星期日上網見到yahoo 陳克勤介紹豬潤腸粉.
其實我知附近都有一間粥店係有豬潤腸粉食, 不過睇完佢篇野真係要即刻第二朝就去食
所以早上放工就即去.

幸好星期日係冇早餐既, 早餐都唔係好抵食. 同散叫差唔多錢, 反而下午茶餐就真係平多d
都係淨叫個豬潤腸粉.$14

都要等成5-10min, 隔離台人遲過我黎但d 野都黎晒, 我既豬潤腸粉都仲未到
可能真係即叫即拉掛, 我都希望係.
d 豬潤一條條幼條o係入面. 都幾驚佢地一夾就sir 晒出黎. 好彩黏度夠, 所以都係跌左1,2條.
豬潤真係好爽同起沙. 真係索索聲咁爽, 好大朕豬味, 正!
另外仲食到有少少薑既味, 但就見唔到薑既踪影. 可能係用黎僻下味.
腸粉拉得幾爽滑, 係有少少黐, 但唔大問題.
豉油真係甜左d, 有點假既感覺. 但係我鍾意!

走o個時外賣一個煎堆走$6
其實入黎o個時見到d 煎堆咁鬼死大個都想叫架啦.
但係見到入面有台人叫左煎堆係剪開. 我都係比較鍾意成個拎住黎食.

叫靚女拎個漲d 既比我
等我形容下個大細, 係成個菠蘿包咁大!!
炸得個色岩岩好, 勁脆勁煙韌. 好味!!
不過就好肥膩好多油. 睇個袋就知啦, 食到成個咀都係油

間唔中食一次都正爆!

5月5日（星期二）晚，是晚女友又再次工作至十點，我從家中出發去接她收工。女友從公司走出來，見到她疲倦和憔悴的樣子，心痛不已！雖然知道女友未吃晚飯亦知道她沒胃口，但也依舊問她想吃甚麼，她說想吃粥。但是，晚上十時大部份的粥店都已經關門，甚麼辦？幸好我記得送女友回家的途中，經過北角的知粥嘗樂仍未關鋪，於是就和女友坐電車去北角。進入店內，人客不多，看過餐牌，雖然是吃粥品，但款式卻不少，尤其是煲仔腸粉，不過是夜沒興致去試。因我吃了晚飯，於是女友祇點了碗白粥和炸腸，我亦祇要了碗熱豆漿。白粥粥底軟綿香滑，米花爆開，還見到不少瑤柱絲，清淡之選；炸腸的腸粉皮不厚，難得內裡的炸麵（油炸鬼）很脆口，並不是那些放了很久而變得軟腍的炸麵，不錯；我的熱豆漿亦應該是鮮製的，用心之作，有豆香，沒有預先下糖的，不過就算落了一包糖也不覺得甜。吃完，時候不早了，還是先行送女友回家！

是夜，女友因不勝負荷工作壓力和繁多的工作量，而令整個人變得很沉重，至於我亦憂心家父的病，心情亦變得很沉重……

今同朋友去左知粥嘗樂食TEA!!
N年都唔黎呢間一次,而家先知D下午茶咁抵食!!
本身我係想食芝麻糊..但又想食炸腸..
點知原來有個餐兩樣都有晒先$13 !!!梗係即叫啦!

炸腸,熱唔算太熱,普通炸腸~~勝在麻醬甜醬任落 !!
岩晒鍾意食芝麻醬既我呀 ~~

即磨芝麻糊,味道普通啦,芝麻味唔算好香...

朋友的皮蛋挺仔粥+炸腸都係$17 ..D料都唔少架 ~~好抵食呀 !!
而且個粥清清地,冇落味精~~正

賣單$30 ...已經是兩個人都價錢~~~下次會再黎 !!

前後食過兩次，第一次會入去都係因為睇到佢門口個雜誌介紹的牛腩腸粉煲。

佢個煲一羅出黎真係好熱辣辣，好易燙親咀。

個牛腩真係炆得幾淋，幾入味，佢個本意應該係希望 d 腩汁可以入到味落腸粉度，但係我覺得似腸粉撈腩汁多過有牛腩味既腸粉。

腸粉就真係無雜誌介紹的咁好味囉，但係個牛腩都值得推一推既，份量再多少少就 ok 啦。

我條脷坐牢(在口中伸唔到出黎)了六個星期，醫生終於肯放生啦~~! 所以今日周圍去左五個地方食D "淋" 既野~ 因為我個口仲未好返，唔係好咬到野....

