翠亨邨 (利舞臺廣場)

營業中

休息中

本來是熟客，但係試過佢的炒飯質素都知參差，今次仲比錯野，前台落單態度非常惡劣，根本是吾憂做的，極失望，因此不會再在銅鑼灣堂食及外賣，從今開始永久black List

今晚原本慶祝孩子的爺爺生日，可惜在點菜時，請了一位女部長過來，不過她絕不耐煩，在我一味一味點菜的時候，她以不耐煩的態度回應，並在我嘗試在餐牌找最後一味長壽麵，而當我在翻閱菜牌的時候，竟然拂袖而去叫我自己再睇睇。這樣的服務態度，難怪全部香港人上晒深圳消費了。香港比呢啲咁嘅服務質素搞死了。

Book 左位, 同家人做節食飯杏汁白肺湯：好飲的乳豬拼叉燒：乳豬脆，叉燒OＫ羊腩煲：估唔到唔係有火地鍋上， 係食到咁上下， 職員再幫你拎走加生菜，我鍾意自己熱住咁自己鍾意幾時食就幾時加咁食羊腩煲士多啤利骨：普普通通時令煲仔飯：飯同餸分開上，未試過咁食，無左平時一鍋過的煲仔飯感覺瑤柱蛋白炒飯：等左半個鐘先黎燒茄子：屋企人話好食的，但個人覺得太咸XX時蔬：普通到不能 (但出去食菜就係咁, 我都明)戲肉雀巢XX雞丁：落左單見過左15mins未黎，其他野都上晒，所以吹吹個餸；再等多15mins唔見，其他餸都食得８８９９，所以同職員講未到，幫我地取消佢。轉頭返黎話剛剛落左鑊，但家人話我地吹左兩次宜家先落鑊，其他都食完，所以唔要個餸了。以為完左，咁大家諗住食糖水order糖水時，職員同我地講，你地要糖水呀，要等好耐架喎。ｏｋ　ｆｉｎｅ！

星期五我阿媽突然之間話想食大閘蟹，諗起當年對翠亨邨嘅經驗都幾好，所以就試吓翠亨邨嘅大閘蟹去套餐. 因個人有皮膚敏感所以我淨係嗌咗兩個餐俾我爸爸媽媽自己就哎左啲燒味同菜. 先講味道，翠亨邨收得九百幾蚊一個位，我會以為啲大閘蟹應該有返咁上下質素，點知仲差過街坊酒樓啲大閘蟹套餐同埋啲鞋係冇乜糕. 大部份套餐嘅餸上到枱都係凍嘅，因為冇唔夠人手送出菜變相好多時候你會見到啲餸喺附近放咗喺度，但係冇人送上枱. 叉燒叉燒好乾同沒有味. 乳豬乳豬皮好鬆化不過隻豬好肥基本上係冇肉只係肥膏. 所謂比較做得好些少係個蒜蓉炒菜心白飯同埋湯圓.餐廳好似冇乜人做嘢，廚房好似得一個師傅煮嘢食咁. 其實個個人都係嗌大閘蟹套餐，基本上好似酒席咁應該啲嘢出得好快，但係調返轉我哋食咗兩個幾鐘，仲要冷氣好凍，兩位老人家識得好唔舒服啲餸菜因為冷氣凍再加上冇人餸菜，所以好快嚟到已經係唔熱.結果買單食咗二千零蚊，但係如果我同樣地喺銅鑼灣食過大閘蟹放題都係$500一位，我相信我爸爸媽媽會食得開心好多唔會食完好似俾人呃咗嘅感覺一樣. 仲要一個風險兩老因冷氣太大會冷親. 冇下次其實美麗華旗下嘅餐廳同香港人成長咗好多年，如

上週五同同事一行十人到翠亨邨進行午餐。食物味道不錯，但係服務一點也沒有，也襯唔起「翠亨邨」呢個品牌。同事一早訂好枱，一開始就同職員講，十位。阿姐帶咗我地入去之後，連茶🍵都無問就走開咗。當時成間餐廳，只有幾台客。係唔係真係忙成咁？差一套餐具同凳，又無人理。坐低10分鐘覺得唔妥，即刻大大聲哎茶。要求加位加餐具，洗完餐具，茶鐘D水滿曬，又無人理。叫侍應過黎幫手，果個侍應都算隨傳隨到，係門口跑過黎，請問究竟間餐廳有無請夠人嘎。全部要主動請求樓面職員幫忙，否則完全無人理你，包括加水，所有都要大聲哎。唔哎，就好似孤兒仔無人理咁。唔係熟客只可以有呢D待遇。雖然食物質素不錯，但係請改善服務質素，收咗加一服務費嘎。

