朋友說這裡的日本燒烤非常好，就今日生日就來試一試。

由於今天是星期一，我們差不多六時多一些，來到時得一台客，我們沒有坐卡位，坐在中間的他他米上。

看見餐牌有一個迷你餐牌，內面有十一樣食物，諗住叫了這一個餐又叫另一些食物所以首先點了這一個餐，再叫了兩杯啤酒。

]迷你餐牌($360) : 內裡有八碟食物，包括野菜醋物、雜菜併盤、燒野菜拼盤、鹽燒牛舌 + 鹽燒豬頸肉、牛排肉 + 牛胸外膜、燒蝦 (二本)、黑豬肉 + 雞腿肉、海鮮煎餅。主菜肉類真係好到無得彈，由其是牛舌，真係食到唔停口，但係個海鮮煎餅就麻麻地了，味道不是太好，是全個餐的一個小小缺點。

日本和牛西冷(鹽燒) ($280) : 個餐食到一半發展唔係太夠所以點多兩個食物，這個和牛西冷是今晚的最好，切到一粒粒，燒到六面熟，一入口，入口即溶，牛的脂肪充滿口中，又係一味食極都唔停的食物，必叫!!!!!!

日本牛胃 (好像係$80) : 我們叫了麵豉，食落爽口，味道一流，正。

可能係星期一，旁邊的卡位就比較多人，中間的他他米就只有兩台，不過反而是好事，傾野一流，伙計的態度一流，又是一個要讚一讚的位置。

生日前夕，他特意book了6pm到《伊呂波》吃飯替我預祝（其實是我提議的，因早前看到他朋友facebook內的照片，以及openrice內的食評，覺得挺不錯）…

這是一間位於尖沙咀內之小商廈的樓上烤肉店，消費絕不大眾化。若非特意到來的話，我想也不會「逛逛下街」、「貿貿然」地走進來吃飯吧！（ps.那塊「伊呂波」餐巾，其實是「口水肩」來的）

另外，店子那道由中間向左右兩邊打開的自動門實在太好玩（是扇形的開啟方式，即好像平常於商場自行推拉的玻璃門），只需走近一米便會自動打開，打開後門上的布簾還會「隨冷風飄揚」，有點像「鬼片」的說！因時間尚早的關係，那時店內就只有我跟他兩位客人。

看過了菜牌、點過了食物後。店員先端來我們點的「文佳人」，真是種易入口的清酒，連我這個不太懂喝酒的人也可獨力ko掉一小瓶呢！

我們選擇坐於大廳之中，因覺得比包箱更「有feel」。這邊的位子頗特別的呢，先要脫掉鞋子，然後把雙腿藏於「塔塔米」與桌子之間的小空隙，這樣看起來就像傳統日本人「跪著」吃飯一樣，有趣得很…嗯，店子的裝潢挺日式，感覺就像置身於日本之中。

首先上桌的是五式刺身併盤（包括三文魚、吞拿魚、吞拿魚腩、鱆紅魚及魷魚），最驚喜的是魷魚刺身，很爽口美味的說，其餘四款則沒啥特別…

然後就到了這晚的主角 - 特上肉併盤（包括鹽燒和牛牛舌、厚切腩外膜、鹽燒西冷、肉眼、牛里脊肉）及柚子胡椒豬頸肉，我們還另外點了一客「香草」（分別是檸檬草、胡蘿蔔絲、薑絲、洋蔥絲等等），拌以烤肉同吃，不錯不錯…

牛肉十分juicy，肉質還挺「淋身」的（完全沒有「韌到o趙極都o趙唔開」的情況出現，也許這就是「和牛」吸引之處吧！），不過牛舌卻不是如大家說得那麼「驚為天人」啊。豬頸肉亦沒啥特別。

吃過了刺身、烤過了肉後，好像不太夠飽，於是追加了一客生牛肉石頭飯。其實就是韓式的石頭鍋飯吧，端來後由店員於我們面前加辣醬「即撈」（看起來好像挺「有face」，但我們家樓下的《韓食一番地》也有此服務啊！），味道不錯，為這次預祝生日畫上完美的句號。

嗯，沒有想像般讓人一吃便愛上（也許openrice上的食評給我們太太太太多幻想了！），但整體來說還是頗令人滿意的。另外要稱讚一下那裡的通風設備實在不錯，既可以「玩玩」烤肉之餘，又不會弄至滿身都是討厭的「烤肉味」！

是次總消費約千二元左右，對我們來說實在是件奢侈的事情，不過襯「大時大節」才豪吃一次也不太過吧！特別一提的是別以為這裡是間很高級的餐廳，但服務其實挺「椰林閣」的，而且我們的菜牌上還黏著「上一手」的菜渣（有點恐怖呢，若不是特意到來的話早就跑掉了）！

