醉紅樓潮州酒家 (已結業)

「食在廣州，味在潮州。」潮州菜貴爲廣東三大菜系之一，大家一定吃過不少。滷水打冷，凍蟹凍烏頭，煎蠔烙，咸菜煮豬肚，兩面黃，反沙芋......美食真的噹噹上口。潮州菜特點是善於突出食材味道，重湯輕油，煮海鮮尤其出色。龍少爺試過最美味的潮州菜是在上環的「尚興」；凍蟹，蠔仔粥，滷水鵝肉，水瓜烙等均非常出色，乾回想都垂涎欲滴。是日因公事要到九龍灣一倘，當然不會錯過大快朵頤的機會。位於 Mega Box 13/F 的一間潮州酒家，一向深得本少爺寵幸，今次食物的水準亦沒有令大家失望。滷水併盤 - 鵝片，紅腸，腩肉，豆腐及滷蛋。傳統潮州舖頭會將滷水汁膽視為鎮店之寶，千金難換，亦絕不會倒掉，食物只會愈滷愈鮮味。是日併盤的全部食物均很入味，個人尤愛豬腩肉，點上白醋同吃，完全不覺肥膩，偶爾吃一次也不過份吧。潮州三寶 - 煎韮菜粿，蒸粉粿及糯米卷。叫得做三寶，應該算有點代表性，而事實上三者都各具美態。韮菜粿煎得香脆，咸香惹味。蒸粉粿香軟熱辣，點上辣椒油同吃是天作之合。糯米卷則以內涵取勝，糯米簡單地混上花生，軟綿中帶香脆，絕配。石榴雞 - 此小菜不知算不算是傳統潮州食品，總之好吃就行了。。。外層是蛋白做的薄皮，

假期去Megabox，一行十二人，見這裏book到位，便來試下。等位期間，見門口寫住大中小點半價，諗住好抵，點知之後行咗個圈，發現原來間間都係半價這日叫了十多款點心，包括有蝦餃、燒賣、粉果、牛肉、排骨、咖喱土魷、鮮竹卷、叉燒包、蘿蔔糕、XO醬腸粉、椒鹽白飯魚、黑椒牛仔骨、兩碟油菜同炒咗個豉油皇吊片炒麵，埋單都只係五百幾蚊，超抵至於味道方面，超過80分，下次一定會再嚟

朋友生日, 提議去食潮州嘢, 因為小妹在附近返工, 就去左MegaBox喇.今次係我地第一次去醉紅樓, 亦唔知好唔好食, 以下係我地2個既 comment. 叫左 個 set, 好似 $398 + 10%. 話貴唔貴, 平又唔係, 有 3 個小菜 + 一個湯水. 最初問伙計姐姐, 佢話: 好小咖咋, 一個 set, 你地2個一定食得哂, 放心. 好. 請看相....好大碟囉........!!!!! 2個人, 就算 + 多個男人都未必食得哂...!!! 味道, 一般酒樓味, 無左出去食食潮州嘢既味道, 但係個豬肚湯好好飲, 好大盅, 又好好味, good good good good good !!!!最好既係, MegaBox 平日係無咩人, 去傾下嘢, 吹下水一流, 我地 7:00 坐到 10:45 都無人理...無人叫我地走, 正!!!!

假期黎mega box 飲茶, 到到都好多人等位! 見呢間醉紅樓唔洗等! 今日假期點心都仲有半價tim, 咁更係入去試試啦。佢地有個餐$148包3碟點心, 一碟老水, 一碟炒粉麵, 幾抵, 所以即管試試。點心要左上湯鮮竹卷, 煎黃金糕, 奶皇馬拉糕上湯鮮竹卷竟然有鮮蝦係入面, 不過就咸左d囉。黃金糕唔得囉, 個樣ok嫁, 但食落唔熱既, 仲要死實實, 好難先咬得開既, 食落無咩味, 只得少少椰汁味‧奶皇馬拉糕, 個樣唔得, 同埋太甜, 我都係鍾意最傳統既馬拉糕多d。老水要左鵝翼同墨魚, 底有老水豆腐, 都幾大碟, 不過唔夠老水味。另外炒粉麵要左碟"潮州佬炒河", 個樣似炒貴勺, 味道ok, 但油左d。因為個餐只得3碟點心, 所以另外再叫左x燒飽, 蘿蔔粿, 煎蠔仔餅x燒飽ok。 蘿蔔粿個樣似潮州粉果, 但入面全都是蘿白絲, 我好鍾意哦。煎蠔餅ok,差唔多台台都有叫, 係貴左d, $48細細碟。5人最後埋單$331, 唔算貴。

