銅鑼灣辣蟹莊 (已結業)

哩晚與同事們再到辣蟹莊吃飯慶祝，送舊迎新!今次同樣訂了廂房，雖然房間不大，容納十多人有點勉強，但多了一份私隱度，大家可以盡情的暢所欲言，所以大家坐逼少少也不介意。來到「辣蟹莊」當然要吃辣蟹啦，還記得上一次吃過的黃金流沙蟹，好味得叫人難忘，在避風塘炒蟹及黃金流沙蟹之間作抉擇下，大家一致選了較有特色的後者。來主菜之前，當然點些香口小吃來佐酒，先來的有沙薑鹽水雞腳，醃得很入味，喜歡那種黏黏的質感，沙薑味道亦不會過鹹而涸喉，用來送酒，很不錯!當然，炸得乾身香口的椒鹽鮮魷也是佐酒佳品，魷魚新鮮不韌，粉漿不厚，椒鹽味夠，好味!跟住來一些辣的菜開開胃，麻辣口水雞，比起上一次吃的差不多，同樣地辣度是十足的，但麻卻不夠，我猜大概是為了迎合香港人的口味而有所調節吧......上次吃過覺得非常正的辣酒煮螺，今次大家指名要點。原鍋花螺，熱騰騰，窩面滿佈辣油，吃落酒味濃烈，螺肉很入味，辣度十足，舌尖有種火燒的感覺，感覺又刺激又好味!!!之後來一些海鮮，一人一隻豉汁炒蟶子皇，隻隻足手掌咁長，而且原隻炒，吃來啖啖肉，絕無偷工減料。師傳烹調的火喉又控制得好，蟶子肉夠新鮮爽脆，吸收了香濃的豉汁味，而且一點也不韌，大家吃

男友仔難得放假，可以同我去食飯～ 咁就要去下我好鍾意既辣蟹莊啦～不過我地今次冇食蟹～ 哈哈。。 因為次次都食，今次想食下D小炒。我地兩個人叫左椒鹽鮮魷，蒜蓉粉絲蒸扇貝，蒜香骨，飛天介蘭煲，仲有每一次去都一定要食既魚湯浸大蜆啦！！！ 魚湯浸大蜆,蜆肉夠哂鮮甜~蒜香骨夠香口~飛天介蘭煲夠哂野味~椒鹽鮮魷脆卜卜,好好味~

同事擾攘多時，說要來食辣蟹，今日終於成行ｏ一行三人六點半左右去到，唔使等位，座位任揀，正！今晚以海鮮為主，點了兩隻細蟹，一隻薑䓤濕炒，一隻避風塘炒，薑䓤炒得幾入味，不過稍為油咗啲，避風塘炒蟹叫了中辣，我覺得都幾辣，要飲番兩支汽水先中和番；另有辣酒煮花螺，熱㷫㷫，好好味，好正；一個特價美極煎中蝦set，$88 有八隻蝦，再加一碟椒絲腐乳生菜，好抵；我哋仲每人點了一隻特價蒜茸粉絲蒸扇貝，只係$36，雖然細隻啲，但係蒸得好入味ｏ雖然唔係第一次嚟，但係每次食完都好想再食今日食得好飽，未有機會試魚湯煮硯，不過見隔離枱食得好滋味，下次一定要試

多次聽到同事嚷著要去辣蟹莊，說這裡很不錯，而我又一直都未試過，今晚因同事轉職宴客，終有機會一試!一行十多人訂了一間廂房，私人空間多點，大家可以談過痛快，不過略嫌廂房有點小，大家坐得較逼狹。是晚除了痛快喝啤酒外，更點了很多美食，真是大飽口福呢...........同事說來這裡就是為了吃蟹，是晚人多，共點了兩隻大蟹，一隻以避風塘方式炒的正宗避風塘辣蟹，另一隻就是以較有特色炒的流沙黃金蟹。兩者之中，個人揀了隻流沙蟹蟹鉗來吃，真的啖啖肉，肉味很鮮，而且放了足夠份量的鹹蛋黃，脆中帶有鹹香，真係好好味!!!!!!豉椒炒蟶子皇: 蟶子皇足足有一隻手板咁長，以豉椒炒，肉身很爽口，亦很有鮮味，而且個人認為茨汁濃度適中，不會太稠，很出色!!椒鹽鮮魷: 鮮魷夠新鮮，味道很好!黃金脆豆腐: 豆腐切成較大粒的，外層炸得很脆，另因加了芝麻的關係，椒鹽味之外多了一層芝麻香，而且內層的豆腐仍然是很嫩滑的，感覺不錯!麻辣口水雞: 香港的麻辣風越見普及，口水雞更是比目皆是，估不到吃港式避風塘辣蟹嘅地方都來一個四川風!?雞肉算是嫩滑，不過味道只有辣而不夠麻，油亦放得太多，一般般啦~辣酒煮螺: 以原鍋上枱，鍋底還以燃點著的蠟

