泰屋 (東成里) (已結業)

遠離元朗大馬路有個窿有間泰國餐廳-泰屋，店舖寬趟、合適一家大細！招牌菜：泰國黃咖哩軟殼蟹咖哩粉份量剛剛好，不會太辣，材料新鮮、軟殼蟹入口硬身，肉質不會鬆散，超級美味！

帶住毛孩黎到元朗區，要坐得舒服泰屋係一個好好選擇😆餐廳有大量泊車位，方便駕駛人士前往😊餐廳有室內同室外座位，室外坐位都有帳篷姐住，食食下突然落雨都唔驚😊雖然餐廳叫泰屋擺明係食泰國菜，但都有d印度菜食下既，我地兩人埋單$428一齊睇下食左咩👀龍眼冰好甜呀蝦餅好正呀印度白咖哩（雞）&蒜蓉烤包咖哩開頭食好淡，食到最尾就好辣啊呀！🌶原椰盅海鮮焗飯啖啖飯都有椰漿味飯裡有椰青肉可惜腰果唔夠脆口整體都滿意，下次會試埋原盅菠蘿焗飯

話說琴晚發夢食緊呢個香葉肉碎飯一醒返就超想食即刻叫醒男朋友帶我食泰國嘢咁啱佢又真係知道有一間幾好食嘅（咁佢上次係同邊個試🙂？）lolll講返餐廳先 都有少少偏僻呢度門口有好多地方俾人泊車所以對於揸車人士來講10分方便隔離間酒店有啲似時鐘酒店🤣可能呢個地方真係偷情專區jkjk好啦講返嘢食先當然唔少得我發夢都食緊嘅香葉肉碎好大份！炒得好香好辣！正係少咗隻煎蛋🍳我男朋友就叫咗個咖喱雞配薄餅薄餅煎得幾脆 不過有少少油咖喱雞小辣 雞肉就一般 有啲鞋小食我哋仲叫咗個炸蝦膠皮蛋熱辣辣嘅時候好脆好好食醬汁酸酸甜甜都好夾我男朋友叫咗個青檸梳打少少中咗伏 因為好甜不過係佢傻仔冇叫人走甜椰青好好飲呀 裏便啲肉勁易刮出嚟食我兩個人叫咁多嘢都係$300泊車免費所以都抵食

看見OpenRice 的食評一般，但丈夫丫去吃過一次，所以比個機會佢。冬陰公 少辣豬頸肉如多點味道會更好咖哩蟹好食，如果蟹更新鮮會更好柚子大蝦沙律好似，用新鮮金柚蒜蓉法包好食食完後覺得好正，一定會再來

我們透過電話訂了枱晚上八時正，共十個人；誰知準時到達時，但見全場滿座，我們站著等了40分鐘，仍不見有枱能在短時間給我們，但餐廳需要在10時正關門，我們唯有臨時在附近找餐廳食飯，認真狼狽。我想說的，就是若你們根本不能保證有枱留給我們的話，就不應在電話中應承我們！又或者在電話中告訴我們，訂不訂枱都要來到餐廳才等位，那麼我們可能會有更好的計劃。我們當中有些是住在港島，有些在大埔，都是第一次來貴餐廳，沒想過所留下的經驗卻是那麼深刻！

今日有啲失望啦🤦‍♀️佢地既泰式春卷味道小編覺得有點怪，如果大家接受到芫茜個類既香料就嘗試下啦，但係小編真係不了🤣食一啖都吾得啦，而蝦醬炒飯味道吾夠出，濃味啲會更好

一家大細黎食，已經提早打電話去book出邊木棚位，去到又話比人book曬，安排我地坐外面其他位，成個篷都無燈要靠隔離d燈照先睇到野，環境已經非常惡劣，仲要舉極手都唔會有員工睇到你！叫左幾個菜，條魚明明一早搬左出黎，但又一直都無人拎，全部都拎其他菜上台！好啦！同佢地講咁唔要啦，成餐飯都食完咁濟，取消單啦咁，佢地話有架啦跟住再搬條魚黎！好心唔夠人就請多幾個啦！得幾個人做野點service到咁多枱客我地一家人食泰屋好多年，至少有十年以上，但sorry真係唔會再黎，食物唔係好食，價錢亦唔係特別平，以前都會keep住間唔中黎下都係因為一家人湊埋bb覺得呢到坐得都舒服，而家直頭失望

