名家韓國餐廳

營業中

休息中

尖沙咀不只韓國街有好吃的韓國菜，在iSquare 這裡也有。今天來吃午餐，我點了一個燉牛肋骨套餐。一坐下來就會有很多前菜送上，像是泡菜、辣蘿蔔、黑豆、荳芽菜等六小碟。燉牛肋骨還會附上海帶湯和白飯。牛肋骨已被燉至十分鬆軟，用湯匙和筷子即可把肉分開，蘿蔔也煮得非常入味，調味剛好不會太咸。牛肋骨的份量非常大方，最少也有6、7大塊，我還要怪自己小鳥胃吃不完。我可以保證這個套餐男生吃也會很飽。這個午餐一份為$135再加一，這個位置(尖沙咀精華地段高樓層望海景）、食材和份量，我認為十分超值。

平時都是來吃午餐，景觀開揚，空間大🌇夜晚在這裏可以欣賞到無敵海景韓餐🌠🌌🌃 安靜舒適 適合朋友不緊不慢 小酌談天🍻🥂🥃豐富的韓式小前菜🙌🏻🙌🏻🙌🏻泡菜煎餅 海鮮煎餅 雜菜煎餅 色澤鮮艷 香味四溢 不错不错大醬湯 😋😋😋散發出特有的鮮香經典韓式石鍋拌飯 營養美味 料太足啦最愛的傳統韓式辣炒年糕💗💗💗年糕软软糯糯 泡菜的辣味刚刚好 推薦必吃！人參雞湯 🌟🌟🌟汤汁濃郁鮮香 鸡肉肉質鮮嫩 配上飽滿的糯米以及淡淡的人參香味 非常滿足

呢間餐廳嘅景真係好開陽，食中午飯如果你早啲你真係可以睇到維港景，但係佢可以訂做唔可以揀位置，所以你一定要早到先有海景睇，佢嘅午餐都唔貴我哋嗌咗一個泡菜湯+烤魚，另外有一個係大漿湯再加牛肋骨，兩個都唔錯，牛肋骨仲係分量十足添，當然唔少得嘅就係佢都會配俾你六點前菜

正正常常韓國菜，但係個景都好靚，啲嘢午餐大約百幾蚊，所以都OK嘅經濟實惠，坐得舒服，其中佢最出名嘅係烤魚加上泡菜湯，我諗如果作為商務午餐嘅話係斷咗少少，但係同朋友食飯就OK嘅

同朋友過嚟聚餐揀咗呢間餐廳🍴環境唔錯，空間都算寬敞我哋四個人坐喺卡位覺得私隱都唔錯👍張枱都好大，好方便一邊食嘢一邊傾偈我哋叫咗一個set同埋追加左一個豬五花腩同泡菜石鍋拌飯當時有店員幫我哋烤肉可以唔需要自己郁手牛肉嘅質素唔錯，食落好香小菜可以追加🥳味道都好正宗不過泡菜石鍋拌飯味道比較淡🤨人參雞湯我個人認為都一般般不過烤肉方面，大部份都好好味🥳泡菜餅同海鮮餅都值得一試.整體嚟講服務質素都令人滿意同埋有一個staff係韓國人佢都介紹咗烤肉正確嘅食法👍總言之係食得幾開心嘅一餐✨✨

大大話話食咗呢間韓國餐廳已經差不多10年，雖然唔係成日去，但每年總會去一至兩次，咁多年來依然keep住水準。餐廳好開揚，大部份嘅地方都會望到出面尖沙咀嘅景色，所以我最鍾意坐Windows seat。食韓國餐廳，最鍾意d Kimchi可以無限添加😆今次因為慶祝朋友生日，所以叫咗好多，燒牛肉、名家燴美國薄牛肉眼片跟韓國粉絲、人蔘雞湯、海鮮煎餅、韓式冷麵、石頭飯⋯etc。幾款牛肉都肉質鮮嫩，燒到佢啱啱熟就Perfect😋每一次我都會叫海鮮煎餅，熱辣辣食外脆內軟，好好味🤤牛肋骨好淋，好入味，最鍾意食到少少筋👍🏼真係每次都食到舔舔脷

位於iSquare的名家，餐廳環境優美，遠望維多利亞海景，lunch set 約$100-$200。.🔥 Ginseng & Beef Short Rib Soup 牛肋骨湯 $128⭐️4/10⭐️份量少，牛肋骨湯好淡，牛肋骨仲要有啲韌。.🔥 Braised Beef Short Rib in Sweet Soy Sauce 炆牛肋骨套餐 $135 ⭐️7/10⭐️份量比較多，牛肋骨入味，但都係唔算炆得好淋，不過不失。.🔥養生健康黑豆乳 +$10⭐️6.5/10⭐️有啲杰身，好似飲緊紅豆沙咁，味道還可以，但唔係小編喜好。 . 總結：呢個價錢喺iSquare食飯唔算貴，但係味度好一般，雖然望住個維多利亞港，但係只係遠望同埋好多建築物擋住，小編應該唔會再黎😅

環境舒適，夜晚去仲可以欣賞夜景；食物質素咁多年都維持得非常好，員工態度親切有笑容服務周到細心；海鮮鍋份量十足，完全足夠六人份！另上一大碗清湯任加，辣醬亦十分惹味；炒年糕辣度十分好，唔食得辣就唔好叫啦

. [🇭🇰香港- 尖沙咀].初訪 - Lunch Set都幾多選擇分別試左烤同炆牛肋骨, 前者惹味啲, 後者厚得黎又入味呢排天氣咁熱辣辣, 配冷麵一流🤤.🔻🍽 名家韓國餐廳📌 地址: 尖沙咀彌敦道63號iSQUARE國際廣場27樓2702號舖.#tummysreadyattsimshatsui #tummysreadyforkorean

