榮式燒雞扒 (已結業)

有日朋友外賣超級香問佢食邊間原來係榮式雞扒所以特意來試試佢今日亦榮式雞扒北角店既最後一日營業所以特意午餐來吃飯大概12點左右已經滿滿人話明榮式雞扒當然要食雞扒啦叫左個《雞藕天成》$50 包凍熱飲☕️雞扒燒得好香皮脆有黑椒加蜜糖既甜味真係食過最好食既雞扒佢既蓮藕睇落就好似好乾其實食落好juicy 好有咬口味道超讚吾怪得咁多人來排隊食聽到佢要結業好失望啊又少左間好食既店鋪想食只好去其他分店啦如果飯有多點醬的就更佳

榮式雞扒店主打嘅當然就係雞扒佢嗰度嘅雞扒唔係朝燒亦都唔係烤而係叫做網烤式雞扒簡稱叫榮式雞扒主食之中最受歡迎就一定係雞藕天成飯即係雞扒配章魚藕餅飯，我入到去叫你一樣野嗰陣時好多台都系嗌一碟野當然佢仲有其他款式嘅雞扒例如鹽酥雞扒配肉燥又或者可以配番茄醬或者咖喱醬總共有四種口味迎合晒大眾嘅意欲一碟大約40幾蚊加野飲凍飲要8蚊所以埋單一人都50幾蚊其實都唔算話太貴但係味道的確係非常之好。雞扒真係燒到皮外脆啲肉仲係保持好多汁好鮮嫩亦都好冇一種肥膩感之後章魚藕餅其實少少嫌佢肥膩咗啲不過咬起上嚟都係好鬆脆同平時茶餐廳叫嘅藕餅係兩回事之後啲飯雖然外表平平無奇同平時食嗰啲白飯一樣但係細心啲食會覺得佢似硬身版嘅珍珠米粒粒分明而且仲會覺得幾好藉口所以整體而言個CP值都幾高如果鍾意食雞扒嘅人一定唔可以錯過呢一間榮式雞扒

這𥚃已經成為 JT其中一間最愛飯堂，因為食物味道有水準，份量夠之餘價錢又合理，最適合打工仔一族。 ($50 包飲品一杯)喜愛點雞藕天成的原因是有兩件雞太heavy，藕餅則起碼有些少蔬菜，感覺上沒那麼膩(雖然其實可能都一樣咁肥LOL)。雞扒去筋並切成長薄片，縮短烹調時間，所以能做到皮脆肉嫩。雞皮烤得脆脆薄薄，沒有多餘的肥膏，值得一讚。伴菜有少量椰菜，可中和肉類的肥膩。最欣賞它伴有榨菜和蔥油，用來撈飯一流！炸藕餅今次就有點失準，應該是炸完放了一會，像走了氣般軟奶奶。平時很好吃的，外皮香口，內𥚃又有蓮藕香和咬口，希望是一時失準吧！ ($55 包飲品一杯)朋友則點了鴛鴦雞扒飯，一片燒雞加一片炸雞。雖然我沒吃，但他說很好吃，而且從炸雞的外表來看，有點台式鹽酥雞扒的感覺，看來頗香脆，下次都可以試試。🍎Food: 🍀🍀🍀🍀👯‍♀️Service: 🍀🍀🍀👩‍🔬Hygiene: 🍀🍀🎪Decoration: 🍀🍀💰Value for Money: 🍀🍀🍀🍀🏆Marks: 6/10值得推介✅✅✅✅以茶餐廳來說，這間算是平均分偏高，不要期望有很好的服務，但起碼食物和價位都可以，絕對值得一試再試！

同男朋友行完山搭城巴落到北角行黎行去唔知食咩好，跟住入左黎食榮式雞扒。好耐之前係佐敦分店食過一次，印象中覺得幾好食，男朋友就無食過。男朋友叫左個豬扒飯，我就叫左榮式燒雞扒拉麵，仲加左$18要燒排骨，燒排骨脆脆地上面有香草，味道Ok；豬扒飯塊豬扒都幾好味，唔會太乾，但同榮式燒雞扒相比，始終都係榮式燒雞扒最好味，又唔乾又 juicy,幾鬆軟，同埋有少少黑椒，好好味，男朋友都話塊雞扒好食，仲爭d想食左我塊雞扒lol最後想講講加$10嘅奶蓋朱古力，d朱古力味道正正常常，但d奶蓋出乎意料好 creamy，勁好味我不停咁用飲管吸d奶蓋黎食😂😂😂😂另外晚飯時間個waitress姨姨幾好人