要食到正宗既泰國菜少之又少，呢間係小編心目中頭5位既泰國菜餐廳， 唔單止環境靚嘢食高質👍，呢間仲係動物友善餐廳🐕🐈大家不妨帶自己嘅寵物一齊嚟， 無論係平日定節日呢最好都早啲book定位 雖然場地位置都頗大，但係小編去過兩次，餐內都幾full㗎！ 泰國嘢嚟講呢間質數算係又高質又平又好食，雖然地方比較偏僻，絕大部分人都係揸車入去，但係都有交通工具可以去到附近 #博愛醫院落車大約行15分鐘就到😆👍-食得泰國嘢梗係要食佢哋嘅炒金邊粉🙈， 味道好足夠而且唔會太乾，但係份量唔算好多，而佢地既印尼炒飯味道偏淡， 但係旁邊嘅豬肉肥而不膩😍， 小食拼盤都好豐富呀，點咗雞肉同豬肉嘅串燒，雞肉串果然冇得輸，春卷入面嘅餡料都用咗粉絲😋 佢哋驚冇骨鳳爪都好正呀，令人想一嚿一嚿咁擺入口，完全停唔到😆

幾個星期無出街食飯，今晚終於俾我陳紫萱🐶等到喇，每次最開心就係坐木棚裡面嘅長木櫈，又大又舒服先叫個椰青，大🦐柚子沙律同馬拉盞炒通菜食先萱萱可以食嘅嘢唔多，只有椰肉，不過見媽媽同EE食得開心，我都好開心嘩兩個人叫咁多嘢會唔會太豐富呀？！不過見到滿枱食物，個環境又舒服，優哉游哉咁吹吓水，確係好chill媽媽表示最鍾意食炸皮蛋，EE就最鍾意食個明爐冬蔭公燒鱸魚🐟最後佢哋兩個當然食唔晒咁多食物啦！剩返嘅食物都包返屋企再食，無做大嘥鬼㗎

今日傍晚約了三位朋友晩餐，由元朗駕車到呢度，需時兩三個字，非常方便，車又可以停到餐廳前面，方便泊車。餐廳環境優美，木材桌椅增添了原始的味道。客人可以選擇室內或室外的位置。由於天氣算幾熱，我們選了室内的位置。西瓜沙冰 西瓜味略爲不足，但甜度適中。叫左酸辣鳳爪，正正常常，不過略嫌有啲唔夠酸辣，可以再多D。炸皮蛋係類似一層炸魚蛋内裏釀左皮蛋，原本覺得呢個有D特別，不過食落味道一般，冇乜特別。鐘意食皮蛋可以試下。炒通菜~味可以及夠味，但個菜既質素只係一般，略為唔夠香，有D失望。我地點左豬同牛，肉幾嫩，汁好食，ok海南雞例~幾好食，中間有層白色啫哩，雞都算幾滑，配埋個汁，唔錯。蝦醬炒飯~蝦片唔脆 但飯都炒得好香，有啖啖蝦醬味，唔錯。總括來講，食物及環境唔錯，可以值得再黎!

每次去到都想點某個湯，每次都答賣哂。今次好早去到，雖然要等等先入座，但係為咗飲湯都係等咗陣。一入去已經即刻問有冇，點知答已經唔再做😌😌點解個菜式仲係個menu度呢？仲要問侍應A又口窒窒，侍應B又愛理不理☺️覺得呢間餐廳求求其其，是是旦旦，同埋你無咪renew個menu ，搞到食客又食唔到，都唔知為乜😊侍應又亂咁答，對食客而言係一種欺騙。而且唔係好味到一定要喺呢間先食到泰菜，停車場又亂咁泊，石油氣罐又周圍放。以後唔食同唔會再叫朋友嚟食🙂

