五月花港台日料理 (已結業)

記得以前五月花在荃灣也有一間，不過已經結業了，剛好與朋友想來個任食，就決定試一試旺角這間，第一轉送菜極快，雖然黎唔足數，但對肚餓既人黎講已經好好。有煮食又有刺身，但我地偏愛甜蝦，看看我們的戰績吧，甜蝦真的不錯，沒有腥味和雪藏味，我們就靠它來回本吧！其實煮食不過不失，第２轉開始動作已經很慢了。

今次係第二次食五月花，喱間放題經常都會做團購優惠，今次仲要99蚊一位(加一去到要再俾around39蚊)，真係算幾抵食，而且食2個半鐘，由5點食到7點半當到齊人之後，佢會拎個刺身拼盤俾你，根據人數而俾分量(大家可以係下面見到張相，係5人份)，喱個刺身算係幾好食，至少我見三文魚真係ok厚👍👍提提大家👧之後再叫刺身，要寫既件數要比自己想食數量更多，即係你想要10件，最好寫30件，通常佢都唔會黎齊的，不過我諗應該好多間放題餐廳都係咁啦，但好彩喱間就冇漏單問題，真係全部黎齊哂👌👌另外，黎喱度一定要打邊爐，仲有一定要最先落蝦先，2-3隻就已經可以，加蝦落去，個湯底真係正好多喱間放題最值得推介既就係芝麻雞翼，喱個係最新推出，我上次黎食都未有的，芝麻雞翼好香脆好正其次仲有一口牛柳仲有豬軟骨都幾好，一口牛柳其實幾岩小朋友食，因為細細粒又易入口咀嚼，豬軟骨食落去卜卜脆，食下食下會上癮，係咁想食甜品方面真係一個敗筆除左cheese cake,桂花糕同雪糕糯米池係好食之外，其餘都真係麻麻地，有個好似牛奶布丁既真係超難食，一陣藥水味，真心建議你地唔好試🙅🙅最後再提提大家，最好等有團購先去食，真係成日都有，而且

買左團購 淋住試一試可惜...失望而回首先., d salmon刺身切得好差，係未切到底既，仲係痴住then, d wasabi 完全冇辣味d waitor 又問乜都答唔到既，乜都唔知飲品得好少choicesum up係 唔會再去食

昨晚同朋友去左旺角五月花食放題，時間系晚上9點，每位HK$159 + 10%，我有一張系fb 打印出來的優惠劵，可以免費任食松葉蟹。 坐好後就問個侍應無松葉蟹order張紙，我地點落單？侍應話第一次系佢地會攞比我，之後想要就要叫侍應落單，今晚的食客比想像中少，比較容易落單。我地2個人每次比2隻腳，叫左侍應落左2次單已無心機再叫，轉食魚生，魚生新鮮美味入口即溶，天婦羅南瓜及蕃薯好甜味，但多春魚用天婦羅的方法煮理就唔好食，咬一口太乾爭爭。。。炸物中的芝麻雞不錯，它沒有上炸粉，原隻雞中翼炸好後加少少芝麻系面。值得推介黃金脆豆腐，豆腐炸得香脆可口。另外馬拉盞食落好重油，有砂還有點怪味。如果下次都系 e 個價加任食松葉蟹，我會再嚟多次。

放工往兆萬中心五月花與好友食放題，我們都食了很多美食，有:翅身(三文魚翅身，北寄貝翅身和甜蝦翅身) 翅身好新鮮，入口即熔，而且裝翅身個盤配上乾冰，視覺一流壽司(鰻魚壽司，火炙三文魚壽司和火炙左口魚邊壽司) 鰻魚壽司個鰻魚汁味道適中，火炙壽司燒得剛剛好炸物(芝士年糕，炸三文魚、芝麻雞翼、七味雞軟骨、七味雞翼、炸蠔和黃金脆豆腐) 炸物大多炸得Ｍ好乾身，不太油膩，值得推介黃金脆豆腐，豆腐炸得香脆可口，好味到食左兩碟中式菜式(腐乳通菜、馬拉盞、炒什菜、水蟹粥和辣酒花螺(腐乳通菜和馬拉盞食落好重油，扣分；炒什菜食落好爽，有驚喜；水蟹粥略嫌蟹比較少，最後辣酒花螺食落有皮蛋味，感覺怪怪!) 、帆立貝串，值得推介，醬汁味道適中，食到帆立貝鮮味甜品(凍燉蛋、奶凍、糖不甩、木糕布甸、綠茶雪米磁和泡芙)值得推介泡芙和木糕布甸，入口即熔，細細份，不太膩可食多件

