潮館 (創紀之城五期(apm)) (已結業)

晚餐唔知食咩好，於是由媽媽拍板選擇，老人家始終鍾意傳統中式🤭，鍾意有飯落肚😆。喜歡早食晚飯，當日係平日6點就入座，不用排隊還有卡位座。套餐試過，今次來個單點小炒👩‍🍳：⭕️咕嚕肉🍍🍖🫑啖啖肉，無骨，甜酸汁味道調得剛好😋！⭕️蒜蓉炒菜心🥬菜心有鑊氣，亦唔會太硬或者炒得太老。⭕️酸菜魚🌶️🐟份量好多，賣相吸引令人胃口大增🤤，但麻度太重，整個味道失平衡，魚肉嫩但唔入味，被麻味覆蓋。食過幾次了，食材新鮮，不過幾次下來有個共通點，就是上菜速度等太耐，幾乎上完一道，才上第二道菜，白飯食完才上第三道菜，真是極度需要耐性等！好需要改善的地方。

方魚炒芥蘭芥蘭夠大條，炒得有鑊氣，而且唔會好生、硬，反而配菜方魚唔出味，看似起鑊前再加上去。滷水拼盤食過好多次了，好穩陣嘅送飯菜式，😋唔會單一咸味，滷水味多層次，底部還有白蘿蔔，唔錯。什菌花膠豆腐煲看似細細煲，其實幾足料，好多豆腐，豆腐滑，花膠都唔差，味道唔錯，芡汁稠度剛好。清蒸花尾龍躉仔蒸得剛剛好，配襯甜甜哋嘅蒸魚豉油同葱絲熟油，魚肉質嫩滑有鮮味。瑤柱蛋白炒飯份量好大碟，飯炒得粒粒分明，飯略嫌乾身左少少，蛋白唔夠融合於飯中，分布不平均。鑊仔胡椒豬肚雞最期待的，可惜最失望，淡無胡椒味，豬肚和雞無味而且切得大細不一。

家族團拜揀喺呢一度食， 訂咗兩圍全包宴 ，仲可以有獨立房間， 雖然唔係好闊落 ，但勝在可以隔聲， 放心傾計和享用美食。 酒席菜式都唔錯， 份量十足 ，好食兼大件 ，價錢仲要好抵， 四千零蚊兩圍好味豐富嘅團拜宴 ，實屬難得。 全包宴有十樣餸 最好食就梗係炒班球 ，其次就係鮑魚 ，第一碟潮式拼盤都唔錯 ，最難得就係有一碟淮山上湯浸菜苗， 菜靚湯甜， 少油少鹽， 非常健康 。豉汁蒸頭腩就鹹得滯， 失敗之作。 梅糕排骨同埋炸蝦棗都不過不失， 紅燒海味會生翅就比較行貨， 所以剩咗好多， 糯米飯都炒得好好， 最後嘅脆皮雞冇人食， 可能係分量太大，大家都食飽了。 反而壽桃就有人爭， 可見甜品係必需嘅 。呢度嘅服務就差啲 ，但係可以自己斟茶就係一大優點， 就算搵唔到侍應都唔緊要，自己動手， 豐衣足食。 下次有聚會都可以揀呢度。

大年初五食飯，幾個家庭，有大有細，細至一歲多，大至六十多，我們坐「金廳」，裝飾都好得體，座位尚算寬敞，夠寧靜。我們叫了二三十碟點心，份量好足，侍應忙得來，也不時巡視要否幫手，唯一欠奉的是，煲熱水的電器，發熱不夠，水煲得不夠熱，不夠滾，茶壺有少少破裂，倒水時會倒瀉之餘，長輩都覺得不吉利。但人均消費一百元左右，這個價錢，這個「食極都食餘很多」的份量，加上這樣大大優雅、清靜的環境，。不計電器和茶壺的因素的話，算是非常不錯，值得推介！

