森堡美食

營業中

休息中

黑椒汁雞排午餐肉焗飯十分好食，獨特的味道暫時未在其他地方食到咁樣的味道。黑椒汁有小小辣，雞排很嫩，午餐肉像餐蛋面的感覺，飯粒粒分明，不會好濕。每個細節位使呢個餐變得好食。

十幾歲中學時期食到三十歲，推薦自選焗飯食開白汁墨魚仔粟米焗烏冬，同黑椒汁韓式烤肉粟米焗炒飯烏冬份量少啲，女生夠飽，男生未必夠飽，炒飯就份量多。食物算中上但環境擠迫小小。

森堡美食係係天水圍既樂湖站新北江商場1樓美食街內.雖然位置唔係超方便，但商場入面充滿唔同嘅小店餐廳，好有人情味.餐廳細細，只有9張4人枱，但係需要等嘅時間唔會好長，返枱率算高.❇️食物1️⃣焗勁辣牛魔王（黑椒汁+咖喱汁）入面嘅牛肉有牛扒加牛腩，好淋 加好入味.2️⃣焗白汁海鮮大會海鮮大會包括4大塊煎魚柳，蟹柳，蜆肉，魷魚.除左焗炒飯底，仲可以要轉長通粉，米線，烏冬等等.另外如果想加飲品只係$6 ，台式飲品加$7.又抵食 又有人情味 正

由中學食到而家都仲保持到水準既森堡唯一唔同既就係 物價通漲 貴左唔小🥲一入到去都係見到中學見慣既老闆同員工不過而家先進左 一坐低就可以掃QR Code 落單變左唔小啊 科技化左環境指數：⭐️⭐️⭐️⭐️唯一缺點真係太迫 不過真係咁先有親切感😎食物指數： ⭐️⭐️⭐️⭐️⭐️二個人叫左二個自選焗飯😋吉列魚柳火腿焗飯- 蒜茸汁一個焗飯有五大舊吉列魚柳 炒飯底 真係好好食白汁雞絲粟米飯雞絲係雞扒碎件上真係好抵食又好味😋😋

今日去天水圍買模型，之後去新北江搵野食12:00左右見到呢間舖冇乜人，應該啱啱開舖，所以就同朋友一齊入去食韓式烤肉+芝士腸南瓜汁焗長通粉厚厚嘅芝士覆蓋住長通粉，烤肉同長通粉份量多，芝士腸印象中都有三四條。南瓜汁感覺似粟米汁，冇乜南瓜味+$6凍奶茶朋友食嘅係鐵板海鮮炒烏冬，份量都多雜錦海鮮以炸魚柳最大件其實呢間舖都幾多人食，越食越多人入座，外賣訂單亦都一路做，但店舖座位都有啲窄，坐滿人嘅時候起身都幾麻煩

今日做完運動後黎左呢間森堡美食食lunch。呢到最出名係焗飯/意粉，但自己唔想食太多汁，所以嗌左呢份雞扒牛扒煎蛋上湯米粉，但就上漏左雞扒，有後補番。總結黎講湯麵係正常水準，但相比焗野就普通左d

森堡係天水圍都已經好多年，係由夫妻檔經營，都算係由細食到大，原因不外乎抵食同好食又有特色，飲品種類又多，餐廳定位其實好雜可以話乜都有d，焗野同湯麵類有好多配搭，中式飯又有，甚至有d野真係係其他西餐或茶餐廳都好少出現既野，種類太多數之不盡，由於都有一段時間無食今日就去食個下午茶。係新北江入面都係蚊型店，環境相對比較細同幾迫，人多時就一定坐得唔太舒服，不過新北江入面主要都係食食物唔係食環境，所以都有一定既街坊支持。雙拼焗野係我每次黎都食既野，大多數黎森堡食野都係食焗野，可以揀炒飯底或意粉長通粉之類，汁底又有好多種，好受歡迎，咁耐無食質素都保持到，唯獨是價錢貴左好多，下午茶而家都要41蚊，可見通貨膨脹得好勁。韓式烤肉雞翼南瓜汁長通粉今日既選擇，雞翼有兩隻係炸完後擺落去既，炸得好香脆，而d肉又唔會炸到乾，食落都好嫩滑，韓式烤肉即係豬肉片，有調味唔會淡茂茂，份量就唔多大約5小塊左右，南瓜汁有輕微甜味整體比較似白汁，焗既火喉時間都好足好夠熱，而d汁都夠傑身唔會水汪汪，長通粉有坑紋好掛汁，煮得岩岩好唔會太腍或太硬，我真係敢講好食過好多出面賣成舊水一個既焗野，雖然價錢貴左但都比出面平同質素都比好多地方