其實呢間唔覺唔覺都嗒過 6 次咁多架啦, 雖則外間有好多同類型既舖頭, 但唔知點解就係剩係去呢間, 可能次次都食到 lam lam 脷, 諗唔到其他原因轉場啦 .........我本身好鍾意食蟹, 但老公麻麻地, 所以家陣黎親都轉哂唔食套餐, 寧願散叫就算, 但每次黎到都必叫以下呢幾款我既至愛 .......... 辣酒煮花螺 ~ 在我黎講, 超級好味, 辣既味道岩岩好, 我其實覺得可以再辣啲, 不過我老公頂唔順囉, 上枱時會有個用蠟燭既火爐慶住架, 大約有廿幾隻, 墊底係啲大荳芽菜, 吸哂啲湯汁寧舍好味 ...... 椒鹽鮮魷 ~ 炸得岩岩好, 唔會入口一大舊粉漿, 鬆軟香口, 咬完都唔會甩皮甩骨, 正呀 ...... 蒜蓉粉絲蒸扇貝 ~ 有分大細隻 2 種, 但我地通常要細隻既, $28 一隻, 一啖過既 size 囉, 好鮮甜架, 加埋啲粉絲一齊嗒嗒, 好味道 ....... 蟹油炒麵 ~~ 就係呢個炒麵令我愛上呢度啦, 勁鍾意食, 好好味 ...... 避風塘海鮮炒飯 ~ 第一次食, 叫黎係拎走當明天晚餐既, 超大碟呀, 勁多料, 飯粒乾身得黎仲要粒粒都好夠味,

我生日那天..男朋友接我收工之後去逛街看戲....看完都差不多1點了.....想到去食d野.....但咁夜都冇咩店鋪開....走到橋底就想到去辣蟹莊食算了....他們每日都有特價小菜.....個日係星期六....夜晚都好多人....不過先來叫了藍冰兩支....因為夜晚最便就係啤酒$10/2支....超抵.....之後我叫了黃金脆豆腐...粉絲蒜茸蒸扇貝兩個...京蔥田雞.....不過還好...只是等了15分鐘....黃金脆豆腐他真如其名....外脆內嫩....好好味呀......還有我食海解的最愛..粉絲蒜茸蒸扇貝....味道濃而香甜....真係配合....最後京蔥田雞味道不錯但跟飯一起會比較好d.....服務就麻麻....招手好多次侍應先過來...說話也不是很有禮貌.....不過係食野就不錯的好地方....但想要好服務..這裡就做不到......但下次我也會回味這裡的食物...再次光臨....

同女朋友去行完年宵, 諗住食蟹, 咁就去左lee間銅鑼灣辣蟹莊, 唉 真係唔會再去. 叫左 辣蟹, 蒜香骨同 個菜, 等左半個鐘都未黎, 叫佢跟下張單, 佢仲反問我咩未黎,之後追左成6-7次. 同等左成粒鐘先黎第一個辣蟹. 之後黎埋個菜. (人又唔係多, 都唔明咁都要咁耐, 星期六日唔知佢點死)個蒜香骨, 唉. 我一開始食蟹個時已經追佢. 追到所有野都食晒(起碼都20分鐘, 即係由落單到食晒隻蟹, 成個幾鐘都出唔到個蒜香骨) 都仲未黎. 叫賣單就唔洗30秒就攞張單黎. D野又唔係特別好食.

睇完戲, 去左銅鑼灣辣蟹莊食, OK喎我覺得~服務不錯, 因為係D阿姐阿叔招夫, 禮貌OK, 唔會係D死靚仔趕收工咁~要了一個辣酒煮花螺, 好OK喎, 呢個係我食咁多次辣酒煮花螺以來, 最好味的一個.以前食過的, 大部份都係唔辣的, 有一D就只係得個辣字,呢個就辣度適中, 仲有少少我估係花"蕉"八角的香味, 不過D螺 size 比較細, 大番少少仲好~仲要左一人一隻扇貝, 做特價, 原價$48(好似), E+只需 HK$9 !!! (限一至四, 星期五限時..)不過一人只可以叫一隻, 更係啦, 唔咪想蝕死人咩~呢隻扇背都有90分, size 算係大隻, 加上師夫功力厚, 蒸到剛剛熟, 很滑~唔會熟過頭縮水, 或者 "um" 左~ 美中不足係 D 粉絲浸得唔夠, 邊邊位那些很乾~如果剪碎埋上面的辣椒, 咁就非常好喇~ 但係HK$9一隻, 真係超超超值~也要了一個黃金脆豆腐, 基本上如果食店有這個菜, 我都會點的~唔會很"肉", 又唔會很"菜", 又唔會很熱氣(有一點啦, 但係豆腐中間很X(亂), 會中和左)今次呢間都係煮得一般, 雖然做到皮脆肉"亂"(唔准笑!!!) 但係個皮厚了一點,

