興利食品速遞專門店 (已結業)

最近多咗同事買外賣返公司食，自己平時都會係附近一間叫「興利食品速遞專門店」買外賣，全日套餐$34，套餐自取$31這間外賣店有網站，到店選購套餐又可以用八達通支付；其實，這間外賣店我幫襯左好多年，每日提供5款選擇，應該總有一款啱我😅依家係銅鑼灣食一個Lunch，應該都要$60+；平時自己一個人食Lunch，對食無乜要求，買個外賣返公司快食，等Weekend先食好d如果要求唔太高，以$31這個價錢，係銅鑼灣來說，食一個午餐算平㗎價格💰：$31 (自取)味道😋： 好一般

今日又要出去其他公司做野,去到銅鑼灣,通常食野比較貴,未到lunch時間,就會問定呢到既同事佢地會食咩,如果佢地叫外賣,我通常都會搭單叫埋,唔洗落去同人迫嘛！😊佢話佢地叫開呢間興利既外賣,話今日同事都唔得閒落去買,咁我就話同另外一個同事一齊去啦,睇佢外賣紙咁平,門鋪同我幻想既都差唔多！而佢既野食都真係幾平,我叫左呢個黑椒雞扒漢堡意,好鍾意食呢d大雜燴,一次過叫左6個飯盒,有得揀湯或者野飲,我自己就對湯不大興趣,所以叫左凍檸茶,等左大概10分鐘就搞掂,都幾快手👍🏻盒飯比我想像中大,味道就同價錢成正比啦,唔會太難食,下次去銅鑼灣食野就知食咩好喇😄

一路都覺得這區食店的兢爭很激烈。這條小街已有兩間營運形式一模一樣的快餐店。這裡不設座位，主力做外賣飯盒。$31外賣自取，包熱飲或例湯，餐單約於早兩個星期前已set好，方便印刷在外賣紙上。如果要有送外賣服務就$34，其實也不貴。當然一分錢 一分貨，例湯看來十分多料，但只得咸味。飯盒，是大盒的，幫襯了很多次都覺得他們的茨汁太多，似湯汁，但幸好他們的發泡膠飯盒是有間隔那種，起碼飯和有汁的餸可以分開放。雖然明知這類飯盒不太健康，但價錢實在平，而且等待的時間不長，買回公司食，就是快快的一餐啦！

今日午餐新嘗試，第一次吃興利的雪菜肉絲炆米，驚喜不大，普通。米粉分量對女生來說會過多，但對男生來說分量應該是剛剛好。興利的炒粉麵好夠火候，重點是米粉跟餸料炒得很均勻，味道適中。興利店鋪小小的，但不論處理外賣來電，下單都很快。基本上，只要在公司打電話下單之後，由公司走過去，便可以即時拿取自己的外賣！絕對幫打工仔省下很多寶貴的時間。最近發覺興利的午餐選擇多了一、兩樣的新品，之前不斷重覆是有點悶，下次有機會都會想試新品！

公司在銅鑼灣，要找$40以下的午餐有些困難，選擇並不多，如果到一般茶餐廳舒舒服服坐著吃，一餐便要$40-50大元了。興利的話，外賣自取只需要$31！是我暫時找到又平又有水準的快餐選擇。我和同事最喜愛它的星洲炒米、椒鹽雞球飯和粟米班腩飯！每次在茶餐廳吃星洲炒米都懷著戰戰兢兢的心情，怕他炒得不好吃或米/蔥多餸少。但興利完全沒有這個問題，不但炒得均勻，而且味道適中，不太鹹不太辣，更香氣撲鼻。最緊要$31是連飲品/足料湯！抵！

唔明白點解無劣評，第2次幫襯，兩次都中伏。。第1次唔講啦，淨係講今次。叫左沙薑雞肶飯外賣。諗住係啲穩陣嘢，唔難食得去邊啦。點知。。一打開盒嘢，真係好驚喜。賣相好似食剩左咁！白恰急凍無骨雞肶，雪味重不特止，雞肶雪白到一啲醃過嘅痕跡都無！！所謂沙薑竟然係甜豉油加薑蔥！！我真係無諗過囉…雖然盒飯只係31蚊，但係真係難食到半盒都食唔落。。。寫劣評係為左自己記得唔好再唔小心幫襯左如果有烈士想試下，都無所謂嘅！始終喺銅鑼灣立足咁多年的確唔易。

呢間興利連我都唔知佢開左幾耐，因為自我有記憶開始(今年未到三十)就已經有呢間野既存在，佢外賣自取既飯盒套餐都可以算係渣旬坊街坊既集體回憶，由2000年左右既十九蚊食到2017年既三十一蚊，始终都係平通全銅鑼灣，當中逢星期五既椒鹽雞球飯可謂一絕，剛炸起的雞球份量好足，每次都有十件左右，加上一大盒有埋鼔油既飯底，配埋面頭灑上去既生蒜莞茜等配料，就係陪左我足足廿年既味道。人生其實可以好簡單，有時每星期期待食呢盒雞球飯就已經比我足夠能希望同快樂啦

