城中米餐廳 (已結業)

中秋过观塘同阿姨吃中秋饭,又去了平时阿姨就爱去的小区附近的"城中米",这晚的晚餐是阿姨提前同很熟络的老板订好的,不论用料,烹饪水平都超棒!!特别是咸蛋叉烧和牛肉,真是吃了就爱上!!!椒盐豆腐也外酥里嫩,让人停不了口西芹石斑赢在用料,虾有卖相又入味!

曉麗苑食肆真係好有限, 來來去去得果兩間, 城中米係其中之一,對於我地呢d無飯家庭, 但求就腳, 兩日都會穿插食下, 因為城中米比較貼近一般中式酒家, 有鑊氣小炒之餘, 亦有燒味蒸魚, ...媽媽prefer 呢間多d. 開張至今, 已經幫襯左4年以上, 雖然老闆, 伙計,洗碗姐姐, 都食到熟晒, 可惜咁耐以黎都未試過有任何"甜頭," 雖然呢樣野都只係bonus, 不過做得街坊生意既, 我相信都唔應該吝嗇, 我覺得只不過係一種生意手法啫 ! 就算唔講有咩jetso, 佢既服務都好應該隨住加價有所改善卦, 平日都還可以, 一到大時大節星期六日, 伙計們都做到手忙脚亂, 完全係自亂陣腳, 心唸都做左4年啦, 有咩大場面未見過要亂成咁, 落錯單啦, 記錯枱號啦, 外賣單做唔切啦, ....... 其次係佢既份量, 價錢貴左但係個量又無相對多左, 通漲同最低工資真係影響咁深, 最過份係呢次, 叫左個酸辣雞翼餐肉米綫, 一隻雞翼+一塊餐肉都算喇, 隻雞翼又會唔會細得有d過份 ? 另一次既奶醬多, 係佢太多order 無即時出 or 烘得太耐 or 隔左好多夜既

屋企附近的茶記已經食厭了，今日就無無聊聊的走到遠些的這裏吃吧。座位算是舒服乾淨。不想吃太飽，就要個$23的雙併麵餐。有酸辣湯、清雞湯或沙爹湯選擇，揀了理應不會出事的清雞湯，要生麵配冬菇鮑片和魚肉腐皮卷(因為雲吞售罄)。落單時伙記不停提醒我鮑片真的是鮑片(怎麼可能!)，魚肉腐皮卷是魚腐(吓?!)。也懶得探討她的product knowledge，索性等食。不消一刻答案揭曉，幸好我的理解力無問題。鮑片是預料中的罐頭無味螺片，要來過一過口癮而已。魚肉腐皮卷不是魚腐，而是鯪魚肉和沒腐皮的炸魚卷。有種餐牌文字只供參考的感覺。鯪魚肉算有魚味但不夠鹹，有頗大條骨要食得好小心。現成炸魚卷味道不提也罷。沒事先醃過煮過的冬菇不香；清雞湯清到連味道都似水一樣淡，只有生麵鹼水味。生麵煮的太腍。怎麼好簡單的一碗麵也可整得這麼難吃? 熱咖啡又是即溶的酸味咖啡。又是喝了兩口就停。付上學費$23，blacklist這裏的麵餐。

有一次同屋企人黎過呢間餐廳，間餐廳除左冷氣同座位比較好之外，真係好多嘢唔係好掂，同屋企人坐底之後再點幾個餐，但當我地想叫人幫我地落單既時候，就發覺一個侍應都見唔到，再坐多一陣，之後終於有一個經過我地附近，我地係咁揮手，個侍應就話〔好快，等多一陣．〕我地等左好耐，再四周圍望下，就見到佢地(好幾個侍應)全部企晒水吧旁邊，又唔肯四周圍睇下，我地開始枯燥，終於無耐有一個過黎問我地食乜嘢，我地都一口氣叫左幾個餐，等左唔係好耐，D侍應都放上茶餐，飯餐同餐飲，但係當每次放底時就好大聲”拍”一下就走左去，見到佢地個樣就好似唔係好想做咁，比我地既感覺佢地既服務態度極之強差人意，再加上佢地出既茶餐，飯餐同餐飲，簡直不予置評，D茶出黎既效果又唔夠熱，個飯極之普通，屋企煮既飯都仲好過佢地，最慘就係我地食完晒D飯之後，再睇返張單，點解張單都無價錢既，一直以來我地去開既餐廳都會有價錢出，張單又睇唔到價錢，又要出黎比我地睇，都唔知出黎做乜，有單同無單都無分別，寫上去既嘢又唔知佢寫乜，望落去似”鬼劃符”，跟住我地都計左好幾次個總數，到最後就比錢埋單，之後個收銀計出黎比我地計既多一蚊，我地問佢果一蚊收喺邊到黎，佢