午餐精選叫咗個雞扒芝士腸套餐 個雞扒唔會好乾有肉汁 另外個汁溝飯都好入味 最估唔到係條芝士腸 本以為係平時打邊爐嗰啲 佢嘅芝士腸出奇地好食 ＄50呢個價錢有咁嘅質素真係唔錯 下下次會再嚟食

同同事去左北角榮式燒雞扒lunch..好快就有位 唔駛排隊👍🏾食左雞藕天成，連凍奶茶50蚊，抵食👍🏾但雙併一定要跟飯，如果跟烏冬要60蚊，好可惜。個蓮藕餅好好味，好鬆跪，應該有馬蹄粒，好爽口，而加食得出係岩岩炸好，好新鮮，熱啦啦，大推👍🏾雞扒好鬆軟，唔使用刀都可以好方便咁把它分成一塊塊，可以feel到真係好淋👍🏾食唔到冰鮮味，見到廚房係度烤雞扒，認真製作。不過個人就覺得黑淑味太重，個人唔係好鐘意，比較鐘意食蓮藕餅。飯既份量都大，食完係飽肚的。佢仲有好多蔥汁同埋鼓油，唔使驚無味同埋乾。同事既烏冬就細份好多，好似飯抵食d.但每人埋單都唔使50蚊，真係好抵食👍🏾同埋聽同事講，北角總店係最高質的。

榮式雞排是有名的local餐廳很久沒來吃就來回味一下結果發現，烏冬面連一底都唔夠豬頸肉硬到吃不下雞排也是一樣太失望！食到一半cashier出來說要埋數先付錢中午時間都未試過這樣！

想簡簡單單食個lunch,之前食過銅記分店覺得不錯，所以次試下北⻆的，但有點失望。飯不熱， 蓮藕餅也不像新鮮炸的覺得放了一段時間， 無咁香趣菜超少， 如果可以加d 菜就更好

呢度中午時段都好多人，午飯時間必須要先行一步。餐牌上有好多選手，但最為人認識既招牌菜必定係雞扒！今次揀左雞扒蛋，呢個選擇直頭係「親子丼」件雞唔算好大塊，應該係話冇之前咁大塊，但係雞既皮就好香好脆，雞肉嫩滑同好入味，有黑胡椒味但又唔會太咸。炒蛋就薄薄的一塊，蛋味一般，不過都尚可接受既。飯新鮮熱辣，但飯量偏少，男士絕對唔夠食。熱辣辣白飯配上薑蔥，係十分香口開胃既～配菜較少，雖然係普通白"火合"唔會特別好食，但始終要飲食均衡D既～

慕名已久終於可以來試一次雞扒。叫咗雞扒撈烏冬做午餐。先來奶茶，好大杯，茶都濃，奶味淡啲，下次叫多奶或者茶走比較好。烏冬好煙銀彈牙，雞扒好香好juicy，雞皮脆脆地，小小胡椒又好香，配埋麻醬味道好夾好好食。睇食評好多人都有兩塊雞扒，而雞扒遮唔晒啲烏冬，以我只有一塊雞扒唔知係咪帶到遮住曬啲烏冬呢，我只係睇到幾條烏冬，五啖就食晒啦。食就真係好食嘅，不過我食唔飽，要出去補多碗粥先夠飽。食完之後嗰種失落感令我下次唔想再來。

之前有去開灣仔分店食過，印象都幾好。雞扒真係幾好食。今次同同事經過北角，就入去食lunch。整個過程員工基本上都黑口黑面，好似差拒幾百萬甘。凍飲要少冰冇少冰。態度差，食落都冇胃口，差評！！！！！

