬲7:30打後d人開始走之前無黎既野狂上返大佬你叫我再畫就預左唔會上架啦而家狂上返我點食呀?!食到7:50到就叫埋單俾返$38加一錢話明有雪米"池"又要人提先俾呢間野真係唔會再去食!!!!!!!!!!!!!!!!!!!!!!!!!!!

食之前喺Openrice 睇食評見到好壞參半, 好驚中伏 無奈團購已買, 只好硬住頭皮去食呢一餐好在, 食物質素冇之前食評所講嘅咁差~小食(螺肉、八爪魚) X 刺身小食味道甚佳, 刺身鮮甜味美牛乳煱頗有驚喜, 用料豐富(菜、肥牛、金菇...), 湯底鮮甜團購附送芝士焗蠔 + 花之戀---->> 好好食餃子釀雞翼一般般串燒份量較少團購website上說有鐵板燒, 但當晚未有看見 =[整體來說, 比想像中好, 可惜當晚不感肚餓, 未有大快朵頤如再有團購, 會再來光顧

跟朋友的 SHOPPING + 吹水選了這店+ 我都是第一次來此店光顧首知道是放題早就有心理準備了我不會想有酒店 5 星級的服務 + 食物質數友人一來就點了不少東西羊架.很好味,也入味.其餘的燒物壽司也不錯.可惜 D 飯好易散有啤酒 + 清酒選擇,魚無就無乜特別最後再來一個牛肉火鍋味道有點偏咸整體來說是合格的服務也不錯.主動收野地點還算得上方便

團購了$138 (另以原價加一) 與家人試試這間放題。看食評有好有壞，本著"唔好食都係一次姐"的心態，來此一試。來到發現有其他的團購套餐，好像飲品方面有不同？因我的只能飲汽水、清酒啤酒，但沒有其他杯裝飲品 (見到其他人有其他凍飲，不知是哪間團購的優惠)首先很快上了魚子花之戀及炸虎蝦，還有一個用蠔殼裝著的薯蓉(?) (都是送的)味道OK，但薯蓉只是溫溫的，如果是熱熱的上桌會比較好每張餐紙上的食物差不多都填了點了，北海道牛奶鍋，湯底挺好味，家人一直飲湯~ 裏面還有冬菇、肥牛、椰菜等，但太大鍋了，一個鍋應該4-6人吃吧... (我們只有3人)刺身只有三文魚還好，吞拿魚有怪味... ("梅"左咁)，甜蝦都一般吃放題的地方果然不要吃壽司..... 壽司飯好硬，難食... 吃了一兩個已不想再吃小食，中華沙律、螺肉、八爪魚味道一般，不過不失，我覺得螺肉那些汁味道有點濃，不知是否自己要求高聽食評說胡麻汁豆腐沙律好吃，點了試，但只是一般，豆腐像是超市可買到的八福豆腐似的，反而麻辣雞絲沙律還ok也許是刺身切得太細塊 (約大拇指大小) 所以點了十片，但會來十幾片 (三文魚還算是有點水準)炸物有餃子、餃子釀雞

請朋友食似乎是珍品食品說是抵食：3X$ 49抵食尖沙咀“東京部屋”原只磯煮鮑魚飯餐廳中午吃飯的時間不繁忙。食品質量味道沒有任何醒神！去任何餐廳吃任何日本面是更好。十分失望！這樣寫希望別人不會上當。這是我買了許多其他的團購之前發生。現在我不會嘗試沒有看到好評的餐廳。還必須什麼誠實真正的好評。

東京部屋是一間提供日式放題自助餐的食肆。 最近與團購網合作以$98享用原價$209的豐富套餐。 這套餐真的十分豐富，而且質素屬水準之上，尤其是天婦羅、燒羊扒等熟食更見出色，海胆炒飯雖食不出海胆鲜味但非常夠鑊氣，三文魚刺身又相當肥美，黑魚子帶子壽司亦沒有偷工減料..... 可惜...... 食物雖好但服務卻未能配合： 坐下不到五分鐘食物已奉上了，可惜卻只是如“執藥”般，只講齊全不講次序，而且還是一窩蜂的放在檯上，食物如蜂窩地排列。一碟吃完便即時被收走，很快，另一碟又修補了剛才的缺口..... 問題是...... 吃了搶味的炸物、燒物便嘗不到魚生的鮮甜；先吃刺身壽司，熱食又會因變冷而大打節扣，美味當前卻食不知味，放題的做法大大影响了餐廳的格調和質素。有待改進的食物：(1) 麵鼓湯過鹹(2) 鹽燒食物要鹹一點(3) 壽司底並非即做，飯較硬(4) 黑椒牛柳粒過火了點，縮水添！

不知是否午餐的關係，這裡連同附近的餐廳都好像比較少人上到去都只有三數個客人(也可以說是店員比客人還要多呢)座低後看看環境跟餐牌我跟朋友也大概想像到好食與否所以都盡量選了粉麵 / 多汁的飯類所以分別點了 咖哩雞排飯 / 雞排拉麵 及 餐飲先來的是前菜看來比想像中好吃(但前菜落單跟上碟之間相隔的時間有點快得離譜)但當主菜接落一起上碟後發現與想像中的有出入咖喱飯的飯是「一舊舊」的不是一粒粒 (像是放了很久似的)咖喱側普普通通跟平常的差不多另一個是拉麵拉麵的顏色跟平常的分別很大雖然我沒有放過落口但我都覺得好食有限而雞排亦煎得有點焦黑左

情人節，大部分餐廳都「趁火打劫」，我們不需要浪漫環境、心形牛扒等，所以打算草草了事。來到亞士厘道，看到兩間連鎖壽司店都大排長龍，再往前走，有個派傳單的嬸嬸說東京部屋沒有加價，不用訂位，馬上可以入座。雖則我不知道原價是多少，但以$207任食任飲兩小時，價錢尚算合理，於是決定吃放題去。甫入座，便看到大部分沙發是磨破了的，感覺較舊。桌與桌之間距離很少，有「搭枱」的感覺，絕對不適宜情侶談心呀！我們吃了～黑魚籽花之戀壽司：坐下後馬上送上這壽司，每人只有一件。黑魚籽非常多，多得從壽司上傾倒到碟上，但沒甚麼味道，與平時的飛魚子分別不大。三文魚算肥美。黑松露忌廉焗蠔：同樣是只限一件的食物，不用落單便會送上。味道不錯，忌廉汁令焗蠔感覺不會很腥，但吃不出黑松露的味道。胡麻汁豆腐沙律：蔬菜新鮮爽口，胡麻汁很開胃，豆腐清甜。中華風喬麥麵：不值得浪費胃部空間，雖然賣相不錯，但實在是淡而無味。刺身：三文魚算肥美，正！帆立貝切得太薄，但肉質頗佳；甜蝦味道鮮甜，好；翡翠螺太細小，肉質尚可。其他刺身都不過不失，落單時宜寫多些，因他們不會根據顧客要求的數量送上。軍艦：真味螺肉軍艦味道與平時吃到的無異，正常水準；黃金魷魚有