權發海鮮酒家 (已結業)

一行18人嚟到銅鑼灣駱克道權發海鮮酒家，來慶祝六位母親節快樂，因為我哋係包房既關係，所以工作人員話4:30已經可以過嚟麻雀，二話不說已經開咗兩台麻雀，搞掂左幾位母親大人先，工作人員非常細心，見我哋後生仔，問我地會唔會唱卡拉OK，雖然音質麻麻地，但係自在過吓癮大家都冇所謂，先講講食物，餐牌種類非常多，做得非常出色，因為實在食咗10幾款野，今次重點介紹幾樣小弟認為出色嘅菜，不得不提佢哋嘅燒鵝係非常出色，仲有班頭腩兩味，大大碟，籠仔蒸蝦亦非常新鮮，蝦肉爽甜，豉油王鵝腸好甘香，眨吓眼已經食到12:00，嗰個飲飽食醉，提提你間房係有最低消費$3000，一句講晒，地點方便，價錢合理，值得再嚟，喺呢度祝各位母親節快樂🎁

（銅鑼灣分店）本身一入去 又滴水 地方又唔乾淨都算 野食唔算話好好味d伙記態度超差 大佬 你安排個位比我地坐到咁入 鬼知阻著你做嘢咩呀嬸點知個長頭髮扎著邊 講廣東話唔純正操大陸口音既呀嬸超級無禮貌 話我地阻著佢做嘢 係咪痴根架 你咁講野對客都有既 超級無禮貌 呢間野d伙記去無員工名牌係有原因 無得睇名投訴總之 千其唔好幫襯呢間野 入去受氣d野唔算好好食 普通 無特別令人想再食價錢唔算話抵食 入去受氣係真既一肚火 最衰個呀嬸無名牌掛心口 唔係就一定投訴佢到底

第一次光顧去飲下午茶，入到去問攞位，冇乜人理，坐定後叫開茶又開錯，叫火計落單，又吾多啋咁，，之後叫左幾款點心，不快不慢，份量及味道不過不失，仍可接受，服務則欠理想，再望望周圍環境，好有陣舊感覺，看看地氈，真嚇人，吾知係咪很多年冇洗過？，黑蚊蚊，好鬼污糟呀！祇此一次，我不會推薦，也不會再去。

「權發海鮮酒家」是一間供應粵菜及海鮮的中菜館。在地下正門位置，設置了一排大魚缸。每當有食客點選游水海鮮，店員就會以最原始的方法用繩索將盛載了海鮮的膠筒吊上廚房位置。 是晚造訪只為一餐家常便飯，沒有特別集中品味海鮮。加上與細細同行，點菜時也特意挑選一些適合他們的菜餚，「粟米蟹肉羹」便是其中一款。湯羮的稠密質感適中，以蟹肉取代常見的魚肚亦為湯羹添上一份甜感。半隻「脆皮燒鵝皇」份量豐足，只可惜上枱時已是微暖，鵝皮失脆，鵝肉尚算味濃。不過，只要菜式再放一陣子，油脂便開始凝結，除了賣相吸引力大減外，鵝肉亦變得更韌。「黃金大蝦」的賣相與餐牌上的相片有明顯差別，再次引證相片廣告不能盡信。幸好黃金蝦的味道最終也沒令人失望，黃金外衣香而不膩，蝦肉亦結實質佳。「生炆龍躉班翅」可算是啖啖肉的魚肉菜式。雖然班翅能予人充實滿足的感覺，但魚香稍淡亦是事實，主要依賴枝竹醬汁引味。 「鑊仔蘿蔔清湯腩」以胡椒湯浸煮，味辛性溫挺好味，蘿蔔亦做得清甜腍身。反而主角牛腩選材偏瘦略靭身，只屬一般。「菜圃叉燒煎蛋角」是另一小朋友菜。叉燒炒蛋本身已是簡而美，再加入甜爽菜圃後更為吸引，一家大小均喜愛。「翠塘滑豆腐」製作果真十分滑溜，

