銀龍粉麵茶餐廳

營業中

休息中

今天下午五時 ，我走了過去西洋菜南街 銀龍茶餐廳 ，早一些吃晚飯 。我叫了一碟鹹魚雞粒炒飯， 配上一杯熱奶茶 ，大約50元。 炒飯炒得很乾爽， 味道唔錯。 餐廳客人很多， 人來人往， 相信銀龍都係一間出名嘅餐廳。

在附近辦事順便吃埋午餐，見到呢間餐廳就近地鐵，就入嚟試吓，叫咗三個餐，冇一個好食，咖喱吉列魚柳太辣，柱候牛腩，啲牛腩好鞋，唯一一個黑椒豬還算可以，普普通通，3杯熱飲，一杯朱古力同好立克甜到溝咗兩杯水先飲到，一杯熱咖啡就唔錯，總之一句，冇下次服務態度又差

📍銀龍粉麵茶餐廳 (旺角)旺角西洋菜街59號地下今朝8點幾就到旺角，出左地鐵站就搵早餐食，見到銀龍有開就諗都唔諗入左去了…食個火腿通心粉碗牛角包🥐雙旦熱奶茶通粉都幾大兜😂我都食唔灑…其他都正正常常😆不過留意星期六日會加收2蚊….

今日去銀龍吃午餐 叫咗個蘿蔔炆牛腩 結果個蘿蔔凍嘅，明白d蘿蔔一早煮好曬，但係上比客人時，可唔可以煮熱d 唔好咁求其 跟住叫人叮熱佢（因為趕時間 ）吃咗咁多最中伏係今次 咩心情都無曬 服務態度都OK 不過佢d食物質素時高時低

出地鐵站賣完東西後，俄了，而且餓得腿打晃，快站不住了，所以趕快找吃東西的地方，往前走了不遠，即看到了這家銀龍粉麵茶餐廳，趕快衝進去，一樓客滿，衝到二樓，落座點餐：雲吞麵（到任何一家茶餐廳都要點的東西）、牛肚河、炸魚皮、奶茶。雲吞麵，麵筋道、蝦彈牙、湯底稍清淡；牛肚河，牛肚滷味醇厚；炸魚皮，未留下深刻印象；奶茶大贊，茶、奶比例恰到好處，口感幼滑細膩，非常滿意。本只想填飽肚子，沒想到卻得到了一個意外的驚喜，莫非是過於飢餓，吃什麼都好味不成？

我真的食唔起:$38一碗魚蛋粉,,$45一碗牛肚米,唔包飲品,兩碗野仲要係無味道,無伴菜,無乜蔥花,要飲品?話優惠價$11,就可以加喎,我係港燦,真的唔會再加$11去比佢地賺囉...唔怪得全間野得我地兩公婆似香港人,食咁少野.......食完,坐一陣睇睇隔離自由行食啲乜?佢地都揀唔落手,都係食碗粉,仲自我安惠話,"香港係咁架啦".坐我地對面既一位類似中招的自由行同志,碗魚蛋面未食完就走,真的真的好難食...全部都係清水碌,

這日在旺角，人多天氣又熱，想喝杯冰凍港式凍奶茶。剛好看到這間茶餐廳，一於進去順便吃個午餐。第一次來，原來menu選擇頗多，有點翠華的影子，不過環境就不及翠華企理。最後決定吃份馬拉咖喱石斑飯，加杯凍奶茶。奶茶先到。香濃茶香，有水準，好喝！(4.5/5)接著咖喱和飯送到。飯的份量很多，而咖喱的顏色則黃得有點奇怪。咖喱內的石斑肉雖說是雪藏貨色，但肉質實和處理得不錯。咖喱除了薯仔粒和洋蔥外亦加入了較少見的青椒（？這是銀龍馬拉式）。其實這個咖喱的味道有點接近葡汁，不夠香辣，不是我杯茶。(2.5/5)

四月下旬‧晴忙到七彩的一天，約了朋友吃飯，來了這裡，純粹就他。要了碗魚蛋米線，味道很淡。壞處就是不好吃，好處就是至少不會太整色整水。反而杯熱咖啡不錯，幾滑身味道也濃郁，不酸不苦，有水準的。

自從上一次花園街銀龍既失水準既茶餐之後.久久都對呢間敬而遠之.但一次並不能定成敗(除非太唔好食啦)好,今次試多一次(不過係同區別店)叫左個普通西冷牛扒配意粉$42先嚟忌廉湯3分:無一舊舊,OKMAIN COURSE3.5分:都好易鋸開.明顯係鬆肉粉既功勞. 配菜都叫有炒過.合格啦!跟餐叫左柚子茶,無特別!服務都不過不失,但有兩.三個服務員晌水吧前有太多助語詞.好似有D...不過.呢D唔係就係MK茶記文化?好啦.俾番個OK你啦!

又是旺角區的茶餐廳早餐. 是日一行行到來西洋菜街. 位於旺角正中心的大街大巷, 舖租應該甚貴, 呢一間銀龍, 多年來都是在這繁華的鬧市中, 保留一些香港的原有文化. 此銀龍, 門面換了LED燈, 夜晚會閃下閃下, 是較為吸引的. 入到入面, 是保留了一貫的茶餐廳風格,完全沒有因為翠華的影響而把原有茶餐廳的格局改變了.同樣的, 我要了公仔麵餐. 不過今之就要了雞扒麵. 雞扒, 煎得香口, 油不算多但起碼雞皮夠脆. 醃得好, 味道入肉三分. 雞肉有味是最好食的雞扒. 中國人食野, 最重要, 就是入味. 湯底, 是加了雞精的湯, 格外的鮮味, 不過, 用雞精....即是用味精啦......黑白奶茶夠熱夠滑夠好....食飽.....又要繼續為生活而忙碌啦.....

