味皇餐廳小廚 (已結業)

噚日中午要到尖沙咀做嘢咁就喺附近睇吓有乜好食啦，見到味皇有冇骨海南雞飯，沙薑雞飯同其他幾款雞飯，見佢主打雞飯諗住冇衰啦，點知就咁賴咗嘢，一入去就睇睇餐牌，一於叫沙薑雞飯，點知一叫完都唔夠一分鐘就有個呀姐放個下午菜牌落嚟，原來佢一點半已經有下午茶，頂又唔出聲，早知叫咖哩啦36蚊已經有，想問佢改唔改得碟飯已經到，算！一睇個樣已經覺同張相相差好遠，啲飯質好差，一望就知好乾好硬，又有啲白有啲黃，好肉酸😨😨，啲雞切到好大舊，好肥好肥，其中竟然有舊頸皮，冇肉放落去都係想整到好多雞咁啫，都算，食啦，咬開咗啲皮諗住咬一啖…點知係咬唔開！勁un！咬極都咬唔開咁唯有成舊食，唉真係un到好似食香口膠咁，乜雞嚟㗎！似煲湯嗰啲老雞多啲囉，仲有雞下面啲生菜，黃到我諗佢都冇諗過有人會食囉，成碟飯難食到，仲要45蚊，早知去食老麥好過，啲飯應該同餵豬啲差不多，真係比一日我都食唔完，呢世我都唔會再嚟！

以往一直都有在味皇下午茶，最近發覺呢度一次比一次退步。下午茶通常會點下列兩樣食物1)鹽焗雞或貴妃雞米線     由最初香濃嘅胡椒味湯底，已經漸漸變成普通湯底。     在一個月前幫襯果次，可能忘記落鹽，淡淡的。      雞的份量也一次比一次少(2) 麻辣或酸辣米線      試過一次酸辣，就沒有再食，      因為酸辣米線的酸味太強烈，遮蓋了其他配料的香味。      所以之後一直都係食麻辣，麻辣的香味近期的湯底都變了淡淡的，      而且米線份量跟配料也越來越少...      昨天點了肥牛，牛丸麻辣米線，      之前的牛丸是帶有少許牛筋及有口感的，但昨天來的牛丸只有彈牙，不是太香，      肥牛就少得可憐，從之前的5~6片，減到昨天碎碎的3片      食完都唔係好飽。至於飲品方面，一般，不要有期望。

無骨海南雞飯 (HKD45+ 加二服務費 = HKD54)無骨海南雞飯在餐廳標為招牌, 姑且試一試有多好味, 但好失望囉首先一上餐便覺份量好少, 當時餐廳又沒有什麼客人, 用不著那麼慳吧? 給顧客好小家的感覺海南雞飯沒有什麼海南雞飯的香味, 一個出色的海南雞飯是應該看上去色澤鮮明, 透出陣陣香而不濃海南雞香飯味加上此飯上餐時不夠熱....偏涼, 大大遜色去突出海南雞飯應有的口感雞肉肉身很乾, 不滑, 難嚼且沒有雞味,餐上有一,兩塊雞皮好厚, 全是肥脂, 根本吃不落飯亦沒有海南雞飯該有的特色和香味, 只是白飯而已,總括而言什麼都沒有好味道似的, 除了伴菜帶好濃原的青菜味.....適逢當日是年初一, 故收取加二服務費, 但這樣的味道, 加上服務趴惡巴巴的態度.只可說完全不合格!

味皇……年多前幫襯過幾次, 貪其舖頭內有部大電視, 可一邊食, 一邊睇新聞; 當時食物水準一般, 沒甚麼特別深刻之印象. 今晚, 忽然想食海南雞飯, 第一時間諗起味皇那份無骨海南雞飯, 所以馬上撘了三十大元的士去位於尖沙咀漆咸道哪家分店當時大約晚上十一點, 店內祇得兩台客. 我坐在電視機前哪張台, 不用看餐牌便立即點了一客無骨海南雞飯套餐不消三分鐘, 服務員把整客套餐送上, 內含無骨海南雞一碟, 雞油飯一碗, 油菜一碟, 例水一碗, 加上凍奶茶一杯 (凍飲加$4)先說碟雞, 賣相勉強合格, 但一入口, 已明顯吃出是雪藏雞貨色, 沒法子, 要吃新鮮雞, 唯有返大陸; 不是他的錯到碗油飯嘞, 四個字, “不知所謂”! 話明油飯, 但成碗飯乾爭爭 (你睇張相吖,雖則開住閃光燈來影, 但 D飯粒完全冇反光, 可想而知有幾乾), 而且又凍又硬, 好似隔夜冷飯咁, 完全FEEL 唔到有雞油味!碗飯咁乾, 諗住飲啖湯濕吓個咀, 再食過吖, 點知碗湯仲不堪, 仲凍過碗飯, 而且淡而無味, 都唔知前前後後溝水翻滾過幾多次! 五個字, “ 更不知所謂”!油菜份量就夠, 但D生菜淥得太耐了凍奶茶, 一般茶仔