最後一個地方就係呢度~~ 食完福元，行過，見佢話粥底係用shark 和螺，好似好正咁，就入去諗住食個白粥睇下係唔係咁堅~

入去service 幾好, 未叫野食就拎餐具黎~~ 又等我呢個"慢世魔王" 慢慢諗食咩~
我諗住我食唔到D 咩~~ 所以叫白粥~ 但係俾佢sell 左我食下午茶餐~
最後食左 皮蛋瘦 蝦米腸
都只係$16

腸粉同粥都係熱辣辣~~ 賣相唔錯~!
腸粉滑! 最重要係豉油好味~~ 甜甜地~~ 就算唔落甜醫都好好食~~! 這是驚喜~

皮蛋瘦: 粥底甜~~ 唔錯! 夠綿~! 料多~ D 瘦肉係一絲絲的~~易入口~ 唔洗點咬~~ good for me~
整體味道佳~!
下次要試下佢既白粥，試清楚佢個底~

走既時候，有一個waiter 問我洗唔洗加野，有三個waiter 輪住同我講多謝哂~~感覺良好！
另外，還見到waiter 同D 客有傾有講~~幾nice~

$16 咁既食品質素，咁既service, 抵啦~!

11月29日, 菲菲生日前夕, 選擇了清清淡淡的吃一餐粥~ 結過揀咗連名都有d意思既知粥嘗樂~

::: 豬潤腸粉 ::: $14
好少地方有豬潤腸粉食~ 一碟有三條, 附上一大碟豉油. 腸粉皮有d一patpat, 唔夠爽口. 但豬潤唔錯~ 係起沙既, 味道亦濃! 整體都好味!

::: 牛俐酥 ::: $6
仲好脆~ 唔太油~ 火候控制得幾好! 不過顏色就比平時見到既牛俐酥淺黃d~ 食落硬係好似少咗d烘脆個隻味!

::: 豬紅碎牛粥 ::: $18
唔知碗粥係咪唔夠熱, 牛肉碌陣都仲有好多粉紅色… 不過感覺食落新鮮, 豬紅夠爽~ 粥底綿滑, 雖然都feel到係味精粥但真係幾好味~

::: 魚片碎牛粥 ::: $18
粥底真係唔夠熱, 呢碗都係. 牛肉有d碌唔熟~ 反觀魚片唔錯, 唔會一夾就散… 不過味道偏淡.

可能之前咗呢d連鎖經營粥店無乜expectation, 所以覺得都唔錯~ 又可能自己鍾意食豬潤所以覺得個豬潤腸好味~ 總括黎講係好味! 佢仲有d煲仔腸粉下次可以再試!

知粥嘗樂 麻醬勁落

尼食lunch

叫左 白腸 + 豆漿 + 牛肉粥

白腸不夠滑.....d 醬亦都太過稀....所以d 白腸點得唔係太多d 醬

儘管d 麻醬 甜醬係任落....但係都算做失色少少

豆漿幾甜~而且夠凍....飲落夠晒醒神

牛肉粥....免治牛....

粥底係真正的白粥....而且因為用免治牛

所以都出唔到咩味.....可幸肉碎算多

可謂令人嚼過不停呢~~

After seeing an advertisement for the curry chicken腸粉pot. Store looks clean and bright. This is what we had:

1. 艇仔粥 (sampan congee)
2. 碎牛粥 (minced beef congee)
3. 白粥 (plain congee)
4. 炸両 (fried dough in rice noodles)
5. Curry chicken rice noodle (腸粉) pot

All of the congee were very watery. The worst was the 艇仔粥. You could literally see each grain of rice in the congee. The 碎牛 in the 碎牛粥 had a green tinge to it and when we questioned the waitress about this, her reply was that this was the result of mixing the fried rice noodles, flour and minced beef together and that her and the other colleagues in the store ate this quite frequently with no side effects. She even went as far as to say that regular customers also noticed this and knew that it was 'normal'. A second waitress came up to our table after noting that we were in quite surprised with the explanation of waitress 1 and when we questioned her about the green tinge to the minced beef she said that she couldn't see any green tinge at all and perhaps if we did see any green colour it could be caused by the lighting in the store. Quite interesting answers from both of those ladies - but in my experience eating 碎牛粥 I have NEVER ever come across green tinged minced beef. I do know however that when meat is going off (like when you see those supermarket sells the minced beef at a really low price) it sometimes has a green tinge to it. So I can only assume that the minced beef they use in this store is not fresh.

The only good thing was the curry chicken with rice noodles hotpot. But I would not come to this place again.

朋友唔係太舒服，原本想返天后食，但天后係冇粥食，就去炮台山食粥

- 滑牛生滾粥(加皮蛋)：原來『生滾粥』唔係特別熱，係size大小小，我唔多食粥，但呢碗都ok，有少少咸味，牛肉唔會韌
- 蝦腸：好滑，但一條得兩隻蝦好似少得滯（一碟有三條），though蝦幾大隻&爽，都係呢ｄ比腸粉煲好（上次食牛腩腸粉煲）
- 炸兩：好快變凍，所以本身一定唔夠熱，ok啦，油炸鬼再脆ｄ仲好