一行三人午餐，茶餐廳乜都有，實揀到野食，坐一樓卡位，我叫咗「咖喱牛腩」跟意粉（$50），無湯無飲品，要加飲品要加$8，特飲加$15，太貴了，不值，食物很快上枱，意粉不會太淋，少少咬口，幾好，咖喱汁夠濃厚，唔太辣，牛腩有五件，大件嗰啲肉較嚡，仲有三件牛筋，牛筋粗身夠淋，配埋青椒洋葱薯仔，味道真係唔錯，侍應勤快，環境較迫較嘈吵，旺角食餐飯咁上下

一月十七日，天氣仍然偏寒的一天，因為工作關係而滯留於旺角，沒法回去中環吃我的翻叮午餐盒，只得半個小時之下，亦不想求其地吃個漢堡包，也是打工一族的苦惱事，剛好西洋菜南街有一間銀龍茶餐廳，在沒有更佳的選擇之下，那就匆匆入去坐下。說起銀龍，早幾年一些惡作劇之徒，就在網上散佈流言，說廚房有人將一些「污液」放在食物裡危害食客，由於實在過於虛假，最後也是一笑置之；同時也概嘆網民只憑一己喜好，而不負責任的可惡態度.......今次再臨之下，發覺環境也來得乾淨和企理，而侍應的對答也是趨向正面，不多不少也和競爭對手「翠華」不無關係。最初也只打算吃一碗牛腩河算了，見到其午餐也有數款供應，見到有腐乳蒸雞這道我喜愛的東西，也就改變目標，其奉上的老火例湯，是冬瓜煲豬肉之類，基於火侯十足之下，湯身已煲得起茸，味道來得清甜，裡面更發現肉竹之類的藥材，最大的欣喜，還是整碗湯也沒察覺很重的味精燥感。不一會也送上主菜和白飯，拿上手的第一個印象是夠「燙」，有道「一熱遮三醜」，如果是熱食的話，溫度往往會決定於味道的好壞，尤其正值天寒地凍之時。這碗白飯除了夠熱之外，也來得鬆軟而爽口，這不粘的飯身，也確是適合大眾的口味。至於主角

在完全沒有心理準備之下步入銀龍, 哇! 好貴的茶餐廳, 跟翠華是同1個價錢水level的。 大部分餐都要$3x - $5x 不等,,, 全部都是肉肉肉肉肉, 小妹千挑萬選, 唯有吃個墨丸河 ($25)。本身小妹是極度討厭這類粉麵+茶記合1的茶餐廳, 不倫不類。 等很久的墨丸河, 白白的1碗, 菜都沒有條伴著, 湯是味精水, 墨丸100%是外購的, 質素奇差, 完成沒有墨魚味, 還有點魚蛋的味道, 而且超多粉很難吃, 小妹吃了1粒已放棄其他4粒。 在非常餓豬的情況下把河粉全吃光, 留下4粒難吃墨丸。 阿姐收碗時問"e個食完架喇? 咁你同食齋河有咩分別?"小妹沒好氣答"咁d墨魚咁難食點食丫?"阿姐有點不爽"真係好難食咩? 我覺得咁好o徙o者"果然具有大型連鎖食店又貴又求其與舊式茶餐廳服務態度0分的2大特色。 附近的翠華快點開業, 狠狠地屠龍吧~~~

和朋友經常會來這間茶餐看足球直播，不是因為它的食物特別好吃，而是因為這裡是真正全面禁煙的。上星期日和朋友再來這間茶餐廳，看英超大戰車路士 vs 利物浦。約 10時 45分到達，開賽前睇波的食客並不多，但當球賽展開後，食客便魚貫入場，幾乎坐滿整個茶餐廳。起初，和朋友坐在中間的大檯，誰知有個兇巴巴的阿姐，叫我們坐卡位，否則要繳付300大元！今時今日這樣的服務態度真是要不得。經驗告訴我，來這間茶餐廳用膳，千萬不要叫小菜吃。我 order了一個常餐，有火腿奄列、麵包、沙爹牛肉出前一丁麵和凍檸茶。朋友叫我估波膽，我回答說：「全場好難講，但半場一定係 0：0！」果然不出我所料，雙方半場互交白卷。上半場悶戰一場，正是開餐的時候。半場休息，我們 order了雜果沙律 share吃。這個沙律份量十足，我們後勁不繼，最終無法把沙律吃光。下半場比賽較上半場精采。Now Sports足球評述員曾偉忠在英國現場講波，他說：「我地哩邊暫時踼成 0：0 ...... 交番去香港果邊。」還以為他報道其他同時間進行球賽的賽果，誰知他卻是廢話連篇。坐在後面的波友，也按不住說：「唔同香港果邊踼成 1：1咩，哩句可以媲美黃興

今朝(5-9-2009 Sat)同男友,女友人DC唱完通宵K後,搵地方食早餐,未夠6:00am,原來呢個時間,旺角都唔係好多食肆開,我o地終於搵到呢間,其實舊年8月o既一朝,又係差唔多呢個時間,同男友,女友人CK都o黎呢間.今次我揀o左$19.00o既鮑絲火腿通粉同熱奶茶,男友要$19.00o既沙嗲牛肉麵同熱檸茶,DC要$20.00o既餐蛋麵同熱檸茶.好快,所有o野o黎到,我只加一包糖入奶茶o度,覺得好甜,(佢o既一包應該有1.5茶匙至2茶匙),奶茶幾滑,茶味都幾夠,OK o既而鮑絲火腿通粉,鮑絲有三條,通粉竟然唔好食,佢軟硬係適中,但味道怪怪,差.