好耐冇食過, 忽然八點半左右去食....星期五晚,兩個人都要等位...成九點先坐低...食:招牌避風塘炒辣蟹(少辣)~, 腐乳通菜, 鼓油王炒麵, 炒蜆.炒辣蟹好正!!!

尋晚接老公放工去食消夜, 想食蟹, 所以我地就去左辣蟹莊, 之前都去過, 不過就無食蟹, 一路都想試, 終於出發去試...一去到待應就話可以用宵夜價$200食一隻蟹, 點煮都得, 我地就點左黃金蟹+蜜香骨, 隻蟹都好好肉, 好鮮, 正, 蜜香骨之前都食過, 水準一樣, 好味...

本來打算去金鳳剧扒的但因為去到見到要排隊~而且侍應亦無咩禮貌於是就再搵第二d野食行過辣蟹莊，見到佢有d特價見幾抵下~於是就入左去食其實耐唔耐都會黎食野因為本人好好好鍾意食蟹！！但今次就無叫到呢度好出名既避風塘炒蟹只係叫左幾個小菜蒜蓉清蒸扇貝豉椒炒大蜆 燒汁牛仔骨 避風塘海鮮炒飯 最初以為只可以叫一款特價小菜但經侍應確認下知道可以試晒兩款~本以為會變相細碟好多點知原來無變架~絕對無將價就貨，抵讚！而且碟蜆仲無話好多空殼，差唔多每隻都有肉~牛仔骨亦都好好味~不過稍為濃味左d~佐飯食會好d 加上今次係用燒汁，有別於平時食開既黑椒汁所以少左d辣味，會比較易入口反而碟炒飯就無咩特別~侍應態度唔錯換碟亦很快手~一餐飯幫我地換左兩次碟值得一提既係侍應無因為我地叫平價野而俾面色我地睇~今時今日呢種服務態度先得架麻！

昨天是我慶祝生日，看有些雜誌報道,想去食辣蟹,我想去銅鑼灣辣蟹莊試下啦!因為我喜歡吃海鮮.我們叫了辣蟹,黃金蟹, 椒鹽尿蝦皇、粉絲蒜茸蒸扇貝,走地雞,皇帝菜等, 每樣餸都好味.辣蟹和蝦皇超多膏有十分新鮮,以前我要去西貢吃海鮮,價錢十分貴,但現在所以在辣蟹莊吃到新鮮有好味道的餸菜.價錢是十分合理.我們五個人都覺得十分滿意.總括來是一間有水準的海鮮菜館.

真係全部野食都係勁炸除了海鮮類, 其他可以唔食

宵夜想食避風塘既辣蟹,於是落銅鑼灣搵食,始終都係一個避風塘美食集中地!叫左避風塘辣蟹,鹽水蜆,炒通菜同金沙雞翼!避風塘辣蟹肉質實,啖啖肉,咬落去熱辣辣,仲有煙冒出,好鑊氣!very good!鹽水蜆夠味,味精落得幾多,不過味道咁先好,蜆比較細隻,粉絲比較少,或者因為咁,所以覺得每一條都咁好食!炒通菜都好有鑊氣,又係熱辣辣出哂煙嗰隻!金沙雞翼做法同蟹差唔多!總括嚟講,幾好食!

在這裡吃了個生日飯, 都是朋友介紹的. 我不曉得,所以一切都由朋友拍板.魚湯蜆- 個湯好甜，ｄ蜆好鮮又無沙，正！煎封黃倉魚- 一向不吃魚的我，竟然吃了一口，也會繼續吃下去，因為太新鮮，又香口！！黃金蝦- 簡直是極品！！咸蛋好香，ｄ蝦都好新鮮！避風塘雞翼- 很熱很辣很熱氣，不理不得了，那個避風塘的料實在太吸引！不吃雞皮的我竟然又吃了大半！！黃油炒麵- 相貌跟大排檔的炒麵沒兩樣，但出奇的很香，應該是蟹油作崇！！！加埋黃金蝦的咸蛋來吃，Wonderful！也叫了兩個菜，和一個牛柳，但這兩個則沒有太特別．質素比想像中好～而且又不收加一，請埋壽星女也只不過是$120，這個價錢吃海鮮，得呀！