尚有其他照片於我的blog內：http://www.pangsy.com/read.php?390

記得上次來伊呂波食午餐, 已經一年多前的事, 上次係去銅鑼灣店, 今日則到尖沙咀呢間分店試下, 人客很多, 睇一睇個menu, 都係照舊點左個簡單的伊呂波套餐($90), 套餐可選擇豚肉, 雞肉或牛肉, 食燒肉我當然會要牛肉啦, 另有茶碗蒸, 刺身, 天婦羅, 嘖物, 麵豉湯, 甜品, 都算大堆頭的午餐

首先上的係嘖物茶碗蒸同刺身, 嘖物係菠菜, 芽菜同泡菜, 呢個似韓式多d?? 茶碗蒸算係熱熱地, 蛋蒸出來亦夠滑, 而刺身係用一隻小碟杯送上, 有幾片薄薄三文魚, 尤魚, 吞拿魚等, 件以wasabi, 鮮味一般亦唔夠凍, 令人感覺唔新鮮, 唔知咩原因, 我記得對上食果次係厚地同大塊好多!!??

跟住上了個套餐最重要的牛肉, 每碟大概有8-9片左右, 已經以醬汁浸住, 但係一來到就知大鑊啦, d牛肉好肉普通街市買的牛肉片咁, 毫無雪花可言, 真係唔知自己食緊日式燒肉, 完全比唔上和宴的水準, 我試過將幾塊牛分別燒成唔同的生熟程度, 但結果一樣令人感到沮喪, 即係牛肉根本完成水準之下, 再食埋碗飯, 質感同形狀亦唔似日本米, 吉野家的煮得比佢地還要好, 可能係我唔好彩定, 又或者係佢地真的退步了??

最好的算係個天婦羅, 新鮮熱辣炸出來, 炸粉適中, 但唔亦算好薄, 唔算炸得好油, 當中有蝦, 冬菇, 茄子, 露筍同蕃薯伴以蘿蔔蓉, 都算大堆頭了!
,
雖然佢地午飯時段很多人, 依然要book位先有得食, 但唔知佢地因為咩原因, 我覺得水準比以前差了很多, 食物水準下降了, 服務亦麻麻地, 好辛苦先叫到d侍應停下來, 因為我眼見人手真係十分不足夠, 所以我諗短期內搵唔到再來食野的理由

任食的韓燒食得多，雖然種類多，但味道質素普通之餘又趕頭趕命
本來一心想去試 錦城 / 莊園，點知~~前者話四人枱唔 book 得，到時 walk-in 就 ok
去到卻話要等 30-45 mins, 後者去到門口已知道可以唔洗等~
最後把心一横試下問問高檔日式燒烤
有位之餘仲幫我地 hold 枱，十分稱心

一家四口被安排坐係場中間的 tatami
地台之中仲細心留左放腳的空間，有風味之餘不用捱腳痺

1) 海鮮拼盤
帶子、蜆、大蝦、魷魚~~樣樣都十分鮮味~~鮮甜可口，尤其帶子同魷魚，兩面燒至金黃時中間剛熟，滑嫩的肉質令人有種正在食刺身的錯覺。又有燒烤的香味又鮮甜，讚﹗大蝦 size 十分大，淨蝦頭有半隻手指長，肉質彈牙，好味。蜆上枱時仲有水養著，燒到熟時 "pop" 一聲彈開蓋，再依自己喜好燒至熟的程度﹗

2) 牛肉拼盤
有五至六種不同牛的部位，最欣賞的是牛舌，放在爐較側邊的位置先燒一邊，耐心等到牛舌邊捲起，才反。這樣牛舌的表面有香口的焦味，而內裡剛剛好熟不會太生。咬下去有少許彈口之餘充滿牛味卻又不會 un，十分好味﹗另外牛柳粒亦十分肥美出色，細心的烤好六面，咬開有熱辣辣的肉汁之餘，中間的部份呈淡淡的粉紅色，一口有兩種感覺，正﹗其他的牛肉亦十分出色﹗脂肪分佈平均，絶對不會有咬不開 / 有渣的情況，毎一塊的厚薄適中，燒一面至半熟再燒一燒反面即可，沾少少檸檬汁令牛肉有點點 fresh 的感覺更加好味﹗

3) 和牛刺2身
無想像中的好食，雪得有點偏硬，而生食就更顯得雪花有點膩~~ 其實牛的質素十分好而且新鮮，不過可能唔對口味，始終覺得燒過的和牛更能突出那種牛油融化的香味。

