馬哥孛羅香港酒店大堂酒廊

營業中

休息中

說時遲那時快，因為風暴，上天給予了長週末，但好快又要結束啦！為左抓住週末的尾巴，無論如何都要爭取時間，輕輕鬆鬆咁hea左佢！來到酒店吃半自助餐。 🍖 半自助餐嘅特色就係半自助。拜託大家，首先唔好打頭。其實我係真心嘅！食自助餐好多時候都會食得好雜，冇次序，又會食到又凍又熱，又鹹又淡。而且成日要出去攞野食，怕死會蝕底咁，所以基本上做唔倒hea既效果。半自助餐就唔同，由於主菜同甜品都係事先選好，真正行出行入嘅時間就會好少，而且擺盤都比自己放嘅靚好多，所以都會細心啲切黎食，慢慢享受。自然就多左時間傾計，同慢慢品嚐美食。 🍖呢度既主菜選擇都有好多，又有中式又有西式，西式羊架煎到medium rare, 唔會太so. 中式牛仔骨，雖然賣相比較似酒樓，但個絲苗米煮得超好食，粒粒分明，又有米香。 🍖甜品一個係芒果，桃，抹茶蛋糕，另一個係焦糖焗布甸。雖然兩個都好食，但係下次我一定會兩個都揀焦糖布甸。真係無得輸。 ✨️呢度客人唔多，而且冇自助餐嘅一家大細，喧嘩嘈吵。似乎係尖沙咀呢個週末鬧市嘅一片綠洲。

星期一同朋友去食semi buffet lunch。坐低有兩杯暖水，一個暖麵包籃連埋牛油同香草醬。職員眼明手快，收碟同加水唔駛出聲就做咗。餐廳地方細細，但全部梳化位都好好坐。 餐湯有3款，同朋友每樣一款試下，仲有一款中湯可以選擇。雞肉忌廉湯重奶味，偏咸。蕃茄湯偏酸，好開胃。 好多沙律同配菜選擇，每樣食一啖都飽。有三文魚同吞拿魚刺身，新鮮肥美，但壽司就麻麻地。生蠔refill得好快。雖然唔係好大隻但係都好新鮮。啲蝦好彈牙好鮮甜，忍唔住食咗好多隻。 主菜好大碟 ，食唔曬。三文魚煎得香脆唔鞋口，薯蓉超幼滑，大推。相比豬扒比較乾身，配菜唔夠味，比較失色。 甜品誠意十足，同樣大大件，擺盤又靚。車厘子撻入面足料，加埋朱古力忌廉十分夾，唔會太甜。椰子芒果芝士蛋糕，唔多食到椰子味，但芒果味唔會太假係加分位，同樣唔會太甜。雖然好飽但都忍唔住要食曬佢。 要咗熱咖啡，呢個好失望，好苦，有燶味。雖然唔識品評咖啡，但飲咗一啖飲唔落去。 總結：食物質素同服務絕對對得住呢個價錢，但咁貴嘅午餐耐唔耐食一次好喇。

半自助午餐食物質素高環境舒適情調不錯女經理招呼細心主動還給我們唱生日歌！這地方非常合適傾計及慶祝食物質素高！貴精不貴多有魚生，生蠔，青口，螺，蝦，沙律也足夠，泰式木瓜粒沙律最出色主菜牛柳羊仔柳也好好味包餐湯，麵包，主菜及甜品有選擇地方不大枱與枱之間有距離，讓人感到舒適！在疫情下令人感到安心我們一行四人，大家都覺得很好這地方！比起其他全自助餐，這地方更吸引，值得一去再去我們巳去過多次推薦給大家支持本地消費！支持好食店

食 buffet 一般都是一大班人，但疫情下不是人人想同其他人一起進餐。前一天心血來潮，就 book 了自己一個食 lunch buffet.一入去坐我舒服，冷氣唔太凍。足足一個鐘頭，食佢個 salad  同 sea food,  其實己經好飽。Salad 菜脆到呢，超新鮮，菠蘿唔太甜 。parma ham + 哈蜜瓜 ： ham 唔太咸，哈蜜瓜熟度岩岩好。以前有蠔，依家就無 lu , 換來 青口 又肥大隻又夠甜，螺也是大大隻。刺身選擇唔太多，得 3 款，但勝在夠新鮮 主菜一定揀： 燒牛仔肉，不過今次係變左煎，一樣好味 ！！甜品 焦糖燉蛋好滑，不過焦糖面就太甜，減甜就 perfect ，如果有得加仲正 需然客人唔多，但服務及食物一 d 都唔馬虎, 真係要多 d 來幫襯 ，不錯的 lunch. 