環境3分：正常酒樓格局。 衛生2分：有提供碗比人洗野，只可留兩分因為一定要洗。 服務3分： 伙記態度正常，做野都算叫做快手快腳，中式酒樓算係咁。       味道2分：   1)      魚湯肥蜆浸大白菜中有成半份啲蜆都未開，唔食得，先扣兩分。   2)      椒鹽蒜香肉排好深色，好似翻炸咁，啲肉好乾，再扣多分。   3)      鹹魚雞粒炒飯最正常，全晚最掂。   抵食4分：  正常宵夜價，扣咗一分因為有半碟蜆食唔到。最抵$10.8大樽裝金威啤酒同藍冰啤酒。

平時間吾中都會去食晚餐每年亦會去訂房同同事食飯之前年年都非常滿意但今年實在十分失望乳豬 - 平平無奇，比之前的差好多龍蝦伊麵 - 龍蝦只見頭同尾，但啲身吾知去哂邊，好神奇，係得個伊麵幾好食蒸扇貝 - 熟到好似扇貝乾咁，最神奇係有3隻得粉絲無扇貝肉架條魚 - 可以蒸到老到好似老雞胸肉咁大賴尿蝦 - 啲肉可以係梅既1間咁大的酒家啲食物咁差已經好吾能夠接受個無乜頭髮店長仲要叫我地自己去街市睇下啲海鮮先好講咁多野實在係太過份既1間酒家令1餐開開心心既聚餐變質亦令主人家十分失禮連我地由銅鑼灣店1開已經食到而家既客人都可以趕得走佢都算幾西利我以老顧客經歷提下各位都去食既朋友諗清楚無謂比錢買垃圾食物垃圾態度仲要失禮客人

長老們今天一早吵醒我，話帶您去間平正茶樓飲茶食點心，好不容易轉車到這裡，跟著行條長樓梯，行到氣咳，不過好多老人家幫襯原來款式特別多，還有許多懷舊食品我地點左以下咁多野南瓜肉碎粥： 材料足，多肉絲，粥綿潮州蒸粉粿：材料足， 沙葛多，有蝦米，味道適中鹹魚肉餅飯：肉餅厚，有咬口，鹹魚霉香，飯粒分明鳳爪排骨飯：飯粒分明，不過排骨偏肥南乳花生豬手：豬手有肉，炆的腍，南乳味一般生菜灼水餃 同蔥花炸兩腸：水餃雞肉做，有西芹粒，紅蘿蔔絲，口感不錯，不過又有見高蛋白質生物蔥花炸兩腸：蔥花多，皮滑，不過炸兩腸唔脆鮮蝦腐皮卷：脆腐皮，有蝦粒，西芹粒，紅蘿蔔絲，味道不錯咸水角：皮略厚，不過餡料都多權發蝦餃皇：皮厚度一般，蝦份量ok蟹籽燒賣皇：一上枱，已經看見高蛋白質生物，部長小姐知道後立即換給我們，蟹籽多，燒賣豬肉份量多食物味道不錯，可惜d茶真的係無味後記：伙計友善， 食物味道ok, 不過食材的清潔度及茶真的要留意一下

銅鑼灣吃飯的餐廳酒樓很多.    每天揸車經過鵝頸天橋,  都見到駱克道 權發海鮮酒家 大大個廣告招牌, 所以要去試試. 此酒家交通方便,  地鐵, 小巴, 巴士可到. 餐廳設在二, 三樓, 地方整潔光猛, 闊落舒適, 算是老牌酒家模式.   也設有擺酒禮堂.侍應招呼OK, 先開茶, 和送來餐牌. 食品款式多, 價錢合理.   我們点了幾個小菜.脆皮燒鵝王:燒鵝上枱熱烘烘,  燒鵝皮夠脆 肉滑, 少骨. 不肥, 顏色鮮明, 肉質調味不錯, 沙巴斑:    蒸斑仔一條. 新鮮好肉, 四人份量合適, 厨房控制火喉很好, 剛熟夠滑, 配料有香蔥, 芫茜, 薑絲, 香味十足, 好味道.籠仔糯米蟹:賣相吸睛, 蟹大約 1 斤, 很有霸氣, 肉質鮮甜 , 蟹肉飽滿,  好味, 葱蒜夠香口,  籠仔保熱, 糯米飯軟硬適中, 配合蟹肉一起吃,  份量剛好４人, 不錯選擇! 老干媽四季豆爆安格斯牛仔粒: 四季豆稔, 安格斯牛仔粒, 肉質夠嫩, 有重牛味, 夠鑊氣, 調味不錯, 蒜蓉唐生菜, 新鮮爽甜, 蒜蓉炒得香, 不油膩.之後送紅荳沙, 此酒家水準可以, 會再來. 

