華星海鮮酒家 (已搬遷) 新店位置

睇到華星喺數字週刊賣全版廣告，鮑翅餐三舊水有找，馬上飛身call兩個老友去食翻餐好嘅！去到點菜，梗係叫呢個套餐啦。有碗標榜住足三兩嘅魚翅，仲有6頭鮑魚添。再加一個小菜，應該好掂喇！ 另外仲加咗一個經理推薦價值250蚊嘅粉絲蟹煲。叫小菜時，叫咗一碟北菇畤菜，問個部長有乜時菜，佢竟然答：唔知喎！廚房俾乜菜，由廚房决定，無得揀！我當堂封咗呢個部長做偶像。劉華都要再出嚟再陪訓先至掂囉！點知個碗翅一上嚟，當堂記得光棍佬教仔，便宜莫貪。我諗連埋個碗就可能有三兩翅喇！正當心中暗叫不妙之際，個鮑魚上枱，嘩，眞係同個廣告差天同地！直情要告俾消委會知！好心佢改咗幅相，唔好誤導消費者，重失咗D翻頭客添。諗住正價嘅粉絲蟹煲上枱，仲濃埋添。呢舖都算係貨不對辦、廣告誤導嘅代表作！

做冬同屋企人出去, 揀左係尖東, 人唔會太多, 7 點鐘去到都有好多枱等人, 差唔多到8 點先坐滿成間酒樓.見到報紙一心食全羊宴, 水準都不錯. 屋企人都食得好滿足頭盤一次過黎左羊肉片, 羊肚絲同羊肋骨. 三樣之中羊肚絲最開胃, 羊肚絲爽口, 另外有落少少wasabi 汁, 屋企人好快就掃晒. 羊肋骨係椒鹽, 肉質鬆軟, 又唔會太乾, 唔錯. 但頭盤之後開始失色, 鐵板京蔥羊肉片, 落酒又點火, 又加上鐵皮熱石保溫, 賣相好睇, 但味道一般. 羊肉嗱得西利, 冇晒羊味, 只係滿足視覺享受之後的砂窩羊湯味道太鹹, 烤羊脾太乾, 羊腩煲亦不過不失. 一輪羊肉過後係薑汁炒芥蘭, 芥蘭爽脆, 但未夠薑味. 最後羊肉撻的羊肉味不夠, 撻皮太濕太淋, 屋企人大多數都只係食個菠蘿撻面. 大家都懷念羊肚絲最好味, 雖然後面d 餸既水準唔係咁多, 但係可以一家人食飯做冬都係溫暖既.

又到另一位同事生日，幾位友好的相約去吃餐飯慶祝，這陣子，好友頻頻慶祝生日，吃完一餐又一餐，真幸福。今次靚女玲介紹此店，因為吃開有感情。雖然酒樓座落在尖東的一隅，又不是週末，竟然不乏捧場客，看看餐牌，已有大閘蟹套餐推出，價目亦見相宜，但這晚未有心理準備，因羅漢請觀音，倒不如一人點一個菜，結果點了這些：燒腩仔 首先送來，皮脆，肥瘦相隔，不過鹹，肚餓時吃份外好味。砂鍋魚頭煲 我最愛吃魚頭，加了冬菇豆腐同炆，大魚頭先經油炸處理，香口但仍有泥腥味。沙律骨 這味質素較差，一來骨太多，並且骨見粉紅，狀似未熟透，其實應熟，二來沙律醬太多，有點喧賓奪主。粉絲蟹煲 有肉蟹一隻，蟹蓋頗多膏，唯怕膽固醇，淺嚐即止，粉絲炒得較乾身，同檯五人各有所愛，有些愛乾身，有些則愛濕濕地，蟹肉香甜新鮮。西蘭花炒帶子 帶子炒得鮮嫩不過火，西蘭花亦不太腍，像在婚宴吃的水準。豉油皇炒麵 大家本想點白飯，但由於是慶祝生日，取其意頭，倒不如點碟豉油皇炒麵，夠鍋氣，條理分明，水準之作。綠茶麻蓉煎堆仔 是酒樓送的甜品，新鮮熱辣，麻蓉餡頗香，雖然很綠色，但無綠茶味。是晚自來紅酒不收開瓶費，杯來杯往，醇酒美人，主人家開心不已。

