榮華餐廳 (已結業)

專登平日先入坪洲，點知原來星期一好多店舖都休息🥺我係一個中意食早餐多過午餐既人見到店外寫住「早餐全日供應」😍就比佢吸引左入去🍜漢堡雪菜肉片麵+🍳火腿奄列+餐飲($43)雪菜麵味道就同普通茶餐廳差唔多，火腿奄列我就嫌佢油左少少🤣勝在平日人少，可以慢慢食～一路食一路聽職員同街坊既對話同互動，我呢個外來人都感受到滿滿既親切感☺️題外話：有啲驚喜冇播tbb新聞，令我坐得好舒服，有機會入黎會再幫襯🤓

出島工作，本身可以搭船出中環食午餐，但太肚餓就決定食埋先走。到內街行，一心想食牛肉麵，遠望見到榮華餐廳個牌；黎到門口見到早餐全日供應就決定入黎😍😍😍入到黎格局同氛圍都街坊小店 (平日坪洲冇咩遊客😂)，見到都有一半食客，應該冇入錯地方😍😍😍沙嗲牛肉太陽蛋麵 麵爽，要牛油方包就加$4，太好，唔使逼我食麵包。隻太陽蛋蛋黃汁撈麵一流。我自己食沙嗲牛麵好奄尖，有啲個湯太淡；有啲麵太淋；有啲個牛又硬又鞋；但今日出得呢個食評就代表佢好味😋😋其實個汁黑到我有啲驚牛肉係咪燶左照上枱😫😫 但個湯一飲，點解甜甜地？原來佢有落洋蔥落個汁😍😍😍😍 甜甜地都幾特別，佢呢款沙爹汁同平時食嘅有啲唔同，特別得黎幾好食😋😋😋下次黎坪洲要再encore 呢間，我見佢有不同炒飯，燴意等等。呢啲小店應該會有好味嘅蕃茄豬扒飯、煎鷄翼等等～～～係得坪洲而又多街坊黎嘅餐廳，冇返禁上下都好難做生意。

我好鍾意間中去坪洲行下，人少啲，好舒服唔會好似長洲同埋南丫島咁，咁商業化坪洲嘅餐廳唔多通常我就會入去行一圈再決定試吓邊一間餐廳今次揀咗呢間 榮華餐廳，係門面就覺得佢好有舊式嘅味道❤️ 蔥油雞扒飯好細心，蔥油分開，可以比客人自己調節蔥油份量蔥油味都做得好好，有誠意估唔到咁大碟，雞扒多個飯🙊雞扒香口，好用鑊氣❤️ 叉燒滑蛋飯份量一樣好多，比我想像中做得更出色叉燒切片不會太薄，有咬口滑蛋都做得好靚，一間餐廳嘅功架，食滑蛋就知道，一個字「得」。一上枱嘅時候仲出緊煙，係食得出嘅鑊氣❤️ 鹹柑桔蜜 — 好多餐廳鹹柑桔物都做得好淡口，呢個味道偏濃，但係又唔會太鹹，唔錯其實冇咗大排檔之後，好少食到呢個傳統味道，呢間餐廳真係值得推介！！❤️蔥油雞飯叉燒滑蛋飯熱鹹柑桔蜜

坪洲好細，隨便入左一間茶記食，係舊式茶記樣原本都冇期待過茶記有咩正野食，覺得都係普普通通果啲，點知睇下餐牌竟然見到有好多鰻魚菜色🤩抱著駁下既心態，叫左個鰻魚炒意粉....... 有驚喜！饅魚份量唔少，而且食落仲有啲彈牙！唔會切到三色豆咁碎睇都睇唔到果啲... 啲意粉炒得好勻，啖啖都有鰻魚汁味，好夠味！炒得唔錯👍👍👍 真心推介

粟米肉片飯 榮華的粟米肉片飯算抵食, 午餐$26還包餐飲 滿滿的粟米肉片舖面, 粟米雖然不太多, 但都摻了美味的蛋白琉璃芡, 撈飯一流 肉片大大片, 醃得夠味又夠稔

芝士白汁雞柳飯 榮華算多set lunch選擇, 廿幾三十蚊都包餐飲, 不過芝士白汁雞柳飯就無做set, 餐飲就要計原價 始終白汁比例多d, 芝士份量一般. 不過碟飯勝在多汁, 撈飯一流!!! 雞柳份量足, 還有罐頭磨菇, 好夠餸

來到坪洲，逛了一會，渾身是汗，想飲杯冷飲解渴，經過這店，門外貼了餐牌，竟然有杏仁紅豆冰，咖啡紅豆冰這類特色飲品，上次吃紅豆冰已是二十年前了。入內坐下，陳設像回到五十年代，這裏不是「懷舊士他北」，還是不敢太冒險，叫一杯普通的紅豆冰便算。紅豆冰用一隻懷舊的古典刨冰杯載著，有兩層顏色，下面是紅豆，上面是奶水，冰塊是不規則的形狀，明顯不是從冰粒機「啤」出，相信是從一塊大冰鑿碎而成，我將上下兩層混和才喝，紅豆粒有少部份不夠腍，甜度則剛好，稍嫌奶的份量過少。不知還有沒有冰室供應蓮子羹？

壽星話要去郊遊,來到坪洲,四處逛逛,見到門口有幾張雜誌介紹奶茶就入去啦~先來凍奶茶,我以為我叫左少甜所以冇味...但係朋友們的正常奶茶都係冇味既...反而豬扒多唔錯~~豬扒係炸的唔係煎,薄薄的,又脆~友人的西多士用左三層麵包,好厚,但糖漿甜味不足...

十一月廿三日‧晴 吃完麵，但食友們卻還在船程中，未入到來，就找間茶記坐下，見這裡出面有貼圖報導介紹這裡的紅豆冰，似不錯，就進來坐下。 是街坊茶記，三時許也差不多坐滿的，幾旺場。要了杯紅豆冰，大大粒冰，大大粒紅豆，混合奶水，喝一口，都不算太甜，有紅豆香，可惜紅豆不稔，吃起來是硬硬的，可以更好。冰多了一點，喝到最後，還剩下大半杯的大粒冰在內的。 15蚊，不算貴，一試無妨。