4) 燒飯團
飯粒粒飽滿，亦壓得夠實。店家細心的提供矽膠掃供客人在爐上也可以掃汁。掃好汁再放上爐烤至表面金黃香脆，飯焦軟硬適中絶對不會痴牙，好好味﹗

5) 海鮮石頭飯
石頭窩燒得十分夠熱，店員在你面前放海鮮去煮，石窩持續滾成 30 mins至湯汁都被飯吸收。雖然和想像中有飯焦的石頭飯有出入，不過味道十分好﹗飯的味道似西方的 risotto 般吸滿湯料的鮮味，但又粒粒保持飽滿完整，煮過的蟹腳依然十分鮮甜，肉嫩，好味﹗

是日係周六，我同另外兩位為食貓因已經一早出街活動，及為怕多人等位、比人趨埋單趕客，我地一至決定7pm食Dinner。為確定我地一定有枱同唔洗點等，我地訂埋枱。7 pm 去到，無人等位，可能時間尚早啦！我地確認訂位資料後就可以入坐。

見到甘多唔同既牛肉同海鮮，我地三心兩意，左揀右揀，花左陣時間終於點左五樣野。

$450 五種牛肉拼盤： 見個個都叫，我地都唔執輸叫返個。其實抵叫，每樣幾片比你試下！就算唔好食都係捱幾片！五種牛肉包括：肉眼片(3片)、厚切牛排肉(6粒)、薄切牛舌(5片)、另外兩樣唔記得咩名。但其中以肉眼最好食！有入口輕輕一咬就溶既感覺，肉質鮮味，有牛肉味，肥瘦比例適中。

超幼BB露荀 ：唔知係唔arm季定本身品種麻麻既問題，露荀有渣。

清酒煮蜆：用錫紙盤上，每盤三隻。無特色，唔需要浪費quota食呢個！

新鮮生菜連日本麵豉醬：麵豉醬幾香，生菜咪就係生菜，無咩特別都要叫係因為用黎夾住剛燒好既牛肉一齊食，超讚！

厚切牛舌：無想像中、餐牌上同其他食家所講既甘amazing…係唔蘇唔難咬開而已，唔夠西環間燒肉店既厚切牛舌好味…可以唔叫…

牛肉湯飯：湯底香濃，適合食得好濃味既我地！牛肉算幾好，湯飯既飯唔會太軟身，唔錯~~但唔夠quota亦可唔叫！

牛肉眼片($320)：食過牛肉拼盤上既肉眼片，比佢入口即溶既質感牽引住，最後決定單叫多次呢個肉眼片！價錢唔算好貴，大約有8片，但係品質有保證！抵叫！用生菜加麵豉醬一齊食，人生一大樂事！亦為晚餐劃上完美句號。

總括而言，同漢X院果d比，呢間先稱得上係燒肉店，食完是次日燒，我地3個都超讚身上連頭髮無被污染，無令人不安既臭油煙味！除了抽風系統做得不錯外，可能同佢用蚊香型發熱式，而並非用明火既爐頭有關！

★想不到兩星期就來了兩次伊呂波,好吃的多去幾次無害~~

今日不想吃太多肉,前陣子又看過新menu嘛,價錢又ok,就試試看啦!

炸雞咖哩飯定食
我出名雞痴,尤其是炸雞塊,雞翅...又喜歡curry,這個set非常之合我心意~
想不到價錢跟外面一般的貴20多元,個餐就大一倍.吃了一半已經舉白旗了
很實在,很豐盛的一個午餐,吃完工作都有氣有力!

男朋友仔book左檯去個度食飯, 慶祝拍拖紀念日
我們吃左佢個"燒燒燒"set... 樣樣都有d...
最好味係個"牛舌" 好味都唔停得口呀!!!
後來, 由於小妹大食... 所以叫多個泡茶海鮮湯食... 嘩... 又幾好味wor~
雖然我食到不停流鼻涕... 但我仍然停不到口... very good taste!

下次好想試下, 豆腐沙律

剛出糧豪一豪佢(飲勝!!)

晚餐要成400蚊/位,等我先試試午餐,點知....
好味到震!!呢種質數多多錢都願意付!
是日跟同事們來店,3個人都點了燒牛肉定食.


先來刺身,賣相很好,感覺很新鮮!
前菜只有一點點已經足夠
蒸蛋,熱呼呼的,超滑~
天婦羅不會覺得炸漿厚&油,很脆,又不會遮掩食物本身的味道,讚!
牛肉來了~~紅當當總之就新鮮!(又新鮮??)
加上飯和面豉湯,整個set看去來好豐盛.