好耐都冇打食評, 而家一次過補返晒~話說4月20日, 友人因為要來看醫生, 但又未食野, 所以去了隔離的茶餐廳之前都有食過佢的瑤柱蛋白炒飯, 都覺得超正今次再食埋佢個tea, 真係覺得冇得彈!今次tea, 食了一個雪菜肉絲米, 一份烘底面包及蛋奄列, 和一杯熱檸茶盛惠$24好似有點貴但食完後會dum一聲, 就值回票價了雪菜肉絲米味適中, 食唔到有味精, 而且很香雪菜肉絲味, 正!熱檸茶普通, 冇咩太特別烘底面包及蛋奄列真係一流! 個烘底面包仲好食過太興個早餐, 脆得來又有陣陣多士香~總結而言, 呢度有間咁good的茶餐廳, 真係太好了!

那一次與女友人到了曉麗苑，大家都未吃晚飯，也不想到apm再找吃的，就順道在這間城中米吃晚飯吧！我們坐到卡位，晚上有些小菜套餐，女友人愛吃肉餅及脆肉瓜，我們遂叫了一個土魷蒸肉餅及一個脆肉瓜炒豬頸肉。晚餐包飲品或例湯及一碗白飯，我們本來要飲品的，女侍應送錯了例湯來，最後索性送例湯給我們。例湯是一般貨色，當然不會有太大期望，只要不放太多味精就已經很好了呢！土魷蒸肉餅頗有水準，肉餅有肉味亦帶土魷香，不過可能豉油有點過鹹，吃到後段鹹了一點。我吃過茶餐廳的蒸肉餅仍以天后的「民聲冰室」為佳，但這裡既質素也算不錯了。脆肉瓜炒豬頸肉，醬爆的方式，炒起來頗惹味，唯我一向不太喜愛脆肉瓜，倒是豬頸肉卻是本人的至愛，整體水平中等，亦不見放了太多的味精，吃擺也不見口渴。晚餐包餐湯或餐飲，我們叫了熱奶茶及凍檸茶。坦白講食物質素是一般茶餐廳的貨色，中規中矩，反而是環境方面給我一點點的驚喜，我覺得以茶餐廳來說，這間算做窗明几淨，坐得比較舒服的了。所以我對其印象也不錯，最少吃飯時不用左閃右避，左迫右迫吧！侍應服務態度也相當不錯，這亦是值得一讚的。更重要的是女友人覺得好吃嘛！！

我和家人order了四個餐,一齊share來吃.以茶餐廳來說,他們的環境不錯,有lcd電視,座位舒服,而且近我屋企.服務員的服務不錯,沒有黑面,態度好.食物方面,分量夠大,又真材實料,加上送餐的速度快,我們吃了45分鐘便吃完.雖然沒有加一,但價錢略貴,平均一個餐要40元,便宜一點會較好!

果日叫外賣...椒鹽鮮魷五十二蚊, 生炒骨四十二蚊, 淨係送個白飯...秀茂坪呀, 你估銅鑼灣呀? 勁貴!味道不過不失, 送外賣都算快!

