旦王花 - 泰越鍾情

營業中

休息中

呢間位於錦上路嘅泰國菜就真係要揸車先可以食到，平時自己都好鍾意食泰國菜，見過唔少餐廳嘅裝修，呢一間啲裝修寧捨吸引，特別係中間幾隻象仔。餐廳好大間，如果覺得出邊太熱嘅話都有冷氣房可以坐，但係我就覺得坐喺戶外就比較有度假嘅感覺，真係諗返起喺泰國放鬆玩嘅日子。‣ 越南燴牛尾煲 $168牛尾煲嘅醬汁調配得唔錯，唔會話太過甜膩或者太過鹹，食落去覺得啱啱好，配白飯食就真係一流。平時都唔係點樣食牛尾，但係今次都忍唔住食多咗幾嚿，美中不足嘅係我覺得牛尾可以再煮軟腍少少，再吸收多啲醬汁嘅香味就會更加好食。‣ 泰式燒乳豬 $488淨係嗌燒乳豬其實已經好飽，呢度淨係半份嘅份量已經好足夠四個人甚至五個人食，特別係乳豬都幾肥膩，乳豬仲有搭配糯米飯。其實去到最後我哋都冇乜人食糯米飯，一開始食覺得乳豬好香，咬落去啖啖肉好爽，但其後都覺得有啲肥膩，賣相一流，但係未去到話覺得好想再嗌多次嚟食。‣ 招牌星洲咖喱蟹 $368幾乎每次食泰國菜我都會嗌咖喱蟹，我覺得旦王花嘅咖喱蟹好出色，幾次食過都唔會覺得啲蟹肉好霉，啲肉都唔會話好痴殼，好鍾意佢嘅咖喱有一浸蛋嘅香，又唔會好辣，配飯或者薄餅食真係一流。‣ 炭燒魷魚筒 $158魷魚

Book左呢度同屋企人食飯+慶祝生日，估唔到可以咁令人失望！叫左個椰子湯，已remark少鹹但都仍然好鹹！個柚子大蝦沙律，係我每次食泰菜必叫，但從未食過咁難食！成兜野係暖既，個醬又唔知咩味，又唔新鮮豬頸肉個汁千祈唔好淋落去！又係勁鹹！「炭燒」羊架仲難食過茶餐廳！完全冇羊味！個印度咖哩鹹到可以去洗腎！鹹都算，可以做到完全食唔到咖哩味！最後呢個椰汁糕，我見到個刻真係呆左！個樣好似放左成個禮拜咁！仲要連碟去蒸熱，再直接拎出黎上枱！$58呢4舊野？成餐飯成千蚊！除左個米紙卷同炒飯係叫ok正常⋯其他真係不知所謂！可以全部做到淨係食到鹹味，但原全食唔到本應有既味，真係好出色！仲有全部野食都係純翻熱，包括個炭燒羊架！除左甜品，Total叫左9樣野食，但全部可以係10分鐘內出哂環境都ok既～但比成千蚊食呢堆翻熱既垃圾，真係好後悔揀左呢度！見到之前咁多好評，究竟係轉左廚師定比錢搵人做假？

今次係我第一次食覺得味道都好好食，價錢有少少貴，但係個環境係好舒服嘅。食泰國一定要叫冬陰功湯🫕🫕🫕今次叫咗小咸，覺得啱啱好夠味，而且裏面嘅蝦都好彈牙👍🏻👍🏻你記住一定要叫小咸啊😝😝推薦：🩷🩷🩷🩷🩷然後叫咗串燒，豬牛雞各兩串🍢🍢呢個菜式就中規中矩啦。推薦：🩷🩷🩷‼️重頭戲黎啦‼️叫咗青咖喱軟殼蟹，另外自己加咗個印度薄餅😍😍😍咖喱又唔會好辣，而且軟殼蟹都脆，唔會勁軟身。再用印度薄餅沾咖喱食超正👍🏻👍🏻推薦：🩷🩷🩷🩷仲有叫咗椰青水，但係就比較清淡冇咩椰子味🫢🫢

