回憶寄賣店 (已結業)

很抱歉我不能給這家店一個好評。從朋友口中得知，有一間年輕人開的樓上Café。他們說食物不錯，環境很好。於是，相約了一起光顧，樓上位置不難找，很快便能找到。店內地方寬敞，而且感覺乾淨企理。但是卻傳來陣陣煙味…對於我這樣一個討厭煙味的人，相當不好受。就算我跟朋友們是在非吸煙區，但煙味仍然很濃烈…希望店主們能改善此問題！煙三文魚意大利飯吃得出是用心製作的。從外觀上看來，擺得很美的一朵花，有心思。不過飯不Creamy，亦欠了點味道，偏淡。芝士煙肉薯條很好吃，味道很惹味。薯類配搭煙肉，芝士，夠濃味又夠熱！但略嫌份量偏少。肉醬意粉也是很惹味的一道。意粉配肉醬，煮得比一般餐廳的乾身。反而成了他們這家的特色。因為吃上去，味道很好，而且不會吃完會嘴油。就算醬不夠多，意粉還是很好吃，有鹹味。而且意粉口感做得不錯，彈牙，不會過腍。另外點了一杯咖啡。也是用心的製作，味道就是一般的咖啡沒兩樣。食物是還可以， 可是環境卻仍要改善。二手煙，真的不是人人喜歡。

聽朋友講尖沙咀有間cafe...個名仲要好搞笑 叫做回憶寄賣店 我仲同朋友講乜個名咁娘架......放左工之後我地就相約一齊上去食飯傾下計~我地總共有四個女仔 上到去估唔到間cafe既裝修幾舒服 唔似個名咁娘..出面有個露台 可以望住出面條街景 仲有一串串既波波燈 都幾有feel 不過我覺得如果個地方大dd就好啦...有少少迫!!其實平時我地都好鍾意去cafe坐一晚傾計...都預左d野唔會好好食...不過今次有d意外驚喜!! 因為本身唔係太肚餓... 我地嗌左一個main..拿破倫豬頸肉長通粉..仲嗌左兩個小食...蜜糖雞翼同芝士焗煙肉薯條... 我最鍾意食個main同薯條!! 因為我不嬲都鍾意食濃味d既野....好怕d淡口野食,估唔到個長通粉好惹味！蜜糖雞翼都ok既...但個薯條好好味！超多芝士 拿破倫豬頸肉長通粉.. yummy~芝士焗煙肉薯條 Honey wings~~~係度坐到十二點幾...條街都開始靜...望住無咩人既加連威老道..真係有另一番感覺.. anyway 我覺得對我黎講呢度都係一個新既好去處....而家cafe真係買少見少...仲要食得落野既真係唔多...無

末食過咁差的食物，所有野都超咸…我很少寫食評. 今晚真係忍唔住，這裏今我對樓上café有陰影… 如果只係諗住揾個地方傾計飲杯野，就無所謂. 1. 南乳雞翅 --> 咸2. 燒豬頸肉 --> 咸的豬肉片3. carbonara --> 忌廉水浸意粉，茶記好食過它

雙子座的我今年非常重視生日飯局; 想與我心愛的朋友們一同慶祝!友人提意去"咖啡 回憶寄賣店"我一向認為樓上CAFE, 食物通常一般, 飲品出色!可惜這間餐廳...完全沒有水準芝士煙肉薯條薯條外層不脆口, 芝士味較淡!南乳雞翼 - 有少少咸香味!蜜糖雞翼 - 完全無味香蒜煙肉火腿絲炒意大利粉味道偏咸三文魚雜菌蘑菇拌意大利飯圖片上 三文魚整成一朵花形狀, 賣相差芝士忌廉白汁司華力腸長通粉只食到咸味益力多沙冰友人說: 好飲!鐵甲葉問曾愛的人友人說: 飲了也不知什麼味道忘記飲品名字友人說: 沒味道!朱古力奶 超淡的朱古力味咖啡 回憶寄賣店 總結: 可以不試!

