麗江雲南米線

營業中

休息中

由中學開始已經好鍾意食麗江既過橋米線，成日同好朋友相約結伴去食😋但好朋友即將移民加拿大luuu🇨🇦🥲約定咗係佢一定要喺佢離開香港之前，最後一次亦都係回憶。我哋即組合，每人依然都係雞翼酸辣過橋米線🍜+蒜泥白肉+麻辣雞🐔依然都係好好食😋保持水準👍🏻👍🏻不過認真比起以前嘅份量明顯少咗😅以前米線份量比較滿，但係叫咁多嘢食都係飽肚😈兩人埋單都係一共$167，咁多年未有加價都算係性價比幾抵食👍🏻

又係放假嘅節奏，梗係同女朋友出去食嘢啦🥰🥰🥰女朋友講過好多次好想去食麗江米線，佢話好好食，係學生時代嘅回憶😂冇辦法，咁我唯有同佢一齊去啦😎😎去到新北江商場，就見到麗江外面已經有六七個人排緊隊，而我同女朋友亦都等咗大約15分鐘就有得入去，先講佢個間舖頭係比較細亦都比較舊，所以會坐得有啲迫夾，不過好彩係咁炎熱嘅日子冷氣夠涼，而且亦都有開風扇，坐得尚算舒服😂😂之後我嗌咗一個麻辣豬腸蘿蔔米線，女朋友嗌咗酸辣雞翼米線，我哋外加咗一個麻辣雞同蒜泥白肉作為小食😋😋個米線一嚟到，望落個湯係比較淺色，並唔係好似其他米線咁樣咁濃稠，一飲落去好香嘅花椒味但係味道比較單一，而女朋友嗰碗嘅酸味好出，但唔太辣，麻辣雞唔算好辣，冇乜麻香味，而雞件斬得比較唔均勻，雞皮位置亦都好多肥膏😮‍💨蒜泥白肉就比較濃味，但我覺得蒜蓉唔太夠🥹🥹整體嚟講，呢間傳說中嘅米線唔係太啱我口味，可能我本身太過重口味🤣🤣而兩個米線加兩個小食再加兩杯嘢飲埋單$167，性價比算唔錯👍🏻

平時經過見咁多人排，見今晚紅日得閒經過見佢排得幾個人就即管試下啦，買左個3餸米線同蒜泥白肉，返到屋企諗住試下啦，點知腩肉就柴嘅，豬腸又冇乜味，湯底唔得又淡，試下個蒜泥白肉仲衰，食咁多間冇一間好似佢咁厚嘅，柴到要夾硬吞先得，原本諗住唔浪費食物，想食埋佢架喇，但最後都係放棄，真心唔明點解咁多人排，我唔識得欣賞，一個字：伏！！！真心揸車去都覺得浪費左d油呀，新北江仲有大把好味嘅野食，無謂食佢食到谷鬼氣喇！！！

作為一個住左係天水圍廿幾年嘅人，真係覺唔洗山長水遠入黎 天水圍 食麗江‼️🌸蘿蔔豬耳麻辣小鍋米線🌸$44食麗江要食佢地嘅麻辣湯底。辣度簡左小辣，雖然有層薄辣油係面，但飲落都唔算太油而且麻得好順口又舒服。不過其實個湯係得麻，冇咩記憶點同特點。米線偏爽身，唔算好掛湯。細細個比姨姨塞左佢地嘅豬耳食之後，就從此愛上左豬耳，難得黎食就叫下豬耳食。可惜豬耳薄左好多，而且都冇以前咁入味🥲就算以前中學食，都會覺豬耳好味，依家覺得爽字無味🥲好彩佢地嘅蘿蔔批皮批得好入，所以十分清甜。🌸炸酥肉🌸$38唯一無變嘅係炸酥肉仍然都係咁酥脆香口而且份量足，同細個食嘅味一樣🥹自己其實自從中學之後都冇再食過麗江，因為真係大不如前，加上店員態度唔太好（中學個陣食提佢地找多錢，反而鬧我同成班同學唔識計數，最後發現真係找多鬧我地阻收工🥲小朋友好細個埋黎坐又要一定叫一碗麵食😥）但見米線關注組大推，先過黎食。老實講唔太明點解要排咁耐隊，甚至被吹捧😥如果好鐘意食米線，會有更多好選擇

經過見到呢間米線嘅顏色，睇落應該係好食嗰啲咁就入去叫咗個肥腸米線都真係幾邪惡腸幾肥不過都算好食米線都煙煙韌韌啦不過世紀咁迫真係冇乜位咁樣有啲辛苦想舒舒服服食飯張枱大啲就好