平時人手都幾唔夠，但慶年飯反而好好招呼。當日好開心，新春將至，免左我地開樽費上菜速度相當快，對炸豆腐印象好深!!!!除左好脆口之外，入面又好滑，可以點酸梅醬一齊食添。另外芝士大蝦麵都幾正，雖然唔係龍蝦，但啲芝士係意外地香濃，同平時中式既有少少唔同，因為芝士更重鹽味。

今次有三位壽星，決定去權發食海鮮小菜慶祝一番。還是先訂位好些。沒有北角店，去了銅鑼灣店，又大又多位。點了八個菜，全部大大碟，又好味道！其中，椒鹽鮮魷，大大件熱辣辣，又脆易咬唔太'ngan'生炒骨，本來擔心多骨，原來大啖肉的，甜酸適中，讚！是晚特價的蒸蝦，才四十多元，又有中蝦size又鮮甜。另外特價的肉蟹糯米飯，百多元，太抵食了實在能盡興！免加一呢！，隔天後我和家人再來吃下午茶，價錢更超值，點心全部好食又是不收加一👍👍👍

因為實在太鍾意食野, 仲要係我最愛既食海鮮,那就去下權發海鮮酒家放工就跟姐姐及媽媽立即來到銅鑼灣權發食晚飯, 地下係海鮮區, d海鮮好生猛, 一樓和二樓就是飯堂, 座位十分充足川芎白芷魚頭窩有3個魚頭, 好大件,好好肉, 湯也濃辣酒煮海花螺太辣, 沒特別黃金蝦球好乾身, 不會油淋淋蜜汁脆皮燒鱔呢個正, 脆皮又保持到鱔既油份總括價錢合理, 食物品質一流, 會推薦給家人和朋友再來晚飯 

去食權發海鮮酒家,當然可以選擇食海鮮,今次同我好妹妹及媽媽一齊享食,心情興奮非常呢!權發海鮮酒家地點就近鵝頸橋附近,非常就腳方便.權發海鮮酒家有三層,大門口地下層是放生生猛猛海鮮第二,三層是食堂,環境寬敞舒適.環境寬敞舒適,好合岩一家大細及一大班朋友聚會食飯.蜜汁脆皮燒鱔 $148(創新別緻海鮮菜式)配上甜酸醬一咬落去,外乾內軟而不油膩,但外皮有少少咸,如點配上甜酸醬減卻咸味,令它更野味,並有蝦片及蘭花伴碟.川芎白芷魚頭窩 $115點這菜目的又可以飲湯又可以食魚頭,想不到有3個大半個魚頭,有好多魚頭肉食,加上有足料藥材配料,顯得湯好濃,味道勁甜.此食療功效可驅風,治頭風痛等功效.黃金蝦球 $128想不到不會太咸,味道好適中,非常脆口,加上製成後乾身,食多幾個都不覺油膩.辣酒花螺 $78味道只得辣味,花螺稍為太大,所以螺肉不較幼嬾,這道菜比其他道菜較稍遜了.總結來講,食物質數不錯平均,勇於創新出別緻海鮮菜式.來說今次最好食是蜜汁脆皮燒鱔,其次是川芎白芷魚頭窩,再其次是黃金蝦球,最後是辣酒花螺.至於服務非常細心整潔衛生,會經常更換新碟.點了四款菜只需$516(平日)不連加一服務,價錢尚OK