第一次上來時寄賣店還很新那時候店員就只有開店的那八個年輕人看著他們在店門旁的相片感到他們很有活力 很有勇氣 在沙發上坐下店員在我們面前放下寄賣錄讓我們更認識這店子 寄賣錄讓我都差不多要哭出來裏面有不少扎心的回憶令人對愛情感慨店中央的柱上掛了滿滿客人想對前度說的話有些激動有些淡然有些不依有些感恩都很真實 店員遞來筆和兩張小卡讓我們都能寫上對前度的感言掛在柱上三文魚意大利飯以煙三文魚為花外型漂亮吸引 而且意大利飯做得很好軟綿綿的稔稔的而且料很足味道很夠整體效果令人胃口大好 朱生說想不到咖啡店能做到這水準之後我每次來都是點這個水準保持得很好 甜品是滿滿的心思愛情不可能永遠的甜總有酸澀的時候 一口心甜一口酸澀讓愛情更有層次更能回味 細味愛情有三款自選甜品剩下的是一口信任當時的選擇還真有深度沒有信任就不能細味愛情因為愛情只會剩下猜忌令人無法享受這三款甜品味道普通得不能再普通心思卻令人欣賞 一口一口的甜品無疑是表達愛情要一點一點的細嘗 人卻永遠無法滿足一直想要更多更多結帳用的小盒子感覺是要把很珍貴的東西封存起來的樣子 是讓我們把回憶封印在這兒然後走向更好的未來嗎？

係尖沙咀海港城返工，每晚都最少10點幾先放工，知道the one附近開左間cafe，夜晚打等同同事吹水傾計又坐得耐既只有cafe選擇，又吾想去酒吧清吧太嘈又難吹水，所以就去試下呢間名字特別既咖啡店囉。因為booking想係露台吹水 relax d，吾洗等位，出面露台有得望境，雖然得個馬路睇，不過好過籠中鳥。店鋪有獨立洗手間。露台秋天冬天還好，不過夏天就咪搞。環境室內粉色系，居家feel，露台最多人坐，不過得室內有音樂，如果出面都有啲音響會比較好。我地4個人10：30去到，過左dinner set時間，不過服務員知我地未食飯肯照出俾我地。叫左2個dinner set，三文魚意大利飯同煙肉火腿炒意粉，見格離台d白汁煙肉薯條好吸引，都叫左個黎試下。人頭消費最少一杯野飲，3碟野食幾個女仔share 啦。三文魚飯上碟款裝飾得好吸引！好多汁！我最鍾意吐汁食飯，咸味適中，名creamy！真係吾錯！香蒜煙肉火腿意粉，意粉柔硬度ok啦，不過蒜味真係好重，重到有d辣，有朋友吾食得辣，吾知係咪黑椒味太重⋯白汁煙肉薯條，好多芝士！味道偏甜！少食甜味薯條，幾特別啦嗌左d花茶飲，健康d，同其他花茶冇咩分別，夜晚

前幾日同個朋友去行街, 行到攰攰地我地諗住搵個地方坐低飲杯嘢, 經過理間 café 望到佢地個露台個感覺好 relax, 我地決定入去試下. 上到二樓㩒鐘等開門, 一開門個店員問你地幾多個(位店員個態度係極差), 我地話兩個, 之後個店員叫我地隨便坐, 咁我地就行去露台搵咗個位坐低, 因為係下午時間所以間café冇乜人. 係我同我朋友點野食個時位店員聽唔到我地點乜(其實已經講咗二次), 之後佢好大聲同我地講咗句"咩話", 我同我朋友都呆咗一下. 之後打開個menu指比個位店員睇, 點完野食之後我同我朋友都立即上open rice睇食評, 見到有幾個食評係寫服務態度差, 我地個一刻完全有同感, 冇幾耐我點杯Mint Mocha嚟到, 個味道唔錯幾好味, 再過多一陣的嘢食都到咗. 不過啲嘢食就真係唔得啦! 太咸了. Anyways, 我對間café店員既服務態度同食物有需要改善, 如果只係上去飲杯嘢relax下都ok.

5.7.2013早在五月時, 看過食友Ivy的食評, 才知道有這店的存在, 心中一直希望有機會一去.除了是因為看了食評, 最重要的原因, 是這餐廳的名字. 它令我想起一部我在中學時期看過的小說, 名為《兜售回憶》, 是深雪的早期作品. 內容講述女主角的店子, 專門寄賣有深刻愛情回憶的物品, 而小說內就是講述了三個和寄賣品有關的愛情故事.這次來到這店, 和愛情無關, 卻是友情---和兩個中學時期的好姊妹, 為其中一個慶生. 中學的成長回憶是既美好又青澀, 來這cafe就最合適不過.餐廳裡的角落和牆邊, 都放了些帶有懷舊及有趣色彩的物品, 彷彿進入了時光隧道! 有舊波鞋, 舊式相機, 瑪麗蓮夢露掛鐘等等, 更有坐地的胡桃夾子木像哩. 姑勿論這些東西是否寄賣品, 但已經足夠令人憶起往事, 切合這店的主題. 翻開餐牌, 每款set dinner, 都包括主菜和$36元或以下的飲品. 這晚的set dinner只有三款選擇, 也好, 每款選一碟, 就可一起share來吃. 套餐明明只包一個主食和飲品, 為何店員會送來三碟沙律呢? 店員說, 是呀, 餐牌上沒有寫明, 但我們也會送給客人試下反應.