五月中迎來一年一度嘅媽媽節，之前已經同屋企人去飲茶慶祝咗（敬請期待之後嘅留家廚房飲茶篇），不過今個禮拜都想再食餐飯，於是我哋就去咗媽媽最愛嘅韓國菜，名家。 話說名家其實已經食過好多次，但以往咁多次都未試過韓燒，所以今次就決定試吓新嘢，揀咗佢哋嘅韓燒二人餐B。因為我同媽媽都比較細食，三個人食兩個人嘅set，其實都食到超級飽🤭 前菜同以往一樣，一共有六小碟，我哋今次就有醃芽菜、泡菜、木耳、沙律、薯仔沙律同菠菜。名家嘅泡菜真係好值得推介，大大片而且仲有醃過嘅發酵味，夠晒傳統😍 Set menu B精選美國牛肋骨（醃）S-Pure 五花腩片（無醃）鮮帶子（兩隻）及大蝦（兩隻）生菜盤（半份）炒牛肉粉絲（半份）人蔘雞湯 先講一下呢度嘅韓燒體驗，肉類上到嚟嘅時候，其實係未切過嘅，但職員會好好幫我哋切做細塊再燒。 醃咗嘅牛肋骨味道剛剛好，食到牛肉味，而且肉質唔會好韌，媽媽話好鍾意！五花腩片就啱晒加埋佢特製嘅醬汁，用生菜嚟包住嚟食。佢嘅辣醬好好味，加入咗蒜蓉、大醬、辣椒醬等，配合五花腩片嘅油脂，同生菜嘅爽口質感，食落真係超滿足🥰至於海鮮方面，大蝦同埋帶子都超級新鮮，大蝦仲好貼心咁已經開咗兩邊，燒完直接拆

呢日好想食石鍋拌飯，又咁啱要出尖沙咀做嘢，所以同事話嚟呢度，有景仲要唔貴，happy Friday🥳🍚石鍋雞肉雜錦拌飯雞肉好嫩，配菜都好夠味，拌埋個醬食好惹味，其實個菠菜有D咸，不過撈埋一齊食就平衡返。前菜都好足㗎，泡菜都分咗2款，不過俾我哋換走咗變咗菠菜同荳芽，個荳芽好爽好好食，但菠菜真係好咸。仲有個魚仔辣辣地窗好好送飯，不過我只可以一啖起兩啖止🥲同埋叫咗個炆牛肋骨都好入味，我偷咗佢舊白蘿蔔嚟食，所以我講到😂如果天氣好，個景清會更開心，不過今餐都好滿足啦❤️提提大家佢哋下午3-6點會落場。

部分侍應都選擇「已讀不回」，回避客人眼神。部分更態度惡劣，點了泡菜海鮮湯，很久才上菜，上菜時更放在遠遠，完全不顧客人方便與否。食物水準一般。總括來說，不會再光顧！

第一次寫食評，真的不吐不快，這餐廳幫襯了很多年，一直也是心水之選，但今次極之失望，前菜青瓜只有二片，問侍應，回答：係咁的，算。見坐了很久也沒有茶，叫侍應，他整個茶壺「彭」一聲放在桌上，我都算。最難頂是想點菜，他見到卻無視我，廚房放出二碟肉，10分鐘也沒有人理，要行出去問才有人上枱，其間還要全程黑面，難道這餐不用錢我才要受氣嗎？特級澳洲M7和牛肉眼多筋到較剪也難剪，雪龍湯淡而無味，食物質數大大下降，加上這服務態度，簡直貼錢買難受，不會再有下次😤😤

慶祝朋友生日，然後睇到呢間韓燒既景色唔錯，所以就book左呢間。～燒肉精選美國牛肋骨（醃）醃得好入味，甜甜地既燒肉醬，令我諗反起韓國好岀名既立食牛，都係牛肋骨同甜甜既燒肉醬。店員會幫我地剪食一片片方便我地燒。美國特級霜降牛肉因為韓牛只有扒，冇薄切，所以就點左霜降牛肉。不過不失，油脂唔夠。韓國濟洲特級新鮮黑豚五花腩片（無醃）想點厚切既五花腩，但店員過短期內唔會反貨。店員都好貼心咁幫我地剪細塊d，方便我地燒。另外點左生菜同芝麻葉，如果唔鐘意好勁香料味，就未必鐘意芝麻葉啦。～其他熟食三色煎餅（泡菜，海鮮及雜菜)薄薄既煎餅，內脆外軟。水冷麵最後既水冷麵煙煙韌韌，加入左青瓜同梨絲，非常清爽，解膩。整體黎講，冇太特別既點，但係環境唔錯，慶祝活動都係唔錯之選。特別留意，冇得指定要窗邊位/海景位，係先到先得。

今朝一早去咗做facial, 中午老公book咗呢間我至愛嘅韓國餐廳。唔經唔覺我都幫襯咗間餐廳十年八年，不過大多數都係食佢啲lunch set，貪佢抵食又坐得舒服😌。不過今日即使book咗位都安排唔到窗口位，有少少少少失望……講返食物，呢度啲前菜好豐富仲有得再fill ，呢樣嘢我覺得好正！至於主食，我就叫咗個辣泡菜豚肉湯套餐，味道正宗得黎唔會得個辣字。而我老公就叫咗炆牛肋骨套餐，呢個餐都幾多人叫，特別係男人，不過其實我都中意食，因為牛肋骨炆得啱啱好，好有口感埋單+1 = $261。綜合嚟講，咁嘅地段、餐廳環境加食物質素，我覺得好抵食。推～