新星海鮮酒家 (已結業)

本來想同朋友搵黑夜壽司，點知行黎行去都見唔到，最後見到新星11點都仲未關門，所以臨時改去打邊爐。選擇唔算多，都係平價食材，不過價錢咁平都好正常。完全無味的竹蔗水，好似飲緊甜甜地的普通水咁。醉雞湯底唔錯，聞落非常香，雞件都幾滑。牛肉粒夠香濃，牛肉片嫩滑，象拔蚌彈牙，魷魚新鮮，蘿蔔唔夠清甜。點左長腳蟹柳，點知原來係長腳.蟹柳，而唔係長腳蟹.柳。魚唔夠滑，骨都幾多。漏單問題嚴重，廚房阿姐亂咁執，有畫個d就送唔齊，無畫個d就是但搭多幾條落碟，牛柏葉落單4次都無黎過，激死！

成班男人打邊爐 肥牛淋 粉腸粉 雞子有口感 最緊要係 有酒啤一啤佢依家打邊爐任食少左好多選擇 好在新星仲做緊 而且價錢亦唔算貴 野飲亦係任飲最o岩我地成班男人喪啤一啤 一啖雞子  一啖啤 最好既享受! 女人係唔明的 haha火鍋料選擇都算多.... 亦有d熟食小吃比你任夾我地叫左個焉樣 一邊嚴茜湯, 一邊麻辣湯個嚴茜就好濃味 但個麻辣食落好似平時屋企一包包個d 打邊爐湯底咁...得個辣字 冇味d丸既味道真係好一般 如果冇乜要求 其實係可以接受, d炸魚片都算脆口 不過都偏碎最正係佢既鳥冬 唔係平時真空包裝cheap cheap烏冬 而係急凍讚岐烏冬 食落真係好滑口又有口感坐得都ok 一般酒樓 佢特登劃開 晚飯小菜區同打邊爐區 唔使我地打打下邊爐 係到隔離飯香 唔錯唔錯下次會再黎啤啤佢

同公司同事飲茶，黎黎去去都係附近嗰幾間，佢地開始覺得悶，所以就提議行遠少少，試吓鵝頸橋底o既「新星海鮮酒家」，因見門外廣告牌上午市都好多特價菜式及套餐優惠 。「新星」係一間好典型o既港式酒樓，地下為接待處，行上樓梯則為餐店大堂。午飯時間，散座o既食客大多都一邊嘆茶，一邊睇報紙，店內工作o既都似乎係老伙計，健談又熟練。會計小姐同靚仔經理一早到步，叫好點心，似乎亦已同幾位樓面叔叔做咗好朋友添 。 椒鹽魷魚鬚：魷魚鬚炸得好香脆惹味，最緊要係唔會食到成口油，大大碟二十蚊有找，淨睇份量都覺得抵食 ！ 原蝦燒賣皇（$17.9）：燒賣味道較清，明顯地蝦膠比肥豬肉多，食落爽口健康，但個人都係鍾意食返傳統嗰隻多啲。 荷香棉花雞（$17.9）：棉花雞則較咸，幸好雞胸肉唔嚡又唔乾，睇在價錢份上都算係合格 。 韭黃鮮蝦腸（$18.9）：蝦腸係幾款點心中最好味o既一款，腸粉軟滑，蝦隻爽脆，獨立分成細細件，更方便客人食用，絕對係必吃之選 ！ 瑞士汁肥牛炒河（$39.9）：河粉轉用上瑞士汁及肥牛炒製，可以話係乾炒牛河o既升級版 。用咗瑞士汁炒o既牛河乾身、軟滑、甜美，加上薄薄o既肥牛肉味香濃，

想系銅鑼灣搵間就腳又唔太嘈酒樓,新星都幾好選擇,呢度最多人黎系為任食火鍋,只系嫌佢得兩粒鐘,太趕囉,又包酒水包食其實就幾抵!不過約左d要盡爆心中情gei朋友,當然揀小菜啦,見佢有半隻豬,d皮都幾脆,佐酒真系幾好,諗住試下d小食,滷水掌翼就太差,滷多唔夠時間,硬骨骨又無味,失敗中gei失敗!反而個沙巴戥兩味,味道適中,魚塊又夠新鮮,走過油做得唔錯,同個fan不約而同大讚!至於個薑汁芥蘭,無論做工擺碟,實在用心,d菜條已刨去外皮,薑汁味濃又帶點甜,炒得火喉剛好,爽脆可口!又有日本啤酒減價,可惜羊腩煲已停止供應,不過傾下計又有兩味似樣已經好收貨!

