富田和食亭 (已結業)

今晚返工返得累累地唔想係屋企食, 之前試過係富田食下午茶, 今次試試晚餐唔夠8:00去到, 人唔多, 但卡位都坐滿了看了一會Menu,見天氣凍凍的叫左一個燒石鍋蒜香牛肉飯,講明燒石鍋飯,當時要自己撈飯啦,未食見佢個飯冇咩醬汁以為唔夠, 但食落都ok蒜的份量太少唔夠香味, 牛肉都可以整體合格, 未見特別

呢度個魚生冷麵唔錯, 比魚生飯好，覺得呢度GE魚生冷麵麵夠爽夠彈牙，生菜夠新鮮，令食起來有清新的感覺。另外，魚生份量都算多，不過魚生唔算新鮮，入口有點乾，未知是否雪得太耐的關係。芝麻醬只食到有咸味, 欠缺少許芝麻的香味。但以晚餐計$48食到什錦魚生冷麵。價性比來說，都算抵食了。

叫了魚柳炒蛋拼鮮茄通粉魚柳新鮮炸起，金黃色的賣相十分討好，香脆鬆化，魚柳的魚也是厚厚的，吃起來一片片的，可見是新鮮魚(起碼不是肉也模糊了那種)，比起連鎖大快樂實在好N倍！炒蛋OK，不過不失。如果沒有加牛油或者開粉炒會更加輕盈好吃。多士也OK，普通麵包烘脆，塗上一層牛油。通粉有三四塊鮮茄，加起來也有大半個藩茄，清湯淡淡的，通粉有咬頭，俾個笑臉啊~ 餐飲除了典型的咖啡奶茶檸茶外，還有菊花蜜。要了個菊花蜜，濃淡適中，很不錯~~服務態度也值得一讚，話說我是個沙律醬怪，一碟正常的沙律醬絕對滿足不了我。提出加醬的要求後，店員沒有板起臉，也真的加了十足份量的沙律醬，令早餐更加好吃！整個餐只是$22，價廉物美，絕無欺場！

尚德商場的食肆不算多，要吃下午茶，我首選是經濟實惠的富田和食亭。今次我們吃了～豬骨湯餃子米線：賣相一般，湯底沒有豬骨味，要自行加些七味粉來調味。米線過腍，有點發脹，差！餃子味道一般。牛油粟米+七味薯角+吉列帶子串：粟米較少，薯角、帶子剛炸好，卜卜脆，好！鮮油厚多士+香滑炒蛋+午餐肉：多士、午餐肉都是正常水準，值得一讚的是炒蛋，又滑又香，好味道！五香肉丁通粉：份量恰當，五香肉丁算多，通粉軟硬適中。熱菊蜜：濃淡得宜，不會過甜。以$25一份下午茶來說，富田的價錢和食物質素比連鎖快餐店好呀！

四時半才到富田，趕及下午茶時段(最後的落單時間為4:45p.m.)，只需二十多元便可吃到拉麵、烏冬或多士等，還有飲品，甚為便宜。我們吃了～醬燒豬軟骨烏冬：份量適中，可以吃得飽，好！烏冬質感合格，不會過軟，亦算入味。豬軟骨數量充足，肉腍、骨脆，味道不錯！蕃茄湯鮑魚香菇烏冬：賣相一般，蕃茄湯看似十分稀，湯的面層更有一些白色泡沫。雖則名稱有「鮑魚」，但我們早已預料是鮑魚菇或假鮑魚，所以沒有感到失望，而香菇更比想像好，並非菇碎，共有三朵。整體而言，這碗烏冬味道尚可。菊花蜜：熱飲不用加錢，凍飲加$2。值得一讚的是飲品非常熱，頗甜。我們由近五時坐至七時，每人只吃了$25的下午茶餐，侍應卻完全沒有任何「趕客」的舉動，令我們可以談個夠。富田下午茶確實要給予笑臉！價錢經濟，質素合理，選擇超多，有接近五十款，下次我會試其他。