麗江係 社交平台 關注組嘅常客，每次經過呢度，見到嗌完米線等攞外賣嘅排隊，等位堂食嘅排隊，生意好好，平日嘅時候都見到有唔少學生哥打工仔嚟呢度食，星期六日仲誇張，永遠都大排長龍 ，好多人。嗌咗佢最出名嘅麻辣米線，又麻又辣，一開始唔會覺得好辣，但係後勁好勁，去到後面啲味就會工上嚟，把口好似比針吉緊，個嘴變咗孖膶腸，米線彈牙，爽餸方面，雞翼醃得夠入味，每份有2隻，腩肉同市面上嘅連鎖米線店好唔同，唔會剩係得肥豬肉，食到成把口好膩，反而係瘦肉居多，我幾鍾意佢呢點。

食物質素普通，湯底不特別好食，毫無特點，腩肉味道偏甜。店員態度惡劣，不斷話下一個到我，但係結果外賣自取等候時間超過45分鐘。相信係店員漏單，但對方係唔肯承認。反而話我無耐性，不斷解釋話好多單要整，但係其他比我遲落單既客人都有得食，我都仍然仲未有。店舖環境狹窄，門外等候位置亦十分狹窄，店內衛生問題成疑，眼見店員收拾枱面及送餐均用同一對手套。無論係食物質素，店員態度，店舖環境均不值得值幫襯，絕對無下次

麗江係天水圍馳名食米線既店鋪，每次去都好多人係度等，為既就係佢惹味既湯底，迷得人地神魂顛倒，上左癮咁。今次去淨係叫左雲南麻小辣米線加雞翼，雞翼同米線分開上，令炸好既雞翼唔會浸腍，仲係香脆。米線煮得啱啱好，特製既湯底唔會太辣，但會飲完一啖又一啖，停唔到口。環境有d逼，有機會需要同人拼枱，亦冇得自己揀位。而今次坐既位對正廚房，見到d姐姐就咁將裝住米線既籃放係地下過冷水，但廚房其他員工行黎行去，有機會將污水濺起，污染食物，形成安全隱憂。（雖然話出街食野就係咁，但睇到又係另一回事）

佢呢間的確係我近年入過最擠迫嘅食肆😨一張一尺×一呎嘅正方形枱，佢真係可以將兩個朋友坐在同一邊直角，然之後另一邊再坐多個人搭枱。不過相信熟客以及看過這間米線店食評的人都會知道，它向來都是標榜細舖仔🥲生意難做，難免會坐得比較擠擁，那麼就願者上釣吧，你見到太擠擁，自己覺得不舒服就不要進去啦。因此，這天我算是比較好彩，看到收銀後面那張桌子剛好有位，與另外一名人士打對面坐，之後都不用再搭第三個人落嚟。它的麻辣米線可能比較正宗，不過我反而覺得這種湯底沒有火喉，好像就在一大個湯鍋盛上來，加點米線以及其他配料，反而我最喜愛的重口味米線，感覺比較似一碗一碗即煮，因此湯底喝起上來都感覺比較有火喉，有即刻滾過的湯的感覺。它的麻辣都有少許酸的感覺，麻辣味道會比較猛烈。另外配料有青蔥、腐皮等等。炸醬處理到很香，和譚仔也是水嗲嗲炸醬不同；豬耳雖又薄又細塊，不過質地還不錯，當然沒有港式燒味那般大大塊厚切豬耳那般大快朵頤。

遠訪關注組第一名米線，麻香辣湯惹味，腩肉肥腸厚肉好食！・・・・・・・・・・・・・・・・・・・・🍜 雲南麻辣米線 小辣 HK$51> 辣腩肉、紅燒肥腸、蘿蔔・味道：夠麻辣香口唔會嗆口👍，同時唔會太重味好鹹，幾surprise唔會好油，麻味好long lasting🤩，不過建議食到三哥5少或以上先好試👅。辣腩肉係係偏瘦但厚肉。紅燒肥腸香口唔會有內臟臭味，蘿蔔正常少少甜。・口感：辣腩肉偏瘦但唔會好柴，冇咬唔開/肉絲攝牙罅情況XD，蘿蔔大舊啲更好。米線粗幼適中不過幾彈口，唔係冇生命力嘅淋bat bat米線🍜。🐷 麻辣豬耳 HK$34・味道：麻辣冷盤，開胃。・口感：爽脆・・・・・・・・・・・・・・・・・・・・🤰性價比：高～🤰9衝度：9衝～🤰結論：好食值得去試嘅，但九龍人表示真係太遠XD，同埋都要排成粒鐘隊TT・・・・・・・・・・・・・・・・・・・・