之前去馬哥孛羅香港酒店staycation仲包埋個晚餐🤣咁就喺客房入面享用3道菜晚餐「龍蝦阿拉斯加蟹肉海鮮盛宴」-▫️煙蘇格蘭三文魚配辣根忌廉伴魚子醬 呢個好食!煙三文魚配脆脆多士仔，口感豐富，加埋魚子醬啲香氣一齊入口。正!▫️阿拉斯加蟹肉意大利雲吞配香檳香草汁意大利雲吞份量都多，汁幾好食，但食果陣已經凍咗啲。同埋唔係好食到蟹肉，意大利雲吞黎講都唔太正宗▫️芝士焗波士頓龍蝦件松露馬鈴薯及時令蔬菜1人半邊龍蝦，正常味道，都幾彈牙▫️意大利芝士餅似下午茶貨色，味道一般▪️同下午茶一樣，整體黎講如果係包咗喺個$1400左右嘅package小廢我覺得都抵食嘅- 味道值：6/10C P 值：7/10 打卡值：6/10 - 📍馬哥孛羅香港酒店 Marco Polo HongKong Hotel九龍尖沙咀海港城廣東道3號No. 3 Canton Road, Harbour City, Tsim Sha Tsui

好似呢度食tea出名啲其實佢哋個semi buffet lunch 真心唔錯尤其想靜靜地唔想太逼不是最高級但算係有齊full courseSemibuffet嘅沙律部份不錯直得一提個hidden menu 燒牛扒每日只有限定供應可訂位時預留每次甜品都頗有特色Service甚至比六樓好

—【龍蝦阿拉斯加蟹肉海鮮美酒盛宴】快閃住宿優惠($1460)於客房內享用精緻英式下午茶Tea set會係checkin完上房之後有電話通知隨即送上有保鮮紙cover食物送上房職員隨即倒上茶或咖啡 可惜冇refill食完可以打電話叫人收返托盤鹹點水牛芝士蕃茄香草醬卷 / 煙三文魚忌廉芝士卷吞拿魚漢堡 / 黑椒牛肉酸菜三文治甜點提子鬆餅 / 瑪德蓮蛋糕焦糖海鹽馬卡龍 / 藍莓芝士餅士多啤梨開心果奶凍榛子巧克力慕絲 / 芒果蛋白瑞士卷鹹點兩款卷可能有芝士 所以幾好食甜點冇想像中咁甜 味道正常 都收貨 ———————————————————Marco Polo Hongkong hotel九龍尖沙咀海港城廣東道3號

#meloin @marcopolohongkong 暑假不能出國旅行🧳，只好繼續留港消費。今次melody同友人一齊住香港五星級傳統酒店🏨MarcoPolo，住在第14層，免費升級海景相連房，兩間房相連，設有衣帽間及客廳沙發🛋️，方便有人一起享用晚餐及遊玩。❤️French Black Truffle Menu❤️❤️法國黑松露晚餐❤️💫Marinated GOLD salmon loin, dill cream sauce, caviar, black truffle💫💫醃金三文魚柳伴刁草忌廉汁、魚子醬及黑松露💫前菜擺設精美，三文魚淋身，配有少量魚子醬及松露，提升整體質素。💫Black Angus beef medallion, Iberico hamseared hokkaido scallop, gratin mushroom potatoes, black truffle cream sauce💫💫燒牛柳伴西班牙火腿、煎北海道帶子、蘑菇馬鈴薯餡餅及黑松露忌廉汁💫牛柳質素高質，唯獨烹調時間不一，或許入住人數較多，食物在送上房前要儲存在保溫箱內，以致牛柳較熟，4份牛柳全部也是七至十成熟，假