一家人食飯黎到銅鑼灣翠亨邨食晚飯，泊車都方面。之前食開尖沙咀美麗華分店，今次第一次到銅鑼灣分店試食。現場環境舒適，感覺沒有尖沙咀店的壓迫。及環境較安靜而服務員很有禮貌，非常勤快碗碟及主動要求幫忙。(或者尖沙咀店實在生意太好服務員都無時間招呼我們）食物方面跟尖沙咀店的質素一樣，都是很有水準。今日點了雞包翅，味道夠及材料十足，豉油雞質素依然，雞肉很滑，豉油味夠濃。反而略嫌甜品位，杏仁茶很稀，有糖像喝水的感覺。其他大致滿意，會再光臨。

星期三夜晚同老公去翠亨邨慶祝老爺生日。因為有$500 coupon，所以揀左黎翠亨邨，扣完埋單都要$1338.1，好貴下，又唔係好好食。老爺揀左要香煎腐皮素鵝、超值鮑魚餐B，佢自己再叫左支黑啤飲，茶就揀左菊花茶。香煎腐皮素鵝腐皮摺成一層層去炸，都幾脆，層次分明。超值鮑魚餐B蜜汁叉燒比較爽既叉燒，但我鍾意腍身既，蜜汁味唔係好有，旁邊係好好硬既黃豆?!紅燒竹笙雞絲翅略鹹。蠔皇扒原隻湯鮑配海參鵝掌正正常常。頭抽鱈魚球頗油，所以先整到鱈魚外脆。甫魚炒飯都分到六碗，頗油。燕窩杏仁茶呢個唔錯，燕窩量都夠，甜甜地。

喺銅鑼灣完咗個活動之後，諗住同班朋友食啲嘢，於是我哋就一齊去到位於銅鑼灣利舞臺廣場搵間茶樓飲茶，發現有好多間都爆晒棚，其實都好正常🥹星期日一定好多人，當我哋去到翠亨村嗰一層就發現咁岩有位，於是就即刻入去食😂我哋五個人食都嗌咗唔少嘢食，買單每人都要三百幾💸💸💸💸⭐️一共食咗16款點心😋😋⭐️我就唔逐款逐款介紹啦🤭⭐️脆脆炸蝦腸👉🏻三個層次口感嘅腸粉🥰第一層係滑滑嘅腸粉皮，第二層係脆脆嘅網皮，第三層係爽口彈牙又多汁嘅蝦😌係出面食過咁多款脆脆蝦腸，翠亨樓係做得幾好食😋👍🏻⭐️魚子蟹鉗燒賣👉🏻第一次食呢一款嘅燒買，有魚子同蟹鉗放左係面，提高左成個燒賣嘅質素，平時食開都係得蟹子，今次係三文魚子😍暖暖嘅又未熟嘅魚子都係第一次食，加上一粒無味純白白蟹鉗肉🤣 ⭐️椒鹽脆皮豆腐 👉🏻外脆內滑的脆皮炸豆腐，好多酒樓都有出過，感覺都平平無奇😋大家都炸得差唔多😂😂⭐️蜜糖蛋散👉🏻外面鬆脆，入口即溶嘅蛋散，外層有一層簿簿嘅蜜糖👍🏻又唔會太甜🥰 ⭐️淮山配麻醬（唔知叫咩名）👉🏻無諗過淮山同麻醬係咁夾🤤🤤不過淮山表面有層簿滑嘅液體保護，所以好難沾上麻醬⭐️馳名燒味 脆皮燒腩仔 拼 皇牌蜜汁叉燒 ⭐️XO醬炒腸粉 ⭐️香煎蓮藕餅⭐️白花釀