牛肉沒有加大,每一片都極為"感恩"地吃!

★做得咁辛苦為乜?當然要識得享受啦~~

伊呂波 (Iroha)，一個很繞口的名字，原來是一間日式燒肉店，店主和廚師都是來自日本，相對食物應該較為正宗。

店舖網頁：http://www.iroha.com.hk/iroha_cn.html

一直嚮往到此店嚐嚐，因為知道他們出品不錯，口碑亦佳，奈何消費稍稍偏高。在 5.8.09 借減壓為由到此吃頓豐富的晚餐，以舒緩納悶的情緒。

我預訂了晚上 7:45 的時間，已提早 5 分鐘到達，發現店內座無虛席，而接待處亦有十來名客人在輪候，大約至 8:30 我們才獲安排座位。

此店的大門是全自動開關的雙掩門，只要客人步行至某距離，無論進與出，大門都會自動打開和關閉，挺好的玩意兒，可惜聲浪不輕，較為吵耳。店內設計頗有日本小店的風味，有部份是榻榻米座位，另有多間掛著小布帘的廂房，添點私隱，蠻不錯。

儘管當晚我們只得二人，但也吃光不少東西：
文佳人 (日本清酒 180 ml) $80
厚切牛排肉 (鹽燒) $270
特選厚切和牛舌 $200
黑豬排肉 (鹽燒) $80
雞腿肉 (鹽燒) $75
帶子 (2 隻) $160
三式刺身併盤 (中吞拿魚腩 / 吞拿魚赤身 / 三文魚) $210
三文魚刺身 $55
雜菜併盤 $50
豆腐沙律 $55
綠茶雪糕 / 鹽味雪糕 (免費贈送)

那瓶文佳人，標榜特別容易入口，是果味香濃的清酒，但原來酒精濃度高達 50% 呢！

厚切牛排肉及和牛舌都是甘腴香嫩，好吃得難以形容；黑豬排肉肥瘦參半，烤熟後肉味濃郁；雞腿肉則沒甚特色。

至於帶子，鮮甜美味，頗具口感；而刺身亦新鮮肥美。

雜菜併盤有點像韓式前菜，味道不俗；豆腐沙律配上蕃茄片，顯得格外清新可口。

那球免費綠茶雪糕，算是幼滑，但綠茶味不足；而鹽味雪糕只是第一口感覺有點鹹，再吃下去像與吃普通的香草雪糕沒有兩樣；雖則如此，但仍要感謝那位女服務員。

此頓晚餐，吃得心滿意足，但消費是一千三百多元；用匯豐銀行信用卡結帳 9 折優惠後，總收費 (連小帳) 是 1,248 元，很豪氣唷！

此食肆現時接受 VIP 會員申請，但要先付上 300 元作入會費用，待發出會員卡後會有價值 300 元的現金優惠券作回贈；會員日後消費 85 折優惠，並有生日獎賞。

我怎可能錯過此機會呢？

我生日男朋友細心為我選了這間燒牛肉日本店吃晚飯. 去的是尖沙咀店, 上到一樓都幾隱蔽o架. 度門會自動打開. 裡面唔係好大, 不過就好多人食, 證明都係好介紹啦.

我們兩個人選了一盤牛肉拼盤, 都成$450, 份量唔係太多, 但燒出來好鮮味, oishi. 再叫了厚切牛舌 $200 大約有8粒, 係貴, 但非常好味道, 燒完後外皮胞內爽, 正 叫了兩杯sapporo啤酒, 呀....好味喎. 每杯$25都算大杯.

再叫了兩個燒飯團, 最後叫埋個海鮮石頭飯, 成$100個, 其實係飯加粟米湯, 唔係好抵. 不過, 食埋碗飯飽哂.

Surprisingly we were able to book on a sat night at one day advance since everywhere else was full.

The place is not like super fancy but very Japanese, very authentic. We had to take off our shoes. Unfortunately its a bit too packed.