𝐻𝑜𝓉𝑒𝓁 𝒾𝓃 𝒯𝓈𝒾𝓂 𝒮𝒽𝒶 𝒯𝓈𝓊𝒾呢個係𝘴𝘵𝘢𝘺𝘤𝘢𝘵𝘪𝘰𝘯 既𝘪𝘯 𝘳𝘰𝘰𝘮 𝘥𝘪𝘯𝘪𝘯𝘨，主題係💫龍蝦🦞阿拉斯加蟹肉🦀海鮮盛宴✨。🌟煙蘇格蘭三文魚配辣根忌廉配三文魚子醬頭盤既三文魚🍣既煙熏味好重，而且都算新鮮。碟上既𝘵𝘰𝘢𝘴𝘵 🍞揸上魚子同埋忌廉，口感幾𝘳𝘪𝘤𝘩 唔錯👍🏻。-🌟阿拉斯加蟹肉、莧菜意大利雲吞配香檳香草汁個阿拉斯加蟹肉幾結實同埋食得出蟹既鮮味，唔會淋𝘱𝘢𝘵 𝘱𝘢𝘵 👍🏻😋🥰，不過得好細條一條🤣🤣🤣。莧菜意大利雲吞本身味道唔重，但香檳香草汁又比較淡味，所以比較一般。-🌟法式芝士波士頓龍蝦🦞及蝦肉🦐伴松露馬鈴薯🥔及時令蔬菜🥬全晚最令我驚喜既係呢個芝士焗龍蝦🦞，佢既芝士味勁香濃，龍蝦肉新鮮同彈牙。蟹鉗肉本身已經處理左放埋芝士下面，所以輕易就食到啖啖肉😍旁邊仲加咗啲蝦肉，蘑菇等等。令口感更加豐富。另外，我最鐘意既係佢伴碟既薯蓉💕，加入左黑松露令口感非常幼滑之餘同勁香勁𝘤𝘳𝘦𝘢𝘮𝘺呀，令人一試難忘。📍 𝐌𝐚𝐫𝐜𝐨 𝐏𝐨𝐥𝐨 𝐇𝐨𝐧𝐠 𝐊𝐨𝐧𝐠 3 𝘊𝘢𝘯𝘵𝘰𝘯 𝘙𝘰𝘢𝘥, 𝘛𝘴𝘪𝘮 𝘚𝘩𝘢 𝘛𝘴𝘶𝘪

