新華茶餐廳

營業中

休息中

經過呢邊搵地方醫肚，行左幾間茶記都唔吸引，直至行到呢間........冰室 feel喎，食個午餐＋個例水......都應該好正丫（自己諗）。黑椒雞扒火腿飯🙄請唔好誤會，味道冇問題，非常之正常，雞扒一般茶記既味道，黑椒汁夠濃夠辣，上枱仲熱辣辣添，個份量就真係震撼......半塊雞扒＋半塊火腿（或者係2/3塊）開二，我見到隔離枱碟炒飯非常之精緻（碟細/份量亦不多）我叫左多飯先有咁大份，可能習慣左茶記碟頭飯抵食夾大件，呢度果份真係少得離普，$59。凍奶奶亦都一般般。地方企理光猛，坐位窄dd；可能蛋撻好好食掛.......但食完碟飯都費事買。而家係租貴食材貴，定係食水太深呢？？好多茶餐廳都會改靚/細塊雞扒，可以做雞球或雞皇，都冇半塊上枱咁誇吓嘩

復活節食「蛋」怎會少得港式酥皮蛋撻呢？我今次選擇去呢間老字號茶餐廳，因為全香港只剩返4間有閣樓的茶餐廳，而呢間就是其中之一間，梗係要見識一下啦😁🥚🥧 熱辣蛋撻 (HK$10)．呢度出品嘅蛋撻是街坊推介的招牌菜之一．填滿滿的蛋漿，口感奶滑，甜度適中，不過蛋味比較淡．暖暖哋嘅撻皮厚身，但層次不太分明，但口感有啲酥脆嘅🍗🥧 雞批 (HK$13)．呢款好少見，只有某啲茶餐廳有出品，所以見到餐牌有就叫嚟試下．可惜是室溫溫度，口感唔夠酥脆，餡料比較肥膩，麻麻哋，唔知如果可以要求叮翻熱食，味道會唔會好啲呢？🤔🥛☕️ 熱奶茶 (HK$22)．叫蛋撻食又怎可以不配搭一杯熱奶茶呢？．厚身嘅奶滑口感配香濃嘅紅茶味，味道不錯👍🏼

而家香港老字號嘅茶餐廳真係越嚟越少，新開茶餐廳食物質素都唔係特別好，唔會話想食完再返嚟食。所以有時我都會特登去搵啲老字號嘅茶餐廳去食佢哋嘅早餐。最鍾意就係試杯熱奶茶同埋沙嗲牛肉麵啊。☕️香港長大既我真係覺得香港港式奶茶係無敵㗎。早餐開咗一杯熱飲沙嗲牛肉麵一個餐包同埋可以選擇煎蛋或者火腿奄列，火腿奄列真係好多火腿啊，奶茶香濃，沙嗲牛肉麵都好味新開好多時都係得熱水咁既完全唔同。 🍜 個環境都夠晒懷舊啊，亦都乾淨！

本身係一個百分百嘅奶茶控，閑時會發掘好飲嘅奶茶，今日嚟到新華茶餐廳⋯嘆番杯佢哋出名嘅奶茶☕️果然係名不虛傳，杯奶茶超正👍🏻茶味香醇，茶同奶嘅比例恰到好處，仲有陣陣回甘

電視節目效應，今日一家大細去咗新華，食情懷(細個會去附近街市跟阿媽買餸），所以嗌左老式炒粉麵系列嘅黑椒豬扒炒意粉，屋企人叫咗咖喱牛肉飯，小朋友食咗佢至愛嘅火腿通粉，飲咗熱奶茶，凍奶茶，凍檸茶少甜，食完之後個肚有空位，嗌多咗個新鮮熱辣辣酥皮蛋撻。今日嘅碳水化合物攝取量超標，但係絕對值得，尤其是係個黑椒炒意粉，裏面嘅料頭有韭黃、䓤段、芽菜同洋蔥，啖啖意粉食落口感有層次，黑椒味足夠但係唔搶喉，今日天氣凍返，食完個人暖笠笠，整體夠味，唔太大碟啱啱好，就算唔落豬扒都開心。屋企人個咖喱牛肉飯味道正常，杯奶茶都正常，比較香，飲完冇飽滯頂胃嘅感覺，個蛋撻冇得彈，新鮮、鬆化、唔會太甜，好耐冇食過呢種感覺。今日坐閣樓，好好彩一上到嚟就有張四人枱，下次試吓坐卡位。同場見到隔籬枱一對年輕父母帶着幾歲小朋友，爸爸慢慢教小朋友每樣食物係乜嘢嚟，延續香港飲食文化🫶

