旺記海鮮飯店 (已結業)

已經是第二次來想吃海鮮時就來了每次也叫不 吃海鮮當然要看 當天最新鮮的食物是什麼瑤柱浸水娃娃菜京都骨蒜蓉蒸扇貝荷葉蒸吊桶、魷魚、銀魚仔乾（不記得名字 只記得裡面有什麼）其實，像家裡的住家菜只是扇貝比較新鮮 鄰座見到也心動另外， 生墨魚片 也挺特別沾醬油芥末 很少大排檔有日式的做法

唔係第一次幫襯啦.. 平日開飯食小菜的平靚正之選。星期一至五仲有特價小菜.. 質素唔錯的........ 去到先會叫個$10的例湯(係成個瓦保上的).....足料好味道!食海鮮菜式的特別鍾意... 今次叫左個蝦伊麵先$48，好多新鮮蝦架! 另外仲叫左元貝，都係$48有4隻，今次蒸得剛剛好，而且單單是元貝肉都有5蚊咁大，好鮮甜，抵食!另外再叫左d炒蜆呀、菜呀咁，2個人食，每人都係$90............真係好抵食! 唔太介意環境的話(其實都有冷氣亦算企理).... 絕對值得推介!!!

住喺粉嶺，一直都唔知道和興村有間家庭式經營既“大排檔”，都係經朋友介紹下先知識得來呢度搵食！試過母親節前後來，等位等到不得了，閒日來就好好喇，又唔使等，又唔使同人迫！呢度淨係做夜市，所以六點後先好來，星期一至五仲有特價小菜，價錢非常抵食！今晚又來開飯，來親呢度有D野一定要叫！一係例湯！二係鹹蛋黃豬扒！三係黃金磗！ 例湯一個細瓦煲仔，無味精老火湯！只係承惠＄10！去邊度會搵到！？有料有味有質素！四五個人飲一煲都夠！其實仲想ENORE，不過就會食唔到餸（女仔既話），所以一煲食飯前飲剛剛好！鹹蛋黃豬扒，平生除左紅豆，鹹蛋簡直係我至愛，白烚的鹹蛋我都愛，不過要挑過，多油的咁先好！呢D都唔重要，呢度因為係即叫即做既關係，上菜既時候熱辣辣，面頭乾爽既豬扒配上微甜的鹹蛋黃，不會太過油膩，帶微辣，而且“沙沙”的口感，配飯一流！黃金磗即是脆皮豆腐，剛炸起的時候上菜，入口小心太熱！外面非常香脆，少許CRUNCHY的口感，內裏的豆腐則是非常軟滑，味道主要來自外層的鹹味，單吃也不錯！今晚仲叫左粉絲蒸扇貝（例牌4隻）、上湯枝竹蒸蛙蛙菜、鮑片炒西蘭花同埋煎釀雞脾菇。粉絲蒸扇貝比較過火了，乾了一點。上湯枝竹蒸蛙

星期天，在上水街市買了海鮮，但是時間尚早，要等到6:00PM才可以加工，腦內閃過粉嶺旺記都有加工服務，每斤$40/，上水$3X，雖然旺記較貴，但因時間關係，坐的士出發，到達時約6:00PM，只有一枱客，所以不用等候。買了約兩斤大肉蟹/1斤聖子/1斤海蝦，差一點兒接近4斤。前幾次食晩飯，曾經看過可以來料加工，所以到這裏來，但係奇怪，交給侍應時，她們好像面露不悅，而且，來料剛剛4斤，她想收4斤半料錢，最後都是收4斤錢，有趣的事情發生了，她們說，除了來料加工費，還要看做法再加錢。[ 哦!咁要加幾多錢呢?] ，我的加工是蒜茸粉絲蒸聖子，豉油蝦，薑蔥蟹，總共再加$30。(好似話粉絲/豉油/薑蔥)都要收費。哈!第一次買海鮮料加工要這樣收費。唔知有冇其他地方都係咁做法呢??加工費總共$190。再點了:炒芥蘭/凍食鴨下巴聖子就點兒過火，唔夠嫩口。炒蟹亦因走油過了時間，較乾身。唯獨是豉油蝦，味道頗好。鴨下巴，每次都點的菜，味道是很好的。加工海鮮，上水熟食檔做法較出色。我諗這次之後，我都會有一段時間唔會再去，來到旺記，己經沒有要求有酒樓的服務和舒適，但也希望能夠得到小店的親切吧! 做事太過斤斤計較有時未必

經常搭巴士經過，在村屋之中，不太起眼。今晚第一次和老婆試食，有唔少吉枱，唔駛等位。叫左3餸1湯，飽飽，2個人都可以食得晒。整體食物都好好食，見到其他客果D都好吸引，不過都要等一陣先有野食，咁少客都要等相當的時間，不太合理吧。但係最驚喜係個煲例湯，成煲上，只係收$10!此處似乎適合飲酒食小菜，菜牌有不少選擇都可以送酒，但大啤一枝約$13-$21，如果飲多D條數都幾厲害。下次不煮飯時，可以再去食過。

