芝脆雞 (已結業)

突然想食炸雞，左諗右諗最終決定芝脆雞。誰知要 $250 先送外賣，睇您想食炸雞可以去得幾盡！殺您。點解硬係要寫錯個髀字呢？講左好多次唔係脾呀，係髀呀，寫肶都正確。一人餐似乎誇張左少少，黑松露蒜香雞柳意粉、招牌肉醬意粉、炸雞上髀 5 件、墨西哥辣肉 pizza 細薄批、百里香燒豬排骨，多謝 $259。黑松露蒜香雞柳意粉，初時望極都唔見黑松露喎，原來一篤仔撻係中間遮住晒，點解唔係撈勻一齊炒架呢？依家要自己猛咁撈先均勻囉！味道麻麻。先烚好意粉墊底，再鋪炒雞柳係面，料還料、意粉還意粉，會意來的。無味乾鞋雞丁，洋蔥味霸道，微微散發青椒及黑椒露香氣，意粉實淨不腍不粉，唔難食。招牌肉醬意粉，有焗過，算您啦。芝士肉醬茄汁都十分淡口，撈大量辣椒仔酸酸辣辣好食好多，幸好有辣肉腸吊吊味，捲著一齊食也不錯。炸雞上髀，賣相唔錯咁喎，乾爽不油淋淋。金玉其外，一撕開層皮，嘩！雞肉乾？一絲絲肉絲清色可見，乾爭爭！重裝甲飛雞！炸雞有硬殼既？等左個幾鐘送咁既貨比我？硬殼食唔到、雞乾食唔到，撕出黎以為多左碟炸魚皮添呀！剩低少少肉咬下，肉汁欠奉，醃味濃郁，部份皮香脆，都唔差。墨西哥辣肉 pizza 細薄批，完全唔辣，肉碎芝士

芝脆雞大隱隱於市，芝脆雞多數都係被視為係外賣之選，其實呢類煎炸香口菜食，往往都係堂食最有絕佳風味！Pizza: | 環遊世界 |一聽個名，就知道係款「雜錦型」，配料包括洋蔥、青椒、辣肉腸、火腿、蘑菇、菠蘿、牛肉同豬肉等。一個6吋批已經好足料，脹卜卜超多芝士👍🏻👍🏻Pasta: | 松露蒜香雞柳意粉 |感覺有啲似香蒜肉絲意粉，不過加入松露後味道明顯更吸引，亦都更矜貴！

第一次幫襯，好耐之前 Bowie 大讚話大埔墟炸雞好好食 ﹗今日終可一試。係我研究 menu 期間，聽到有客打黎投訴大尾篤龍尾村外賣未到，已過六十分鐘添呀 ﹗點知位電單車外賣員仲係舖頭度慢調斯理話等多廿分鐘啦 ﹗位收銀妹妹無奈地同個客 say sorry，叫佢等吓囉。服務、態度、環境、衛生、食物都非常強差人意啊 ﹗睇個 menu 都好多選擇喎，有炸雞、炸蝦、豬仔骨、魷魚圈、意粉、薄餅、焗飯、等等。第一次黎、第一次 order ﹗見到有二人套餐一百蚊有找就試吓啦，可選焗飯或焗意粉配一個六吋薄餅，仲有豬仔骨、兩件炸雞、兩款小食、兩杯飲品或餐湯 ﹗嘩，勁抵喎 ﹗錯晒 ﹗原來係豬仔骨併兩件炸雞或另選兩款小食 ﹗好唔清晰呢妹妹。Menu 上面所有飲品都無，只有汽水，點解一早唔講？又唔係 menu 度貼張紙？只係對住我不斷重覆講跟湯或汽水、跟湯或汽水、跟湯或者汽水呀 ﹗我點知您剩係得汽水啫，我諗住唔跟餐散叫凍檸茶麻 ﹗嘔血 ﹗終於 order 完個二人餐喇，依個份量只係夠我一個人食囉，唉 ﹗唯有再加炸雞啦，食完大家七成飽左右，算數，最多夜啲再食過 ﹗除左張枱好細坐得唔舒服外，枱面感覺好油吓 ﹗餐具

在九龍區,芝脆雞幾乎都沒有了,但新界仍有數間,可謂平,靚,正,36元有飯,有雞,有汽水或湯,學生還平3元,堂食是半自助式,汽水,餐具自取,餐就店員送上,服務大致ok,炸雞比k字的好,脆同入味,菠菜魚柳飯是炒飯粟米蘑菇低,兩大件魚柳,魚味就冇咩,勝在飯汁香,36元真超值,聽聞薄餅都唔錯,下次要試下