返工係銅鑼灣，附近既食肆大多數都要四、五十蚊食個飯要食平平地飯盒快餐，不妨可以試下興利。興利只得外賣，附近地區都送上門，同事都經常叫呢間食，見佢平得黎質素都ok，加上一般黎講外賣都好快送到。如果係自取，仲有得平多3蚊啊！試左個快餐,連湯或者飲品,都係$31最重要係飯夠多,吃得飽, 同埋D"食送"都唔少。花生眉豆豬骨湯：D湯料係好多好足，但係湯就好淡味，可能係近尾水所以加左水，變左冇咩味。不過Ｄ湯浸耐左碗湯料之後飲，都仲狼少少花生味既。椒鹽雞球：椒鹽味幾香，有部分炸得太過多粉同脆，不過雞肉好滑唔孩。不過留意飯佢有莞茜（雖然我覺得加左好食Ｄ），會痴埋落Ｄ飯到，不喜歡吃香茜既朋友要問一問有冇得走茜了。＄３１一個飯盒連野飲，有呢個普通既質素算唔錯了係附近返工既朋友想食平飯盒既話，可以試一下啊

本身見佢有得網上落單，清清楚楚夠方便，價錢亦平可惜個外賣阿叔態度勁差佢第一次打黎就勁大聲話：「外賣呀，快D搵人拎外賣啦，咁耐都冇人」我已經一頭霧水，明明冇missed call而且我幾乎一響即聽呀？我一出到去，發現個阿叔o係我公司lobby大吵大鬧，佢仲要鬧我冇俾電話佢，話搵唔到我… 我完全莫名其妙， 我明明俾左架WO??!!其實應該係佢地自己D人冇俾到我電話俾阿叔 (我之後返到位睇返張電腦單, 上面有寫我電話架囉)，如果冇俾，佢一開始又點打到俾我呢??我同佢講話” 我就俾左，唔知點解你間店冇俾你咋wo”而個阿叔繼續好激氣咁叫我下次留埋公司內線 ..我都費事理佢.先唔講有冇下次，一係你間店寫明要留內線電話，淨係留其他電話既話外賣唔送囉明明係佢地自己人做漏野，怪落個客店想點 ?

下午茶食咩好?20隻蜜糖雞翼20隻柚子雞翼其實雖然佢地係兩個名堂,但食落去其實真係分吾到.我已經突登加d柚子落隻雞翼到,都係柚子還柚子...btw,兩隻都係咁好味!!d肉冇血水,very nice,d皮半煎炸好脆好好味!!好香口,又吾會覺得好熱氣~~平均$4一隻下次有下午茶$$都想叫番衣間.平時如果有醫生請食下午茶就會每人叫一個餐啦哈哈附上外賣紙~~

天氣繼續酷熱，腳㬹繼續疼痛 (應該已然發炎了)，真的不太想離開清涼之地，亦不想隨便移動，最好的選擇當然是留在office等外賣上門了。因為腳痛的關係海鮮和蝦都要放棄，只得在每天精選中頹頹的選了茄汁豬扒司華力腸意粉+熱奶茶($25)。收到外賣，發覺沒有糖奉送，不知是漏送了還是已然先加到奶茶中。算了，先呷一口再說吧。嘗了一口，發覺奶茶不太夠熱 (這也難怪，始終是外賣嘛。)，茶味較濃而奶味較淡，對於本人來說是稍嫌不夠甜吧，不過應該是有下糖的，只是飲到最後時卻發現茶味太多而變得有點酸，雖不滿意亦不能要求太多。甫打開飯盒便發現其中除了茄汁、豬扒、司華力腸和意粉外，尚有兩塊蕃茄奉上，不期然令人想起最近的鮮茄豬扒飯事件，莫非店主亦有看過該篇新聞!?(笑)不過自己是第一次幫襯興利，可能這些都是店主慣常做法，只是自己想多了。無論如何，這兩塊蕃茄都令這個全肉餐營養不少，因為之前試過有些外賣餐廳的黑椒雞扒飯就真的只有黑椒、雞扒和飯，看得人直搖頭。言歸正傳 (跑題也跑得太遠了)，蕃茄的味道是不過不失，茄汁則較稀，杰身一點會較好，而味道則一般。豬扒則挺好的，食落有種類似香茅的味道(!?)。意秎的咬感ok，不會太

Was stuck at the hairdresser's for ages today. So ordered their quick delivery and it happened to be from this restaurant.I just wanted something very healthy, light and not too expensive. So went for the breakfast set which cost around $20 plus delivery charge $8. My breakfast set consisted of a sandwich (egg and ham) with whole grain porridge and a drink, either 阿華田 or 好立克. Dun really remember. Anyway, the drink was good as the nice lady helped me order the drink for "little sugar" and eve

興利的奶茶係全銅鑼灣至好飲的奶茶，茶味濃郁而香滑。到而家我都搵唔到好飲過佢的地方，但係而家去銅鑼灣好遠，所以好耐而可以飲到……佢地第二至"正"的係雞中翼加蜜糖，d雞翼醃得好好味, 加上蜜糖，簡直係一絶但係佢地的飯餐就唔多ok

今日order 外賣試左瑞士雞扒(去骨)飯一打開飯盒, 真係唔多掂...冇咩汁, 只得一塊黑色ge雞扒同一堆椰菜雖然雞扒都幾入味同唔鞋但個樣真係破壞哂胃口lor...杯杏霜夠甜, 飲到佢係落足杏霜粉, 好味!^^

照燒枇杷豆腐反