📍旦王花 - 泰越鍾情 (元朗)元朗錦上路148號地舖Openrice訂座襯天氣未算熱 於是今日中午嚟試試地方寬敞 露天玻璃屋+大象噴泉職員安排我同朋友坐戶外座位餐廳無提供lunch set 全部都要散叫✨黃咖喱牛腩泰式咖喱有黃綠紅三色黃咖喱 帶椰香微辣較甜 牛腩軟嫰✨Garlic Naan香蒜印度烤餅 味道一般 不夠香蒜味亦不夠薄不夠脆✨馬拉盞炒芥蘭 賣相一般 芥蘭鮮甜爽脆 略嫌太多油✨泰式鮮蝦炒金邊粉有蝦 豆腐乾 勁勁勁多椰菜 賣相一般 味道亦一般整體用餐體驗✨味道(2/5)整體食物味道一般✨環境(2/5)坐室外 瘋狂俾蚊咬✨服務(2/5)QR code落單 無乜服務
✨抵食(2/5)沒有lunch set

今次夜晚去咗一間好耐冇嚟嘅餐廳🇹🇭，之前喺嗰度都食咗好多次㗎喇。但係發現今次嚟嘅時候啲價錢好似加咗，仲要有少少離譜，環境舒服嘅，可能因為未到夏天所以都好涼好舒服嘅感覺，因為每次嚟都係坐玻璃室內位置都係假日嚟，隔離有個燒烤爐成日都漂啲煙出嚟都幾過癮㗎😊 。不過今次就選擇坐喺🐘大象池邊嗰邊。我哋首先嗌咗個 冬陰功蝦湯，因為之前冇試過，又見到網上啲人讚過冬陰功（鮮甜）諗住今次嚟試下啦 點知一試 XX 太鹹了。之後就嗌咗 泰式串燒 之前嚟食都聽到微波爐叮！一聲㗎啦，咁就冇為意，但係今次屋企人行上海鮮區嘅時候，發現佢哋的串燒似乎真係用微波爐加熱，就即刻叫侍應退咗佢，咁侍應就同我哋講其實佢哋已經同廚房溝通咗好多次㗎啦。咁我都冇咩好講👎🏻仲要嗌生蝦同埋焗農夫包配軟殼蟹，不過生蝦 ，應該就真係唔太新鮮，口感唔係爽口係滑曬曬，食完之後感覺唔係好舒服🤢。價錢仲要賣$199 認真唔值焗農夫包配軟殼蟹，就OK幾好食嘅🤤，算係正常嘅食物。總括而言，今次係呢間泰國餐廳的用餐體驗 有啲起伏。食物方面有一啲問題，應該都唔會再有下一次。服務態度方面，希望餐廳能夠改進食物的品質，並提供更符合餐廳的服務，咁就可以俾顧客提供

今日咁啱喺屯門嗰邊收工，車媽咪去試一間佢朋友推介嘅元朗泰國菜，如果唔揸車最好搭巴士或者小巴，或者由錦上路站轉的士。------------------------------一去到已經好有feel，位置好大，有好多白色帳幕同閃閃燈，有室外同室內位置，中間仲有一條小河有一啲小象同佛嘅裝飾，感覺幾寫意。------------------------------餐廳係用QR code落單，望咗望個餐牌，價錢中上，天氣凍凍，我哋就叫咗一個椰子雞湯，可以選擇辣度。煲湯都幾大份，四至五個人飲都得，我哋兩個人就每人飲咗三碗左右。值得一讚嘅係，呢個係我飲過嘅椰子雞湯入面最好飲嘅一次，甚至比喺泰國飲嘅更好飲，因為佢嘅酸甜到好適中，唔會搶味，飲落口好滑又濃，加上微微嘅辣度，超級保暖，湯入面仲好足料，有好多舊嫩滑雞肉同各式各樣嘅菇菌類。------------------------------主食方面我哋叫咗一個紅咖喱豬肉，媽咪叫咗一碗白飯，我叫咗一個果仁雜果印度薄餅。紅咖喱好重椰奶味，係我哋好鍾意嘅杰杰質感🤤 最正嘅係入面仲有好多菠蘿粒同荔枝果肉，咬落去好爽甜但係又有紅咖喱嘅香味，好特別。成餐飯令媽咪