很久沒來上一個劣評了，不過過於難食的話，亦不能抹煞自己的感覺。客家菜中有一味黃酒煮雞，可是一道不易處理的大菜，關鍵處除了用上黃酒帶出鮮味之外，亦要用上全生雞件來烹調，要吃這道菜可需要預訂。正是事有湊巧，本月頭途經尖沙咀的味皇，這連鎖茶餐廳以前也試過，問心印象亦是不佳。只是無意中看見門口的菜單時，竟然發現一份客家雞酒湯飯套餐。約四十元一客下，於點菜不久後經奉上。除了白飯一碗，主要還是那一碗雞肉滾湯，不得承認一句，端上桌之時確是滿有黃酒之香。再看那碗滾湯，除了雞塊之外，亦有豬潤、雞腿菇、生菜等，上面更打了一隻大雞蛋看似豐富，急不及待試了一口湯，立時要說一句「很鹹」。雖然湯內帶有酒香，但用上這樣的重味湯底來送飯，實在來得吃不消，更遑論甚麼消暑之選，亦不違然加了味精之嫌。至於配料來說，再挾了一件熟雞，沒甚鮮味之餘，肉質更帶點韌身，至於豬潤來說，亦顯得過老，總算還有一隻半生熟雞蛋，否則.........望著這一份湯飯，也不禁帶點苦笑，看來今次又被坑了。臨尾係杯凍檸茶還算正常。最後用上四十三元離開，這一間以售賣雞類為主的專門店，看雞肉的水準確是欠佳，否則何能來得連鎖店大量生產?! 看來將大菜轉為

要OT, 就去味皇叫個teaorder 一個公司三文治+奶茶$28份公司治勁吸引,大大份, 好足料, 蕃茄.蛋, 生菜, 火腿, 煎雞, 好味。2個人share 一份岩岩好!奶茶又滑!$28 已滿足我地一天。

我通常都係睇食評多過寫架,不過今次實在忍唔到本來想去好時沙嗲不過實在太多人又冇咩時間,所以是但去左味皇,一入去就安排一個對住廁所既枱(但成間舖都有好多位),之後一定唔會坐係果到,要求轉位時餐廳侍應已經好唔耐煩:好呀~~~要坐同一行,唔可以對住坐,我心想都冇話要同我個FD對住坐,全間鋪D侍應都好似唔想做生意.個個都黑面又悔氣對D客人.之後食食下又叫我哋轉枱,話有十幾人入黎,咁我冇所謂咪左轉位,之後見到個十幾個人都冇坐到我哋之前張枱,都冇用到分明就唔想兩條友霸住張枱先叫我地轉,好快就食完就走,食物真係好一般,未食都成肚氣,價錢又貴,絕對唔回頭

晚上十一時完成工作, 路過此處便與同事進去, 隨便點了:豬頸肉跟汁另上碟, 份量可以, 但太乾及不夠入味, 有進步空間; 手打麵方面, 較為好吃彈牙, 湯底清甜, 不錯.這裡價錢不算平, 但供應的食物可以好一些便好, 服務一般, 職員趕收工, 態度冷漠

食到無野好食,就去試D未食過嫁啦搵到呢間野,就入去試下啦叫左個豬潤魚付酸辣米線湯底唔掂,無味,TOO BAD-O-魚付幾好食,豬潤都唔錯,米線就一般啦整體OK既,係個湯無味姐但係收銀條友勁無禮貌,呢度扣哂分,無下次,頂!

