雲貴軒米線專門店 (已結業)

同細妹漏夜送肥媽入急症室，辦完入院手續後已經天光，懷住擔憂難過嘅心情，入到呢間餐廳，食個早餐再去上班。呢次係我第三次嚟食早餐，由於心情同胃口都唔好，雖然早餐類別選擇頗多，但我都只點咗一碗通粉餐(配反蛋)，飲熱華田；細妹就魚柳餐(配太陽蛋)，飲齋啡。通粉份量足，蛋煎得靚，湯同配料亦好，蕃茄湯中有條粟米，顏色靚之餘，感覺幾健康！熱華田暖笠笠，味道不過不失，為喊得刺痛嘅雙眼補充少少水份。細妹份魚柳餐頗大份，烘多士搵紙袋帶走，整體味道ok，唯獨杯齋啡細妹話好難飲，飲咗半杯實在頂唔順！唔係因為送肥媽入醫院，我唔會晨早六點幾同細妹出街食早餐，慶幸時間早，人唔多，否則我喊到雙眼又紅又腫，真係嚇死人！七點半後，食客開始嚟，之前兩次去，試過搭枱，又逼又嘈！所以如果想享用舒適嘅環境同豐富嘅早餐，建議平日早啲去，假日預咗變市集，去到預咗同人逼！P.S.:我想要茄汁，但侍應阿嬸竟然話冇！有啲奇怪同失望！

呢間餐廳開左好耐,之前都食過,而且想食紅薯粉就會去雲貴軒~好有我中學時代既回憶!!水準次次都係咁上下~!!我今晚想食light d, 所以就叫左冬菇酸辣紅薯粉, 辣既程度可以揀微, 小,中 ,大呢四個, 我就揀左小辣~~紅薯粉係營養價值高既粉, 又唔肥又好味,配上酸辣真係無得彈!! 紅薯粉質感彈牙, 比起米線好食,而且配酸辣真係好夾!至於冬菇方面,好大粒,吸左d 湯好juicy~~想減肥既朋友同紅薯粉愛好者不妨去呢間食~~

為食到荃灣路德圍、呢度一帶好多食店、選擇又多、行到“云貴軒“門外個餐牌写满好多唔同風味嘅小食如……滷水豬大腸、麻辣豬耳、牛展、鷄翼、米線、拉麵、粉…等等、有麻辣有蕃茄湯底好吸引好想食呵~ 一班女侍應親切、笑住面咁招呼、餐廳係一般的茶餐廳裝修、乾淨企理、雖然坐位唔算阔、但都坐得舒服、冷氣夠凉……我点左個……豬扒米綫餐 包一杯飲品 $39元凍飲+3元豬扒外層金黄鬆脆、熱辣辣、碟底少油食落冇油膩感、味道甘香！米綫軟滑、湯底鲜甜、味精味唔算重、食完冇口渴感覺、柠檬味濃！

今日要食齋，所以簡簡單單去咗雲貴軒買咗碗冬菇米線。冬菇麻辣小鍋米線，麻辣湯底微辣，冬菇味好濃味道不錯，麻辣湯底不錯，米線爽口彈牙，仲有芽菜同埋韭菜附送，其實雲貴軒嘅咋豬扒同豬大腸亦不錯，佢嘅炸豬扒即叫即炸，豬扒軟熟，至於豬大腸，冇乜肥膏煮得入味。只係因為今日要食齋所以先至冇叫。

呢間食過幾次了, 一直字寫食評, 所以一次過寫吧呢間野好似全部都是辣的....我叫左惟一可以唔辣的小鍋米線, 都是辣的!! 他們的湯底應該是胡椒湯吧, 越食越辣, 不過唔怕咸, 都幾好味的另試了中辣的米線, 揀了腩肉和雞翼, 沒有試, 只知道夠辣LAW, 哈淨水餃, 唔辣的, 但大部分是雲耳果類菜, 肉少之又少, 味道OK

