海皇粥店 (已結業)

清清腸胃的晚餐 南瓜粥加炒麵 海皇的粥從來也是水溜溜的南瓜粥有瘦肉和栗米增加了飽肚感, 無過也很稀 南瓜是對對抗癌症的食物之一, 所以我差可過每次都會叫南瓜粥的 感覺十分健康 炒麵, 銀牙得幾條, 熱度又不足, 而且麵更有點點硬, 好在唔係好油, 但整體未如人意 用左 $5 coupon 只係用左 2x , 都okay 啦

近幾日的天氣凍到個人sort sort地,找日去左食生滾粥做晚餐,唔係好記得CWB有咩粥店,所以就快快手手就入左海皇粥店喜見海皇粥店而家有生滾粥食,(定係我太耐冇黎out左?)anyway,order左個滑牛粥食,滑牛的份量唔多,只有少少幾片,而粥都幾綿,只係覺得集稀左少少,整體黎講okay啦,好食過平時menu 0個d既

十二月八日(星期二)同老公仔做完gym後,我們就到了海皇吃粥!有陣子都沒有吃過了粥!對海皇都期望的!我們叫了個皮蛋牛肉粥,艇仔粥和炒麵!皮蛋牛肉粥:只有兩個小小的皮蛋...牛肉很多油..很小!還有吃吃下,我見到碗內有膠!...我上次在中上環吃了忠記都只是十多元!但是又足料又平!炒麵都一般!...比較油!對海皇很失望呢....

我點了一碗『 海皇一品粥 』、『 油條 』『 油條 』(HK$*8)『 海皇一品粥 』(HK$26)~~吃完非常滿足的走出門口，繼續逛逛銅鑼灣~~結帳費用是：HK$34 清潔衛生, 味道ok, 粥夠棉

因地區問題﹐所以這間海皇的價錢比其他海皇貴一點﹐但食物質素都與其他分店差不多。雖然已坐在店內後半邊﹐但溫度亦蠻熱﹐汗流夾背。再加上吃下熱熱的食物﹐真的熱到濕了全身。 食物要了青紅蘿蔔排骨粥﹐凍綠荳沙﹐煎堆和Q版三拼(牛酥﹐鹹煎餅﹐煎堆)。 青紅蘿蔔排骨粥– 味道很重青紅蘿蔔味道﹐由如正在喝青紅蘿蔔湯。味道沒有其他粥品那麼鹹﹐吃到新鮮的蘿蔔味道﹐感覺很健康。凍綠荳沙 - 煮得幾棉﹐不會是稀稀貨式。味道不會太甜﹐在熱熱的天氣下吃一碗來消暑都不錯。煎堆 – 剛剛炸起﹐整個呈漲朴朴形狀。因剛剛炸起﹐咬落很鬆化﹐煙煙韌韌。Q版三拼(牛脷酥 ﹐鹹煎餅﹐煎堆) – 全部亦是剛剛炸起﹐每樣都很鬆軟。海皇都算是有監管的食店﹐所以食物質素不會很差﹐但這裡的硬膠櫈就坐得不太舒適。

呢日行過銅鑼灣，去左好耐冇去嘅海皇，入去食lunch. 佢地而家做緊promotion, 艇仔粥12蚊，鼓油王炒面8蚊。我地兩樣特價野，艇仔粥同炒面都有要，另外，仲叫了一個牛肉魚片粥，一個羅漢齋腸粉。首先講下個艇仔粥，裡而有魷魚、肉丸、豬皮，唔算好多食送，不過煲得都幾綿。炒面就無咩特別，無話好唔好食，不過就有好多人要，因為有特價吧。個羅漢齋腸粉比較特別，因為出面其他舖頭少啲見。腸粉上面有粟米粒，蘿蔔等等蔬菜，賣相幾色彩豐富。最後，呢度都幾抵食，而且見呢間店子整體都幾乾淨整潔，員工右手(為何只是右手?)都有戴膠手套，仲不時更換(雖然有點浪費，但如果拖完地咁就緊係要換啦)。唯一有少少可以改善嘅地方，我地那天坐低都無兩分鐘，就有三個員工走過來要幫我地點菜，我都有請佢地等等，但係其後隔了一會又有人再過來。其實，可以稍稍等等，o個時都唔多人，又唔係要快啲翻檯比下一檯人。

年三十晚與愛人到維園行花市，左迫右迫個多小時才可出來，還要依照指示行，兜了很多路，結果來到這裏，大家肚子有些餓，要吃牛年第一餐。店內坐滿了人，好不容易才找到一張檯，我們選了海皇一品粥，白粥，炸兩和腸粉。海皇一品粥有蝦兩隻，魚丸，鹹瘦肉和蟹柳，收二十六元，材料大多是工場製成品，何來味道，可能要一碗皮蛋瘦肉粥來得實際，炸兩和腸粉則不錯，夠熱和夠滑，重可以任落芝麻。有時，來一間普通的店子，點簡單的食物會較穩陣，太花巧反而不美。

昨晚整完頭自己一個人咪想去食粥, sogo附近都無粥店想來想去最終都係去左海皇...好多人又無位搵左一陣見到有位咪坐啦...我既惡夢就係由我選這店開始...坐底睇左一陣menu就決定叫皮旦魚片粥同油條食..最快就係上左油條啦..當我坐係到發呆等粥時..係我坐既附近就有個人推大埋碗碟想推入廚房洗既時間..唔小心整到一大盤落地..最後一大埋粥呀麵呀就落左係我雙腳到..救命呀我對鞋呀我對腳呀..個職員仲要只係拾回佢地既碗呀碟呀..完全無人理我無人俾紙巾我..最後要我去要求先識講對不起同俾紙巾呀..真係火起.順便講埋碗粥啦...收人地$24一碗粥..成碗粥就只有一粒仔係一粒仔既皮蛋...即係俾得1/4隻都唔夠既皮蛋..我永世都唔會再去任何一間既海皇粥店...