繼上篇介紹完長沙灣金園茶餐廳，今篇食評將會寫長沙灣區另一間老字號茶記 — 新華茶餐廳。現在，全香港僅存有閣樓嘅茶餐廳只有4間，而新華正正就是其中一間! 所以我們到達後就先上閣樓看看有冇位，可能是下午三、四點關係，人流不算太多，夥記姐姐好nice問我地食乜嘢，而且環境寛敞乾淨，幾有懷舊feel!我們即刻就order了這裡嘅菠蘿油、蛋撻、奶茶和生炸雞脾薯條! 個自家制菠蘿皮鬆脆包感實在，再加埋塊牛油咸香，一個字形容「正」! 食完菠蘿油梗係要試埋個蛋撻啦，蛋撻都係熱辣辣好新鮮，食到個撻底就有啲曲奇餅感，我個人就比較喜歡食金園個酥皮蛋撻多啲! 食蛋撻當然唔可以唔飲杯熱奶茶啦，我個人覺得新華杯奶茶比較滑啲、醇啲，啱我口味多啲!而我老公就話杯凍奶茶沒有多大特別，跟出面茶餐廳差不多!最後，試埋個炸雞髀薯條，隻雞髀係生炸嘅，但略為炸得乾左啲囉，味道都可以! 薯條都算炸得ok啦!總括而言，今天很滿足，可以在一個下午試到兩間香港老字號的港式地道茶餐廳，本小姐一定會再來!

長沙灣區2大傳統冰室，一間是「金園」一間就是她「新華」。以往一向有吃她們出品的蛋撻，覺得各有千秋，雖然個人較喜愛「金園」，但「新華」也不差，今天也是抱著這個心態，與友人打算到「金園」一試舊冰室常餐的味道，但是中午二點多，「金園」仍是大排長龍，所以便「稍移玉步」到「新華」吃，應該也差不多吧。怎料這是一個大錯特錯的決定。首先，入座後才知道沒有下午茶，友人滿心歡喜想試的炸髀薯條已落空，退而求其次，便是吃她們的干炒牛河，另外我則點了特餐，沙爹牛肉麵配餐包牛油餐包西煎雙蛋$54+$3(凍檸茶)牛油餐包西煎雙蛋牛油餐包：餐包沒有烘過或加熱，冷冰冰的，中間的確有牛油，但因為包不熱，所以不會溶化及溶入包中。煎蛋：一看賣相已經毫不吸引，油到反光之餘，煎的時間明顯不足，沒有脆邊，　蛋味也欠奉。　只看這個已經看得出她們的出品有多「用心」唦嗲牛肉麵比較正常，牛肉有４—５件，不會太嚡太韌，唦嗲味也沒有特別，是一般茶餐廳的味道，沒期望所以沒失望。可取是，麵沒有煮得太淋。　凍檸茶也一般水平。　干炒牛河 $54(沒有拍照)份量不算多，蔥及豆芽菜等配也極少，重點是沒有鑊氣，味道不足，河粉也沒有事先處理好，所以有部分的河

新華系蛋撻界佢認第二，都未必有人敢認第一，其他有人提起可能就系沙爹牛肉同埋奶茶。今日初一拜完年食吾飽，雖然新華今日都加價，但因為好耐無坐低試其他野，所以都無所謂。吾知道系咪初一定加太多，居然有卡位。如果喜歡，佢裝修當然系真懷舊，都算保持得乾淨。好老實，食完真系落差太大，以後只會買蛋撻。沙爹牛肉米(2分)— 沙爹味系OK，但吾算突出— 牛肉有肉味，但真系又鞋又硬。— 最離譜系米粉未煮過心，中間幾硬，最後食左兩啖。火腿奄列(3分)— 火腿算多但無乜味— 奄列就煎得幾香。奶茶 (1分)— 搵落吾香，飲落茶或者咖啡味都差— 最慘系飲完脷”鞋”咖啡 (2分)— 吾夠香

平時吃蛋撻都去買金園，畢竟話關注組第一名。但街坊告訴我新華比較好吃，抱著懷疑的態度去買了一個吃，新鮮出爐燙手蛋撻。酥皮非常好吃，複雜的層次感在口中蔓延，金園的酥皮比較厚，而這個酥皮很適中很有咬口，如果是喜歡脆一點的口感的話，會喜歡這個多一些。蛋漿香滑甜度很適中，金園的蛋漿較甜，連著厚厚的酥皮吃完整個會很膩，但是新華的入口輕盈，輕鬆KO一個。所以真是各花入各眼，我就鍾意新華多一點，感謝街坊介紹的驚喜！！

今日特意來到長沙灣，來到新華茶餐廳品嚐他們的招牌蛋撻，它是位於香港長沙灣的一家老字號茶餐廳。一個好的酥皮蛋撻要有優質而新鮮的雞蛋🍳、優質的牛奶和糖是製作蛋撻的基礎。選擇優質的原料可以確保蛋撻的口感和味道。製作酥皮需要精細的工藝和技巧。摺酥皮時需要有足夠的層次感🍩，而聽聞新華茶餐廳就是在這裡做得最好, 所以今天來到一試.😂的確一試, 這裡的蛋撻酥皮外層烘烤得恰到好處，製作酥皮時的技巧，令到它在烘烤過程中形成酥脆的口感，內裡的蛋漿口感滑溜，蛋香十足，讓人回味無窮。🍴如果喜歡甜品，新華茶餐廳的熱奶茶和酥皮蛋撻也是不容錯過的。熱奶茶的奶香濃郁，酥皮蛋撻的酥皮鬆脆，內裡的蛋漿香滑，讓人一試難忘。🍽️如果你想品嚐正宗的港式茶餐廳美食，金園茶餐廳是一個不錯的選擇。🥢酥皮蛋撻* 酥皮鬆脆，口感十分好。十分滿分值十一分!! 👍💪* 蛋韃內裡的蛋漿香滑，做得不錯，讓人回味無窮。🥚* 蛋韃的份量十分足夠，非常適合當早餐或下午茶點心。🤭⚡️ 好味指數：🌕🌕🌕🌕🌕🧀️  約230-240kcal 卡路里/份

