聯合興食館

營業中

休息中

屋企人想打冷，揀了樂富，”聯合興食館”。好地道，好貼地，而且陽氣好重😂。什錦、鵝片、蟶子，啤酒，2人先四百零，飽到傻，要打包。當然，呢啲地方，唔好對環境服務有咩講究。問咗老細，呢度開瓶費50 。

隔離係出名嘅米芝蓮煲仔飯，但係都唔夠呢間店舖多人排隊爆曬長龍，人氣決定一切我決定試呢間！同樣都係煲仔飯同埋小菜佢更加出名嘅係滷水，滷水豆腐$35但係好大兜亦都好入味，簡直係必點！另外佢個薑蔥雞煲仲有啲失色，因為好鹹⋯⋯但好惹味可以食兩碗飯。至於西芹鮮魷亦非常好蒜味十足，鮮魷都好簡單海鮮味呈現到出嚟，唔使太多調味都好正。價錢亦都非常合理。講真食慣樂富商場嘅連鎖店，行過街口可以食到啲咁街坊嘅平民野，又好好氣氛。

呢間嘢卜完枱又話客人未走唔知等幾耐，次次去都要至少半小時以上，真係好乞人憎。然後每一次去，卜左有15人，次次都俾細枱，然後又俾啲污糟又發霉嘅圓櫈人坐。🤢🤮而隔離枱新等位入嚟嘅人，人數又少過我地一半，張枱就大到乜甘。一次兩次係甘覺得甘啱，幾次卜枱都甘安排真係覺得好乞人憎。👿食物方面，成日食完都好口渴，味精好重！而且內臟洗得好求其，好臭好難食。一味炸大腸配菠蘿, 啲菠蘿臭嘅🙊以為好好食，但原來甘嘅質素配甘嘅價錢，再加甘嘅服務環境質素，真係好卑劣！👎🏻話好食的都唔知係咪做”枚”…..

今晚去咗一間潮州打冷，都ok 😋🥢我試咗佢哋嘅滷水拼盤，包括有生腸、紅腸、豬腸、鵝腸、牛柏葉、墨魚、滷蛋、滷豆腐，粉量都ok，味道都好夠濃郁，好正宗潮州滷水味，唔膩口。🥢豉椒炒蜆都ok，啖啖蜆肉都好鮮美，加埋豉椒醬汁，味道更加出色。🥢而蒜蓉炒通菜都係我嘅最愛，通菜炒得好爽口，蒜蓉味又夠香，真係好好食。不過，可能係因為今晚人多，所以等嘅時間有啲長。不過總體上，食物好味道又好，服務亦都好好，可以一試

好耐無食啦，夜晚10點去食都仲係好多人 ，小菜質素咁耐都仲keep 到，鹵水雜併係必叫，個鹵水汁好好味😋鹵水雜併$138裡面好豐富有姐腸，鵝腸，豆腐，蛋，墨魚，生腸，豬大腸，牛栢葉，勁正，全部都好入味，配埋啤酒真係無得輸！椒鹽雙魷$108外皮炸到金黃色，咬落去好脆口魷魚一啲都唔韌，又係用黎配啤酒🍻金銀蛋時菜$88個湯好出色，小小咸好重鹽蛋黃味，唔小心吹左一碗😝，菜就正常無咩特別。所有野都大大份好抵食

晚飯時間都好滿，如果少人想坐卡位舒服d，就要早點到啦。餐牌似一般大排檔，講得出的風味小菜大部份都有，仲有滷水系列選擇。🥜潮洲三寶🥜$35分別有花生、酸菜同菜圃，花生脆口冇得輸，又唔溢，分量又夠多，酸菜酸酸甜甜好開胃，菜圃就偏鹹同硬，算比較失色都一款，但呢味送白粥很一流👍👍🥬菜遠炒豬雜🥬$90話就話係豬雜，但其實肉片同潤的數量偏多，腸等內臟唔算多，菜就係小白菜，正常偏淡，我就叫左辣椒油點，即刻生色不少。🐥川椒雞球🐥$98雖然叫川椒，但其實辣味唔重，唔食得辣ge人都可以一試，首先以蝦片襯托，雞球冇雪味，肉夠嫩滑，送酒一流。👍👍👍🐷腰果豬丁🐷$98腰果夠多，但已經淋哂，西芹就爽脆，豬肉丁就軟身，唔會好似湯渣咁鞋口。評語香港特色大排檔方味，同朋友聚舊，飲酒吹水岩哂地方較迫，上菜要睇住就住

碟頭飯🍛不二之選😋😋即叫即煮，又大碟又夠熱，食而不咸，附送例湯（忘記影相📸️）有好多碟頭飯或小菜選擇👍🏻👍🏻材料豐富，有肉有豆腐，仲要有青豆🥒最重要係唔太辣，仲要大大碟，下次要少飯或者外帶一半分兩餐✌🏻✌🏻加$3蚊有罐裝汽水🥤可口可樂、雪碧、芬達、忌廉任揀……..仲要係夠凍

