Cafe 1950歐陸餐廳 (已結業)

路經此地（馬鞍山），想食埋個晚飯先返港島，但美食沙漠中既食肆大部分都係大排長龍。行左好耐，見到間Cafe1950，曾經食過佢既元洲分店，覺得正正常常，所以入去試下。我哋叫左原條茄子、錫紙焗雜菜雜菌、白酒藍青口同西班牙海鮮飯。另外，可當個餐，我哋 揀咗個忌廉湯同熱檸茶。原條茄子、錫紙焗雜菜雜菌、白酒藍青口似用清水白蛤完加調味料。西班牙海鮮飯：飯過濕，配上茄汁既酸尾尾，飯面上有青口，內裡只有切碎既菇片、橄欖 片同細粒既蕃茄。其實，得依個飯算正常，但食食下門牙咬到細骨既物體。門牙好痛，即時吐出，原來飯內有青口殼碎。我即時沒有了食慾，之後門牙痛了2兩日。食之無味，棄之唔可惜，只可講今次既野食係熟既。

今時今日的公共屋邨商場並非只有殘舊的茶餐廳。今日部長到訪的1950歐陸餐廳正是好例子。芝士拉麵非常足料，而且環境不比任何cafe差。部長極力推薦！ 1. 位置：距離港鐵站10分鐘路程 由港鐵站出發，只需要10分鐘路程。不過路程比較曲折。最好還是一邊走，一邊開衛星導航。 2. 環境：裝飾氣氛滿分 店內以休閒為主題。雖然不知道為什麼牆上要放電單車，但木造的桌椅和偏黃的燈光令餐廳氣氛不錯。不過燈光太黃，光線非常散亂，令所有事物拍起來模糊不清。 喜歡芝士的部長決定今日挑戰芝士部隊拉麵。 3. 食物品質 部隊拉麵其實只是某韓國品牌的芝士即食麵。一開始部長非常失望，不過拉麵原來加了很多配料，例如：紅蘿蔔絲、芝士漢堡扒、香腸、蘑菇、蛋、椰菜等。我們親愛的芝士又出現了～MUAH!配料真的很多，一人真的會吃不完。所以部長大大常說：不要因一時的失望而放棄眼前的食物。也許，轉眼間，這就是美食（部長語錄，2017）。隨餐附送的熱茶濃度非常高。喜愛濃茶的部長表示非常開心～ 4. 價錢 最後盛惠44元。雖然44元吃一個部隊芝士拉麵比較貴，但拉麵配料豐富，而且餐廳環境有悉心佈置，值得一去。 hkenter

一到中午就有好多學生黎食飯，成日都要排隊，每次黎食飯都要早過果班學生小小，如果唔係就有排等，我今日叫左個白咖哩雞扒飯，份量都幾大，之前佢set死哂每日指定既餐，而家叫乜都得，午市冇加一服務費

入去食個Lunch, 見到好多枱都係未執，而且成個樓面得兩個人，好明顯唔夠人手。坐嘅櫈黑炆炆，痴立立，四周啲裝飾舖晒塵😰坐低後等左15分鐘都冇人同你落單，連同隔離幾枱都係冇人理，舉極手個侍應都係話唔得閒😓到終於落左單，個飯都好快到，但個餐湯問左三次，佢都話我未得閒裝俾你，直到我埋單，都未見到碗湯嘅出現😤唔怪得以前一定要等位，而家都等都唔使等好心請唔夠人就唔好俾人入黎食啦，你間餐廳根本應付唔到。唔會再去食喇，bye bye

幫親左好耐，d野食普通，因為住在附近，所以一個星期都最少有一兩日幫親。不過間野的服務態度越來越差，可能成日換人，原本幾個服務幾好的待應唔見左，轉左個主任之後，做野做唔切一定會有，年紀大都唔會歧視佢，不過佢d態度真係建議佢改善一下:見到有位想入去坐底時，呢位經理佢又睇唔到有位，唔俾我入，我見到同佢講佢就話要拿飛，不過佢冇第一時間安排客人入座，由得人企又唔俾人坐，有位冇客去坐又去執其他位，又冇安排同事執野，一有人埋單又走去收錢(間餐廳跟本未坐滿又要人白企！)其實唔需要第一個服待我，但最緊要有禮貌！我之前有四個等緊位既都見呢位經理手腳慢走左，不過我同佢講你做得慢所以佢地走左，佢就發我脾氣，話見唔見佢好多野做！仲有一直以來的問題，佢地成日拂略d客落單，建議接單一定要做先，因為舉左幾分鐘都唔人應唔多禮貌我真係好嬲，真心希望間餐廳唔好做得越來越好，改善一下