一直都想試呢間平民化既薄餅店, 今日終於叫亞媽唔好煮飯, 買個外賣薄餅試下一去到店舖, 已見到有幾個人等外賣, 我已有心理準備買一個薄餅要等45分鐘囉好喇, 到揀野食既時候喇........其實佢有好多款套餐都幾抵食, 花多眼亂, 又未試過唔知好唔好食, 所以只叫了一個薄餅 -- "環遊世界" (希望無記錯名啦) , 我係叫大批的, $80 一個, 佢既用料同某薄餅店既"超級至尊" 類似等左都唔係好耐, 大約15-20 分鐘就有, 由於住所唔近大埔中心, 所以返屋企都行左二十分鐘返到屋企就拿拿林試味啦, 味道絕對係OK 的, 只係放係盒太耐, 令到餅底唔夠脆, 相信堂食會好好多喇總結黎講, 佢既薄餅質素係好味既, 如果住得唔係遠既, 外賣無妨, 否則堂食都係一個好選擇, 因為套餐款式幾多, 又平, 三十蚊都有交易, 有焗飯焗意粉, 實在係開餐既好地方另外, 我見其他食客好多都叫炸雞, 相信佢既炸雞應該比較出名, 下次可以試下

一班同事走埋一齊開OT~叫外賣係最開心不過的事~今次我地叫咗大埔的CHEESE PIZZA要$300先送外賣到我地公司同埋都有個免費的飯送~我地就叫咗個大胃王餐由於想易D分野食~所以叫晒炸雞同小食拼盤PIZZA就叫咗五十五十姐係可以一個PIZZA分兩邊唔同的PIZZA口味我地就叫咗啖啖肉同環遊世界一個鐘後,,食物送到黎~D雞仲係熱辣辣...真係熱到拎起會熱親手個隻熱辣辣同埋一MEET開D雞皮...D油係會流出黎新鮮到好似ARM ARM炸起咁......PIZZA就隱隱陣陣.....toppings就填滿晒成個PIZZA的面..食落真係啖啖肉GA~而小食拼盤同PIZZA及炸雞相比之下就失色了.....總括而言,,,CHEESE PIZZA係平靚正的快餐~值得推薦比大家GA~

只係買一個好簡單既餐: 一件簿餅, 一盒焗飯同湯, 都要等成9個字!!!!你話人多就話姐!我7點黎到都無咩人!!!d 樓面職員淨係行行企企!!!都要等咁差耐!!你要人等都話聲比人知要等咁耐la!等我唔洗白等去第二到先呀ma!都唔知點做野!!平時都覺得唔錯!但今日一次不愉快經歷令我忍唔住劣評!!!

Ordered delivery one night, and it arrived promptly after 30 mins as it said it would. However, I felt that the delivered food was much worse than when eaten in. 千島海鮮大批The pizza was not crispy, not soft, but hard like cardboard. There was also too little thousand island dressing so it was quite bland and dry… the cheese was not even as cheesy as pizza hut’s pizza. 小食拼盤 : 春卷 , 咖哩角 , 魷魚圈 , 雞翼I quite liked the variety but unfortunately, they lost their crispiness from being in the delivery boxe

外賣速遞好有效率, 等左約45分鐘左右就到啦! 叫左16件皇牌炸雞, 炸雞真係好好食, 大大隻啖啖肉, 夠熱夠脆口! Pizza都幾好食, 泰式辣雞批, 唔係好食到o的雞肉, 不過上面有泰式辣醬, 幾好味! 批餅底好鬆軟!小食併盤有雞翼、墨魚圈、春卷等, 挺唔錯啦! 焗飯意粉冇乜特別, 烟三文魚焗飯聽落好正, 但o的三文魚碎撈落堆醬汁加飯... 果種感覺就真係麻麻地...長通粉、寬麵都過於淋同濕啦... 反而肉醬意粉係最好食! Pizza同意粉都係叫優惠價既組合, 所以夾埋都好平下, 每人$40都夠填肚!

見價錢平平地,去食下la,,,個pizza 好酸:'''----------------------o意紛硬,,,-.-兩隻字難食都係pizza 好食d-.-don't try it!!

試左皇牌套餐 31$ 招牌肉醬意...好一般..份量係足..但d肉醬比較稀..類似便利店既叮叮貨質..失望..仲要係招牌薄餅就一件 是日係千島 結果黎度唔多覺有醬...溫度ok..而賣點同雞一樣..我諗係勝在夠軟口...但薄餅味就無乜..反而雞就有驚喜...有時會有種好食過肯x雞既感覺...返到黎寫又覺得都係不相伯仲...間野近我家既話會繼續試..但可惜...有緣先再試過其他了...服務方面差差地...都係20歲樓下既妹妹仔..全部都"謝"樣...最串係拎左碗湯黎之後問餐具..佢話自己出去拎...家陣算半快餐半西餐形式?要人自己出去黎..無野呀?你一係設計格局晨早要人所有野係櫃位自己黎...做到咁..第1次見真係..講埋個湯..係算唔錯..有香草係面..攪幾攪緊好吃...味道想比3.5 ..但因服務拉下..唯有5捨6入...