間唔中就會想食焗飯住大西北，一想食焗飯就諗起佢黎個自選焗飯🍛🌟印尼加多加多汁🌟牛腩拼餐肉🌟炒飯底食肉瘦，大胃王之選份量大到食唔哂😂加埋鐵杯凍奶茶結尾$53飽到震

街坊都知既森堡餐廳小店街坊既話, 裝修就要求太多咖啦都幾多人幫襯焗飯幾好味既點左個牛魔王焗飯個汁係mix左咖喱汁加黑椒汁牛腩可以 唔會太硬個飯底係乾身 唔會太濕 單係呢點已經嬴好多店個汁都偏濃味 可以接受個汁表面有少少黑黑地 feel到佢經過歷練

天水圍新北江商場很多餐廳小店~其中一些每次都大排長龍,所以我通常會選人不算多,但食物質數不錯的森堡~其實已經不知第幾次來吃飯,個人最喜歡這家的滑蛋豬扒飯~不過這次試了生炒牛肉飯~炒飯很香,牛肉亦不錯,只是間中有些筋~炒飯中用的是椰菜絲,非一般用的生菜絲,吃起來更有咬口~另外點了一個雞翼西蘭花白汁意粉~這家的焗粉麵飯配搭實在太多,每次都可以轉不同的配搭,日日有新意~這次試試雞翼,炸得十分香脆,稍稍有調味,整體不錯~而且貼心的把炸雞翼放在焗意粉上面,避免白汁令雞皮變軟~加凍飲只需加5蚊~凍檸茶味道OK,茶味不算濃~但沒有叫少甜也不會過甜~街坊小店,以這個價錢,這種質素算很不錯~當然亦有部份食品比較伏,例如炸魚,鹼水味會比較重...

喱間嘅焗飯可以話係由細食到大！๑•̀⌄•́๑ 真係keep住咁耐都係咁好味啊！♡#雞翼沙嗲牛肉焗飯 /黑椒汁焗飯叫左炒飯底，炒飯唔會太濕太油，炒得粒粒分明～雞翼有兩大隻，個皮係炸/焗到勁脆！๑•̀⌄•́๑但係食落又唔會乾！好juicy 好香口好好味!! ♡沙嗲牛肉正常發揮， 唔會好韌加埋黑椒汁真係勁開胃！黑椒汁唔係偏甜個隻，而係惹味有啲辣個隻！真係無得彈啊！♡

住天水圍街坊一定熟知森堡呢個餐廳，佢哋嘅焗飯好出名，配料選擇繁多，可以揀飯、意粉、鑼絲粉、波菜麵等。連醬汁都有多種選擇，印尼加多加多汁、黑椒汁、白汁、葡汁等等。對於素食嘅人士來講都好方便，因為佢有素麥樂雞、素熏蹄、素羊肉等選擇。焗飯每次都熱辣辣上碟，配菜好食，份量仲好大份，係街坊必食抵食之選👍🏻除咗焗飯，都食過佢嘅素炒烏冬。料多、烏冬夠彈牙。其他小炒都好好食，唯一係店內環境比較迫，坐得唔太舒服。

