更多
2023-11-14
1910 瀏覽
小時候，我已經是《美都餐室》的一個小常客。當年真的只有幾歲，阿媽、阿姨帶出街，去到油麻地一帶，間唔中都會上黎飲啖茶，食個包。好多年前，因為尹光的一首歌，令我再懷念起這地方來。呢一次來，也是因為同仔仔看了當年尹光的一套 MV，令到他也想來見識一下。那天，又咁啱要去油麻地呢頭攞野。天時、地利、人和都有了，why not! 縱使這兒已經變成遊客打卡店，為了懷舊，就一於一家人來，懷舊一番。多年來，《美都餐室》一直都保持著上世紀既裝潢，所以，縱使這兒的食物出品未必咁如意，都會吸引到好多人來打卡，或像我這樣，帶著小朋友來，說，爸爸媽媽，甚至是爺爺嫲嫲、公公婆婆年青的，的潮流勝地。 而夠古色的冰室、茶餐廳，係會有樓上雅座的。而現在，《美都餐室》似乎只會開放樓上的雅座。而且，店內早已經裝了冷氣，吊上頂的風扇，根本不用開。早前，這兒曾經傳過結業，引來大批市民、遊客前來懷舊一番。當時想帶小朋友來的，但後來，得知有團體接手，保育了這一間餐廳，就沒有急住要在既必要了。而這一次來到，大家看到的餐牌，已經是時尚茶餐廳的餐牌，再者，價錢亦提高了不少，可以說是所謂的遊客價。若不是為了懷舊一下而來，我看見樓下的餐牌，一
多年來，《美都餐室》一直都保持著上世紀既裝潢，所以，縱使這兒的食物出品未必咁如意，都會吸引到好多人來打卡，或像我這樣，帶著小朋友來，說，爸爸媽媽，甚至是爺爺嫲嫲、公公婆婆年青的，的潮流勝地。
而夠古色的冰室、茶餐廳，係會有樓上雅座的。而現在，《美都餐室》似乎只會開放樓上的雅座。而且，店內早已經裝了冷氣，吊上頂的風扇，根本不用開。
早前，這兒曾經傳過結業，引來大批市民、遊客前來懷舊一番。當時想帶小朋友來的，但後來，得知有團體接手，保育了這一間餐廳，就沒有急住要在既必要了。而這一次來到，大家看到的餐牌，已經是時尚茶餐廳的餐牌，再者，價錢亦提高了不少，可以說是所謂的遊客價。若不是為了懷舊一下而來，我看見樓下的餐牌，一定會掉頭走。
來到吃什麼? 因為想大家分，反而叫了一些酒樓，茶餐廳既東西。我們點的其中一個是肉絲抄麵，炒麵雖然燶左少少，但食入口的確是夠脆夠香。肉絲的份量剛剛好，而成碟野既份量也就是剛剛好一個人的份量。感覺合格。
雜菜炒麵，這一碟的麵同樣是香脆，而且冇咁燶。多汁的雜菜，充滿了豉香，令到本來很平凡的炒麵變得香口，算是炒的不錯。
阿仔就來了一個蟹肉伊麵。這也許是酒樓版的蟹肉伊麵，因為一絲絲的蟹肉的確是真蟹肉，湯汁也有蟹味，整碗麵都好鮮甜。
仔仔鐘情於凍奶茶，飲得出這是一個夠凍之作。奶味茶味都充足。是很典型的茶餐廳的奶茶出品。
而熱奶茶，同樣地是茶味奶味均勻，入口亦好香滑。看來繼承此店的一班人，真係學左沖一手靚奶茶才開店。
太太就識飲啦，叫了一杯好多淡奶，入口好甜也好 creamy 的紅豆冰。這兒沒花假，真係用左好多紅豆來製作紅豆冰，夠甜，夠冰凍，很好味道。
最後都係要再說，我們來，主要目的是為了懷舊，食物價錢同質素就沒考慮咁多了。貴係貴，細係細，但做到有令人滿意的味道，都俾返個合格啦。然而，我們坐了很久，來者都是國內外遊客同好似我地一家咁，帶小朋友來懷舊同打卡既小家庭。
張貼