今日同學聚會去到新星海鮮酒樓打邊爐，8：00起計兩個鐘，$148一位，加一，姐係最後埋單每位＄135，以係銅記地段，呢個價錢都尚算fair啦！成班朋友一去到即刻點左好多野吃，個個都餓鬼咁款，個個都嗌好肚餓，不過好彩呢間酒樓有d熟食，有天婦羅南瓜同茄子，可以醫住化骨龍個肚先哈！不過味道就比較咸 我食左兩舊就........而邊爐方面，我地叫左沙爹同清湯底，沙爹好香呀，唔會太重味，正‌！食物方面，最好吃都係肥牛，好新鮮，好多汁。另外仲有好多菇既選擇，材料都新鮮，同埋佢有好多唔洗加錢既野食，例如象拔傍，小花膠同新鮮海鮮，所以都幾抵吃。任食的邊爐有任飲罐裝汽水同啤酒應該係基本野，但係有埋jollysandy同埋1 jar jar的夏枯草，唔洗加錢！仲要幾好飲！真係好滿足呀！！

睇完戲9點幾先食飯,就諗住打邊爐 新星唔算好多野揀,但真係幾平,銅鑼灣任食邊爐佢都係大約100蚊倒任食既餐廳既問題佢都有包括就係你寫幾多佢唔會俾幾多你,好多野亦都會漏以為肥牛個D先會咁,點知菜都係咁肥牛我認為肉質太韌, 無乜牛味蔬菜類例如白菜及生菜都好新鮮最好食反而係蟹籽丸,芝心丸呢D另外我覺得拎醬料既地方太污糟尤其D鼓油,好似好多油咁, 同埋D鼓油無乜味汽水好多時宵夜時候去, D汽水係唔凍個桶已經無晒冰, 得番D凍水不過整體黎計係幾抵食, 不過就寧願去灣仔間秋東

同事吃素, 又要飲茶, 於是提議到這間比較多素食點心的茶樓吃午飯。坐下的角落偏暗, 其中一張椅子更是充滿水滴, 碗筷即使洗完後也不是乾淨的樣子, 枱上放著一壼熱水, 壼身充滿水漬, 感覺上衛生程度一般而已。點心有蘿蔔糕、蒸海參餃子、炸素粉菓和素腸粉, 可以用一個油字去形容。蘿蔔糕一點也不甜美, 粉多於一切; 蒸餃好像是有海參做餡的, 但完全無味, 吃了也不知道吃了甚麼落肚! 素點心主要是以菇類作餡, 但半點也突顯不出菇菌的香味; 其中的素腸粉包著油炸鬼再包著一些菇粒, 做到的效果只是油上加油! 而另外叫的燒腩仔皮已是不脆, 肉質更有點"梅", 難吃!! >_<有個所謂的套餐包括一碟炒麵+一碟蒜子白菜。豉油炒麵炒得不夠火候, 比起來街邊的麵檔可能炒得更好! 蒜子白菜蒜香不足, 白菜便只有咸味, 兩者好像不是一起煮似的, 我們就只能當作是烚菜來吃了!位處銅鑼灣區, 應有更多更好的選擇, 以這兒的水平, 除非有其他原因, 實在想不到再來的理由。

老友美國回港同佢去食火鍋, 我以往都有食新星, 銅鑼灣衣間未食過,一來湯底,咩嚟架, 好似黑黑地, 有一舊豆腐, 好似洗地布D水, 之後叫服務員換, 佢好唔高興同我地講:生抽加水, 我地唔要叫佢換, 佢又聽馬仔, 有冇挍錯, 做野時候聽馬仔.  又少左好多野食, 肥牛又黑又只有肥肉, 叫野又好耐先嚟, 菜又冇, 落左3次嚟一次, D野好唔新鮮!!!!!!! 又只有兩個鍾, D野又唔嚟, 又唔新鮮..如果你想畀朋友怨, 又唔開心, 快D去食 我以後都唔會去.