我揀左蘑菇豬頸肉黑椒汁～～蘑菇係罐頭蘑菇，我真係太鍾意嗰種味道，其實我上次都叫過一次，但係唔記得咗佢係罐頭🤭🤭🤭豬頸肉普普通通冇乜特別～面頭有好多芝士，呢樣野係較為吸引成個飯就普普通通，不過小店都值得支持下既！！！我朋友就食素，叫左素蝦卷茄汁烏冬，勁多汁。好岩啲用汁送飯既人。都係典型茶餐廳茄汁啦🙂🙂基本上吸引之處係可以有好多選擇，實有啲岩你食既，同埋有得揀係開心既～食緊嗰時都見到耐唔耐有街坊嚟外賣，睇嚟都幾受街坊歡迎喎😄😄😄

今日去遠少少入天水圍食先🙈成日聽人講新北江 今次一於係個到食野👀店舖冇好靚既裝修 就係一間好普通既小店坐位唔係闊落但都坐得舒服既小小既店舖但選擇都多架喎👀經朋友介紹我就試左佢地既焗飯🍲佢地有啲固定配撘好既焗飯亦都有自由配撘既焗飯可以自己揀配料 揀醬汁 仲可以揀炒飯 白飯或者意粉選擇都好多架 最緊要係自己想食咩就食咩嘛😂我地五個人 叫左兩個焗飯 兩個小菜飯一個吉列魚柳西蘭花配洋蔥汁焗飯一個雞扒蘑菇配白汁焗飯仲有一個清湯腩同西蘭花炒雞柳吉列魚柳好脆好香口但又唔會食到一口油西蘭花都唔會太硬咬唔到洋蔥汁好夠味但又唔會太咸👍🏻👍🏻雞扒肉質未去到好嫩但絕對唔會係鞋口架白汁我試過都唔錯架🥰焗飯絕對值得一試🙆🏻‍♀️🙆🏻‍♀️🙆🏻‍♀️另外個兩個小菜我就冇試喇 但成餐飯朋友都話好好食 所有野食都真係唔錯 唯獨係個白飯差左小小不過我都唔知點為之好食既白飯 每個人口味都唔同嘛 但呢個就唔太岩我唔味喇🙈

小編其實有一間餐廳係經常去食，係位於天水圍既餐廳🤩，而今日小編就走到過去食午餐，呢一次就為大家介紹呢間係新北江商場✨。新北江商場餐廳比較多，而且亦都有唔同既選擇🧐，而小編就最鍾意食呢一間叫做「森堡美食」，因為餐廳既焗餐或者湯麵餐可以有好多配搭🤯，小編依家就為大家講吓小編最鍾意嘅配搭係乜🤭。✦✦✦✦✦✦✦✦✦✦✦✦✦✦🎈自選特式焗餐 $45呢個焗餐入面無論係主菜、配菜、醬汁同埋麵類都可以任意配搭✍，而小編比較喜歡就係白汁豬頸肉西蘭花焗烏冬🍴。係出面既餐廳比較少有呢種咁多款去配搭😳，完全可以根據自己鍾意既口味去揀出自己獨有既焗飯或麵餐👏。而係份量方面，作為晚餐啱啱好食得哂，而且醬汁係非常之多💦，唔單只係表面有白汁，入面都充滿醬汁，啖啖都係豐富美味既白汁伴隨👅，仲要有焗香咗既芝士係表面🧀，多一份口感同香味配搭，所以就算小編住得有幾遠都會間唔中走過嚟食呢間既焗餐😋。✦✦✦✦✦✦✦✦✦✦✦✦✦✦住係天水圍既朋友一定會去過新北江商場食飯👀，而唔知道大家又鍾唔鍾意食呢一間餐廳呢?小編個人認為性價比高✨，而且又多配搭。另外，仲有各款既台式嘢飲可以嗌🥤，今次小編就想飲珍珠奶茶，味道唔會太甜😳，中規中矩，