好友相聚，飲茶是最好選擇，一來飲中茶健康，二來食點心選擇多彈性大，三個人飲茶，是最好的組合，因為現在一籠點心多數三個，記憶中以前一籠點心四個，通貨膨脹了。😛今日叫了鐵觀音，雖然是茶包，但是高質的茶包，清香怡然，沖幾次都仲好香。👍數樣點心中最好是滷豬腳仔，煮得夠軟夠入味，補充豐富骨膠原。上湯鮮竹卷也很好，軟軟的腐皮有豆香味，包住鮮肉和蝦，非常和味。😋最後的甜品芝麻卷也是出色之作，軟糯的黑芝麻卷灑上白芝麻，香上加香，養顏而不肥膩。每天飲茶品餚，人生一樂也。😀

今日去銅鑼灣，利舞台，去到22樓最頂層翠亨邨食午餐。成日都聽呢度嘅叉燒好出名，特登嚟試吓。菠蘿叉燒包👍🏻，一切開一半，香氣四溢，夠熱，麵包軟熟，叉燒料多，推介。豬腳仔👍🏻，唔會話太大舊，慢慢食，好過癮。蜜汁叉燒例牌👍🏻👍🏻，非常好食，叉燒軟熟，多汁，入味，蜜豆夠脆。蛋散👍🏻，鬆軟，鬆脆，唔錯嘅一個甜品。芫荽雜菌腸粉👍🏻，味道好清新，雜菌都充料，腸粉皮夠薄，好食。雞扎👌🏻，普普通通，冇咩特別。春卷👍🏻，炸得夠脆，好多蝦肉，多汁。******************************👍🏻好食 | 👌🏻可以 | 😔 難食評分 : 8.5/10簡評 : 食物好高質，服務好好嘅一間酒樓

上網見到近排好多餐廳都參加咗日本清酒呢個活動🤨🤨喺OpenRice都見到佢周不時賣廣告😀利舞臺呢間翠亨村有參加，見到佢除咗有唔同sake送之外，仲可以參加抽獎住晚staycation！邊個話一定要打吃針先有得抽獎🤪我地叫咗佢哋呢度嘅焗釀蟹蓋，$ 180一客配一杯真澄清酒，蟹蓋，蟹肉，同佢嘅汁醬一齊食已經好出色，但神來之筆竟然係佢嘅蟹醋，更加將蟹嘅鮮味帶出黎，然後再一啖佢配嘅清酒又會有唔同感覺，成個味道平衡番，剩低突出嘅甜味。而頭抽鱈魚球$ 408，價錢中高，但魚肉質地鮮嫩，頭抽味道唔會搶晒魚嘅味道，賣相亦相對精巧一些，不失為一道有水準嘅菜式。配上呢杯叫惣譽純米大吟釀，15％酒精濃度！用黎襯托海鮮真係不錯🤤

好開心有你都銅鑼灣呢間翠亨村食飯，今次我哋一行四人，各自都食到自己想食嘅嘢，尤其是今餐多咗一個特別嘅Menu係專門食海鮮同埋飲sake，啱晒我同班朋友，仲要估唔到呢個Menu竟然同好多間米芝蓮餐廳有合作，搞到我都心思思想食埋其他餐廳🤓講返食物方面，每人一個焗釀蟹蓋就一定㗎啦，仲配埋一杯清酒，隻杯好cute，唔係一般嘅日本清酒杯，而係西式嘅高腳杯形狀但係迷你版！蟹蓋用蟹嘅容器裝住，鹹香味十足，一絲絲嘅蟹肉配埋淡淡的忌廉，再加埋面頭焗到少少脆，配一杯佢嘅清酒真係好爽！我咁鍾意食蟹，原來佢夾嘅呢杯酒都有名堂，真澄，而且不得不承認同呢個餸都有幾分風味，可以去除當中嘅白汁膩，中後段則帶出幾分甘甜，同蟹相撮合🥰