星期五Annual leave, 今日老爸說想飲茶, 老姊想去九龍灣MegaBox醉紅樓潮州酒家OK , Let’s go!環境新派中菜館, 十分現代化. ，意外地少人和有空位食物大、中、小點有折扣，還有多款小食頗有吸引力。蝦餃：餃皮依舊痴身，不過蝦幾甜又爽口，味道不俗潮州粉果: 一籠有三隻，份量驚人裏面的饀料非常豐富，有花生、蝦米、粉葛等等，不過也因此很有咬口，是水準以上之作。流沙飽 : 飽身有點太薄和太淰，不過饀料依舊豐富，流質得來不會太漏，充滿蛋黄香，是滿分之作。蛋黃芋茸包: 幾好味蜜汁叉燒腸: : 腸粉皮太厚，好在食落口又幾好味，都幾滑。鮮蝦炸雲吞 - 炸得幾脆，味道唔錯。香煎蠔仔烙: 水準之作服務 侍應招呼不錯，坐下後先奉上功夫茶，態度親切友善整體而言總體來說食物水準、環境及服務都不錯。

Mega Box的十三樓足有四所中式酒樓，周末的茶市但仍相當旺場，是日不想等太久了，最後決定到這家立即有位的，一於來一個潮式的午茶吧。店內的裝修「看」來很摩登，配合其名字用上了紅色的牆身，甚至於紅色的吊燈，個人不是讀設計的，但主觀就覺得Over了，變得很娘，咁算唔算是成功的玩潮？都是時候談吃了，傳承一般的潮州酒家，未吃飯先來喝杯功夫茶，雖然入口都是頗濃的鐵觀音味，但那味道明顯不算太強，未有為味蕾帶來真的很強大的重擊，而收尾也稍嫌過酸，茶雖然唔夠味，但鹹酸菜真的挺好吃，入口有股又甜又有點酸的感覺，加上夠爽口，轉眼就被我們吃個清光。是日雖然都想吃粵式的點心，但所點的食物上都不乏潮州味，先來份午市的超值孖寶，只是九十八元，可以吃到原價值八十八元的鹵水拼盤及多一個粉麵或粥，最後選了也是很潮式的方魚肉碎粥，另也點了如潮式粉麵中的滷水腩，但是日的材料不是牛腩，而是牛肚、蘿蔔及牛筋，另外加多幾款點心加條菜就很夠吃了。先來的是牛肚、蘿蔔及牛筋，用上潮式腩汁一碗上，看上來個潮式腩汁放了太多茨，稠撻撻的，腩汁肉味不算太濃，但無論蘿蔔、牛筋及牛肚都夠腍夠味，蘿蔔入口無渣清甜，吃起來沒有澀味；牛肚又彈牙又有咬

由於未夠六點已經嚟到,所以成為第一檯客,仲係為咗我地先開燈同開冷氣添,由於係周年紀念,所以揀咗個鮑翅餐,每位$288加一茶介.先嚟個菜膽雞燉鮑翅,翅實在非常多,幾爽幾大條,湯底亦很清,非常不錯.蠔皇中東網鮑,鮑魚不會太細隻,頗入味,鵝掌炆得亦很淋,大大隻.每人自選一個菜,就揀了川椒雞同鹵水拼盆,川椒菜夠熱亦夠脆,雞也很入味,是一碟很有水準的川椒雞,至於鹵水拼盆份量很多,有鵝片鵝肉,紅腸,豆腐,豬頸肉,燒肉,非常美味.最後還有椰汁燉燕窩,姑勿論面頭是否真燕窩,但椰汁味不會太濃,亦不會涸喉.另外要贊的是這裡的茶,鐵觀音加水兩,三次都仲有茶味.唯一要彈的就是上菜速度太快,機乎同一時間嚟晒,都唔知食得邊樣好.

今日同同事lunch. 同事話想食潮州野,　所以選左e度.環境裝修幾好,　感覺比一般酒樓高級.一坐低比左功夫茶同酸菜.　d　功夫茶幾香幾濃郁,　有水準.鹵水拼盤　-　掌翼同豆腐不錯,　幾入味.潮州蒸燒賣　&　牛肉腸粉 & 蘿蔔糕 & 咸水角　-　水準一般,　普普通通菜普煎蛋　-　普普通通炒飯　-　已經唔記得系mug野炒飯,　味道一般香芒凍布甸　-　ok　有少少芒果肉,　如果多d會好味d總括而言,　食物普普通通,　無驚喜.　

