雲味園

營業中

休息中

兩餸自選米線🥘-麻辣湯配炸雞翼 豬頸肉米線-清湯配麻辣雞 炸雞翼米線米線係屬於比較幼身嘅米線，質地比較滑身。而主角麻辣雞，雞件幼嫩，咬開好鬆軟，配上麻辣汁，食多幾件都唔會好滯。*如果唔係食得太辣嘅朋友，建議可以揀麻辣雞，但配清湯嘅米線*炸雞翼炸得好香口，同埋入邊嘅雞肉都食到有醃料味。豬頸肉都係屬於比較香口，比較薄身，同埋冇肥肉嘅。有麻辣或酸辣選擇(平時我係酸辣愛好者，但係呢間偏好麻辣)🌶️

住喺附近要諗食晏晝平平哋又就腳，就諗起呢間雲味園。因為我鍾意腍啲嘅米線，呢間煮得就比較腍，最怕有啲米線舖嘅米線煮到好硬，呢間嘅麻辣雞值得一讚，肉質唔會嚡，豬腸都冇酥味！

行過雲味園，總係被入面嗰陣香味吸引。今次又唔例外，撲鼻香飄出，我嘅肚仔已經唔由得我喇。入座一試，我選咗麻辣雞米線，🐔 熱辣辣嘅感覺，幾塊分層次感滿足嘅雞肉，鬆化得滑過嬰兒嘅臉蛋，真係流晒口水啦！🤤米線幼滑得黎又帶點彈牙，每條都似小蛇咁靈動，同嗰勁足嘅麻辣湯底撞埋一齊，唔太辣但夠晒kick，正到發指！對於愛嘅辣嘅食客絕對係天堂。至於腩肉羅白嘅選擇，啱哂我呢啲愛扎實口感嘅人，肥瘦適中嘅五花肉，軟而唔爛，羅白甜度又剛好，悠悠帶出嗰份自然滋味。服務方面，店家啲姐姐有時或多或少都會帶點溫度變化，但係絲毫唔影響到我對菜式嘅印象。頂級好味嘅美食，令人一試難忘，彷彿要叫我即刻又排隊返嚟再戰三百回合！完全係香港平民美食嘅象徵，讚唔絕口咁話你知，真心值得推薦！🍜

由中學開始，已經好喜歡這間米線！這間米線絕對唔係sell服務，如果對服務有期待和要求，勸你都唔好試。這間店的米線真係好好食，我每次都叫麻辣雞！麻辣雞冇骨，啖啖肉，在其他地方都搵唔到！佢整得好香，好好味，夾米線係一流！湯底來說，我喜歡麻辣和酸辣，其實清湯都好味，只不過食雲南米線，唔食辣個感覺冇咁刺激冇咁爽！佢個湯底都係好香，配料香料很多，有酸菜、花椒八角等等。個湯底好好味，我有時會忍唔住飲好多湯！哈哈 最後，食米線一定要配凍飲！哈哈今日很多謝友人，山長水遠陪我食米線！佢點了排骨、豬腸和雲吞麻辣米線！希望佢都喜歡！

一位短金髮中年婦，負責收銀，服務態度非常差，眼神不友善，光顧後說一句多謝都沒有，落單時，以指駡性語氣對答，為什麼這間店的老闆會聘請這一種員工倒自己米？食物不是美味之餘，服務態度還要那麼差，本人絕對不會再光顧。

見到#香港米線關注組 有好多人推介話好正😋😋特別係炸豬扒+雞翼🙌🏻真係唔錯，醃得好香喎😌🥰我叫咗酸辣米線🍜酸菜好足夠，小辣就冇乜辣味，淨係得酸菜味既酸💚可能麻辣會好d, 或者叫中辣試試🤗🤗📍 雲味園 (屯門)屯門石排頭路7號德雅工業中心C座地下舖

🌟麻辣雞必食🌟🔖呢間米線都好多年了！一定係附近中學同學仔既回憶黎。佢既麻辣雞食過既人基本上都實讚，不過佢既米線湯配料相對就較少，只有少少芽菜、韭菜、腐皮。🍽麻辣雞米線（麻辣湯）係我每次去都必叫既一個餸，佢既麻辣雞大大夠，好滑唔會乾，又夠味，加埋個麻辣湯一齊食真係好正！食食下個嘴會麻左，好正😂🍽豬扒、雞翼豬扒超入味，空口食多兩塊既話我就覺得有點太濃。雞翼每次都係新鮮炸好熱辣辣上，無落炸粉咁炸，個皮特別脆，食落仲有肉汁。💡其中有位職員可能有時會有點串😂💡某d座位比較窄😋食物：️9/10🤵🏽‍♂️服務：7.5/10🍴環境：7.5/10💰人均消費：$50🤩性價比：9/10