經過北角煩惱吃什麼的時候突然見到榮式雞扒店, 腦海中已浮現那種美味, 口腔裡已流出那些口水這家餐廳環境空間大, 每個座位的空間都很足夠舒適, 不會很迫, 餐巾, 牙籤, 食具齊全因早前已食了一個下午茶所以沒有點套餐或小食最後只點了一個招牌 - 榮式燒雞扒飯如果不想吃飯的朋友, 他有拉麵選擇, 但只會得一塊雞扒, 飯就會有兩塊一上枱已聞到燒雞的香味, 燒得都剛好金黃, 雞肉非常幼嫩, 滑溜, 沒有冰鮮雞味, 雞肉與皮之間不會有很多脂肪, 建議一起食更加野味, 雞皮有一點點的脆, 一口飯, 一口雞再加上燒汁雞溶, 口感豐富又能互相配合, 雞扒底下還藏了一些菜, 菜也充滿雞汁, 燒汁的美味, 令人非常滿足! 只是感覺到較為多油

聽講呢度最出名既係榮式雞扒同埋鱆魚蓮藕餅，所以好順理成章地叫左呢度既雞藕天成飯，個名好鬼正！6點前仲會跟埋餐飲！之後再加左個板燒茄子雞藕天成飯($48) 有一件榮式雞扒，都算好大件，一隻手咁大，似係加左醬汁燒既，好入味，個面有d黑椒，個底有少少地方燶燶的但又唔會苦，好香好好味，肉質好滑；兩件鱆魚蓮藕餅，好野味，唔會硬有少少咬口，煎得香，味道上有少少過咸，配飯剛剛好！所以我覺得就算飯個醬油唔太有味都可以，側邊仲放左少少菜、蔥油、榨菜(定係菜圃呢?) ，整體上係好味既！板燒茄子($24) 個皮有d燶，個醬汁好濃，好香好味，見到燒得好細心，有靚靚grill 印，不過餐牌個圖好似上面有木魚乾，但黎到係冇既，都係幾好味既！餐飲奶茶就okay 啦，唔夠滑！

曾經，榮式雞扒乃我們每星期必吃一次的午餐。每每，總心急如焚地探頭張望，希望送外賣大叔可以早點來到。後來，「榮式雞扒」之友陸續離職或退休，就沒有再叫外賣了。路過北角店，決定一嚐久違了的「佳偶天成」！六點前，燒雞扒蓮藕肉餅飯$48， 奉送一杯熱飲，要了熱檸水。檸香不太突出，不打緊。只是，堂食用膠匙，心中不悅也！稍候片刻，燒雞扒蓮藕肉餅飯送上，一客有一件燒雞扒、兩塊蓮藕肉餅，以及椰菜搾菜和蔥蓉等配菜。取筷子時，始發現餐廳只提供木筷子！白飯質感粘稠，未夠乾爽，豉油也不鮮不香，敗筆也。幸而，配菜濃香爽口，且帶微辣，為白飯加添食味。長條狀的薄身燒雞扒，水準一如既往，秘製燒汁味道獨特，再加上微辣惹味的黑椒，外皮燒得極為焦香惹味且毫不油膩，甜中帶微微香辣，煞是過癮！薄且脆的燒雞皮下，是啖啖肉質軟腍細滑， 肉汁豐盈的嫩滑雞肉。相比下，蓮藕肉餅不免較為遜色了。藕餅應該是翻炸的，色澤頗為深色。咬下去，藕餅口感頗為乾硬，白白糟蹋了大好食材。

復活節第一頓飯，聞名已久，去試下榮式雞扒。中午，沒有太多食客，有卡位，比灣仔店幽靜鬆動。我點了雞扒豬頸肉飯配熱檸蜜。雞扒同自家烤焗制的沒有太大分別，外表甘香，雞肉嫩滑不嚡口，小小黑椒，提升雞肉味更惹味。豬頸肉卻似普通瘦肉，甚至有點嚡口欠缺口感層次。檸蜜其實是菜蜜加2片檸檬，甜甜地夠滋潤。差不多5O元一個套餐包杯飲品，其實普通貨色，偶然吾想自己煮來解決一餐也可以，但卻要想什麼特別炭火烤雞扒的話，你想多左啦…