第一次黎食tea，因為之前反工都唔得閒去食，見到佢d tea set都幾平，因為日本餐廳黎講，呢個都只係$23就有好多野，我覺得佢有好多choice，而且焗飯都只係$30，好平!雞翼係炸的都不錯幾香口，不過太細件salad都ok個米粉原來先係主角，因為好大碗，話係辣肉醬，但我臼得不太辣正岩我，因為我唔係好食得辣的不過我覺得差的是，比個湯米粉你，竟然只比個叉就算有冇搞錯，我自己出左去令筷子同湯跟

上個禮拜同朋友去食DINNER,叫左個鰻魚飯,西班牙海鮮炒飯同九洲拉麵..個鰻魚飯好好食啊,好鮮味..呢個都低得推薦至於個海鮮炒飯係有蕃茄汁,有D青口,蝦同魷魚,我自己覺得呢個都好好食,可以一試不過個拉麵就認真麻麻地,可能食既時候比較淋身,而且個湯完全係味精..好咸..不過個日好肚餓,D野一放低就係咁食,所以無影到相

富田位完屋邨商場的地下,環境其實普通, 但係住在附近的我很喜歡來這裏食tea這裏的tea有比較像茶餐廳的面+多士+雞翼但係個人比較喜歡這裏的fusion野今次第一次試呢度ge肉醬蛋包飯肉醬份量適中, 每吃一口都有蛋有飯有肉醬!真係好食! 所以我假日訓得晏D就係黎呢度食"午餐"至於服務方面, 因為呢度假日下午茶都好多客, 所以上菜就比較慢但係侍應都尚算有禮貌另外, 呢到下午茶ge價錢亦都十分合理, 呢樣都幾值得稱讚

是日午餐，我們在富田解決。點菜後等了近十分鐘，食物卻遲遲未到，午膳時間有限，不禁擔心會遲到。經過催促後，總算可以開飯了。我們吃了～日式煎餃子、前菜：製作簡單，實在不明白為何如此費時。餃子皮很香脆，味道不錯。石鍋燒海鮮香辣手打烏冬($48)：湯底不算辣，海鮮數量一般，有青口、蝦等。最關鍵的烏冬卻失手了！極腍，毫不彈牙兼很碎，頗為難吃。石鍋燒豚肉月見手打烏冬($45)：豚肉頗多肥肉，質感一般，烏冬亦是極腍。

日本野一向係我既摯愛..係openrice見到咁多人推介富田,於是今日決定同男朋友去試下~點半左右，等位既人唔算多，唔使3分鐘就入得去坐啦~ 入面環境都算唔錯...我叫左蛋包飯,,真係超好食~ 個蛋冇煮到熟晒，撈埋d炒飯感覺一流^^ 每放一淡入口都有種好幸福、好滿足既感覺...真係勁度推介呢度既蛋包飯,,從來冇試過咁好食既蛋包飯,,連男朋友都話好食xd ...$32 不過冇野飲,但個味道都值回票價~~ 男朋友叫左一個石鍋鰻魚飯,,個餐仲有野飲跟,,沙律,,麵豉湯加多一碗有蘿蔔既野... 味道唔錯..同之前食開既石鍋飯差唔多..不過呢度既石鍋飯真係熱辣辣...麵豉湯就稍嫌冇咩味..不過整體黎講都係唔錯既體驗，可以一試~~

搜尋openrice找到呢間日本餐廳於是去試下，不是很近地鐵站，行左不少路才找到。三個人叫左以下食物：1. openrice網友推薦的蛋包飯（原味）：實在太大個啦！最後要3個人分來食， 賣相很靚，熱辣辣很好食，係用蛋包住炒飯。2. 九州拉麵：分量都幾大，不過嫌湯底好似出前一丁麻油面的味道，感覺有d奇怪。3. 蕎麥冷面：幾好食，不過隨面配左個生鵪鶉蛋就不敢試啦。4. 餃子：餐牌話係日本直送，味道不錯，可以一試。5. 大蝦雜菜天婦羅：呢個推介，有3隻大蝦，雜菜有冬菇、茄子、青椒同番薯，好好食，又抵。6. 芝士龍蝦丸：係炸的，都幾好食，可以一試。其實3個人最後都食唔曬要打包，同和民比真係平好多，不過裝修就街坊d, 服務都不錯，又不用等位，可以再去。