今日突然間好想食米線就諗起雲味園既麻辣雞米線, 中學時期都成十幾年前, 同學仔話帶我去食麻辣雞米線, 第一次食我已經好鍾意食, 真係好懷念。一去到唔洗睇餐牌就點左一碗麻辣雞米線同凍檸茶, 點解我淨係叫一個餸? 因為叫一個餸D餸會多D, 可以食到多D麻辣雞。等左一陣, 個米線就黎到啦, 飲一淡湯底,個湯夠麻辣咸度岩岩好,再食件麻辣雞。吾...我就係要呢D個味道, 個雞依然係咁嫩滑,表面有炸過增加到香口同吸收到麻辣汁,至於個米線同凍檸茶就正常, 雲味園既麻辣雞米線果然冇令我失望。加油呀繼續KEEP住個水準。

以前大肚時好喜歡食呢間米線，估唔到4年後食呢間野差禁遠，加一蚊番茄湯底，超低即試，嘩米線來到，真係想講句，冇誠意不如唔好整，加幾粒番茄碎就當佐番茄湯底，完全冇番茄味，43蚊碗米線加7蚊有野飲，真心講完全唔店。

以前中學經常光顧嘅餐廳，以前起碼一個星期食1-2次，雖然每次落單之後都等好耐，但係感覺到每一碗都係用心煮，佢嘅配料都好多，但自從搬咗舖之後，就越嚟越差，冇以前咁好食，而且有位短髮女職員服務態度好差，應該唔會再幫襯

呢晚去左屯門搵朋友一齊晚餐☺️我不嬲食咩都冇咩所謂😂所以就俾朋友決定食啲咩啦💓.佢推薦要去雲味園食米線🥢話個湯底好味🤤同埋重點有雞❣️一去到唔算太多人👍🏻唔洗等位直接入去坐低拎起個餐牌見到有自選米線套餐🥰$41就有得揀兩餸✨我咁鍾意食雞梗係揀雙雞啦（麻辣雞+雞翼🐔🐔）湯底就揀番清湯☺️因為諗住麻辣雞都會整辣個湯唔想太重口味朋友就照食佢個鮮肉小鍋米線係有啲肉碎喺個湯度嘅～.啲米線一黎到佢就俾左啲肉碎要我試所以相入面嘅肉碎係朋友分俾我架😂唔係清湯包埋‼️試左個麻辣雞，覺得個質感唔係我鍾意嘅🙈太滑口...但個味就唔錯👍🏻辣度令個湯嘅味剛好✨再試埋個雞翼，個味都唔錯有少少似香茅調味粉嘅味道可惜係炸得有少少乾如果唔係就再好食啲👍🏻.整體黎講，呢餐不過不失，但熱飲都要加$6有啲小貴，所以我最後冇加到🙈食完個餐之後先去買野飲。

碗麵係好食，炸豬頸肉+雞翼很好味但這家店鋪收錢短頭髮那位女員工，十分無禮貌，經常睇到佢左鬧右鬧其他員工，甚至食客！所以好食又點？有得選擇既不會再幫襯，那收錢短頭髮女員工實在幫她老闆趕客！

屯門大興雲南米線小店**********************住屯門的朋友應該聽過呢間米線鋪內10張台左右，環境整齊乾淨，坐得舒服仲有電視睇小編今次叫左《腩肉羅白米線麻辣小辣加凍檸茶》$47腩肉: 新鮮五花腩肉，無雪藏味，好嫩好易咬，約10舊左右羅白: 約5舊，勁甜又吾老米線: 份量好多，食吾哂可以嗌少米線湯底: 本身個湯底煲到白雪雪好鮮甜，好多人都話食完吾洗係咁飲水加埋麻小辣，紅油吾算多，果種麻度中意食辣的人一定好中意另外加左《炸雞翼配豬頸肉小食》$27生炸雞翼真係無得彈，熱辣辣，味道又吾咸岩岩好豬頸肉就差少少，吾熱的至於服務，呢度啲姨姨的心情好反覆的

喺大興讀書嘅中學學生應該冇乜邊個冇食過雲味園呢一間米線佢啲米線質地啱啱好最鍾意就係食馬辣雞雞翼豬腸我會揀酸辣湯底食同埋佢嘅酸辣手帕青瓜都好好味我有啲朋友會選擇食埋佢嗰個雲吞

中午去食左個口水雞飯, 雞件都有7,8件,但偏細, 上層有半隻雞脾肉,下層果D雞件好多只係雞皮.... 有辣油有辣椒但基本上係唔辣GE, 係岩我,但味道真係無甚特別。雞肉係滑GE, 仲夠哂凍, 夏天會岩食D。