星期日嘅荃灣 每間食店都排隊等位如果唔飲茶 路德圍絕對搵到你想食嘅野云云食店中 小妹比較鐘情雲貴軒一來唔洗等位 二來侍應有禮貌 三來好食!!!小鍋米線套餐可以轉上海麵或者加$2轉紅薯粉湯底則有豬骨湯/酸辣湯或者麻辣湯㨂豬軟骨小店嘅人氣之選 更係我每次必點😁豬軟骨麻辣上海麵 芫茜放滿麵面 多到呢😅湯底香濃 麻麻辣辣 十分醒胃 麵質爽口彈牙 入口滑嫩豬軟骨大大舊 一碗大約4-5舊左右事先滷得十分入味 肉質軟林 軟骨爽脆夾埋麻辣湯底同上海麵一齊食 口感更加豐富套餐連凍檸茶都係$38 好抵食😍😍

今次見到難得新產品酸菜魚“魚魚魚”米線，當然要試下，但勁失望，雖吾貴只需$45有杯飲品添…魚冇咩肉同梅，所以一定要用炸方法，米線太淋冇口感，魚腐正常同平時一樣。湯底只有酸味又淡，配料吾多之餘酸菜一點都冇味，極度失望，我寧願食返平時的酸辣紅薯粉來得簡單好味道。

星期日到到都等位多人，一行四人見落雨拿拿聲求其來左呢間冇人等位嫁餐廳餐廳地方闊落，有卡位提供全部麵餐都有跟餐飲 蒸餾咖啡根本就係普通咖啡，奶多，頂住左成晚，唉難飲石班魚湯鍋，麵另上 $45 湯有魚滑芽菜等，湯微辣 石班魚係炸的，肉都實實地，不過不失炸豬排跟麵$38 豬排好食 粉不厚，又以蛋漿炸，味道好食 ，可一試 豬軟骨跟麵 $38 豬軟骨味道濃，好食 呢都嫁骨比較大，份量都ok 水餃麵 $38 不過不失

食開果間雲南米線(近悅來酒店隔離果個商場)..因為星期日OFF依日好想食，所以試下其他店，有間其實都出名+好食不過坐得勁迫+送米線時，D湯好滾..出入空間又窄，感覺好危險所以已經好少去，另一半話依頭都好多間米線店，就去睇下囉見依間好多人食..決定入去試試。我點個"豬大腸豬軟骨酸辣米線"(中辣)$44豬軟骨好鞋口，同埋有陣豬羶味，豬大腸口感OK..但味道偏甜配料(芽菜,韭菜)及米線份量都幾多，但湯底唔夠酸唔夠辣味道完全唔突出惹味，同食開果間真係差好遠。另一半點個"魚腐炸豬扒酸辣米線"(中辣)$44豬扒夠鬆軟，魚腐又係鬆軟綿綿..味道唔錯但同樣湯底都係比吃過既做得差。餐飲"熱咖啡 & 凍檸茶"咖啡奶味太重，咖啡唔香。檸茶比較好整體食物唔吸引

今日係打完壁球都成10點吾知食咩好，當然去路德圍睇睇啦...最後選擇都係雲貴軒。因為我地鐘意既原因係坐得舒服之餘又有電視睇。飲品都有正常咖啡奶茶和新鮮果汁飲。最後都係叫左最愛吃的豬軟骨紅薯粉和朋友叫了餃子米線和一個小食。餃子米線：朋友說偏淡，辣度不夠，但米線 口感都不錯。餃子皮偏厚身，整體只覺一般普通。豬軟骨紅薯粉：食慣既我當然食返味野..中辣的豬軟骨整得夠淋身，味道剛剛好少少辣。紅薯粉口感夠彈口又入味，再有配菜花生炸菜好味道。酸辣鳳爪：夠凍夠酸好入味 。份量不叫很多。但反而下面的酸蘿蔔絲好味，因為吸晒酸辣汁。最後舒服地睇住電視傾計食野，每人結帳都係$50....所以係我既荃灣米線不二之選。

常常到這家店解決晚餐問題, 因為坐得舒服, 食物價錢不貴又算健康, 芫茜每次都放得很多, 很合我的心意. 配料都是一般配料, 但勝在可以自由配搭, 還有不同的湯底迎合客人口味, 很好.唯一挑剔是沒有提供水給客人喝, 所以每次都會配一個餐飲.