麗江雲南米線@屯天水圍天水圍呢間永遠都排哂隊既米線都已經食左好多年，起初都係朋友介紹，點知真係會上癮，有時晏晝唔知食咩就會諗起麗江🤣不過坐位真係比較窄同迫💥 雞翼豬紅蘿蔔中麻辣米線HK$48食得辣既你地可以試下呢個中辣，雖然有啲油，但都好麻好香，豬紅普通唔錯，蘿蔔唔老無根，米線都唔會煮得太淋，軟硬度適中👍👍🏻 評分 : 7/ 10💥雞翼肥牛小小辣米線 HK$42炸雞翼食落唔會太乾太油👍肥牛都係普普通通，唔錯，唔食得辣既朋友仔小小辣就OK👍🏻 評分 : 7/ 10💥 蒜泥白肉 HK$34呢個白肉個人幾鍾意食，佢個汁甜甜地帶啲蒜香味，腩肉唔係好薄但食落唔會好un好（鞋），可以一試啊👍🏻 評分 : 7/ 10🥤凍檸檬茶 （凍飲+$6）麗江雲南米線@天水圍📍天水圍天湖路1號嘉湖新北江商場一期1樓C45A號舖

麗江雲南米線天水圍好出名嘅米線舖，長期爆滿。嗰日揀咗酸辣湯底米線，餸方面就腩肉同腐竹。湯底唔會似出面啲鋪咁油膩咁濃郁。腐竹非常吸湯，必叫！米線就彈牙偏幼身。麻辣雞雞件份量多，但上菜賣相一般。食落去估唔到係凍嘅，係雪櫃嗰種凍唔係常溫。雞件偏滑。味道並不特別，淨係食到辣醬嘅感覺。最後都要用個湯浸一浸暖熟佢先食。小食原本想揀酥肉，但原來要預先預約同平日先有得賣。建議想去試嘅朋友預先打電話去舖頭留定一份酥肉，咁去到就唔驚冇啦。---## 評分標準食物:3.5/5環境:3.5/5服務:4/5性比價: 👍🏽pp$50-100回購率:👍🏽地址：天水圍天湖路1號嘉湖新北江商場一期1樓C45A號舖

當日去既時間係lunch time所以就提早左30分鐘打去排隊店家有提供電話拎籌甘就節省好多時間地方唔大不過上菜好快因為地方唔大，差不多叫到你就可以叫定食咩我哋叫左2碗麵加1個小食第一碗：麻辣(中辣)-豬紅蘿蔔雞翼蘿蔔唔會有根，同埋硬度適中第2碗：麻辣(小辣)雞翼肥牛肥牛份量都多，底到仲收埋左麻辣湯好夠麻味覺好刺激！呢到2份雞翼，3個餸會少一隻唔會太乾身，必叫！另外就係蒜泥白肉，係我每次必叫！肉唔會太肥，個汁好正似係有醋.豉油.蒜頭有時經過我都會買反屋企做餸凍檸茶茶底都好濃

今次去左食天水圍一間出名既米線，佢地係只得一間，冇分店既😵 佢地鋪頭唔大間，而且座位非常逼夾，中間張枱仲要3人坐一張2人細枱😖 不過黎得食就要預左，對我黎講問題不大，食物先係餐廳既重點元素😏 等位方面要有心理準備食飯時間要排一段時間❗️呢度要求每位客人最少點$50既野食，而且炸酥肉仲要星期六日冇得食😨 我地叫左一碗雲南過橋米線（$58）麻辣湯底，一碗腩肉金菇米線（$44）酸辣湯底😛過橋米線老闆娘仲比左3條蟹柳我，餐牌冇寫到有蟹柳既🤩 芫茜同酸菜另外用兜仔裝 自己選擇落唔落，餸就都係咁上下既材料，麻辣湯底好好味，唔算好油，唔錯👍酸辣湯底我就覺得偏酸，有d蓋過左個辣味，我個人喜歡麻辣湯底，而呢度既腩肉係用一片片偏瘦同比較靭既腩肉，唔係一大舊肥膏係頂部果種，對腩肉有要求既要注意‼️我覺得呢間米線鋪都值得排隊等下，不過多於20分鐘既話就唔太係幾值，雖然呢間都屬於上級水平既米線店，不過我覺得排隊唔可以耐過我食既時間😆

今日又係米線系列 嚟到天水圍食米線！就係位於天水圍新北江商場嘅麗江雲南米線喇呢間嘅小鍋米線真係好大碗又好食 有炸醬、蔥、芫茜、腐竹等配料。加＄5-$8有唔同嘅餸揀，我就揀左腩肉同肥腸，平均每樣餸都有3-4大舊食完勁滿足～平民指數：🌟🌟🌟🌟好食指數：🌟🌟🌟🌟🌟一一--一營業時間：星期一至日 11:00-23:00地址：天水圍天湖路1號嘉湖新北江商1樓C45A號舖追蹤我 @eggyork_ foodiehk 一齊食盡天下！＃日本菜＃日式料理 ＃日式餐廳＃日式料理＃日本料理#日本食#香港美食＃灣仔美食 #hkig #hkfood #hkfoodie#hongkong #hkfoodblogger #hkfoodlover #日式美食#港美食#美食