The food is nice but not like amazing since they did not do the cooking. But the seasoning is fine and the most importantly, the quality of food is very well. We ordered many different kinds of beef (australian, american) which all taste sort of the same to us lol but overall the food is good and the chicken wingas remind me of those real outdoor bbq on the beach hah

9 of us ordered too much which I can hardly remember, I therefore just post a general comment here~ Anyways, we had a lovely evening, had a lot of fun cooking and eating the food!

however we were not very fulfilled after the dinner, we perhaps order too little haha

今年生日，女朋友帶了我到這裡食了一個很滿足的午餐 =D

伊呂波的店前裝修已經是很日本式的，入到店內，我更是"嘩！"了一聲。可能由於我們一早就Book了，他們安排了一間房給我們，不過其實都是要和其他人供用的。(朋友們，如果你有打算去的話，我覺得坐大堂比較好，因為大堂的裝修真的很美，反之，間房就比很簡單。)

我們先點了一個伊呂波Lunch Set與及一個日本和牛Lunch Set。伊呂波Lunch Set我們點了雞肉。一個Lunch Set 其實已經有好多食物，有天婦羅、魚生、日式蛋、飯、韓式小菜，全都很美味的。

我們影了幾張相後，已經急不及待的把肉放到烤板上，"之~炸" 一聲，很香啊!!!!

把燒了的肉和日式飯一起放進口，真是令人難以忘懷喱~因為太美味的關係，所以我們再點了一個日本和牛併盤。這個併盤的牛就更可怕...會令人食不停的。肉多汁多，一片一片的放入口，難忘難忘...我們都食到滿滿的，不過最後還有雪糕，太好了~

我覺得這一餐是一整個棒的!


更多圖可到我個blog啊 : http://taksland.blogspot.com/2009/08/blog-post_17.html

當天跟男朋友慶祝生日,預約時同店職員說希望可以安排到靜d ga 位置 for celebration , 佢哋話盡量安排, 結果ok woo!! 有間間開咗ga 小型獨立房, 夠曬靜!! 但其實外面ga塔塔米，都幾有特色ga woo，下次可以試吓。一入到去見到一個男經理招呼，態度非常親切，但後來有其他女waitress招呼就認真麻麻，形成咗一個強烈ga 對比woo，如果個個都好似個男經理咁好ga服務態度咁就VERY GOOD LA ^^

食物很快便送到，吃的如下：
日本和牛拼盆 ($250 份量ok- fair, 唔算太多)
日本豬肉 ($80 份量ok 多, 一小碟滿)
露荀 ($45 ok 多條-fair)
豆腐煱 ($80 ok 好味, 但要叫佢少spicy)
Drinks　就貴ｄ．．．beer同coke都要 $30 多一杯, 我哋叫咗一杯可樂同一杯啤酒
其實加埋自備ga 生日蛋糕係剛剛飽ga！！

D肉有燒汁、鹽燒同麵豉汁選擇，試咗燒汁同麵豉汁都ＯＫ（其實本來叫鹽燒，佢比咗麵豉汁，好彩又 ok woo!）

其實個豆腐煱係值得推薦ga…..而D肉都係有返D 水準ga!!我覺得d煱同肉都可以叫多D……其實銅鑼灣都有分店，都可以一試！！

埋單　＄５８０　日本燒烤來說不算貴………快樂的一個晚上．．hohohoho　^@^

帶男友試下伊呂波燒肉,食到佢LAMLAM利~

D肉質真係好正~,點左450蚊牛肉SET, 每一款牛都好好食~
男友邊飲9點後半價啤酒邊食, 人間天堂~

我點左兩杯巨峰SODA先夠我飲~
另外叫左牛肉IN JAR,醃得好入味不過男友嫌佢味似叉燒，下次唔叫～
有個３９０蚊海鮮牛肉ＳＥＴ好吸引但８點個時都已賣哂

仲叫左個生菜，淨係個麵豉醬都食到好飽哂～平時唔食菜既我都食左成盤查

埋單８百幾蚊。。。仲加左３００蚊入會費做會員，以後有８５折之餘，仲有番３００蚊ＣＯＵＰＯＮ

要ＥＮＣＯＲＥ＠

環境又舒服，好日式，正呀～

終於都去試伊呂波. 星期五打去book位第日13:30食 lunch, 去到"WAH"一聲, 咁多人既!! 結果13:30等到14:10, 冇所謂, 食好野係要等下, 結果試左以下食物.

伊呂波 set (加大)
刺身 - 幾新鮮, 但普通
荼碗蛋 - 幾滑,但冇乜蛋味
天婦羅 - 除左蝦, 其它唔熱.. 唔通整定???
miso soup - 味道OK
白飯 - 珍珠米, 有咬口
牛肉 -醃得入味, 但牛肉質素麻麻, 硬左d. 其實加大都仲係少(約10小片), 如果唔加真係…

燒肉 set (加大)
荼碗蛋 - 同上
miso soup - 同上
白飯 - 同上
牛舌+豚肉 - 牛舌同豚肉都好入味, 牛舌油份夠, 有咬口, 豚肉燒到微燶好香. 呢碟加大都ok.

臨走見到 saporo生啤 $25, asahi就飲得多, 下次要試試.