牙痕叫個外賣九菜豬紅食下，點知中左蕉🥴做得衰過街邊小食檔，D油好似唔使錢咁撇咗半碗油出嚟先可以食🫣🫣 味道一般，豬紅實淨（個人喜歡軟滑果種）九菜還可以唔老，潮州打冷九菜紅咁嘅質素真係唔合格👎🏻

幾位朋友想食下打冷飲返二杯啤酒近近地來樂富搵食花生鹹酸菜送酒一流 花生夠脆沒酒溢味 鹹香招牌鹵水鵝件 個汁好入味 啖啖肉韮菜豬血 好味 夠淋 沒一陣膠味👍蠔餅可以話係伏 睇圖都知出事 一pat粉 🥲

由細食到大既打冷長期爆場 ！椒鹽鮮魷！ 唔係超出色，偏油...但都ok gei 蠔仔粥！好足料！好鮮甜！如果飲晒啲湯可以叫佢加湯 ！腸... 腸... 同腸！必食既豪餅： 當然唔少得滷水鵝片！我既最愛！好入味 ！ 下面既豆腐仲正呀！😂😂

樂富這家潮州打冷小菜館早已聞名，就是未有緣品嘗到，今晚終於有機會去朝聖。👏疫情下座位間距。男友到來接收工說要帶我呢個潮州妹去打冷🧐，落車先知原來就是樂富聯合興。晚餐全由男友發板，先來碟滷水拼盤$138再加個韭菜豬紅$55，嘩.. 正啊！豬紅滑溜入味不黏牙，不過食後都有點口喝，韭菜黏牙我都少食全部交由男友清碗。🤣🥢滷水拼盤份量頗多，大大碟底是滷水豆腐，其他有生腸、豬腸、紅腸、牛柏葉、鵝腸、滷蛋同墨魚皮，滷水入味賣相漂亮已叫我垂涎三尺，滷水不會過濃咸淡恰當食落帶點沙茶醬風味，我喜歡沙茶醬故每件都合我心意。🍺價錢大眾化，算抵食

多年前經朋友帶路試過呢間飯店已經覺得抵食又好味，除左有好多打冷食物，仲有好多唔同嘅家常小菜可以選擇，早兩日難得約埋幾個老友飯聚，即時諗起聯合興，估唔到食物都仲可以保持到水準，難怪疫情下的晚市時段客人仍然源源不絕，因為知道呢度六點後好多時都要等位，所以早兩日前已經訂好位。晚上八點一行四人準時到達，炎炎夏日一坐低即刻叫姐姐拎枝啤酒嚟解解渴先，是夜我地叫左椒鹽鮮魷、韮菜豬紅、煎蠔餅，鹵水花生雞腳同鹵水拼盤五款食物。每次嚟到必定會叫椒鹽鮮魷，平時好怕食到厚厚嘅粉漿，但呢度嘅椒鹽鮮魷只會沾上薄薄一層炸粉，大小適中香脆又可口，好易令人不自覺咁食完一件又一件，其他嘅鹵水食物夠新鮮，鹵汁好入味，份量都大大碟又熱辣辣，至於煎蠔餅也不錯，同樣不會厚粉一口油膩，蠔仔份量都唔少，不過食食下蠔餅中夾有蛋殼，呢方面廚房師傅要多多注意改善。

聯合興係樂富算出名，唯一一間潮州打冷小菜館，價錢合宜，份量足。但呢期幫襯過幾次午市外賣自取，價錢真係抵ge（$38大大盒），可怕ge係呢次ge芙蓉蛋飯就嚇親人，打開飯盒一睇：燶邊、佈滿黑點，好明顯煮到過曬火，但就交貨俾客，味道仲要好鹹（好似落左半包鹽咁鹹）。其實我係幾欣賞屹立樂富多年ge聯合興大件夾抵食ge路線，但午市出餐（特別係外賣）建議要把下關，雖然只係$38/餐，不求精美，只求食得入口。

今日六點鐘就去到聯合興，直接行入去就有位啦！入面環境都算熱鬧，好似去咗大排檔咁。今次我地五個人，叫咗腰果雞軟骨，蠔仔粥，薑蔥生蠔，鵝片鵝腸拼墨魚，非常豐富。黎打冷最正嘅當然係滷水啦，我最愛就係鵝腸，爽口彈牙，洗得乾淨冇臭味。墨魚都好新鮮，滷水霧遮蓋佢嘅鮮甜味。薑蔥生蠔煲煮得好惹味，生蠔非常JUICY，豆腐都吸收左醬汁的味道，好好味啊！蠔仔粥蠔肉唔算多，味道合格，基本上每次打冷都會叫。但係我就覺得雞軟骨太厚粉，亦炸得唔夠脆，味道一般。

The location is convenient, you have nearly arrived when you arrived Lok Fu station.The food is great. It won’t disappointed you.Also, The restaurant is quite tidy. The floor is dry and all thing meet requirements. For people who want to try, it is great for you to come in the afternoon because there will be too many people at night