同屋企人飲完茶行左街，又到時候食d野，但唔太餓，所以諗住食個米線。最後去左雲貴軒，叫左酸辣湯底米線配鷄中翼，走芽菜走青小辣，簡單d姐係得酸菜。湯底入口酸味比辣味濃，辣道較輕，唔太刺激，調味開胃，飲多幾啖口中也有酸的餘韻。米線較一般米線店結實，有咬口，食入口如果連埋啖湯就冇咁寡。雞翼係滷水既，雞翼肉質嫩滑，醃很入味，浸入湯中更能帶出滷水的輕微甜味，不錯。另加左一罐可樂，上左冰底，自己添加，自得其樂~

荃灣米線之街之中這間算是人氣最高的一間，雖然小弟不喜好食米線，但在朋友之間自由投票落敗了便要專重選舉結果。這店我常經過，我敢說365天晚飯時間都要排隊，原本我也不明白為何這間店總是要等位，當我吃完了後才明白了固中原因。肚底也有幾種，而且很多餸菜配搭小弟點了小鍋米線加酸辣(走酸菜)，原本是酸菜(因為真的太酸了)後來待應嬸嬸來了便照吃，餸方而點了肥牛跟蟹棒和雞翼等等另加介蘭，先說餸菜，肥牛爽口雞翼有點鹵水的感覺，酸辣湯底沒純辣湯底味道好，可能是我怕酸的關係吧。

尋日(11-1-2015 Sun)朝同男友落路德圍恆香問o野,點知要11:00am至開門,咁唯有食o野至再問,行去beans,冇人龍,原來未開門,開11:00am.男友話去樓下,行到去,又未開門,又係開11:00am.=.=”.咁去康樂囉,不過行經呢o度睇,有港式早餐食,就試吓呢間.入到去,full晒,女侍應為我o地等,等o左一陣有位.男友要$29.00”八”搭三重奏早餐,牛油方包,西煎太陽蛋同沙爹牛肉麵,飲熱檸水.我要$32.00o既脆豬仔早餐,蜜汁雞扒+雜菜鮮茄湯通粉,要香草蒜蓉牛油脆豬+太陽蛋,但我改炒蛋,要火腿.而女侍應話冇晒通粉,問我要米線定米粉,我就要米線,要凍奶茶.等o左一陣,我o既雜菜鮮茄湯米線到o黎,之後係凍奶茶,然後到男友o既熱檸水,沙爹牛肉麵.我食住雜菜鮮茄湯米線先,米線幾粗,口感有啲啲彈牙,鮮茄湯味道o岩o岩好.然後男友o既牛油方包,西煎太陽蛋到o黎,最後我o既蜜汁雞扒,香草蒜蓉牛油脆豬,炒蛋火腿到o黎,炒蛋幾嫩滑,內裡仍有蛋汁;蜜汁雞扒皮脆而且好甜,蜜糖好夠,好味 ,好過大家樂o既咩蜂蜜雞扒,完全唔覺有蜂蜜.而香草蒜蓉牛油脆豬同男友o既牛油方包呢?蒜蓉牛油味

係荃灣真係走唔甩,又食米線,好似中左米線毒咁.今日就去食雲貴軒見到餐牌有個香茜豬肉餃米線好似幾吸引$35餃皮厚度適中,餡料十分飽滿,一粒粒的,好有咬口,豬肉帶鮮度,香茜份量不算多,可以話只聞其香,味道不算濃.但欣賞既係個平衡度.當然我PREFER超級多香茜.米線少少煙韌,肉湯香濃.不足之處係餃子只有3隻,同埋即使米線加左底,但係份量都不是多.