尚德商場沒有其他日本菜餐廳，富田是唯一選擇，已經吃過很多次，果真成為我們的開飯之選了。朋友甲吃了午市拉麵壽司系列，包括兩件壽司、一碗拉麵(可轉烏冬)、沙律和前菜。麻辣炭燒知床雞烏冬：看似很辣，但朋友表示不算辣，烏冬很入味，雞肉也很滑，但甚麼是「知床」呢？吃完也不知道，上網搜尋一下，才知那是北海道的地方名，知床雞其實沒有甚麼特別嘛！螺肉軍艦壽司：螺肉比預期多，紫菜很脆。沙律：蔬菜新鮮、爽口。朋友乙吃了鐵板燒牛肉定食。牛肉很多汁，鐵板熱騰騰。朋友胃口大，所以點菜時要求大飯，不知道與普通飯量相比有多少分別呢？我吃了雜錦魚生碎飯定食，包括～雜錦魚生碎飯：魚生比預計多，啖啖肉，好味道！前菜：個人不喜歡綠色食物，故這前菜不是我杯茶。蚧籽沙律：雖然我不喜歡吃蔬菜，但這沙律全被我吃光，可想而知味道不錯，青瓜絲很清甜。麵豉湯：不會很鹹，湯內沒甚麼配料。趕着結帳，離開後才想起我的定食套餐應該有甜品，噢，下次一定要看清楚食物有否送齊。

午餐時段，不用等位，馬上入座。套餐有很多選擇，有壽司、刺身、飯、麵等，款式頗多。我們點了兩份午餐，包括：燒芝士肉醬蛋包飯：果然是熱門選擇。賣相不錯，味道亦佳。蛋煎得很好，不會過熟，炒飯的份量足夠，配上肉醬，正達米多汁鴨胸麵伴辛口咖哩蝦飯：實在不知道甚麼是「達米多汁」鴨胸數量不多，肉質軟滑，味道一般，配了醬油的麵有點甜甜的，味道尚可；飯的份量較少，配上咖哩汁，很開胃，卻極快吃完，令我意猶未盡。炸蝦又熱又脆，好味道！午市套餐除了包一杯飲品，亦有前菜。我吃的是青芥芝麻汁野菜沙律，小小的一碗蔬菜上有些魷魚粒，味道不錯。蛋包飯的前菜則是綠色的海草，另有一碗麵豉湯。總結而言，富田和食亭是尚德商場唯一的日本餐廳，獨市生意，不愁沒有顧客，能保持這樣的質素，算是很好了。

富田的日本菜不是十分出色.但種類非常多, 價錢又相宜.壽司質素平平, 比較細件.拉麵價錢 ok, 味道也 ok.蟹子沙律係我每次必叫. 細 size 的, 份量已夠 4-5人吃. 大件夾抵食. 味道也不錯.鹽燒雞翼也是我最愛, 20 多圓已經可以吃到. 雖不是頂級, 但味道好好.石頭飯份量比較少, 但夠熱, 味道也好.要數不好的地方1. 地方比較窄2. waiter 可能太忙吧, 常常要叫很多次才回應總結:在區內, 是一間不錯的日本食店, 價錢抵, 選擇多. 我時不時都去食的.

行經背後, 發現了這間要上一層的”和民”式食店, 但內裡食物比和民的要多上幾倍, 坐下先來一支日本BEER, 杯沒有雪過, 加上BEER不夠凍, 減分! 再來一個小食: 介辣魷魚, 滿滿的一碟, 原來有菜放底, 味道不夠辣, 都不錯啦, 炸雞軟骨, 和炸墨魚嘴, 都炸得脆, 雞軟骨都是略為肥了一點, 三文魚骨味道略淡, 燒魚干好煙UN, 加沙律一流, 炸南瓜餅, 外脆內粉, 曼魚炒飯, 珍珠米, 一粒粒, 炒得夠乾身, 不濕, 但略油, PIZZA, 十分簿, 好脆, 其餘的記不起了, 不錯的選擇, 以後唔使成日去和民了,