事緣最近火鍋瘾起, 心儀的火鍋店又要成個星期先訂到位, 見這個新星有任食火鍋, 話HK$133一位, 即管同女友及同事, 一行三人試試.- 食物質素十分十分麻麻地, 尤其Ｄ美國肥牛肥到冇朋友, 上枱時已微滲血水, 其實是否冷藏好, 好成問題....- 勁漏單, 即係好似最早期的任食火鍋一樣, 你勁落單咩, 佢同你勁漏單. 連咁普通的炸魚皮落了3次單都冇上....- 一Ｄ貴價海鮮或食材要额外收费好正當, 但如果響鈴 (HK$28) 同墨魚滑 (HK$2X)要另收錢的話, 你點睇?- 一枱只有兩张order 紙, 同侍應攞, 好似叫佢去死咁....- Ｄ侍應加水, 唔會理你是否陸緊嘢, 一二三就倒落去....最後埋單每人HK$160我以後都不會到新星食火鍋. 真係食過佐敦大X口火鍋, 新星是 ...... 自己諗.

之前听说这里的流沙包非常不错而且点心种类很多。周末过来吃午茶。 12点半到的不用等位。大厅很大，估计能容纳几百人，上座率近9成。 由于没吃早饭，点了很多点心：鲜竹卷：很饱满，馅料超多，而且高汤也不错叉烧包：皮很松，叉烧也很入味（很甜，符合我的口味）。奶黄包：这个比较令人失望，流沙效果一般，而且偏甜。风爪: 很入味小笼包：超赞，皮薄馅多汤多，而且肉紧实鲜美。海蜇拼熏蹄：这个一般，海蜇不够爽脆，熏蹄比较肥炸两：他家的比较有特色，里面包的是网纹的酿的虾胶，口感特别。蜜汁鸡中奕， 其实我不爱吃鸡，不过他家这个真的很好吃，蜜汁浓郁，盖过了鸡的冰鲜味道。豆沙锅饼：这个比较失败，皮太硬了服务一般，可能是生意太好的缘故，服务员都忙不过来。价格倒是蛮便宜的，特别是在铜锣湾区。而且午茶和下午茶的价格几乎没差多少，推荐来吃午茶，因为下午茶有可能要等不少时间位子。 

我愛飲茶，而這一天如常地一早到達灣仔，不過我選擇了在銅鑼灣的隧道口落車，為的是要去銅鑼灣的酒樓，飲早茶，一盅兩件。普通的早上茶，一盅兩件始於都不夠塞飽我，點下是日的早晨孖寶之後，再發現一個早晨特別優惠，這就是早上賣一元的，一蚊鳳爪排骨飯。單是這一個鳳爪排骨飯，已是超值的所在。超值的一蚊鳳爪排骨飯是怎樣的呢? 如常的是份量軟平時於正常時段吃到的較細盅，原隻鳳爪，肉感豐富的排骨，煙韌香軟的蒸飯，味道豐富的排骨鳳爪，淋上甜甜的豉油後，感覺，的確是絕對地超值。孖寶，有羅漢齋腸同蔥花蝦米腸兩種腸粉，像買馬買六合彩的拖膽一樣做孖寶的膽，而另一配就是一籠籠的蒸點。蔥花蝦米腸，就是蒸出來的煎腸粉，少了一種煎過，油爆過的蔥及蝦米香口感覺，在吃的途中，感覺後悔為何不乾脆的叫羅漢齋腸。孖寶的另一個主角，就是可愛的燒賣，鮮蝦燒賣，既大粒又肥美，蝦肉香豬肉肥，結實而香口。40元也不用，可以享受到多種的美食，我喜歡上茶樓飲早茶，也源於多野食的這一個因素。  

