其實我唔係大埔人，咁啱同班朋友去探人，之後去咗B仔食個late lunch。

都幾肚餓，所以每人叫咗車仔麵，重叫咗ｄ魚蛋，腸粉之類小食share。

我一向鍾情車仔麵，豬大腸、豬紅、雞翼係必試！老闆推介豬手，所以都試埋。
每個餸幾水準都幾高，特別係雞翼，攪到我食到一半至記得影相。

不過，最欣賞都係個湯底　～　一ｄ味精都冇，但係又非常好味，唔知有乜特別秘方？！總之就係「正」！食完一ｄ口乾感覺都無，同其他味精湯底分別真係好大！

另一至愛係勁辣魚旦，一咬落去係有ｄ甜味，再嗒落真係勁辣！好正，係有咬勁個種魚旦，唔係個ｄ發水魚旦，如果你食得辣，一定要試！

地點有ｄ隱閉，由正門入咗寶湖道街市，要向右邊走，最右邊個條走廊就係啦！

估吾到大埔都有咁正的腸粉!!
一個字~~正!!!

果日打完war game 逃經大埔坐巴士返屋企, 成班餓鬼見肚餓, 經過寶湖道街市見到B仔的廣告, 好似幾正咁咪諗住試下D車仔麵, 睇下係咪真係咁令人感動囉!

一行六人, 叫坐車仔麵, 燒賣,勁辣魚旦同旋風腸粉, 食完個車仔麵, 再嗒埋d湯, 真係完全冇口喝的感覺, 果然係冇味精湯底! 飲得出係用心泡製!!

我最buy"旋風腸粉"同勁辣魚旦, 腸粉d秘製醬料同街外果d好吾同, 簡直令我一試難忘!! ＋個推介!!

服務方面, 去得街市食野大家都吾會期望有乜服務假啦, 但境然....係依到享受到"劉華"的服務, d 哥仔姐仔好熱心仔細咁介紹B仔的每一款食物俾我地, haha...吾知以為我地去左高級cafe食嘢添!!

下次去大埔, 吾會再一味去大埔墟街市, 又冇位又要睇d火計面色先食到果碗魚旦河, 不如行多兩步去感受下B仔用心泡製的車仔麵啦!

沒想到寶湖街市入面有熟食檔, 唔係咁岩行開都無發現.....來了個Brunch, 見到佢地出面張旋風腸粉好似好吸引, 即管叫左個餐, 加埋辣魚蛋當頭盤, 想不到腸粉真係好滑, 重點係醬汁, 忍不住暗暗叫好..辣魚蛋, 真的一個驚喜, 沒想到入口先是甜, 然後才慢慢辣上口, 我本身食開小辣, 都忍不住食晒..

之後到主菜, 是我平日最愛的車仔麵, 點了牛腩豬手蘿蔔油麵, 一上檯, 通常車仔麵都好油, 點知呢碗竟然沒有, 再慣常先呻一口湯, 看看是否重味精, 真再有點驚喜, 真如他海報寫沒味精的湯底....再試試牛腩好"林", 豬手好入味, 蘿蔔看似無味, 但原來吸收了牛腩湯底, 坦白說, 沒想到這間平平無奇的小店, 竟然有如此水準....

下次再去, 要再試試其他車仔麵配料..