假日晚上來到餐廳也不算多人，點了一份炸雞，寛意粉和焗飯。炸雞炸得好香口，調味剛好另外點了芝士煙肉雞肉寛意粉和炸魚海鮮飯。兩者外型相當討好，焗飯的海鮮料足，面頭有一層金黄的焗芝士，相當吸引。意粉味道麻麻，配料略少且不夠汁。份量頗大，2人吃起來非常飽。值得提及的是餐廳的佈置漂亮，有點文青的感覺，非常舒適，可以坐上一整晚。價錢不算太貴，很少在屋邨內找到這樣質素的餐廳。食物選擇多，希望下次再來試其他的食物！

全自費,沒有收受任何餐廳利益!!!星期日來到聽濤雅苑,朋友的家真的相當漂亮,可以望到海景而且她的家還有鋼琴,真的令人相當開心很有藝術家的風格參觀過後,我們到街上吃飯,藝術家不懂得煮飯呢她帶我到1950吃飯,說這裡是她的飯堂,我心想:那麼富有的人會吃平民餐?不過食物看起來不錯的吃了一個炸蝦炒飯,外型相當討好,炸蝦屹立在炒飯上粉蝦外皮香脆,內裡的肉也是嫩滑,沒有炸皮跟肉分開的情況飯也炒得相當香,吃起來味道不錯之後吃了一個海鮮PIZZA,餅乾底的PIZZA外型麻麻,不過味道算是不差餅底香脆,有拉芝士的效果但不強勁整個新鮮PIZZA的感覺也不錯,感覺新鮮2人吃2樣東西已經相當飽,因為相當大份

早幾日食過夜晚,炸豬手好好食, 有驚喜, 覺得呢間質素唔錯!今日放假黎試下中午套餐叫左個“韓國部隊芝士面” 有腸仔,漢堡扒,生雞蛋,芝士 $44 , 包湯 , 凍飲另加$3！一黎到, 好大驚訝, 好退囉好似去左露營咁… 個樣仲Hea過自家煮 味道又清又淡! 不值一試

星期6參觀了教育學院,想不到馬安山原來除了醫院也有教育學院,真的相當宏偉而且內裡還有足球場,真的令人相當開心參觀過後,我們到街上吃飯,朋友3人一起來朋友帶我到1950吃飯,說這裡是她的飯堂,我心想:那麼富有的人會吃平民餐?不過食物看起來不錯的吃了一個石頭鍋飯,外型相當討好,豚肉相當香,而且份量很多飯的熱度剛剛好,而且相當多汁,3人一起吃也夠飽呢飯也炒得相當香,吃起來味道不錯之後吃了生蠔.相不到這兒的生蠔也十分大隻,一隻手的尺寸生蠔十分新鮮多汁,不用點上茄汁味道也不錯而且沒有冰鮮的感覺,証明相當新鮮吃過一個小晚飯後,我們3人繼續在附近走走才回家

新生活開始, 搬黎馬鞍山就要發掘下有咩新嘢食, 屋邨餐廳唔係好多選擇, 唔想佷快餐廳, 其實得番呢一間。其實呢間都唔係第一次食，不過見佢個MENU 成日變，都可以食多幾次。閒日唔洗等位, 得小貓三四隻，同女朋友叫左一個主菜同兩個小食主菜: 芝士豚肉撈飯呢個飯係一個SET, 配一個餐飯同埋湯，白湯都唔錯，但差左個餐包個飯一上，真係好HEAVY, 侍應係我地面前倒左D蛋汁圍邊，再係上面加芝士，唔知係唔係韓國食法。等到咁上下就撈混黎食。D豚肉甜甜地都幾好食，成個飯味道都唔錯。但有兩個敗筆位:1. 唔係用珍珠米，飯太硬; 2. 芝士味出唔到小食: 肉醬薯條呢個係因為女朋友好鐘意食炸嘢而叫，上菜果陣真係覺得好大份，都怕食唔完，點知女朋友食左一兩條就停手，我都心知不妙。果然，薯條唔夠脆，D肉醬令薯條冧曬。其實味道係正常，不過呢個MIX 好似唔係好得。小食2: 錫紙包蔬菜呢個其實係可以，但佢落左女朋友最討厭既黑椒，令個菜失色。整體係可以接受，希望佢越做越好。

Ca姐又約食飯談心，今次她遠道而來馬鞍山找我，原來她想試試這間聞名已久的Cafe1950歐陸餐廳。走進餐廳，一部古董電單車出現在眼前，這裡充滿著1950年代的風情。果然，這裡就是Cafe 1950歐陸餐廳。首先來的小食是鰻魚汁餃子雞翼，餃子雞翼本來味道已充滿層次感，澆上濃濃的鰻魚汁，味道不錯。第二道小食是新疆燒原條茄子。滿載原野風味的原條茄子，灑上紅紅的孜然香粉，賣相非常吸引。個人比較重口味，若能加上更多孜然香粉，感覺會更加美妙！第三道小食是米紙春卷生菜包，香脆的米紙春卷包著暖暖的餡料，感覺好豐富。配上生菜一起吃，爽脆的感覺大增。中國人吃飯，少不了要一客粉麵飯，今晚的選擇，是黑豚腩肉溫泉蛋石鍋飯。溫泉蛋汁配上黑豚腩肉，味道濃郁豐富，拌著用石鍋暖著的白飯吃，的確好味。我不是咸豬手，但我喜歡品嚐不同餐廳的咸豬手。Cafe1950的德國式咸豬手，外皮很脆，但不會過硬，豬手肉不會太膩，很軟很好吃。雖然價錢只是百多元一客，但卻比得上市區二百多元一客的質素。最後終於輪到我最愛的紐西蘭羊仔架出場。看外表以為很韌，但原來羊肉燒得很軟剛剛好。配上的醬汁如果再濃一點就好了。整晚餐廳裡的客人都不多，也不吵鬧