我已經唔係第一次去,啲食物每次都依然係好好食,實在唔多明點解Ｄ人話唔好食.....1)先講食物-必試魚香茄子!!!!!茄子新鮮,去皮,厚切,每啖都好充實,魚香和肉味入哂去....正!撈飯一流!!!再嚟沙羗鴨,鴨肉唔un,但有咬口,點埋沙羗汁,一試難忘!再來煎蛋角,夠香,有蠖氣,沒有加粉,唔似品香樓...然後不得不堤送的口水雞,雖然不太正宗,無油浸住,但加了麻醬,比用油浸更好,唔話送,我諗$50-$60都食唔到.....最後甜品,必試"互"泥,清甜到難以形容,不過預返2-3人食一碗,因為會好飽的,2)再講服務-雖然無獨立一位waiter服待,但因為人不太多,每次需要幫手都立即有人...good!點餸時幫你預埋夠唔夠食,叫多咗會問你是否太多....試問有邊間會做??食完埋單,主動問要唔要泊車,唔洗驚唔記得!特別點名讚shop manager吳生和林生,親切,醒目,健談!Thanks a lot Mr Ng!3)環境---主調用紅色,我覺得幾舒服,Ｄ燈好靚!Ｄ枱夠大,唔迫,冷氣略大,帶件衫好d.4)價踐---2-3個人,$180-$200左右,4-5人,280-$400左右,勁抵!

星期日老公想飲茶，嚟Megabox比較容易揾位，嚟到見倒呢間唔駛等位，所以就嚟試吓。Service 都OK鮮蝦餃($25) - 幾好味喎，蝦又爽口，蝦餃皮又煙韌。燒賣($21) - 味道OK但太多肥肉。時菜牛肉球($13) - 口感好好，彈牙又好味。蜜汁叉燒腸($21) - 賣相唔得，腸粉皮太厚，好在食落口又幾好味，都幾滑。鮮蝦炸雲吞($21) - 炸得幾脆，但太油，味道唔錯。芋絲春卷($17) - 芋絲太乾，味道麻麻哋。鹵水掌翼(($28) - 掌翼都幾好味。點心油膩咗D，但味道OK，點心有七折，價錢都OK抵食。

各位，我返來啦! 現正努力補寫食評，有機會更希望嘗試寫蜜月遊記。　先回帶到七月尾，原來結婚真的很緊張的! 平日倒頭就睡的二人，婚前一週都睡得超差，臉目當然憔悴不堪啦~ 大日子前夕，化妝師見狀，二話不說叫我們去醫肚放鬆，二人在megabox轉了一圈，決定來了這間以紅色為主題，裝潢華貴又雅緻的醉紅樓嘆茶。　未點菜以先，阿姐率先送上功夫茶及咸菜，自問仍對苦味重的功夫茶未飲出感覺，還是清淡的水仙更對味，但這裡的咸菜則爽脆清新，咸鮮有致，不得不讚。舒適環境加上開胃前菜，此餐二人開懷點了：　家鄉靚茶粿-是預期外的綠色造型，樣子不算吸引，但咬開中間碎糖及花生的夾心香甜又脆口，味道挺好的。未婚夫吃畢一件後，當然由我包辦其餘兩隻!　潮州蠔仔粥-老公的至愛潮菜，醉紅樓出品蠔仔多且鮮，湯底更是鮮香美味，二人都滿意收貨。　透明鮮蝦餃-晶瑩剔透又飽滿的蝦餃用料新鮮，一層薄薄的黃油更把鮮味發揮至淋漓盡致，趁熱食風味絕佳!　蜜汁叉燒腸-腸粉不算薄身，但勝在米香充盈，簡單配以蜜味叉燒已夠好吃。　南乳蒸豬手-豬皮炆得軟稔，膠質重很有吃頭，而南乳調味惹味不過咸，連不此好味的我也連吃數件!　時菜牛肉球-牛肉球比一般酒樓鮮及

今日老爸說要去九龍灣買點東西, 見德福又沒有甚麼好吃的, 於是轉轉地方去megabox吃午飯. 老爸說很久沒吃潮州食品, 於是來了這間酒樓試試. 星期日中午時分, 人山人海, 好不容易才等到位子. 這裡的格局就如其他新派中菜館一樣, 十分現代化. 坐下後先奉上功夫茶, 老姊說茶不熱且不夠濃. 之後點了香煎蠔仔烙, 蘿蔔牛肚牛根, 韮菜豬紅, 樱花蝦蛋炒飯, 潮州蒸燒賣, 家鄉蒸筍粿, 鮑魚雞絲腸, xo醬炒腸粉和香芒凍布甸.香煎蠔仔烙 - 炸得有點焦, 蠔仔算多但不太熱, 而且比較油膩, 一般水準.蘿蔔牛肚牛根 - 這個是所有食物中最差的一個, 蘿蔔牛肚牛根都淋, 但完全沒有味道, 牛根還帶點酸味! 唯一可取的是蘿蔔沒有渣! 失敗之作!!!!韮菜豬紅 - 中規中矩, 唯韮菜較少.樱花蝦蛋炒飯 - 飯炒得非常乾身, 但飯粒卻沾不上雞蛋, 樱花蝦只是蝦米大小, 淡而無味, 很一般. 潮州蒸燒賣 - 與潮州一點關係也沒有, 只是普通的燒賣, 較少肥肉, 味道ok.家鄉蒸筍粿 - 最大驚喜之作, 筍粿口味清新, 又有很多筍粒, 很有咬口, 正!!!鮑魚雞絲腸 - 吃完整碟也找不到鮑魚的踪影