是日星期五，雨天，7時多到達，2人有位，不用等候。點菜:豉召炒蜆:蜆好肥，肉好多，好味，不過好多醬汁。豉召炒聖子: 其實只有數隻，用聖子殼放係底，我又唔覺得聖子肉有鑊氣，唔知係咪灼好放汁，相比炒蜆，聖子略見失色。旺記炸春卷: 上枱原來似腐皮卷多過似春卷，新鮮熱辣上枱，味道不差。牛肉炒青瓜:牛肉份量不少，味道不算突出，很有鑊氣。凍食鴨頭:有酒味的，鴨頭是有鴨舌的，很肥美，忘記有幾多件，吃得津津有味。埋單好似$2XX，每次叫$29/$39等等的特價菜，每次都唔係想像中咁經濟，可能每次都會忍不住叫了其他沒有特價的菜式吧。

難得有朋友來探我, 今夜三人行嚟到旺記食小菜, 叫咗五個餸1. 蝦醬通菜2. 炸BB鴿2隻3. 椒鹽九肚魚4. 豉椒聖子5. 生菜包蝦醬通菜炒得好香, 九肚魚OK啦, 都叫新鮮炸同幾乾身, 但我嫌淡咗少少聖子好把鬼, 殼多過肉, 份量又少BB鴿冇咩肉, 不過炸得好香, 皮好脆, 好味生菜包都好好味, 肉碎入面有蝦粒, 生菜好新鮮同乾淨五個餸, 兩個白飯連一枝啤酒, 埋單$238

那裡的砂鍋雲吞鷄$80左右好有新鮮鷄味,有新鮮鷄和大大粒雲吞連一個大砂鍋,大胃王才可吃,....但現在本港已經沒有新鮮鷄買,唔知仲有冇以前咁好味呢 !?如有報料請通知.,總計他們都是一間用心經營的食館

住左粉嶺多年好食O既野真係唔多黎過一次之後變左常客咁濟佢勝在乜都唔差, 有鑊氣海鮮要睇佢當日有乜, 澳洲肉蟹, 聖旨皇, 元貝, 大蝦一樣好食, 自己帶黎比佢煮都得最鐘意就係椒鹽鴨舌(記得叫佢炸乾身D)好野味, 送酒一流!以前例湯係送, 而加要加錢, 但都值得加算係足料(唔知係咪心理作用, 九點後特價D野差D, 湯都淡D)

同男友來食, 好多人, 但好快搵到位了, 有好多選擇的, 不過加左價了, 比之前每款加2元, 都幾大碟, 除左個蟹囉, 太失望了!!其實佢d野唔算平, 都要五十元一個小菜同酒樓差唔多姐, 但係九點入坐就有八折啦, 個硯就真係好味, 其他就一般啦!!仲有呀!要等好耐先上菜架, 我地等左半個鈡 ...

當年我教會就係正佢隔離, 團契完左必定走去旺記開餐.佢鐵板上那些豬扒幾正架, 次次我地都食到冇剩, 同埋佢個例湯係送的, 試過有一次入去淨係食左碗粉都送例湯, 仲係成煲上.另外, 粟米班塊, 雜菜煲都係推介.

家中的長輩(ie父母加外婆)去o左飲，得番我同細妹食飯，加埋兩個朋友，就試o下旺記。雖然住o左粉嶺好耐，但係旺記就第一次去，因為位置實在太偏僻。四個人叫了炒鵝腸、咸蛋黃炒蟹、家鄉焗魚腸、辣酒煮花螺、醬燒鷄同蝦醬炒通菜，全部都係膽固醇勁高，平時一定唔好可食，今日就完全放肆﹗呢d咁高膽固醇o既食物，唔洗問，一定好食，又香又濃、平時又少食，零舍好味﹗怪唔得「蔡生」同「滔滔」咁鍾情d膽固醇o野啦﹗雖然呢間小菜館咁偏僻，但係就好多人，九點幾都full house，食物係有一定水準，而且好平﹗個人o黎講就覺得油o左小小。

我本身係唔食魚頭人士, 因為對魚頭部份喱狀物體(阿媽話係魚腮定魚雲)無乜好感, 不過早幾日係「旺記」食飯, 阿媽叫左一煲薑蔥魚頭煲, 我竟然可以由頭帶到落尾, 最大食阿哥都放低筷子, 我都仲係個煲度撩緊野黎食, 連煲底d蔥都唔放過!1)薑蔥魚頭煲-- 煲仔菜, 最重要有煲氣(同鑊氣一樣),佢完全有。我好耐無試過一味, 我係咁係度啜d汁: d魚骨碎左兼且無肉食, 只係有d魚皮, 我都啜得乾乾淨淨, 而且部份魚骨已經爆油爆到好脆, 可以就咁食。另外我地叫左:2)砵油焗鮮雞-- 係佢地特色小菜, 不過我就嚴佢d雞件走油走到過晒時, 雞身太乾。反而上一次食仲好d。3)腐竹浸娃娃菜-- 竟然有驚喜, 我原先以為都係用d罐頭雞湯, 淥熟d娃娃菜同腐竹就算, 點知佢d上湯係好香腐竹味, 仲有d杞子, 飲到佢係有心去做呢個, d湯當然比我呢個湯王飲晒。4)生炒骨-- 酸酸甜甜係我最愛,不過好可惜佢都係流於合眾: 粉太厚, 有d過份厚, 碟係我個食肉獸阿哥叫, 都食淨左2/3碟。5)xo醬炒鮮魷-- 我食左一舊, 所以不敢評論, 不過個舊鮮魷都好爽好新鮮。6)出街叫食飯, 個白飯都好緊要, 佢d米雖然唔