上星期到馬鞍山做義工,早上7時起床,賣旗由9時開始到12時,炎炎夏日在街上真的吃不消,非常痛苦要不是友人起來,我絕不會自己一人來呢幸好之後找到地方吃下午可以坐一坐,有冷氣的地方像天堂呢來到1950吃點東西吧2個人,突然想吃個小火鍋,也不過份吧吃了一個牛肉火鍋,爐的樣子相當誇張,很大呢牛肉上枱時是生的,因為爐還未開^^開著後,律肉一會兒便熟了,不過底下的烏冬要耐一點才熟中間的配菜不要錯過,吸收了有牛肉味的湯後相當份味和爽口律肉比較厚身,入口不是即溶,但口感更佳牛肉味不算太強,但起碼不是蘇的烏冬相當爽口,吃起來像是759買到的日本入口烏冬吸收了湯的味道令原味淡味烏冬更好吃,更有味2人吃過豐富的午餐,,便到尖沙咀行街,相當開心呢

我沒有想過原來屋村附近有這種以50年代為主題的特式餐廳。 其實感覺更象西部牛仔feel，好大一架摩托車 ~米紙春卷生菜包這個春卷是熱熱熱、脆脆脆！內餡飽滿， 春卷就是要這種感覺！ 即使不包生菜，也非常好吃！ 比泰越店做得更出色！新疆焼原條茄子很難得吃到焼原條茄子，而且焼得不錯，味道如果再重一點會更惹味，但淡淡的也更健康！ 德國咸豬手我想這道是餐廳的 signature連1950都寫上了而且已經切好一片片皮脆肉嫩，肉質沒有太咸，正合我意。 我最喜歡豬手的皮燒得非常香，但又沒有焦味、澀味，味道口感都是剛剛好的！讚讚讚！ 我非常喜歡，也頗意外，一定要再來吃！ 雖說是歐陸餐廳，其實很多不同地方得菜式。 最重要，也是最意外，每道菜都做得不錯，味道吸引，令我有點期待下次再來探望朋友的日子，可以再吃其他不同款的食物！  

一早晉爸走左去買早餐比本夫人享用，黎到耀安村呢間裝修不錯既餐廳，打包左一個炸魚柳歐陸早餐，盛惠$37，價錢算中等，賣相唔錯，魚柳都有手掌咁大塊，味道唔會太咸，晉豬自己都食哂塊魚柳，剩返個硬到可以打死人既牛角包，同無咩味既煎雞蛋比我，咖啡就保持水準，唔會太甜，外賣都夠哂大杯，如果個早餐可以堂食加上環境，值得再去食😁

笑話一則 話說，相約媽媽在娘家附近晚飯，以下whatsapp對話：-下午-我：今晚一齊食飯，1950等啦媽：ok-晚上-媽：今晚食咩？我：1950媽：我問你食咩，唔係問你幾點呀....===========================在媽媽這個街坊眼中，原來係get唔到這店是 cafe 1950 ，她稱這店為"靚餐廳"好啦，入正題 !大熱天時，想食清爽沙律，就點了。。~煙三文魚沙律~ 生菜泛黃且乾，賣相講真有點點失望，幸好醋夠酸，煙三文魚也很不錯，挽回不少印象分。~牛扒配薯菜~ 賣相靚仔，薯條即炸起，上枱時霧著熱煙。我最喜歡細細條的翡翠苗，令成碟野加分加分。牛扒我們點了4成熟，媽媽起初擔心太生，幸好廚師處理得剛剛好，未有紅血汁滴出，合乎媽媽對牛扒之執著。切開牛扒感覺嫰滑，雖則不是濃濃牛味，但口感，肉質也算合格以上，而且吃不出有鬆用粉味，感覺自然。燒汁咸咸地，更能帶出鮮味，點薯條也不錯，好過點蕃茄。薯條即炸，夠香脆。~鵝肝多士~ 無諗到屋邨會食到鵝肝，見平平地，就膽粗粗點一份和媽媽"些牙", 比預期中大件，用刀一切開 ，多士爽脆"索索"聲，鵝肝煎得香脆，媽媽怕太