之前都黎過....因為$148任食, 4位1位free, 另加一加$20茶芥, 所以就 8 個人去, 因為係最抵嘅收6位價錢, 另外每一位都有一啲特別菜送, 食過幾次都 ok. 所以就再黎食...點知今次就出事喇....我地 7:30pm 入座, 一坐低就彭彭聲入紙. 但待應只送上五寶比我地...而每一樣餸就相隔十幾分鐘 (但其他入嘅單一樣都矛黎到)等咗 50 分鐘 (我地已經不停追問) 仍然沒有點單嘅野食.我地前後入咗 3 張單.....我啲火已經向上升..then..我再追問個部長 (我問佢時已經充滿水藥味) 點知道佢入完廚房出番同我地講唔見咗張單....佢老鼠丫....真係火都黎呀 但當然緊係彭彭聲再寫過張單比佢先啦真係餓到我地屎屎下今次就好快有野食..點知食食下有好多相同嘅野食出咗黎... 我地就估之前 3 張單沒有唔見...係佢地吹水 jack點知有一個傳菜亞毛攞碟餸出黎. 我地話已經黎咗喇...佢居然話禾地亂寫單....我即時著火....話比佢知唔係我地亂寫單...係你啲同事話唔見咗張單我地再寫過咋好喇....黎咗第一個 round 之後又停咗...我地又不停追單點知佢地

同屋企人親戚來華星做節第一次來,先前一直都唔知有間酒樓係度…..去到感覺唔錯,環境光暗度岩岩好值得一提係個整豆腐花既女員工,好nice明明好busy都幫我地夾麵..因為我地4個o靚仔o靚妹坐埋一圍親戚就10幾個坐埋一圍!!!!食物….叫左個小籠飽,鮮足卷,流沙飽,咖哩土”油”….etc最好味係個流沙飽,好夠熱….小籠飽個皮就唔夠簿….其他都好一般*仲有番茄麵><”12點坐到2點~~兩圍食左700幾蚊另外,佢有個88蚊8個點心豆腐花好味

12月13日（星期一）晚，是晚食友子陵兄搞全羊宴飯局，我和女友皆嗜羊，怎會錯過？我們未夠七點半已經到了酒樓，但見人頭湧湧，客人絡繹不絕，原來這裡除了做港人生意外，亦兼做遊客團體餐，難怪如此好生意，等了約二十分鐘，終於有檯可以坐下來。其實子陵訂檯時已說明是吃全羊宴，不過一行十六人，食物方面要加多半席，另外子陵兄深怕食物不夠吃，所以落單時加多條清蒸青斑和生炒糯米飯。因店家不收開瓶費，幾位食友都帶了美酒來，品嘗美酒的同時順道等其他食友，人齊了，亦可以開席了！白切東山羊片：口感和味道都十分似勳蹄，不過雪得太久，大大影響其食味；撈金錢羊肚絲：肚絲爽口，加上簡單的調味和蔥一起吃，十分美味；鐵板京蔥爆羊片：除了用鐵板上之外，上檯時還灑了小小酒上面，增加了視覺的享受，亦令整個菜更加惹味；羊片不韌，京蔥亦很香口；椒鹽羊肋排：賣相不佳，且覺得很肥膩，不過是整晚唯一吃到稍有羊味的一道菜；砂鍋手抓羊：羊湯味道不算鮮甜，亦吃不出手抓羊有何特別之處；蒙古烤羊脾：原隻羊脾由廚房送出來再在客人面前切片，做法有點像北京填鴨；羊肉果真嫩滑，配以孜然粉和店家自製的醬汁，味道不錯；華星私房羊：其實是一大窩羊腩煲，羊腩軟腍卻不