🛣️元朗錦上路公路旁有間渡假風泰國菜🇹🇭🙈位置偏僻, 駕駛人士會較方便🚗🚙🅿️餐廳外有停車場, 約8-10個車位消費🈵$1,000免費泊車, 否則$35一架🤓中庭的白色水池⛲️同泰象雕塑🐘裝飾, 有種去咗泰國feel😆✅設有室外及室內座位, 室外的餐具早已擺放好🍽️, 但因靠近公路🤥所以枱面及餐具難免有沙塵😵‍💫,有點髒, 衛生欠奉😥如客人入座才擺設餐具和抹枱會更好🙈🌜天黑後會有蚊🦟, 好彩店員會放置蚊香(起到少許作用)📱用QR code自行落單服務態度都OK, 不過當中有位姐姐態度較差劣😕🙋🏻揮手多次想搵店員幫忙, 冇人理🤷🏻要客人企起身, 先慢慢走過嚟🥸🔸冬䕃功蝦湯🥣 $128 8/10🍲一大煲盛上, 份量約4-6人🉑自選酸度及辣度🌶️有鮮蝦, 草菇, 香茅, 檸檬葉等配料🥣湯頭濃郁, 酸辣比例平均, 不錯👍🏻～🔸鮮蝦金柚沙律🥗 $108 7/10金柚份量都算多, 全部大大舊, 新鮮冇苦澀😋🦐大蝦約有6-8粒鮮甜金柚配搭醬汁, 味道酸甜, 好開胃🥳🔸越式香茅牛油雞翼(半打) $108 6/10外皮有點厚, 唔夠香脆🔸炭燒海鮮拼盤🦪 $288 5.5/10扇貝｜蟶子｜蠔每款各3件因為全

回港後第一日，晚上約咗朋友吃慶生飯。今晚揀了泰國菜；友人選了在元朗的旦王花。訂枱訂了晚上8點，這是第二次來這餐廳；餐廳的出面有停車場，可泊大概10架車左右。餐廳裝修很精緻，有很多泰式雕塑作裝飾，仿似置身泰國的感覺。座位也分別有室外同室內可供選擇。入座後開始點菜；餐廳是用QR code下單的。由於之後連續幾晚都外出吃飯，所以只點了幾款菜式。蠔仔蛋，馬拉盞炒芥蘭和泰式炭燒牛肉。由於坐室外，天氣較凍，也點了一個生薑蜂蜜茶。泰式炭燒牛肉，個人覺得非常出色；燒得不過火，咬落也很有口感。蠔仔蛋用鐵板上；由於天氣冷，仍然保持溫度，味道也不錯👍🏻差不多吃完，餐廳的工作人員叫我們行出入口附近；因為有聖誕飄雪還節。隨即播出了Frozen第一，二集的主題曲，之後噴雪機開始噴雪，一眾食客開心的忙於影相，真多謝餐廳的一個窩心安排😄