叫左個酸辣無骨雞飯，碟飯一上枱見到賣相都已經唔討好，咬啖雞試試，哇哇..... D雞好好好鞋!! 仲要完全無雞味!! 淋係雞上面果D酸辣汁浸晒D飯，攪到好似食緊酸醋湯飯咁，好難食呀。唉，雞又唔得、飯又唔掂.. 真係無啖好食~!! 咁就浪費左我$36蚊。

原先想去霸王山莊, 但好多人排隊等位, 見隔離呢間味皇唔洗等位, 有又好多選擇, 於是就走左入去, 點知就出事了...honey既海南雞飯: 碟飯一D煙都無, D 雞又放得好唔整齊, 上面一小碟黃黃地綠綠地色既汁, 睇到已經心感不妙...honey話雞好"鞋", 有D似煲完湯既雞, D 飯雖然係黃色, 不過一D都唔香又唔熱...我既蕃茄牛腩手打麵: 嘩! 睇到已經唔開胃, 不過叫左唔想浪費, 心唸可能好食呢?! 又係唔熱, 手打麵一D味都無, 牛腩"趙"唔開, 薯仔有D涼, 有幾塊細小既蕃茄皮, 唉....好彩杯可樂同檸水都叫正常...

本想吃好時沙嗲, 去過很多次, 但見味皇有海南雞, 於是一試二人點了:無骨海南雞飯 $35香酥雞扒配香油飯 $35送老火例湯或茶啡(凍飲加$3特飲加$6)飲薄荷賓治凍奶茶無骨海南雞飯: 吃下去覺得不太滑, 似普通白切雞多過海南雞 , 同附近好時沙嗲相比差很遠.不過個醬汁就幾好, 吃起來很開胃.香酥雞扒配香油飯: 即時令人想起台灣的豪大大雞排, 很大塊的一塊雞排. 外層內軟, 又夠味.油飯而言, 真的很油, 但油而不香, 可惜.

好耐之前食過一次味皇, 都唔錯.今次想試下面類, 就出晒事是日午餐:- 墨丸腩肉酸辣米線好明顯間野係識煮飯唔識煮面, 個味實在太太太奇怪喇...先講個湯底, 同一般食開的雲南米線完全唔一樣.有一種好獨特既酸味, 似加了一大堆醋!至於個辣都好出, 就係一個辣字, 一d都唔香!正確d來講, 就係好酸好辣, 好酸辣.........墨丸唔似手打, 好粉, 不過都幾大粒.腩肉白雪雪的, 入唔到味~跟餐附熱飲一杯, 我要了熱檸水.單看價錢, 比起同區米線店送埋野飲都只不過係人地既一送面價錢, 好平.不過講味道, 差得太遠.........我以後都唔敢叫面類喇*外賣送送非常之好人, 埋左單, 佢仲會話如果有乜野事, 可以call佢地, 多謝.嘩, 咁既服務態度值得表揚!

經過就求其試下,,無係度做功課就貿然亂試,結果咪乃野囉,,試左 34$ 咖哩牛腩手打麵,,送碗味精湯就唔駛點講,,麵就好差,,一"pat"野咁,,唔知咩口感,,,初初甚至以為係d人嘗試磋麵粉發脾氣既失敗作咁,,再試咖哩,,唔覺有咩咖哩味,,d牛腩又好似瘦肉咁,,煲完湯個d硬哂個d呢,,味就怪怪地,,連正常牛腩都做唔到出黎,,幾犀利,,點練嫁? 野飲係熱菜蜜,,第1次食完難食野後無乜moon飲杯正常既野,,, 環境想比兩分.,多一分係比佢有軟墊挨後,,

下午放假去弄頭髮,起碼要坐幾個小時,所以就算不餓也要找點東西吃吃。在公司附近的這家茶餐廳,出名的是海南雞飯,(不過個人比較喜歡泰樂廚的海南雞飯)但不太餓的我,實在吃不下整個飯,於是就叫了下午茶餐。奶油厚多士再加上火腿和蛋。有點奇怪的配合,火腿就是正常的味道,而且只是過水即上的,蛋就有點偏油。重點的多士....是不好吃的,沒有烘夠時間吧,硬而且不脆.....有更多花生醬也沒有用呢!而檸檬茶的茶底還可以。下次還是吃回名物就算了。