上個月的慶生活動確是停不了手，當過了「正日」之後不久，原本想與同事們到了銅鑼灣廣場一躺，品嚐甚有口碑的日式放題，卻是被那些蜂擁的等候人群嚇拍，這時其中一位另有建議，一眾唯有退而求其次，到了附近謝斐道的新星海鮮酒家，吃個任飲任食火鍋，不失為一個高興熱烈的選擇。知道這間連鎖飲食集團，憑著多年的經營打併，在中式飲食市場上，亦處於穩步上揚的狀態，在沒有預約的情況下，稍於內堂等候十分鐘，已能分配到位子。屬於傳統中式酒樓的格局，配合一百數十元的全包方式，已包括基本湯底，而多款指定生料，約近四十款的項目，算是不多不少，配合汽水啤酒也是任飲，怎看也是甚為實惠；此外亦有多款的額外的付款選擇，價錢由八元至百餘起，除了豐儉由人之外，選擇上也頗見靈活，倒符合一般大眾的消費風格。其中看到有自助醬料吧，亦是不加收費，基上你想沾染的調味料，都會在這裡找到。此外亦有一些油炸的小吃供應，不過屬大批地炸好之物，想好吃程度也是有限，如果略嫌熱氣的話，不妨到旁邊拿罐啤酒汽水，或取瓶中式涼茶「下火」吧！四個人之下，見到一個百餘元的片皮鴨鍋底配套，包括十餘片的港式脆鴨片，而剩下的鴨骨，則加上冬瓜粟米等來弄個鍋底，還奉送鹹檸七一瓶

今日玩咗一日，夜晚12點30決定去呢間平平去嘅海鮮酒家打個邊爐！點知，由門口嗰位接待員開始就一直差到尾，仲要係一次俾一次差，一次俾一次衰！已經唔係第一次次係咁！今日仲差！差到冇人有！仲要收埋茶芥同加一！好唔好意思呀！？嘢又唔俾人食，服務態度又極度差，仲好意思收茶芥同加一！嘢食勁差！態度勁、勁差！仲要冇嘢俾人食！我由坐落抬嗰即已經俾你哋吹我落湯底！到我落單！由第一張到折單嗰張，我所叫嘅都冇嚟過！名符其實嘅叫咩冇咩！追你單又唔理！又是是但但咁俾啲我唔食嘅嘢俾我！當我係咩！？最離哂大譜嘅係我由第一張單落一份要收錢嘅到落到折單，都唔俾我食！但係其他抬就有呢樣嘢！仲要同我講廚房已經走哂！咁啫係點呀？人哋坐底俾錢就有得食，我坐底俾錢就冇得食！一份嘢食啫！哂你好多時間呀！特別係銅鑼灣嗰間呀！越嚟越差！唔會再去！

本人之前都幫親過這間晚上的打邊爐,都很不錯的,服務態度都不算差,但唔知係咪耐冇幫親,服務員的質素下降了很多,雖然食品質素不差,而環境亦都比人舒服感覺,衛生情況都麻麻地,走進洗手間走朗時有異味和地面污糟,像是沒有人清潔,有待改善.今次下午茶叫了兩籠流沙包,第一籠真係好流沙架,但係泥左第二籠之後就唔掂了, 一上到枱就流晒d餡出泥,一d都唔流,試過一次好了,另外一讚黑椒牛肚,真係好幾食,order了兩次,証明真係好食,還有"哈搞"皮薄餡多,又一好食之作,,,

難得回港後一連可以再放3日, 更係相約友人出來飲下茶.係銅鑼灣唔想排隊之下,我地就來新星碰碰運氣, 今日係幸運日等唔夠3分鐘已經可以安排入座.叫左馬拉糕, 鳳爪, 菜苗餃, 黑椒韭菜餅, 鮮蝦腐皮卷及蜆介鯪魚球.其實來過此店2次都覺得佢地既點心做得都有水準, 最喜歡此店既馬拉糕做得好鬆軟只是今次味道偏甜不過用來配茶都算唔錯.另外菜苗餃皮薄餡料多中間既蝦肉都算彈牙.蜆介鯪魚球即叫即炸來時仍然熱辣辣配上咸香既蜆仔肉非常美味反而最差算係 黑椒韭菜餅, 又無黑椒味連韭菜份量都少得驚人,整個餅都偏硬又無味, 算係最差既點心.