之前睇過呢間餐廳的介紹，今次帶狗狗🐕嚟，見到環境同佈置，覺得真係好吸引，有驚喜😍我想食青木瓜沙律，set lunch可加$48追加，於是點咗馬沙文咖哩牛腩飯套餐跟熱泰式奶茶+沙律。我食素，所以咖哩係打包。食物份量幾大，沙律估計係正價的份量。青木瓜沙律🥗：清新，酸味夠，唔算辣。沙律入面有好多花生，脆口；仲有2隻蝦🦐泰式奶茶：好飲，香料味特別，奶茶已加咗糖（或煉奶？），但唔係太甜雖然呢日唔係紅日，但都有好多人食lunch ，室外座位陸續坐滿人。時值聖誕🌲🧑🏻‍🎄，餐廳有節日裝飾，同狗狗打卡好靚！狗狗食評🐕：今日食泰菜，食物有少少辣，冇太多嘢啱我食，淨係得伴碟的生菜🥬、白飯🍚同媽媽幫我吮曬啲汁的蝦🦐同車厘茄🍅

環境🐘係錦上路獨立屋裏，花園裝修到好有泰國風，有大象噴水玻璃屋設計，幾大幾開陽，香港少有既獨立屋泰式餐廳，唔渣車既話交通就不方便。食物🍽️[👍🏻椰汁西米糕 $48]椰味香濃，西米內有粟米芋頭等用料多。[👌🏻半打泰式串燒$128]即叫即燒，可以自己簡豬牛雞串，簡左各二試曬全部，推雞最好食醬汁重。[👎🏻豬頸肉芥蘭炒飯 $118]豬頸肉份量多，但整體偏油，食到底個碟都係油。交通🚘渣車最方便，泊車要收費$35，消費滿$1000先有一次免費泊車。

係OpenRice訂枱寫生日有9折🤔到食完埋單都冇🙄餐廳點餐依家改用手機落單,但冇相睇只能估係點樣,依方面真係要扣分,但食物質素係可以嘅,只係生蝦8隻成$180真係貴咗啲

錦田，以前唔會覺得有咁多特色餐廳，自從最近天氣涼咗，開始郊遊，揸住架車，沿着錦上路行，先發現，呢度有唔少特色嘅餐廳，會覺得太熱，而且裝修十分有心思，好似與世隔絕，遠離城市嘅繁囂，同時有一個自成一角嘅用餐空間，夜晚特別有氣氛，愜意無比。店員為我哋兩個安排咗一個角落嘅空間，嗰度播住啲輕快嘅音樂，周圍兩枱都冇人，可以好好享受二人時間。我哋首先嗌咗一個大蝦西柚沙律，水準完全比我預期中高好多。首先西柚新鮮，完全唔係一般出邊果肉切好晒嗰種，食得出佢係慢慢用手撕，一疏疏肉條理分明，大蝦仲要係大大隻，係真正嘅「大」蝦，加上佢冇落好多椰菜、花生等等濫竽充數， 十分足料，絕無欺場，而且醬汁酸甜之中濃郁，西柚完全唔會食到苦澀味，果汁同佢嘅醬汁相得益彰，完全令人驚喜！再嚟係一個經典肉碎生菜包。佢啲山菜10分新鮮爽脆，而且都俾咗五六塊，十分大方。肉碎炒出嚟唔會乾柴，仲食到肉汁之餘，豬肉帶噍勁，而且佢嘅調味恰到好處，香辣唔會搶走肉嘅鮮味，且冇配醬汁，證明佢對佢嘅出品十分有信心，菜包肉，惹味！最後係泰式乾炒雞肉河。呢個係我食過覺得最好味嘅乾炒河粉，佢嘅調味係完全入晒河粉裏邊，蔬菜有鑊氣，但係完全唔會過老，雞肉仍然鮮

旦王花餐廳的服務也非常好，今晚員工們(一對後生仔女)親切有禮，細心周到，讓客人感受到溫馨和尊重。他們會根據客人的喜好和需求，送上合適的菜式，並及時上菜和收拾碗筷。旦王花餐廳是一家適合全家大小、情侶約會、商務聚會的理想之選。我和我的太太就是在這裡初相識的，直到小朋友長大，這裡的食物質素一直為持得非常好，每次都讓我們吃得滿足和開心。