快將中秋節，特意一家四口來到銅鑼灣，利舞臺 22樓的『翠亨邨』晚飯，餐廳地方闊落，格調雅緻，開好茶後，經理遞上菜式單張和點菜紙，其中 3 款推廣中的新派配搭套餐，有美酒相伴，正合喜歡品酒的老爺奶奶心意。餐牌內除廣東燒味外，片皮鴨，羊扒，乳鴿，鮑魚，雞鮑翅等，都讓人垂涎三尺 ， 比較特別的是新派套餐內已經配好最適合的美酒，很方便。餐牌菜式～～～是日主角～～～ 🔹🔹 3 款新派配搭套餐 🔹🔹A 🎯 焗釀蟹蓋配真澄 漆黑 Kuro （ 純米吟釀）～ $180最先上枱的是色澤金黃，釀得飽滿的焗蟹蓋，大廚先將洋蔥和咖哩炒香，再加入葡汁煮蟹肉，入口啖啖蟹肉之餘，也帶有椰汁， 咖哩和洋蔥香味，完全無骨，而這款米吟釀甜美順口，令蟹蓋顯得更滋味！另外 2 款套餐，都配 2 杯純米大吟釀，令喜愛飲酒的2 老，情不自禁地哈哈大笑.. 😂B 🎯 頭抽鱈魚球配 惣譽 純米大吟釀 五百萬石(2杯) ～ $408嫩滑無骨的鱈魚塊煎香後加入頭抽上色增香，入口鱈魚味道鮮甜無比，且不會過鹹， 趁熱食，魚皮還保持香脆口感，是一道大家都讚不絕口的菜式，食魚的同時，老爺奶奶大口飲酒乾杯，連聲好酒好酒的說，面紅紅的他們較平日更為

當日相約父母去食晚餐，中餐自然是最佳選擇，在銅鑼灣時代廣場一帶上網找尋，最後來到利舞臺的翠亨邨，品嘗一下這家久違了的高級酒樓位置（9/10）：設於利舞臺廣場22樓，就在時代廣場旁邊，交通四通百達，附近亦有不少購物的地方，相當方便環境（9/10）：餐廳裝潢像宴會廳，感覺有點高級，地方廣闊座位亦不會密，整體環境比較舒適服務（8/10）：侍應會主動幫忙上茶及下單，算是有禮貌，有提供消毒潔手液及濕紙巾等，但不願接受我們對食物的建議食物（8/10）：幾款今次活動的食物質素也很不錯，反而普通的脆皮雞等味道不算突出，但索價卻有點過高由於看到正在做Seafood Love Sake活動，便點了全部三款不同的套餐組合：焗釀蟹蓋配真澄 漆黑Kuro 純米吟釀 ～ $180大廚把蟹膏、蟹肉、洋蔥及充滿咖哩香氣的葡汁混合釀在蟹蓋內去焗，味道香濃鮮甜，與別不同，沾上喼汁味覺更見豐富。套餐配上的清酒，清澈而飽滿，跟濃厚的蟹蓋形成絕配頭抽鱈魚球配 惣譽 純米大吟釀 五百萬石(兩杯) ～ $408先煎香肥美的連皮鱈魚塊，再放入甜美而鮮味的頭抽去燴煮，令有豐盈魚油的鱈魚更香更滑。伴碟有鮮甜的蒜蓉炒豆角，令菜式更為整體。

翠亨邨頗有名氣嘅食肆，理應係較有水準，結果令人非常失望，食物只是一般，而門口個所謂知客嘅服務態度，比茶餐廳嘅大媽差千倍、萬倍，剛去到時滿座，未有枱，個知客就講咗句“而家係無枱”，當然佢嘅語氣已經好唔客氣，無枱唔緊要，我可以等，但佢講完句說話之後就走咗去，又無話可以攞飛排隊，又唔理我哋係出面等。終於等到有枱，諗住入去坐，佢就問我有無掃安心出行，因為之前等枱時已掃了，我便答佢掃咗，佢竟然質疑我無掃安心出行，强硬地要睇我手機，仲話唔俾佢睇就唔可以入去！結果我俾佢睇，但成餐飯，真係背脊骨落，我係好明白疫情關係，每個人有責任做好防疫措施，但都唔好忘記佢做緊嘅係服務性行業，完全無服務態度可言，而且語氣係咪要咁强硬？係咪要咁唔客氣？以咁樣嘅服務態度及質素，居然可以攞到優質服務獎，我亦質疑這個獎是否買回來的？旅發局是用何等標準評定翠亨邨（利舞臺）的服務屬於優質！！！！