九點鐘, 不用等位, 但是全部桌子都佔用了...兩個人只好靠邊坐, 但我倆一袋二袋, 太多野喇, 跟本就要坐四人座才行, 但是要等上五分鐘才有人離座。但是, 一入店內, 都沒有人招待, 可能真係太多人喇...而且人手十分不足, 只有3個樓面, 但要照顧20張桌子, 真的不太夠呢~當我叫了好幾次拿menu給我們看, 但是都沒有拿給我們, 那些嬸嬸真係好忙呢! 等了又等, 有menu了, 看了又看, 舉手了又舉手, 等了又等, 前前後後, 用了十五分鐘才下了單, 寫好了, 仲要漏單, 為什麼要客人等了半小時才有牛脷酥? 雖然粥都上了, 米粉都炒好了, 但只是炸好了的牛脷酥都沒有人剪啊! 最後, 當我們快要吃完粥的時候, 那個牛肉腸還沒有來! 為什麼呢? 叫了又叫, 都是沒有人理會我們! 原來是沒有寫單呢~ 我們明明有叫, 她都有覆我們的啊! 為什麼就是沒有寫單呢? 唉!味道:皮蛋瘦肉粥: 四分一只皮旦, 完全比我們看得到, 為什麼不切小一點呢? 瘦肉是一絲絲的, 但粥就是稀稀的, 一點都不綿! 但看上去, 那幾小舊油炸鬼裝飾是賣相十分好的!炒米粉: 淡然無味! 加了辣醬才可吃下一口! 冬菇

這間可能是全港最貴的海皇了，聽聞是銅鑼灣區，再加上鋪租很貴，所以轉由消費者身上．有幸同事有優惠劵，下午來了一吃．皮蛋瘦肉粥：有半個皮蛋，沒有欺場，粥算是不錯，但吃不多就有粥水感覺，而且之後亦很口渴，不是有否下味精啊？蝦米腸：腸粉算滑，蝦米也多！炸兩：滑腸粉又包著香口的油條，幾好味！若然用正價，此餐已用了53元了，只是很得剛剛好，若在其他粥店，那要用那個價錢．不過此場整潔，服務態度也不錯！不知是否一分錢，一分貨？

偶然經過呢間店食下貴粥, 其實質素同半價的粥沒有分別.不過粥普通, 小食就過得去. 粥方面其實食下艇仔粥都還可以, 其他不太值得.瘦肉粥都過得去粥幾好味不過牛肉好似太軟兼無味道. 炸麵比外面的店差.炸腸, 炸兩, 油炸鬼, 蘿蔔糕都過得去不過有一個毛病, 油太多而且唔夠熱.其他小食貴人地一倍卻比不上其他粥店, 可能真係要改革一下買其他野呢.

晚上祖安陪我, 去捐0左第一次血, 其實我都有少少驚打針0架, 不過最後都順利完成, 都好期待自己係咩血型添, 呵呵. 晚餐我地去0左<海皇粥店>, 因為祖安喉嚨有d 唔舒服!!! 1. 瘦肉粥及艇仔粥 (各 $22) ~ 嘩... 點解d價錢貴0左咁多0架, 真係唔係好抵食喎. 兩碗粥0既質素都係一般!!! 2. 炸腸 ($16) ~ 炸腸反而能保持水準喎, 配上一半辣醬一半甜醬, 味道好好!!! 3. 羅漢齋炒米粉 ($12) ~ 真係冇改錯名, 真係幾齋0既米粉, 普普通通啦, 我都係比較鐘意食筲箕灣0既<海峰快餐>多d!!!P.s. 積奇要暫別香港五日, 到沙巴享受陽光與海灘, 所以要到3/9再執筆, 敬請留意!!!整體評價： 價錢偏貴, 少食為妙!!!

跟同事OT後食晚餐,叫了一碗菜乾豬骨粥同埋及第粥,2碗粥都唔好食,料又唔夠新鮮,最弊勁多味精,食完勁口渴.炸兩油炸鬼仲係脆口,不錯.至於蘿蔔糕也不錯.最好是不會下太多油總括而言,粥好唔得,真係可以唔叫,或許只係腸粉比較好因為有優惠券,所以只是40元便有4樣食物

依家出街食飯乜都貴，唔知係咪銅鑼灣分店比其他貴少許，想唔到食碗菜乾排骨粥都廿幾蚊，以前十五蚊咋..睇到海報話益食客，南瓜粟米粥同菜乾排骨粥有特價版，只係五蚊一碗夜媽媽都仲有喎，梗係要呢碗啦(當時係晚上十一點，我估除非佢賣哂，如果唔係全日都有五蚊碗)五蚊碗都唔細架，都有料，抵食朋友另外點xo醬炒腸粉，味道普通，腸粉痴埋一舊舊

尋日肚仔痛, 呢2日食野都要小心d, 今晚要出銅鑼灣拎衫, 於是迫不得意要去海皇開餐 南瓜粟米肉碎粥 (特價 $5 ) 抵食健康之選 牛肉腸 ($19) 皮死實實, 都唔要求你即拉, 都唔會做得咁差, 從未食過咁差既腸炒粉 其實樣樣都加 2-3 蚊, 都幾搶下, 如果唔係病都唔會食, 雖則服務都唔錯, 但食物質料更重要呢 !