同一班朋友打算包場搞生日, 第一時間就諗起去搵 d 樓上café, 之前有諗過去旺角搵, 因為旺角既樓上café 真係多不勝數, 但係我地呢 d 接近 30 歲既年青人, 諗落個 age group 好似唔係好岩我地, 同埋成日上網都睇到好多服務太多差既 café, 所以我地最後選擇向尖沙咀入手!入返正題, 我地幾個當晚放工就約埋一齊出尖沙咀, 漫無目的咁留意下尖沙咀既樓上 café, 行到加連威老道既 cotton on 見到對面個露台出面寫住 “回憶寄賣店”, 出面有幾個人坐左係度飲野, 就同 d fd 決定上去望下.實話實說, 個入口真係幾難搵..係一間化妝品店同一間健康飲品中間既樓梯上, 勝在個露台吸引到我地上去, 入到樓梯原來又另有一番景象喎! 一條紅絲帶沿住樓梯帶我地上去, 都幾得意.按一下門鐘, 店員就開門問我地幾位. 當日我地 3 個人比安排一張近門口既枱. 店員之後遞上既餐牌都好有特色, 應該係 DIY 既, 有心思同埋都幾靚. 我地最後叫左一杯MOCHA, 草莓朱古力咖啡同特飲. 樓上CAFÉ 都有拉花真係令我意想不到, 而且味道好好, 同平時去樓上CAFÉ 飲既咖

今次第二次幫襯 真係唔太想再去不過朋友叫到同埋幫人慶祝生日 咁就算喇老實講 搵地方傾計 哩度真係唔錯的選擇但食物就真係好唔得 知道哩個益力多沙冰係比較真係好飲的所以今次點都要叫返杯飲完凍野想試下玫瑰花茶普普通通啦 出面cafe都有的可以免費refill一次其實叫左好多食物的例如:炸物(雞軟骨、麥樂雞、雞翼等)但麥樂雞炸完之後 d肉都好下 感覺唔太好前菜有沙律 沙律都唔錯的 整得幾靚主菜有煙三文魚意大利飯、意粉等認真 比較好味的 只有煙三文魚意大利飯雖然唔係正宗煮法 但都好creamy 味道可以接受可以一試的 其他的主菜真係唔得 太咸喇!!!

第二次黎啦～今次係由我朋友幫我男友補祝生日～因為上次既印象都好好～所以推薦朋友再黎呢度～有book左位～今次5個人～坐sofa位～今次都有叫到上次既野食～味道冇變～都仍然好味～講真相比起好多cafe呢間真係好味了～（認真mode）芝士薯條～必點的！👍足料的醬汁～😋南乳加蜜糖雞翼～都係必點的～👍多人既好處就係可以試晒兩款～烟三文魚鮮果沙律～推薦！👍真係好喜歡店家加左蘋果，雪梨，士多啤梨入沙律入面～好清新～😋然後沙律醬都係超多的！唔會食到最後冇味丫～烟三文魚意大利飯～水準一樣沒變～也是必點的～👍卡邦尼意粉～第一次試～幾香～新鮮熱騰騰的上菜的～不是叮岀來的～讚👍～士多啤梨mocha～好配合～好好喝！😋可以試一下～朋友的榛子mocha～他說好好喝～但是我本人不喜榛子的～個人口味不同～（攤手）還有朋友的mocha～加左一shot~味道就剛剛好了～最後的重點！店主畫的熊貓也太漂亮了吧！好可愛！❤️❤️我和朋友都拍不停的！好有心思！😊所以一定要再上來寫寫食評～支持一下這麼有heart的店！一定會再來的！PS.聽說如果搞party仲可以包露台的～我生日可能可以試一試～哈哈～

*朋友從雜誌得知這間cafe的存在*由於有book位的關係 所以唔洗等位cafe有分入面/出面 還蠻漂亮的.晚上有3個dinner set 得好少選擇我地叫左卡邦尼意粉同埋煙三文魚意大利飯原本打算卡邦尼意粉係最穩陣的一個 感覺應該唔會好差的但事實係好難食 好鹹同埋好辣黑椒味完全蓋過哂卡邦尼的味道完全唔得啊!! 而煙三文魚意大利飯就好d 好cream雖然唔係正宗的煮法 但都可以接受 可以一試的叫左一個拼盤 普普通通 無咩特別價錢都幾貴下 炸物唔值咁貴.益力多沙冰: 又幾好飲喎 唔錯唔錯朋友叫左豬古力沙冰 照計應該唔會難飲得好邊但我地都覺得勁難飲 完全唔得喎!!自選甜品: 食左成餐飯 最好味都係個甜品menu有好多款甜品 好多都好吸引下.