𝐻𝑜𝓉𝑒𝓁𝒾𝓃 𝒯𝓈𝒾𝓂 𝒮𝒽𝒶 𝒯𝓈𝓊𝒾𝘛𝘩𝘦 𝘢𝘧𝘵𝘦𝘳𝘯𝘰𝘰𝘯 𝘵𝘦𝘢 𝘴𝘦𝘵 𝘸𝘢𝘴 𝘪𝘯𝘤𝘭𝘶𝘥𝘦𝘥 𝘪𝘯 𝘵𝘩𝘦 𝘴𝘵𝘢𝘺𝘤𝘢𝘵𝘪𝘰𝘯 𝘱𝘢𝘤𝘬𝘢𝘨𝘦 𝘢𝘯𝘥 𝘸𝘢𝘴 𝘴𝘦𝘳𝘷𝘦𝘥 𝘪𝘯 𝘳𝘰𝘰𝘮.𝘌𝘷𝘦𝘳𝘺 𝘭𝘪𝘵𝘵𝘭𝘦 𝘵𝘩𝘪𝘯𝘨 𝘭𝘰𝘰𝘬𝘴 𝘴𝘰 𝘤𝘶𝘵𝘦 𝘢𝘯𝘥 𝘢𝘥𝘰𝘳𝘢𝘣𝘭𝘦 𝘣𝘶𝘵 𝘵𝘩𝘦 𝘴𝘢𝘷𝘰𝘶𝘳𝘺 𝘸𝘢𝘴 𝘲𝘶𝘪𝘵𝘦 𝘥𝘪𝘴𝘢𝘱𝘱𝘰𝘪𝘯𝘵𝘪𝘯𝘨, 𝘦𝘹𝘤𝘦𝘱𝘵 𝘵𝘩𝘦 𝘭𝘪𝘵𝘵𝘭𝘦 𝘵𝘶𝘯𝘢 𝘴𝘢𝘭𝘢𝘥 𝘣𝘶𝘳𝘨𝘦𝘳🍔 (2𝘯𝘥 𝘱𝘩𝘰𝘵𝘰).𝘍𝘰𝘳 𝘵𝘩𝘦 𝘴𝘸𝘦𝘦𝘵, 𝘵𝘩𝘦 𝘤𝘢𝘳𝘢𝘮𝘦𝘭 𝘮𝘢𝘤𝘢𝘳𝘰𝘯 𝘸𝘪𝘵𝘩 𝘴𝘦𝘢 𝘴𝘢𝘭𝘵 𝘨𝘰𝘵 𝘵𝘩𝘦 𝘨𝘳𝘦𝘢𝘵 𝘣𝘢𝘭𝘢𝘯𝘤𝘦 𝘢𝘯𝘥 𝘫𝘶𝘴𝘵 𝘯𝘰𝘵 𝘵𝘰𝘰 𝘴𝘸𝘦𝘦𝘵. 𝘛𝘩𝘦 𝘮𝘢𝘯𝘨𝘰 𝘦𝘨𝘨 𝘸𝘩𝘪𝘵𝘦 𝘚𝘸𝘪𝘴𝘴 𝘳𝘰𝘭𝘭 𝘥𝘪𝘥𝘯𝘵 𝘭𝘰𝘰𝘬 𝘨𝘰𝘰𝘥 𝘸𝘩𝘪𝘭𝘦 𝘪𝘵 𝘵𝘢𝘴𝘵𝘦 𝘨𝘳𝘦𝘢𝘵 👍🏻 𝘛𝘩𝘦 𝘰𝘵𝘩𝘦𝘳𝘴 𝘸𝘦𝘳𝘦 𝘰𝘬𝘢𝘺. 𝘛𝘩𝘦 𝘰𝘯𝘭𝘺 𝘤𝘩𝘰𝘪𝘤𝘦𝘴 𝘧𝘰𝘳 𝘥𝘳𝘪𝘯𝘬 𝘪𝘴 𝘵𝘩𝘦 𝘴𝘵𝘢𝘯𝘥𝘢𝘳𝘥 𝘤𝘰𝘧𝘧𝘦𝘦 𝘰𝘳 𝘵𝘦𝘢, 𝘴𝘦𝘳𝘷𝘦𝘥 𝘢𝘭𝘰𝘯𝘨

【酒店食】今次去到marco polo既lobby lounge度試佢既tea佢無咩特別主題 當日全間餐廳淨係得我地一枱客 Fun fact: 2017食佢同2020食佢竟然會見翻幾件完全一樣既甜點🙂利申: 偏心啲冇三文治既tea😂▪️▫️▪️▫️▪️▫️▪️▫️▪️▫️▪️▫️▪️玫瑰Madeleine: 口感不過不失 但無咩玫瑰味Scone:  size偏細 牛油香氣欠奉 口感還可煙三文魚及三文魚籽三文治 水牛芝士香草醬三文治 :一律飽肚之選😂法國軟芝士牛角包👑煙火雞三文治: 煙火雞偏淡 入面卷住芒果粒 兩者幾配合 法包偏硬再到下一層甜點都係無太深印象🙈焦糖海鹽macaron: 三小甜 幾靚芒果蛋白卷🥭: 最後先食佢已經食到好飽 多啲芒果會清新啲藍莓紐約芝士蛋糕🫐 : 鐘意啲實既cheesecake 如果重啲檸檬味 餅底厚少少更佳👑榛子朱古力慕絲: 濃郁既朱古力味 唔甜 全個tea入面呢個最正士多啤梨開心果奶凍🍓: 唔睇menu以為係普通奶凍😂✔️冇咩wow factor / 令我記住既甜咸點🤔但味道係絕對正常性價比唔錯既✔️係個夠食飽飽既tea 可以同男朋友去回頭率: 5/10 性價比: 6.5/10味道:

上年入咗MARCO POLO HONGKONG HOTEL嘅會籍。可以喺佢旗下酒店任何一間食自助餐都會有折。今日就去咗酒店大堂洒廊，食佢嘅半自助餐。沙律冷盤和海鮮選擇很多，各式各樣，最主要係有我至愛的生蠔都是任攞任食，不用配給。每台還會放一籃麵包再加牛油和其它醬料於餐枱上,任君食用。而餐湯我揀了忌廉蘑菇湯，新鮮的蘑菇打成蓉加入忌廉同煮香氣逼人，而且仲食到粒粒的蘑菇很有口感，值得讚。主菜要咗香煎三文魚配法邊豆，三文魚煎得十分之乾身嚡口。好彩啲配菜夠嫩醬汁夠香，但因之前食沙律冷盤,凍海鮮和生蠔已經食得太飽，所以三文魚只食了一片仔，避免浪費，剩返其餘嗰啲畀曬屋企人夾硬食。另一個煮菜係餐牌冇寫嘅燒牛肉，要咗5成熟。牛肉粉嫩軟滑，好好食，略嫌配菜過多食唔曬 。最後甜品我揀咗每款各一，雖然食得很飽但裝甜品的是第2個胃，所以食完甜品做結尾，感覺幸福滿滿的。

一如往常，食物十分美味😝slow cook lamb chops & steaks;同時，也有愛吃的脆魚皮sea bass, 煎得香香的，如常地煮得好！當然，少不了愛吃的海南雞飯，嫩雞加油飯，太好吃了😋！當然，服務超貼心，生日蛋糕在這裏order點可少鮮忌廉蛋糕，忌廉滑而不甜且十分輕，故多吃點也不會嫌肥。坐位安排舒適，間隔距離足夠， 位間寬闊，在疫情期間這樣安排、令人很放心。近期，晚市恢復了一段時間，這裏重回以往的熱鬧，心情也放鬆了不少，氣氛很不錯呢！一杯cocktail下來，簡直是heaven!

疫情稍緩，就一早訂咗套票住返晚，包迎賓生果盆、Private Dining Afternoon Tea Set同翌日自助早餐迎賓生果盆Check-in時已問咗酒店職員，話會送入房間，最後完全無嚟過🤔Afternoon Tea Set 我哋揀咗Check-in當日3-4點送嚟，職員就依段時間內敲門送入嚟房間俾我哋，配選茶或咖啡☕️ 我哋都選咖啡，有配奶同糖，咖啡味道比想像中香濃唔會過於苦澀，唔加糖都無問題，差在無得Refill🤭講返個三層架有啲咩嘢食先，第一層喺提子鬆餅配一丁點Clotted cream，唔太夠塗，味道正常👌🏻；貝殼蛋糕樣貌平凡，估唔到幾好食😋第二層喺咸點，有4款： 水牛芝士番茄香草醬卷、煙三文魚卷，兩者餅皮非常乾，內餡太少，有啲難入口；黑椒牛肉酸菜三文治，乾糧麵包被浸濕，咬落質感非常怪，酸菜配黑椒牛肉有種酸宿味，整體非常難食🤮最後一層有5款甜品，講咗最好食嘅喺榛子朱古力慕絲，撻底好脆，朱古力慕絲好滑好濃👍🏻藍莓芝士餅，基本上唔會出事嘅萬年甜品；芒果蛋白瑞士卷，無咩味道，唔濕嚟講都叫正常；士多啤梨開心果奶凍，一向唔太鐘意依款甜品，普遍過甜，士多啤梨味太假，完全食唔出開心果味

疫情下買咗套票，包咗一次兩位房內享用下午茶，check-in時book咗下午5點，準時有職員敲門送餐。下午茶以餐車形式上，set好位置就可以享用不過下午茶整體味道一般，鹹點有4款不同的三文治，水牛芝士番茄香草醬三文治小小有清新唔錯。而甜點有7款，個人喜歡提子鬆餅配奶油忌廉同蜜糖依個組合，有蜜糖香氣同鬆餅十分夾。貝殼蛋糕有啲太乾，焦糖海鹽馬卡龍有啲過甜有一點可以改善嘅係餐茶方面只有一杯茶或咖啡，職員斟完後就拎走，無法refill不過依個質素以套票包埋都算值賣相 3/5口感 4/5味道 3/5番食率 3/5