南龍冰室 (已結業)

原本想去百利冰室吃下午茶，可是捧場客太多了，找不到位子，於是我和老公便打消念頭，改去試一間在金華街的一間舊式茶餐廳 - 南龍冰室• 我們叫了二個餐，一個是例湯+茄汁火腿燴意粉+熱奶茶；另一個是熱狗+火腿公仔麵+熱奶茶‧ 例湯：青紅蘿蔔湯，火喉夠，味道清甜，幾好味‧茄汁火腿燴意粉： 好味道!因為意粉先被炒過，然後才配上茄汁火腿，所以吃時覺得很香‧唯獨份量不多，覺得有點唔夠喉！熱狗： 飽送上來前已被叮過，所以飽身有點熱，感覺唔硬；而內裏則配上普通的香腸和沙津汁，吃時感覺有點鹹，味道好一般‧火腿公仔麵： 公仔麵已預先被水浸過，然後才配上火腿和湯底，雖然份量不少，可惜湯底較鹹，影響質素‧熱奶茶： 茶味奶味唔香唔濃，非一般茶記質素，不合格！

約左朋友去石澳.. 晏左起身，一個人去到筲箕灣，食埋個早餐先入去囉。 沙嗲牛肉通: 佢沙嗲牛肉通餐係唔會有蛋的，相對冇咁抵。但太想食，冇計。佢同出面果 d 唔同.. 係沙嗲湯底加牛肉通粉，並唔係沙嗲牛肉加落通粉度。因為落得太多沙嗲醬，所以都幾鹹下。雖然好惹味，但未免重手了一點吧﹗ 蛋撻: 酥皮底，但好彩仲係熱的。蛋味幾濃，但酥皮不夠鬆化。 熱檸水: 有四五片檸檬，算比足料的。食完起行去石澳.. 就係因為遲左入去，正午時份游泳，所以「燒焦」了。

在筲箕灣同西灣河區內, 冰室可算是比較多的 restaurant 種類之一.南龍冰室亦在筲箕灣區內其中一間冰室在筲箕灣同西灣河區眾多的冰室內, 差不多間間都 try 過... 南龍冰室的環境同食物雖然相比起其他的未係好好, 但是價錢方面就差不多 LA... 南龍冰室保持住一貫的 style ( 不論環境, menu 的設計均是一樣 )But 近日有一個新的 Lunch Set 都值得一試, 就是茄汁火腿繪意粉雖然不是太大碟, 但是 $ 25, 有 drink + 湯 + 意粉$ 25, 有 drink + 湯 + 意粉

又是一間網友介紹，街坊傳統的茶記，環境尚算企理乾淨。整間餐廳只得一個廚師、兩個樓面、一個老闆娘收銀。那兩個伙記愛理不理，叫了多次仍沒有反應，最終由老闆娘親自出馬。價錢超平，乙餐有煎蛋/漢堡包/熱狗、火腿公仔麵及餐茶只是$19；午餐有例湯、飯及餐茶亦只是$22，絕對是超值之選。那隻熱狗的醬汁雖然不可與永樂園媲美，有酸青瓜及厚切的蕃茄，見到的那一刻頗為感動。煎蛋火腿飯-那兩隻發光的太陽蛋，做來撈飯真是一流。奶茶-味道唔夠香濃，幸好我要的是少奶，老公那杯正常的就只有奶味。再來一個菠蘿包，是翻叮的貨式，又浪費了quota。

星期天陪亞媽去街市, 經過口痕痕買左件蛋撻食. 一入口就嗅到有d濃味, 唔知係咪底部濃左. d蛋又唔夠滑...

星期日中午到，冇乜人。食快餐(@$20，要斑腩飯，包例湯同餐茶)同牛餐($28，牛飯、例湯同餐茶之外重有兩件牛油多士)。斑腩飯碟頭細，不過質素唔錯，斑腩唔係包滿粉漿，菜亦有唔少。牛餐牛又係切條(都係鍾意切成一塊塊或者一舊舊)，幾有肉味，只嫌個汁多油。餐茶方面，奶茶茶味夠濃，咖啡就相對上普通。

10月7日18:00黃昏在這裡吃了個乙餐。豬柳飽：叮叮飽，內含鮮茄兩片、豬柳一件和大量沙律油，唔錯。火腿米粉：清湯火腿絲米粉，一般。齋啡：偏淡。街坊老店一家，店員和顧客全是長者。每個四人卡位，檯上都放有一株小小的富貴竹，有生氣。但不像鮮花，需要經常更換。埋單時見有蛋球，便要了一個，好香、好軟滑和有口感。HK$3.-幾超值。題外話：這店外賣膠袋，中文字是由右至左排列，極傳統。

尋日去開筲箕灣，途經這間開左幾耐的茶記茶記，見係下午茶時間，又來嘆杯奶茶先。三點幾人客一點也不少，看樣子以街坊居多。叫左杯熱茶走一件奶油多，奶茶仍然滑，奶油多唔會變左第二隻味。埋單16 蚊，飲完繼績探朋友的行程。但有樣野睇左，就飲飲下奶茶都忍唔住笑出來。平時見慣茶記的A/B餐，這裡就翻譯為甲/乙餐，而甲/乙兩餐分別只在火腿及腸仔，張單張設計又幾獨特，夠晒地道又草根。