2024年1月6日下午到訪, 未坐下侍應已告知沒有下午茶, 因星期六,日是沒有的, 也沒辦法, 所以我只叫了凍咖啡少甜加一個蛋撻, 凍咖啡來了似一杯糖水好像沒有啡的, 猜不到老字號的凍咖啡會那麼失準的, 蛋撻剛出爐都很好吃, 這少少就$35 實在太貴加上配上一杯飲不下去的凍咖啡, 相等只吃了一個蛋撻就$35 , 離開一刻對自己說不會再來....

隔住玻璃望咗陣，決定入去試吓佢哋嘅沙爹牛肉公仔麵🍜。首先嚟個沙爹味，真係夠哂香，唔會好似啲平平無奇嘅沙爹咁假日午，足足嘅花生香味仲留喺口裏。公仔麵就偏向彈牙，同啲沙爹湯掛得住勁，令到普通嘅公仔麵都變得有滋有味。嗰啲牛肉片係鮮嘅住手，咬落去咸香而唔會柴，伴隨咗沙爹醬嘅濃郁，嘩，正！火腿奄列🥓普通啦，但夾埋餐包就真係得，特別係嗰熱辣辣嘅牛油融化喺包入面，實在係夠香！不過嘥嘢，個奶茶就啱哂！茶香奶香雙雙撲鼻，我一啖接一啖，幾乎停唔到口。總括，啲沙爹牛肉公仔麵同埋火腿奄列都算係今次嘅大滿足，但下次要搵排長啲嘅時間，嚟個全攻略，嗌齊佢哋全餐牌📋，先係真正嘅食客！🍴👌🏼🔥

於中午時份去試吓一間老字號，去到職員左點右點都唔知坐邊。好我忍你，D野好食都算。選擇小、份量小、質素差（我食個茶餐個餐飽係冰凍嘅、叉燒又黑嘅、奶茶又唔滑，大家X仲好飲過佢我發誓）最後叫左個蛋撻普通到不得了，求其一間麵包店都差唔多。總結：食物差，價錢貴、服務O。 完

街坊介紹嘅茶餐廳，叫咗個沙嗲牛肉麵同埋叉燒意粉餐，就知道要慢慢座下等佢新鮮蛋撻出爐，喱間嘅沙嗲牛肉都幾出色，啲牛肉都好嫩滑同埋個醬都好濃烈，配上公仔麵沾哂啲沙嗲醬一啖擺入口，果然喺最好嘅配搭。餐飲方面就無咩特別，都喺普通凍檸茶同埋奶茶。蛋撻方面新鮮出爐嘅同唔係新鮮出爐嘅我都食過，唔係新鮮出爐嘅話，酥皮會有少少可能唔夠鬆軟，但係蛋漿都好綿密入口即溶。如果咁幸運遇上新鮮出爐嘅幾飽都需要再叫多一個，新鮮出爐真係熱辣辣，酥皮食落口係好鬆化，咬一啖好脆同埋會跌好多碎碎出嚟，中間個蛋更加唔使講，接近流心狀態，同酥皮融合，都係等大家過嚟朝聖。

今日一次過試左長沙灣好出名嘅兩間蛋撻 第二間就係新華 不過費事係街到食搞到捩咁棄 拎到返屋企已經凍凍地 所以用微波爐叮左半分鐘到唔知係咪因為咁 個葡撻嘅蛋漿過熟 太實唔夠滑溜 而且個漿係得甜味 完全唔知食緊咩 我覺得KFC葡撻都好食過佢🤡如果唔話我知係葡撻 我淨係知自己食緊一個甜味嘅撻 唯一可取係酥皮鬆化 富有層次 但冇乜油香味道：0.5/5（完全唔想食第二啖）口感：3/5CP值：2/5（可以食番KFC）我買到個批個撻皮焗燶左 但影響未至於差 反而別有一番風味 講翻個酥皮 都係鬆化酥脆 富有層次 但做到比金園更薄 呢點加分 不過油香就欠奉 蛋漿都夠厚 但唔知係咪都關我叮過事 質地略嫌過實 冇金園咁滑溜；顏色方面冇金園咁金黃 但蛋香就更濃 同樣唔會過甜 味道：4/5口感：4/5CP值：4.5/5（因為平d🤡）