lunch set抵食，幾十蚊一個粉/飯套餐包飲品，可加錢upgrade特色飲品。魚、咖喱薄餅、菠蘿飯是另外散叫的。🥢焗原個菠蘿飯$108：用料夠，炒得乾身，好味。大蝦/魷魚甜汁好味過其他地方。🥢明爐烏頭$178：中規中矩，如果可以微辣會更有風味。🥢咖喱雞配薄餅：汁OK，雞如果能去骨更好可直接夾在薄餅內。🥢Pad Thai $5x：層次豐富用料多，lunch set價錢超值。🚗博愛醫院對面，易搵。最欣賞可以免費任泊車。🌺小木屋resort feel。首選室外用餐，但座位有限最好預先訂座。環境蠻寬落的，食完可周圍散散步。碰巧當天下雨，室外位置馬上落膠簾，不怕滴雨🌧。🤵🏻‍♀️應該不是本地服務生，有異鄉風味。態度良好，需要什麼馬上送到。

我同屋企人、女朋友都中意食泰國野之前聽親戚講話泰屋好食又有得泊車於是就揸車入元朗試下一入門口真係幾有feel有室內有室外揀我地就被安排坐室外，果晚涼涼地坐室外都唔成問題咁我地就叫下野飲同野食～個人黎講，最抵飲係椰青！🧉芒果冰都菠蘿冰好淡冇乜味🙄飲左半杯野飲，野食到我地叫左炸蝦餅、蠔餅、馬拉盞通菜、串燒、泰式鳳爪仲有見佢有個印度廚房就試下佢地個Roti同埋Naan最好食係啲串燒，肉質算係幾嫩，但個醬好淡好似溝左水咁🙄炸蝦餅都算唔錯，彈牙嘅泰式鳳爪得個辣字，冇層次可言，平時食係會有好多其他香料味例如有唐芹、青檸汁嘅酸、芫荽嘅香，呢碟係完全冇，淨係辣、辣同辣但最嬲係食蠔餅，極重白胡椒粉味但鹹味不足唔明點解咁都可以拎出黎俾人食，如果係啲蠔唔夠新鮮而要落咁多白胡椒粉落去辟味我寧願你唔好出呢味菜，同人講賣曬算啦未食之前，本身女朋友都拍左片同影左啲相諗住寫食評話如果好食下次再黎同埋介紹朋友🙃而家唔洗啦！唔會再黎亦唔會介紹朋友

朋友開車來到元朗食泰國菜，一入黎覺得地方好正，好有渡假feel，有室內和室外，當然是選擇室外，感覺真係好似去左泰國咁，好chill！因為得2個人的關係，所以我地都食唔到太多嘢，建議食泰國菜可以叫多d人，熱鬧d，開心d，又可以食多d嘢開始食嘢前，叫左隻白酒，因為得我一個飲，House wine來的 $168，係Charnoary，正正常常，無咩特別哦！我地叫左4樣嘢：1. 小食拼盤呢個小食拼盤有串燒（有雞肉，牛肉），春卷，蝦餅，同埋最左上角果個唔知係咩😂😂有3個醬，左邊係甜甜地，右上角係沙嗲，右下角係酸辣醬 串燒幾好食，雞肉同牛肉都好嫩口，不過沙爹汁就有d稀，唔夠味；我個frd都話稀左，可能換左廚師。蝦餅好好食，個粉不會好厚，入面的肉好實，點買個甜酸醬就真系岩岩好啦！春卷一般般，我覺得係唔好食😂因為個咸怪怪地，個人黎講唔係好鐘意左上角果個我都唔知係咩，但係個人就唔鐘意😂好似好多粉2.炒雜菜呢碟炒雜菜無咩特別，真系咩菜都有的，有椰菜，西蘭花，芥蘭；味道適中3. 紅咖哩雞🐔呢個紅咖喱好稀，一d都唔「傑」，味道可以再辣d，不過有一樣值得稱讚，平時我地出街食d咖喱雞係雞柳，但係呢個係比真系雞件你

Came here for dinner, ordered a Tom Yum, Pad Thai, Som Tum, 炒通菜，啤酒蝦。Tom Yum tasted like tomato soup, there wasn’t any flavor of the herbs from a tom yum at all. The most outrageous is the beer shrimp, for $238 there were only 3 medium sized lumpy shrimps. Overall taste was very poor and overpriced. Would not recommend. Take your money to somewhere with better service with actual edible Thai food.