是日下午茶, order 如下:鮑魚冬菇燒賣 - 麻麻地. 係一粒 abalone 一粒冬姑, 只係鋪係面頭, 食時都係只分開咬, 冇特別. 包埋係內面會好 d.蠔仔肉碎粥 - 係潮州"粥", 唔錯. 個湯底好甜, d 蠔仔有沙.瑞士雞翼 - 都係普通, 周圍都食到 gei 味道.蝦餃 - 幾好食! d 餡唔錯, 幾鮮, 起碼 d 蝦唔係"梅" gei 先啦! 都幾多蝦, 唔係一味用筍塞滿就算.鮑魚雞 c 腸粉 - 得半隻尾指頭咁多 gei 鮑魚, 唔加都罷! 只係雞 c 粉卷. 7 彩煎魚餅 - 7 彩 gei 係 d 紅黃綠粒粒, 又即係 supermarket 都買到 gei 粟米+羅白+青豆粒, match 唔 match 見人見智, 我覺得都尚可. 反而跟上 gei 醬唔錯! 甜甜地, 點少少入口就好味!overall,環境唔太差, 下午茶時段冇咩人可以坐下傾下.大中小點一律 $x.x (唔同人宣傳啦! 總之唔過 $10 啦), 其他點都有 8 折, 抵食.上菜阿姐禮貌幾好;相反幾個侍應哥哥係度傾計.食物一般, 好彩味精唔太多.

其實人真係有一種犯賤心態!明知係瀨嘢指數去到85%,都係要諗住呢次有例外有奇蹟唔會咁好彩啩?結果一如所料!基本上係另一次案件重演,只不過換了地點,同樣五個人,同樣睇完戲,同樣MegaBox!除了一般蝦餃燒賣牛肉蘿蔔糕咸水角咖喱魷魚炸雲吞鳳爪义燒腸粉外也叫了潮式煎蠔餅、炸菜腎片、雞絲粉皮、炸魷魚鬚、一碗魚蛋麵及兩個甜品:椰汁糕及椰絲盞.最先上檯的是炸菜腎片----一放入口如果瞌埋暖食真係分唔到係咩嚟!無咸味無辣味剩得麻油味.雞絲粉皮都唔好得去邊!麻醬味到淡無可淡,同有好多連肥膏雞皮.潮式煎蠔餅----變咗台式!望落個面好地地,一反轉....幾粒蠔仔撈一大劈木薯粉!入口感覺極核突,好似鼻涕咁!除了煎韮菜粿有少少韮菜味同义燒腸夠薄皮夠滑外,其它點心一律係無味嘅!魚蛋麵落咗成碟辣椒油落去都係無味嘅!個兩款甜品又係淡而無味嘅.屋企人問我今日係咪嚮應Ｄ乜鬼國際無盬日呀?Ｄ嘢全部無味嘅？...........................

一行廿人吃晚飯，我們兩枱人點那些晚飯套餐再加翅及潮洲鹵水食品。食物方面，普通過一般酒樓及潮洲打冷夜店，不提也罷。只是甜品方面，那似是糯米團的物體內有一條怪毛，長長藍色的，因發生在另外一桌親友之上，坐位極擠逼的環境下，惟有放棄影相。服務方面：極之精采；上菜快過燒煙花，一開始便把整個套餐的餸菜上哂桌，餸菜是微温不熱的，甚至離譜到一個地步：有幾碟餸菜還沒有被客人挾過，便被侍應拿走說轉個細碟。我們兩枱人要求侍應們要慢一點上，連部長也不理會客人的要求，繼續不停施以填鴨式〝招呼〞客人。最好笑是侍應拿著全盒，她們會認得成兩枱人中誰是負責訂位的便只向那人拜年；現實之程度實在令人嘆為觀止。哈哈，結果我們兩枱人中並不是負責訂位的那人俾住錢先，實在大快人心。最後一提是坐位和鄰桌背撞背，很不舒適。