今日朋友生日，就約哂成班friend一齊去食放題幫佢興祝。因為個陣係買團購嘅，每位140左右我覺得都算係咁啦。但係我地一行十個人去到，叫親啲野都係幾件幾件咁上，劃10件上得2~3件，劃20件又係咁多，我明白站在店舖立場見到一次叫咁多都怕客人亂點浪費食物，但係睇返我地十個人上黎，叫10~20件其實都好正常，但硬係次次都上唔足要我地爭野食。不過啲食物都叫做唔差，刺身拼盤同天婦羅都好好食。

呢間係同事話食過所以俾佢拉左黎食... 雖然我個人係中意食日本野, 但係未聽過呢間所以冇乜期望個lunch嗌左個面同d壽司, 味道雖然一般般 ,不過d賣相都加返d分, 所以都還可以...我個人就好中意飲品, 用透明玻璃瓶裝住好令...總結就係價格同味道都可接受, 不過唔會強烈推薦

因相約了好久不見的好朋友聚餐,經我媽的朋友推介,故晚上到了五月花試吃放題當天人流不多,而且我們有訂座因此都不用等候。入座後服務生簡單講解一下服務內容之後開始是次聚餐,另外因有訂座關係,餐廳都先送一客刺身頭盤其後我們都點了好多東西試吃,每樣都點了少許,但因數量太多而沒拍下跟分享。不過有幾點我還記得的事情可以跟大家分享一下1). 有少量小菜可以推介一下 - 一口豆腐, 天婦羅蕃薯, 芝士炸年糕, 炸花枝丸(2). 有些菜式不被推介 - 鮮奶燉蛋(甜品), 楊枝甘露(甜品)(3). 其他菜式只屬一般, 並沒有太特別, 質素也不算很好這碟是炸物,經炸後豆腐仍然非常軟滑,炸皮都質感我也很喜歡(雖然我的好姐妹說炸皮有點厚),這個菜式還是值得推介。其實沒什麼特別,不過其質感令我念念不忘,質感實而黏,我很喜歡所以推介一下。理由同上,而且菜式有點特別(對我來說),所以也推介一下。這個很好吃,薄薄的炸皮上有少量沙律醬,剛炸好便送上,熱熱的很好吃很難吃:'( 還要用上朱古力畫了笑哈哈表情,質感亦不夠滑,吃時真的感到好難吃:'(最不要得的甜品(連我的姐妹也覺得好難吃) 根本是橙汁加上一堆果肉什麼的就算了,超●

之前上網睇過關於呢間放題的好多食評，覺得都幾搞笑，好壞參半，所以一心想同朋友黎睇下到底呢間放題正唔正，好可惜最後都係令人失望的！首先啦，雖然放題裡面黎講，五月花提供的食物種類選擇都唔少，不過食物的質素真係有待改善囉！！炸物方面，認真麻麻地，肉好油得黎又"yip"得唔夠味，脆漿亦都好厚，搞到食落好膩，真係一舊起兩舊止呀！刺身方面，其實食放題我通常都係主打食刺身既，感覺上易D回本嘛哈哈。不過真係好激氣呀！呢度的刺身唔多新鮮，三文魚色澤亦都唔係好夠，最可惡的係我地不停入單，但到最後食左一個幾鐘佢都係比左兩round好少的刺身黎hea我地！！！ 真係嬲呀！總括黎講，真係bye-bye冇下次呀 ！！！

本人從不食放題，但因朋友上網買了沒法拒絕就唯有一試，真係人生第一次，亦係最後一次，本來係$109，上到去要加約$80不知什麼費才可，早知咁嘅價錢更加唔會上當，每枱先嚟一盤刺身，但三文魚冇味，唔新鮮，蝦又冇味唔彈牙，，一路有寫紙入嘅野就嚟一半，冇寫的又會double 咁嚟，食嘅過程好累，因常常叫人拿走我地冇叫嘅食物，有叫嘅又要不停入單追，仲有過中的食物一點都唔好食，總之食到好唔自然，唔會再有下次

相約表弟去食五月花港台日料理。先在網上購下團購票$119一人。我買下了兩張票。去完動漫節當晚去食自助餐。一星期前電話訂位，但對方話7點檔無位。要改時間係9點晚上。加上如用團購票要多付$49一人算。購團票就係咁。次次都話7點無位。跟手要加錢。我地等咗5分鐘後坐下。個場全場滿座。大部份年青人為主。服務員先上魚生冷盤。我對魚生無興趣。表弟全部食哂。之後上咗個凍蟹腳。個凍蟹腳充滿海水味。之後點了多春魚天婦羅、秋刀魚、壽司、八爪魚串燒、雞軟骨串燒、牛柳、及意式蛋糕。八爪魚串燒及雞軟骨串燒肉汁同口感非常好。彈牙爽口，兩個串燒温度剛剛好。其次條秋刀魚都唔錯。好鮮甜。碟牛柳我無食，因我信佛，表弟食哂。天婦羅一般水準。意式蛋糕好似小童size。好似粒方糖咁。成年人要四碟才八爪魚串燒、雞軟骨串燒夠食。平均上菜時間都要成20分鐘。無計，個場好旺。如果捉到有人食剩食物，要罸錢。我同表弟全部食哂。