自來羊肉都不是南方人擅長主理的食材，卻無意在報章的廣告中，見到一間粵菜海鮮酒家推出一席全羊宴，這引起我的好奇心，決意組團一試高低。酒家位於尖東的幸福中心，訂了八時一張大檯，在提早約七時半到達之下，發覺酒家主力招呼一眾旅行團的團體餐，忙得不可開支，到七時九才能給我們大檯，知道現今食肆生意不易經營，值得體諒。十六人之下，原本一席的全羊宴也加多半圍，先來的兩個冷盤，用金錢羊肚切絲，伴上蔥段和薑絲，再淋上一個惹味醬汁，口感爽脆之外，也十分開胃，至於連皮的白切東山羊片，原本也算爽嫩，可惜放入冷櫃過久，令有點雪還未溶解，不免失色。正值當晚天氣寒冷，第三道的鐵板京蔥羊肉片，正是來得合時，上桌時除了有燒紅的鐵板外，食物上面更鋪上石舂，再淋上烈酒，立時火焰衝天，羊片十分軟熟，配搭甜味的京蔥，效果不錯。至於第四道的椒鹽羊排，有點毀譽參半，有人略嫌油炸搶去了原味，另有一些食友覺得尚算香口。再來兩窩手抓羊湯，上桌時用爐火滾著，喝了一口湯，其羊味不濃不淡，以火侯來說，是可以熬多一點時間，可惜內裡有少許味精，甘筍是臨上桌才加上去的，爽而不淋，事後忽發其想，如果立時來一碟生麵，即滾即吃，索盡湯汁，飽肚之餘，也添多兩

全羊宴~~~$1280一圍 見佢咁平~冇咩期望~~食貪成班fd可以坐下吹下水~食o既野又有主題咁~~點知d羊真係幾好食喎~~跟返張圖順序講~~1.好似薰蹄咁~~但羊肉濃味d~~上台一陣就冇晒~2.有d辣~因為我少少辣都唔食得,冇食到~~~但我d fd話正~3.份量唔太多~~會淋d酒上去點火~~~有d酒味幾香~4.賣相唔討好,但上菜果個哥哥係咁話呢個好食~果然冇講大話~~5.呢個普通~~好"舊"骨少少肉~~6.烤羊脾正停唔到手~~好大隻~~7.羊腩煲,好多料o係入面~~8.我唔係咁食芥蘭的~~但見佢d菜咁靚~都食左好多9.飯後小食,都唔錯~不過食呢d野冇野飲真係幾惡頂~但果度汽水賣$12罐另外~我唔知果度會唔會睇你幾多人到就個份量出~~我得7個人去食~~初初都驚食唔晒d野~~點知都係o岩o岩好~~~

睇睇吓雜誌, 見到呢個廣告$148/一位? 雖然得一隻大閘蟹, 都好抵啦!!!等唔住約齊人買一籮返黎了...最多唔夠食咪加多2隻囉...打去BOOK位...聽到未聽過有間酒樓叫華星去到幸福中心, 有代客泊車個翅真係真材實料, 冇得頂呀!每人一隻大閘蟹, 雖然好細隻, 但好正好正 +$200仲會有3隻添小籠包...食緊大閘蟹時黎...個皮硬哂!!! 仲有2個小菜埋單 $370 好抵呀!呢間酒樓勁新, 應該係新開好似好細, 不過都有旅行團黎食喎!不過佢地真係唔識上菜...明知食大閘蟹, 你上其他餸點食得切呢?

$148任食, 4位1位free, 另加一加$20茶芥,8個人去就最抵啦~收6位價錢, 有一隻片皮鴨 + 半隻龍蝦 + 一隻鮑魚 + 2條斑 + 迷你佛跳牆,仲有 30 款小菜任叫任食,有魚、蝦、蟹、蜆等等,雖然唔係話咩貴野, 但勝在樣樣都係新鮮, 即叫即煮,食得出唔係一盤盤 "畢" 上碟果 d~~~係 d service 真係慢左 d law~不過都唔差架啦~

琴晚同左女友同班fan去左呢間店幫個fan慶祝生日,去到都唔算滿坐,d小二服務態度唔太好,一坐底就見到佢地黑面,而且經常漏單,要不斷去催先有野食...講番d食物先,呢度d野食只算係ok,佢有五樣野係送o既,包括一人一個所謂佛跳牆,半隻龍蝦,一隻飽魚,同一碟片皮鴨,半條魚,呢5款野竟然係食餐飯最好食o既...另外再有三十款小菜比你任叫,有白灼蝦,炒蟹,炸曼頭........呢三十款小菜的份量好少,而且味道唔係太好,比較好o既係炒牛肉,炸曼頭同d菜,另外果d真係.....好似d白灼蝦咁,d蝦肉好煤,唔太新鮮.......我地埋單一人一百八十元左右....呢個價錢o係出面一定可以食到d更加好同份量更多o既野,如果要去真係要衡量一下植唔植!!