約左好耐既舊朋友，今晩終於有機會見面。相約係尖沙咀，睇網上介紹book在呢間「回憶寄賣店」cafe，好似幾特別。門囗有d難搵，要禁門鐘好似去緊人地屋企咁。由好好笑容既店員開門，安排我地坐在個二人既角落位，靜靜地唔錯，可以同朋友慢慢傾計。幾有心思既menu，除左揀飲品食物，仲有店主關於「回憶」既小文章，好似一本散文書咁。我地share叫左set dinner - 三文魚意大利飯，夠哂creamy，不過略嫌太淋身，唔夠正忠，味道唔錯。三文魚用左煙三文魚，香香地餸飯，配搭得幾好。散叫左雞肉串同南乳雞亦，雞肉串味道真係麻麻😰，南乳雞亦就有成意得多，唔知係自家製定現成貨，南乳味道又濃又香，熱辣辣，值得一試！👍👍👍飲品都幾多選擇，不過一睇到佢杯特色飲品真係忍唔住要試下，兩頁紙介紹一杯飲品？八掛忍唔住問下店員，原來佢地每幾個月會舉辦一次愛情故事徴文比賽，得獎故事會變成一杯特色飲品，好得意啊！😳今次杯飲品係「鐡甲葉問曾愛的人」阿華田加香蕉，好攪笑既名。佢係上下一層既阿華田配上香蕉鮮奶，淡淡香蕉味同阿華田都幾襯，仲有小小北海道牧場餐廳既凍華田影子，好多華田粉，讚！👍兩個人埋單每人剛好$120，尚算可以啦

如果唔係留意到佢個露台既霓虹燈真係唔知依到係一間ＣＡＦＥ好開心係ＴＳＴ可以搵到一個又私密而又夜收既聚腳點唔使來來去去都係厚福街呀尖東呀真係好悶而且係正加連威老道好就腳都幾多食物簡以炸既小食同意粉居多而且價錢相宜，叫好多黎ＳＨＡＲＥ都可以佢有最正既ＢＡＬＣＯＮＹ位，岩哂吹風，又有氣氛，入面就有幾張唔同大小既枱，同平時ＣＡＦＥ冇咩唔同提供唔同既ＣＡＲＤ　ＧＡＭＥ而且鐘意佢會播唔同國家同類型既歌講番食物今日想食甜品就叫左佢個先選６款既ＳＥＴ有布朗尼，桂花湯丸，焦糖燉蛋，青檸雪芭，木糠布丁同豆腐奶凍果日唔叫做好多人但咁簡單既甜點我地等左足足２５－３０分鐘真係有Ｄ太耐，而且原來個份量真係少得過份，勁迷你等咁耐都緊要，可惜味道太差，令到等待係唔值得既１）布朗尼真係好難食，勁硬勁乾一Ｄ朱古力味都冇，好似一舊膠真係忍唔住吐番出黎２）木糠布丁同豆腐奶凍好一般既質素又唔夠凍，只係覺得食左ＣＲＥＡＭ落肚３）桂花湯丸，焦糖燉蛋同青檸雪芭算比較正常桂花湯丸冇桂花味，只係芝麻湯丸唔會太難食。。焦糖燉蛋還好，有少少蛋香同唔太甜青檸雪芭。最好的。。好酸同開胃既青檸味眼見其他客人叫既都係咸食可能佢地意粉會整得好Ｄ但今次

昔日的舊同學，今日是我的髮型師，今天晚上，電髮過後，一起去吃個 late dinner，談天說地的，真愉快！餐廳是老友選的，樓上cafe，到達時已22：30，但也差不多滿座！剛有客人離開，我們就有位了！食物選擇不太多，不打緊，我們為談天，隨便吃便可，兩人共點了一客飯和兩客小食，各一杯飲品。黑椒汁牛柳粒飯，微辣的，牛柳是一般貨色，不過不失！日式煎餃子，沒有日式餃子汁，換來沙律醬，感覺是良好的！煙肉車厘茄串，分量遠比我們預期多，味道也很好，煙肉不肥，車厘茄很大粒又多汁，值得一試！