前日(24-10-2014 Fri)男友生日正日,約埋佢男友人IN一家三口同NT食個晚飯慶祝,IN book o左呢間,佢o地俾o左張七個位我,人齊叫o野食:1. 芝士粟米炸豆腐呢個上枱後我嗅到好香,我係咁話好香,攪到原本係俾IN個女食,攪到佢太太KK話share食 .每件炸過o既豆腐面上有片紫菜,食落,原來係玉子豆腐,外面甘脆內裡滑滑,芝士粟米汁好似只起到濕潤o既感覺.味道: 4.5分2. 好似$78.00o既蒜心炒珊瑚蚌蝴蝶蚌蒜心老有渣,蝴蝶蚌太鹹口感爽,IN話用o左蝦醬炒.但我見唔到有珊瑚蚌.味道: 3分3. 豉椒炒蜆帶點微辣,OK冇問題.味道: 3分.4. 粟米魚肚羹魚肚都幾多又唔鯹,不過開始唔爽口,羹o既質地亦唔太杰.味道: 3分.5. 麵醬炒生菜雖然好普通,但唔太鹹,o岩o岩好,唔錯.味道: 4分.6. 蒜蓉粉絲蒸蟶子五隻蟶子大大隻,金蒜同粉絲都幾多,蟶子爽.味道: 4分.7. 辣酒煮花螺呢個對我o黎講辣,食一隻就停o左,最後再食一隻都係唔得,不過其實幾惹味,三個男人食得津津有味.味道: 4分.8. 香芒西芹炒雙柳雙柳係雞柳同牛柳,芒果唔酸幾好味,但食晒啲芒果後,就變得好

灣仔，雖然是一個舊區，但這一個區域，是與時並進的，新的食肆，新的店舖，新的玩意，像輪流轉般，不妁斷在灣仔區出現及消失。是次來的，是一家很普通的酒樓，而這一些佔地兩層的大酒樓，其實，是很脫節的，因為經營兩大層的茶樓，成本是很高的，所以，近來的新派酒樓，都會是一層過、以小酒樓形式、及以婚宴場地的形式去經營，這一種位於鬧市的大酒樓，尤其是新開業的，的確是不多。前身，是浴場，現在，是連地下大魚缸，加埋是三層樓，再者，加上了《權發海鮮酒家》幾個大字，甚有江湖的味道。江湖不江湖，我不理，坐得舒適，點心好食是酒樓，而《權發》給我的感覺就是寬敞，而且整個酒樓的感覺十分之傳統....以此酒樓的年資來說，可以說是比較特別。早上，食鳳爪排骨飯幾乎是一個指定動作，小小的一盅，半滿的飯，肉厚的排骨，豉味香濃的鳳爪，用料上，算是帶給了我滿足。牛肉球，是香滑的，加了喼汁，完美地把牛肉的香味，馬蹄的甜味帶出來，感覺很傳統，入口很彈牙，味道，當然是很香甜，不錯的一個點心。飲茶食點心，對我來說，燒賣是最重要的，豬肉同蝦味並重的，就是一隻好的燒賣，而我面前的這一份燒賣，既大隻又鮮甜，完全地滿足到我，很讚。值得開心的一個早餐

突然好想食炒蜆, 朋友提議去權發, 平時2個人去食中餐很難叫餸, 因為海鮮通常要一斤一斤計,但權發有幾款海鮮可以一隻隻叫, 唔怕食唔晒之餘又唔使咁貴!上到去人不多, 2個人叫了--2隻凍食鮑魚--不用點豉油已經好鮮味 2隻百花蟹蚶--好味道,比平時一圍酒席的蟹蚶好味同大隻好多半斤蝦--白虳,新鮮蝴蝶蚌炒西蘭花--一般, 不值$98炒蜆--好細隻, 但味道不錯2支啤酒, 埋單$3xx, 掛住傾計唔記得影相 另外員工有禮貌,常換碟,在銅鑼灣食飯, 仲要有海鮮食, 呢度都係一個好選擇~