今曰為食兼大食的安迪提議叫芝脆雞的外賣Pizza作為午餐，在每星期優惠畤段買一送一，一百三十八元便有兩盒唔同囗味薄餅，每個分為八件，四個人分每人最少可以吃到三至四件，每論幾大食都足以餵飽你，剩下的重可以和其它同事分享，真係非常化算！ 分別柯打一客千島熱情海鮮 和啖啖肉 Pizza，兩客都要厚批底，因為比較能飽肚，落單後三十分鐘便送到，店方又要時間焗又要安排運送，服務都算幾快手，送抵時依然能保持熱度，如果冷卻了食味難免受影響。千島熱情海鮮 Pizza餡料有蟹柳、魷魚、蠔仔、蝦仁、青椒、菠蘿片等，加上大量芝士來焗，好多餡料味道相當不錯，不是Pizza Hut 吃慣了千篇一律的味道，帶來一點新鮮感。啖啖肉 Pizza這個批名符其實的啖啖肉，topping 佈滿牛肉粒、火腿片、辣肉腸及芝士，烤過的肉粒極香濃，加上熱辣辣的芝士香味，感覺非常對胃囗。以一百三十八蚊可以吃到兩個大厚批，每個切成八件，總共有十六件，一件平均唔需要十蚊，足夠四個人同吃，餘下還可給其它同事淺嚐，名符其實大件夾抵食，味道又唔錯，大家不妨試下。

今日搵食搵到去大元村~又係CHEESE PIZZA~之前幫趁過粉嶺同將軍澳店, 兩次都係堂食, 印象良好~今次黎到大埔分店, 水準一樣好~PIZZA︰世外桃園 - 批底好味, 唔油膩, 波蘿蜜桃好清新, 同千島醬好夾~炸雞︰唔洗講, 皮脆肉嫩, 必食~炸薯王︰熱辣辣, 又香口~菠菜龍脷魚柳焗飯︰第一次食, 白汁OK, 魚唔腥, 食食吓就覺得偏咸咗少少....街坊價錢, 其實真係好抵食, 好味過"PIZZA乞"多多聲~~呵呵~~仲有, WAITRESS姐姐好有禮貌, 讚!

昨晚心血來潮和家人決定吃PIZZA 後來比較一下PIZZA BOX 和 CHEESE PIZZA的套餐及價格 後來都是覺得CHEESE PIZZA的"星期一至五套餐"最抵吃於是我們三人叫了"環遊世界" 大批的厚批菠菜龍利柳白汁飯+ 兩件炸雞+兩個餐湯( 粟米忌廉湯)因為天氣十分寒冷 大約只有十度~ 真的十萬個不願意下街~所以我們不自取,決定外賣速遞電話中那個店員說大約等30-45分鍾但後來等了30分鍾就有了,速度真的很快~辛苦那個男速遞員啦! 要在天氣那麼寒冷下送外賣...食物送到來都是熱的~說一說食物的味道吧! 粟米忌廉湯十分稀......像水一樣... 這有點美中不足...還有沒有附送匙給我們,所以用了家的匙 菠菜龍利柳白汁飯夠熱和很好吃 有足夠的白汁 P.S. 這個我是看OPENRICE內的COMMENTS而選的 炸雞都很好味道~ PIZZA也好味道 ~我吃了很多塊~ 正!$120 三個人吃, 平均每人40元 如果去PIZZA HUT吃, 一定不只這個價錢加上昨天天氣太寒冷 我想沒幾多個人肯出街吃吧~ 所以我認為這一餐很抵吃!

芝脆雞好好味啊!! 在公司什餐偶爾會叫外賣芝脆雞, 炸雞做得很出色, 外脆內有汁有香味! KFC的雞, 如果不叫辣根本沒有味道, 完全沒有雞味的~ Pizza也很好吃, 不知道叫什麼名字啦! 有很多海鮮的那個Pizza很美味呢!! 小食也不過不失, 蒜蓉包很香脆!!服務也很好, 送外賣的姐姐很好人的!叫過芝脆雞幾次, 如果主力叫Pizza和芝脆雞, 不叫飯和意粉, 大約$50/人可以吃飽, $60可以吃得勁飽的!