新年諗住黎飲茶，黎到啲人都黑口黑面，好多點心都只可以話暖一啲都唔熱，啲腸粉蒸到爛曬，最搞笑係點左個伊面，黎到嘅時候o左咀，點解同張相差咁遠，見到有個男侍應想問下佢咁樣係正常？佢態度極差咁講：咩呀都唔知你up乜，啲野係咁架啦。我都廢是再問落去，不過以後唔會再黎

三人行正在找晚餐落腳點時，見到有大大隻字寫著晚市三重奏$228及另一廣告牌寫著加$1有鹵水鵝片，所以最後決定試下。晚市三重奏有三道餸菜，每日不同配搭，是日星期四分別有胡椒咸菜豬肚湯🫕、鹵水拼盤、豉汁蒸白鱔。胡椒咸菜豬肚湯🫕湯最快上枱，湯水少其豬肚咸菜就量多，每人飲了一小碗就已經所剩無己。湯好夠味，好有胡椒味道，而且豬肚好軟身，好食！鹵水拼盤比想像中大碟，底層還有入味蘿蔔同鹵水豆腐，送飯一流！豉汁蒸白鱔即蒸完上碟食係好好味！蒸魚豉汁略帶微甜中和豆豉嘅咸味，白鱔肉質嫩滑。$1鹵水鵝片當然份量不會多，但鵝肉一樣入味好食。整體感覺唔錯，份量互相搭夠係屬於多，味道有水準值得回味！

同屋企人行完Apm，見到呢間晚市套餐好似幾抵食，所以決定入去試吓。叫左個半席龍蝦潮食宴，平日收費$1088/6位。總共有10款菜式，4罐汽水，食物份量足夠，最後仲打包左糯米飯走。味道大致正常，略為偏咸，但都可以接受。食完真係好飽，呢個價錢食到呢個質素，加上坐得舒服，好適合一家大小行完街坐得休息下，絕對超值，性價比都算高。最後仲有6個熱辣辣的壽桃，壽桃好食，不過唔記得影相，以呢個作為甜點結尾都唔錯。

等20分鐘未有食物送來，請服務員跟進，他們說已追了。過了10分鐘仍未有來，第二次追，才發現沒有落單。哪為何第一次話已追呢？亂咁噏。可能香港人服務業仍然需要調整，未必會重視客人要求的處境應用來作反面教材。

今日嚟到呢一間酒樓諗住食個下午茶，突然之間好想食點心所以就喺創紀之城嗰度搵咗一間茶樓黎食。呢一間茶樓都係某一個大集團旗下嘅茶樓，以為會有信心保證，但佢哋嘅點心都令到我哋非常之失望。我哋嗌左一個蛋白嘅燴飯，個飯十分之濕而無味，而且啲飯粒都非常之軟，成個飯非常之淡茂茂。蝦餃同燒賣嗰啲經典嘅點心就普普通通，反而有點驚喜嘅係佢哋嘅XO醬炒蘿蔔糕，佢哋嘅蘿蔔糕係切開一細一細舊咁樣去炒，所以每一粒都好鬆脆同埋香，總括而言，呢個價錢同埋佢哋嘅質素來講，性價比一般

行過APM見潮館多人等位，以為這家潮州菜一定不錯。誰不知大失所望，是我食過最差的潮菜館！1. 紅燒雞絲翅下單前已經問是什麼份量，回覆說是二人的。上台時一大碗已經察覺不妥，收這個價錢，給這麼大碗，已經心中有數。果然芡汁太厚又冇料。十分之難食！2. 沙茶芥蘭牛肉芥蘭太老太硬！3. 黃金煎麵潮州煎麵自小已經食過多家（潮廳、滿樂、金燕島、潮江春），這家真的「不值一提」！總結：食物唔好味，就算幾平都冇用，不應將貨就價！原本想試試潮館的點心，經此一食後，不會再幫襯！