食物質數 :北京片皮鴨 - 唔錯蒜茸蒸龍蝦果 皮蒸鮑魚 清蒸海石斑 - 味道可以 當然都唔方會俾大隻 (石斑熟左少少) 迷你佛跳牆 - 不過不失 白灼海生蝦 - 好 豉椒炒大蜆 - 味道 ok 但有沙 粟米石斑塊 - 難食 豉椒炒青口 - 不過不失 但個人對青口麻麻豉油皇海生蝦 - 霉 乳香豬頸肉 - ok紅燒滑豆腐 - 馬馬虎虎 薑蔥牛肉 - 咸左少少 但個人幾鐘意食佛山汾蹄 - ok 蜜汁叉燒 - 普通 涼拌海蜇 - 幾好炸饅頭 - 好食天津狗不理 - 普通服務前段是不錯的 當正在吃龍蝦 鮑魚時又來左自選的菜色但去到中段時勁多冷場 好似 MISS 左 D ORDER 咁呆坐的時間都唔少其實都係得間野都係得半滿

13Jun08 提早食父親節晚餐，但是非常差勁的一餐！五樣只來一次，不可以翻叫的食物：1. 蒜茸蒸龍蝦 (每位半隻)味道可以，但太細隻了，只有二、三啖肉就食完！2. 迷你佛跳牆 (每位壹盅)呢個太離譜、太過份！D 湯又肥，又少材料！只有幾粒指甲般大小的瘦肉粒、加一隻雞腳、再加一粒響螺！非常差！3. 清蒸海石斑 (好細的一條魚)味道ok，但細條得好可憐，好似都未發育好，就被人擺上檯。4. 北京片皮鴨 (4-7位半隻，8位以上壹隻)好肯定得四分一隻，真係得鴨皮，沒有肉的！(想知道d 鴨肉的下場)味道不行！5. 果皮蒸鮑魚 (每位壹隻)又係細細粒，但蒸得幾冧。有三十一款任食的食物：1. 白灼海生蝦 最ok 的食物，叫了四碟。2. 豉椒炒大蜆 味道普通。3. 粟米石斑塊 大大碟， 勁多粉，味道平平。4. 豉椒炒青口 估佢唔到咁多獻汁，好難食！5. 蒜茸炒勝瓜 無叫6. 椒鹽翠肉瓜 無叫7. 豉油皇海生蝦 勁咸！D 蝦又霉霉地！8. 菠蘿生炒骨 可以接受。9. 上湯浸菌皇 點解會

我呢個飯局攪手又去試新0野啦!!今次係睇到雜誌0既介紹,又見到咁抵食,咪去試一試,因為坊間確實好少中式任點任食,就算平時我唔係咁鍾意食中菜都因為佢0地價錢相宜, 食物豐富而被吸引我0地食得好飽,每枱有限量0既龍蝦, 片皮鴨, 佛跳牆, 海斑同楊枝金露外, 任點任食仲有海蝦, 鮑魚仔, 炒蜆, 石斑塊, 素菜, 饅頭, 冷盤小食, 總之一班人一定食得開心, 價錢百零蚊一個人, 仲要四個人去其中一個免費, 你話0係邊度搵, 唔怪得我去0個日平日都咁爆場啦!

I just went there yesterday night and really eat a lot there.The buffet is really good for all the food served. I typically like the lobster and the fish.The only food that I think not that good are the deserts. (But still acceptable)They still offering buy 4 get 1 free (4 persons but pay for 3 person only)The food portion is more than enough and I would recomend you to tell the waiter not to give that much. Otherwise, you can taste all the food there.