想講係冷氣都ok大，粥都好快可以放入口
仲有就係要講先有水俾，主動少少好冇？

total: $53

朋友仔生病了，唔可以食新開張既burger，一於帶佢黎呢度食。

要了2個學生餐
艇仔粥+蝦米腸
粥底頗綿，但感覺似將米磨碎再拎去煲。多炒米粉、爽口豬皮條，夾雜幾條魷魚蘇，還有幾粒香脆花生沉在粥底，難得食曬成碗粥都仲脆，勁!
蝦米腸竟然無咩蝦米，只有數顆蔥粒夾雜其中，同白腸無分別。

碎牛粥+炒麵
碎牛同炒米粉混埋一齊，所以睇落幾多料。不過無試，唔知味道如何。
炒麵是凍的，唯一可讚是炒得乾身。

另外，店舖衛生挺好，見其盛戴醬汁既膠瓶很乾淨，令人放心食用。

P.S.當日雖然只是廿幾度，不算熱，但當你食緊碗熱辣辣既粥品，再加上係間舖入面，唔夠冷氣/無冷氣都真係幾難頂。眼見附近有婆婆拎起張menu當扇撥、OL除低外套、打工仔亦紛紛拎張紙巾抹汁，可想而知果陣係幾熱幾焗啦。

人說今年多風打，果然是來了兩個。就算掛八號波，我還是要上班。晨早往北角接同事一起回公司，要在附近等一等。街很大風，到處也是橫飛的落葉及雜物的，見這裡燈光火著，大喜，來吃點東西，及當避風港也好。

供應的食品不多，而我也不太餓，就只要了杯熱咖啡及豬潤腸粉。

腸粉即叫即拉，夠熱，吃起來軟熟又滑溜，但就腍身了一點，一夾就散，不過也不錯。豬潤是切碎了的，吃起來很爽口，也夠味。甜醬油味道太假了一點，其實只要腸粉拉得好，用上普通醬油，也美味的。

咖啡就很普通了，始終這裡是一間粥店，不能要求太多了。

埋單20蚊，經濟抵食，尤其在打風天，更是救星。臨走時見一個個圓碌碌的煎堆剛炸起，又買了兩個在車上吃，外脆內煙韌，好吃。

柴魚花生豬骨粥 ~ 唔相信呢度所強調冇落味精既point , 因為食完d粥之後勁口渴 ,
幸好用料十足補返數ja , 而且總算係比起海皇粥店好食。

腸粉捲牛利酥 ~ 一次過可以滿足到又鐘意食炸兩又鐘意食牛利酥既人胃口 , 腸粉皮夠薄 , 入面既牛利酥又熱又香脆 , 真係幾好食wor , 加上呢個粥品唔係間間粥店都有得食 , 所以都幾特別。

偶然都會在這兒吃早餐或買回公司吃。奇怪的是, 雖然這是粥店, 但印象中好像沒有在這兒吃過粥, 可能是時間太趕不能慢慢吃熱辣辣的粥, 最常吃的反而是腸粉。

羅漢齋腸粉 - 賣相色彩繽紛, 有甘筍、粟米仔、冬菇、雲耳和粉葛等, 所以食落爽脆, 腸粉皮不算薄但起碼會夠飽, 落少少豉油就已夠味 (唔落就會太淡)。雖然此腸粉是素食, 不過由於腸粉皮和餡料都比較多油, 所以不是想像中的健康 。此物製作需時, 要有點時間才有得食。

蔥花蝦米腸粉 - 這個好像沒有餡的腸粉好吃, 可能是外賣只有豉油沒有辣油甜醬等的緣故吧。蔥花和蝦米都是得少少, 好在腸粉仍然夠滑。

其實此店的名物是煲仔腸粉, 不過只在午晚市供應所以未食過。

環境算企理, 始終是新式粥店嘛。

因為牙痛要食粥, 就去試下佢地, 叫了艇仔粥和豬潤腸....

碎牛粥浸熟, 就算生生地都大把人接受, 點知我碗艇仔粥係碎豬! ....碎都唔緊要啦, 係成餅碎豬!! 中間好生啊! 原本無胃口, 見到唔駛食啦! d肉一定唔方新鮮, 唔熟一定出事! 而豬潤腸, d潤都熟左ok, 腸粉就太厚又粉多! $15粥+$14腸粉, 開係大街都幾抵食既, 但味精勁多! 唉, 真係唔o岩我啦! 第一次光顧再無下次!

尋晚唔洗OT又冇人陪我食飯, 經過E間嘢諗住食下粥都好。入到去地方都算乾淨企理, 侍應同師傅都好後生, 都算有禮貌, 但serve我個waitress冇乜記性, 我叫咗兩樣嘢, 唔洗30秒, 佢已經返轉頭問我, 除咗牛肉粥仲有乜嘢...=.=

牛肉粥- 稀, 咸, 粥冇米香, 牛肉冇味
咸肉糉 - 外面D糯米淋哂, 但食到中間D米就實淨, 最差係豉油, 咸肉糉o既豉油就算唔係靈魂, 都係綠葉, 佢哋d豉油完全冇味, 冇錯, 係冇味, 連咸味都冇! 好唔掂!

我食粥都好少食淨, 尋晚食淨咗大半碗!

早知行遠d去海皇好過!