我係買團購飛，140元咁上下，7點半時段要加79元一位，加埋實質220元左右，我地3個男人去食，剛坐底，服務員話唔洗寫刺身先，有刺身頭盤，黎到原來得4至5樣刺身，每樣3件，其後點菜，寫10件攞3件黎，寫20件都係3件，有時兩件唔夠分添。最正係青蘋果綠茶，真係鮮艷青色，睇見有啲驚，味道就完全係一杯糖水。啲甜蝦應該係蝦米黎，仲會唔會去食，等佢改名叫六月花，或者會奶多次野，如果唔係，永不錄用。

與朋友3人行到旺角覓食放題，途經兆萬便隨意地到呢間餐廳晚餐，每位大約$200，其實唔平，不過食物質素應該唔會太差吧。等了一會就有位，但位置因近廚房位，張張椅都好濕要抹乾淨晒先坐底，感覺已經唔好。食物種類好多元化，點餐紙分為1至12種，有港式、台式、日式等，如甜品有桂花糕、楊枝甘露等。店員說每枱也有一盤頭盤刺身免費送，叫我們暫唔好點食物先。頭盤刺身有蝦、三文魚、螺片、八爪魚等望落尚算新鮮，三文魚雖然並不肥美，但尚算OK，另蝦好大隻，食落啖啖肉，而螺片好爽口，都幾好食。其實頭盤也食物也不錯，但......我們未點食物，店員常狂比錯菜比我地，但我們完全無叫到但因人好多，也諒解他們可能會比錯。隨後即點飲品及刺身，先來飲品......我叫了杯芬達，但溝到好稀，只飲到水味，而另一朋友則點了杯青蘋果綠茶。呷了一口試試後，味道難以形容，有少少似藥水味，好難飲雞翼可以話係全晚最好食之一的食物，炸得剛剛好，脆脆地又唔太多炸漿，好好味軟殼蟹真係不知所謂!!!寫左"3"，但真係比得3舊仔，1舊1啖，又勁多炸漿，只食到油味，一D軟殼蟹都食唔到。之後白等了近半小時，先有刺身壽司食蟹子軍艦味道不錯，蟹子粒粒都好爽口

前日(15-2-2014 Sat)同男友同4個朋友打完保齡後,就拉隊o黎五月花會合女友人CY,一共8人食個放題晚飯.店方畀o左一間房我o地,由於只可食兩個鐘,我o地就把握時間快快剔食物.落o左單冇耐就畀o左兩大盤刺身我o地,刺身盤裡面有甜蝦,希靈魚,墨魚,鮑片,三文魚,魷魚同螺,除o左希靈魚唔係咁爽外,其他都唔錯,尤其是甜蝦同螺,新鮮好味.然後我都剔o左每人每種刺身各兩件,點知原來佢o地唔係好好,大部份由我同男友清,我食o左超多甜蝦同螺,不知幾正. 飲品方面,我開頭飲玫瑰洛神花梳打,攪勻後覺得味道淡淡,一般;而o係last order時,我就轉飲熱柚子蜜,呢個味道都係淡淡,或者因為冇俾o野我o地攪勻吧.冇耐,o野食開始到o黎,有唔知咩一口牛,睇見啲汁o岩o岩掛o係牛肉上,好吸引咁,呢個肉質鬆軟同幾惹味.墨魚籽三文沙律餅,幾清新,唔錯.唔知咩炸豆腐,雖然唔惹味,但外面脆口,內裡豆腐軟滑,已經超好食. 串燒帆立貝,燒汁味道o岩o岩好,都唔錯.唔知咩煮蜆,CY話冇酒味,咁我估係係清酒煮蜆,蜆都幾新鮮o既.炸三文魚,呢個普通,冇特別.蟹粥,粥底好棉,蟹都新鮮o既,清清地,OK.蝦天婦羅,南

坐下後先來了刺身拼盤，要吃完一半後才能order其他食物，但拼盤內的刺身質素並不理想，有些還很零碎。甜蝦不新鮮； 希靈魚有苦味； 三文魚又薄又淡，但在食物中已算不錯了。燒物中的賣點一口牛小如尾指甲，伴碟的薯粒竟比牛肉粒大得多。 燒牛柳中間又血紅一片且醃味太重。燒三文魚骨腩太多油又沒有肉。天富羅太多油，油味又重。 多春魚和軟殼蟹算是較好的了，老毛病：太多油兼脆漿厚。 炸蠔淡而無味，但已算不錯了。沙律零碎如伴菜，獨家的綿花乳酪沙律味如塑膠，真不知如何創造出來的。比較好的食物有腐乳生菜； 清酒煮蜆雖無酒味又有沙，但已是“上品”了；雞翼也不過不失；洛神花梳打除太甜和味道稍假外算美味了。令人沮喪的日式放題!