星期六放假緊係要同阿婆去飲早茶😄聽講潮館做緊優惠，連星期六都有11點前埋單6折👍🏻（星期日及公眾假期就要9點前，太早了😳😓）8:30去到已經人山人海勁多人😱不過好彩地方大，我哋2個人又搭枱，好快入座✌🏻QR code落單好方便，全部都有圖片對照👍🏻好快就㨂曬野食，飲水仙茶😛叫左6樣野：煮生菜🥬香茜叉燒腸粉、蝦餃、芒果布甸😋同埋婆婆至愛既鳳爪😆叫曬2隻味，比佢食個夠🙌🏻腸粉皮太厚，料有啲少🙈蝦餃好新鮮熱辣，真係有蝦肉👍🏻蒸鳳爪有啲辣，藥膳鳳爪好惹味，好冧的，個湯好清甜😄婆婆食得好開心🥳芒果布甸就細杯左好多😢可能因為做優惠⋯整體感覺都幾好，大大間都乾淨，食完行下apm 消化下👌🏻

如果晚餐不想吃太多，又想找個地方喝喝茶，不妨到觀塘apm潮館，每晚都會有一個一蚊的餸菜優惠。 今晚是一蚊一斤蝦，送的蝦不要有大太期望，這樣便不會有失望。 我們只點了一個酸菜魚， 魚片非常多，裏面還有冬瓜，芽菜，粉條。 這個價錢茶餐廳也要啊。

今天人流尚算寬敞，原本唸住一早攞定飛，但發現仲有好多位，可能折扣優惠已經過左啦。座位寬敞，樓底高，裝飾別致，充滿中國色彩。好彩店員安排左廂座俾我地，如果唔係我個女坐唔到。我地叫既點心，大部分都係三十幾蚊元。叫左蒸蟹籽燒賣、豉椒排骨、煎釀虎皮尖椒🫑、炒米粉、蒸鮮蝦腸粉、鮮炸鯪魚🐟球、懷舊臘腸卷及白灼生菜🥬。味道還好，食物亦熱辣辣。最欣賞係炒米粉及鮮炸鯪魚球，米粉係幼身嗰隻，米粉無糊，條條分明。而鮮炸鯪魚球，香脆可口，略嫌醬汁酒味過重。

服務質素十分差劣，不會再來。俾漏掃單二維碼，仍堅持己見。如果唔係另外一個staff 叫俾返，我相信我攞唔到佢果張點心紙同佢QR code 上面差幾遠......食物質素係唔差，但服務質素真係好唔掂。

上星期日晚在這吃晚餐！這店埋單是取單在門外結賬！門外大約有七至八人在排隊等候埋單！當時看到一位阿叔與收銀姐姐在爭拗！這阿叔亦是我的鄰居！當爭拗其間見到這個收銀態度很惡！很惡氣地指住阿叔叫他自己用手機！還鬧阿叔又乜又乜？？？題外話這女收銀員一向以來我成公司都覺得她態度不好！但公司在樓上所以久不久都光顧！不久在商場遇上這位阿叔！在好奇心下查詢這位阿叔剛剛在潮館爭拗甚麼！阿叔就將成件事講出來....第一件事原來他用這裡餐飲卷！他有$50及$20想用但收銀員說只可用其中一款用$50就不能用$20！還叫阿叔在餐飲優惠券按照指示做...當時見到阿叔可能因為年老關係！看著部機跟收銀員指示按確定！阿叔同我講又被收銀員鬧為何按得咁快！話佢連按兩次確定！佢話都唔知點解？又可能自己細力,按確定之後好時間以為部機無反應,所以大力確認！當時收銀員係咁嘈阿叔話佢未抄號碼！阿叔話未按機前佢完全沒有講整個過程要比佢抄號碼！如果要比部機你睇及抄號碼要咁多步驟點解收銀自己唔去按呢！阿叔話比錢,收銀員唔肯,話潮館已經被人入了$100元入去潮館account！要阿叔去商場counter揾番號碼先可以走！阿叔話你咪當有人在另外