朋友介紹底下山長水遠入咗嚟呢間位於錦上路嘅餐廳🙈 餐廳環境好清幽 遠離塵囂 佈置格局充滿泰國風情😍 每張餐枱嘅擺設同裝飾都比人一種好清新嘅感覺🌿當然食物絕對係有驚喜🤩-🥂乾炒泰式金邊粉 𝙿𝚊𝚒 𝚃𝚑𝚊𝚒 𝙽𝚘𝚘𝚍𝚕𝚎 𝚠𝚒𝚝𝚑 𝙿𝚛𝚊𝚠𝚗 $𝟼𝟾濃厚嘅蕃茄味🍅 有種酸酸甜甜嘅感覺😍 食落去唔會好滯，反而仲好開胃🤤 配料有細香葱同蝦仁🍤一齊炒好香🤩 混合埋花生🥜令到口感更加豐富🥰 建議可以落埋青檸汁味道會清新啲🍋 金邊粉嘅口感好煙韌😆 絕對值得一試😋-🥂香濃茄汁燴雞 𝙱𝚞𝚝𝚝𝚎𝚛 𝙲𝚑𝚒𝚌𝚔𝚎𝚗 $𝟷𝟷𝟾除咗泰國菜之外旦王花嘅印度菜同樣相當出色🇮🇳 味道相對其他印度餐廳來講比較甜少少🤏🏻 略帶微酸頗開胃🤤 而且裏面嘅雞好嫩滑亦都好大舊😝 椰汁味唔算好重🥥 配以印度烤餅一齊食好夾🥳 佢嘅烤餅好大塊🫓 不過略嫌油咗少少🥺 但整體嚟講好抵食🙈-🥂印度咖喱雞 𝙸𝚗𝚍𝚒𝚊𝚗 𝙲𝚑𝚒𝚌𝚔𝚎𝚗 𝙲𝚞𝚛𝚛𝚢 $𝟷𝟷𝟾一開始對印度咖喱嘅印象都係好辣🥵 但呢間嘅咖喱嘅辣度係我接受到嘅🌶 香料好多就咁食可能會有少少油膩嘅感覺🤏🏻 但配埋白飯就啱啱好🍚 啱哂食量比較多嘅人🤪 但個人認為叫咗上面嘅茄汁燴雞就唔需要

餐廳位於元朗，黎到餐廳門口，就已經覺得自己✈️泰國，整間餐廳好大，佈置充滿泰式風情，例如有大象，好有泰國代表性，好chill 好relax🤭💕座位分為三類：室內、室外、玻璃屋，訂位時可以註明。我今次冇註明，亦由於室內座位比較小 ，所以選擇坐室外，夏天坐户外，真係熱到不得了🥵Menu 選擇多，又有選擇困難症🤣❇️菠蘿海鮮炒飯🌀材料豐富，有菠蘿、腰果、肉鬆、蝦仁、魷魚🦑、臘腸，菠蘿仲要切好一塊塊，好貼心👍 味道都幾好。擺盆用心，一d 都唔馬虎！❇️清邁鐵板蠔仔蛋🌀上枱時聽到清脆既"沙沙"鐵板聲，好治癒🤭 蠔仔好大粒，飽滿多汁，雞蛋煎得香口，而且底層仲鋪滿芽菜，非常爽口👍有芽菜中和蠔仔蛋，即刻冇甘膩！❇️鮮椰青雞湯🌀味道酸酸地，好開胃，而且椰奶香味濃😋份量多👍 可以有6~7碗!❇️沙嗲串燒豬肉雞肉🌀即刻有專人燒，豬肉雞肉新鮮爽口，加埋沙嗲醬，味道鹹香濃郁👍❇️椰青/奇異果檸檬草梳打🌀奇異果檸檬草梳打味道好清新，仲有奇異果肉食，好消暑！