今日12:30黎左呢間想試好耐既城中米餐廳，估唔到未到午飯高峰期就已經禁多人，可能曉麗苑比較少茶餐廳吧(只有城中米同味皇)，今日既午餐唔岩口味，所以散叫左一個小菜咕嚕肉($38)包一碗白飯咕嚕肉:有驚喜，首先份量大，黎到果陣出哂煙，仲有佢係用一舊舊既枚頭豬肉，唔係一片片既肉片，即叫即炸，食落都有少少脆口，唔會話成口粉禁，酸甜比例都較得岩岩好，唔會過酸或過甜，茶餐廳黎講真係算唔錯，不過要快食，唔係耐左會無禁好食環境方面:都夠光猛闊落同乾淨，中午食飯搭台預左服務方面:除左老闆比較有善，又有笑容之外，其他人都比較木口木面，由其係收銀，真係好似想同你打架禁-_-"見到人地碟燒鵝飯幾靚仔，下次再黎應該會試下燒鵝飯同城中米炒飯

而家好多店既服務都係麻麻尤其屋村商場個d但係前日因為去曉麗附近買d野就去左呢間野食左個炒飯本想買番屋企食,但又驚食唔晒朋友係度,就叫佢陪我一齊食,分一個炒飯問定佢會唔會淨飲雙計先,是唔會的,很好叫左一個"城中米炒飯"+凍檸荼(+3蚊)是一碟用珍珠米,蝦等材料炒賣相都ok,蝦都ok大隻,2個女仔食岩岩好...可能有d油關係,食左2小碗仔就好飽個飯都算係ok,但34蚊就好似貴左dd,凍o茶都要+3蚊..整體不錯,環境好,侍應呀姐服務都好好(好難得)(值得讚)希望繼續keep落去啦~!

曉麗苑餐廳得兩間,味x同城中米,城中米的服務態度較好,員工都較友善健談, 環境舒服...好闊落架都, 都幾乾淨我早午晚三餐都食過,先講餐牌, 老實講,款式都唔少架, 差唔多普通茶餐\廳有既佢\地都有,小炒, 套餐, 燒味, 粉面都有..但係就較刻板少少...例如早餐套餐都幾抵(好似16蚊), 沙嗲牛肉公仔面+ 火腿煎蛋牛油面包+ 熱飲,但係公仔面又唔轉得米粉, 火腿又唔轉得腸仔,當然啦, 話就話係特價早餐冇得轉,要轉就揀果d 貴幾蚊, 一個公仔面/米粉/通粉揀三個送果d..但可能食慣出面d 茶餐廳,冇得咁轉就覺得好似死版左d 啦,有得轉食都食得開心d 嘛, hahhaah之前好好架, d 早餐有幾條菜, 感覺健康d...依家又冇左....其實城中米d 野食真係唔錯唔油, 燒味飯d 雞都好好食,涼瓜班腩飯食落d魚都好好食, 唔覺有雪味(唔知係咪新鮮魚呢?)星洲炒米, 肉絲炒面, 芙蓉蛋飯都好好食~set lunch 有五至六款野揀,有湯, 有野飲(凍飲唔駛加錢, 幾好~) 都係28 蚊夜晚就唔覺有set dinner, 食d 小炒, 散叫咁lor...特別想講我見呢d 有人話炒辛辣面好食

哩間"城中米"徐咗地方新,冷氣夠之外.我覺得佢哋冇セ特別,而且D嘢食唔係咁好.上次我炒咗嗰"泰式炒通菜"嘩!哩間嘢D師付原來唔識炒菜,呀媽炒都好食過佢哋炒.

昨天晚上又去了食晚飯，因為經常在這裏食晚飯，所以同經理熟落左，今次就叫經理介紹兩個菜給我們，佢介紹左個冰梅骨同炒辛辣麵(經理話炒辛辣麵菜牌冇既)，果然冇介紹錯冰梅骨清甜辛辣麵辣辣地兩個菜一甜一辣好夾。黎到記住試下個炒辛辣麵呀。

豪華裝修，座位舒適。食品質數高新鮮好味，今次叫左個炸豆腐及瑞士汁牛仔骨，水高相當高，另外一定要試試佢地既凍檸蜜，凍檸蜜比其它地方既味道好唔同，好好飲，問佢地加左D乜，佢地話係秘密。由於當晚太多客人需要等位，因為客人多所以上菜慢左D，所以一定要有心理準備，但係食到高質數出品都低既。最重要係價錢超值。

我係住曉麗苑既,我平時都會去城中米到食早餐\,17$就食到3種食物仲有野飲不過佢\地既服務好差><我係1個讀中學既男生個樣好似細路仔我每次點餐\時就算佢\地見到我叫d侍應點餐\佢\都5采我係細路仔點餐\佢\地就5會采佢\,但如果係大人佢\就招呼周到