譚仔雲南米線

營業中

休息中

今次我嚟到譚仔三哥米線，心懷著滿腔的食慾，準備好好享受一番。🍜 第一口竹笙肉絲米線，已經令我覺得開心到飛起！湯頭鮮得嚟，辣得啱啱好，個面滑溜溜嘅，竹笙咬落去爽彈彈，滿嘴生津，真係宜家諗起都肚餓。🤤再來個土匪雞翼，呀！嗰皮焦香得嚟唔乾，掰開黎肉汁嗲嗲，入口即溶，咬一啖真係回味無窮。雞翼細咗小小，不過每隻仲係保持住佢嘅美味精髓。👅食完暖笠笠嘅熱辣辣米線，點可以放過甜品？最後安排咗個布丁，甜度啱哂，咕嚕咕嚕嘅口感解辣，收尾實在太完美！呢家店嘅味道，真係何止一個「正」字可以形容，每一次都令我吃得咁開心，唔哂天，譚仔三哥米線，我一定仲會再返嚟！🥳

話說尋日發現咗袋鼠外賣自取譚仔有7折，即刻心思思想試試佢，挑戰過橋米線折完$50有找，點都試試佢啦12:30pm 落左Order, 1點左右就可以自取啦；外賣桶勁大只，一打開全部都系餸，咩都有的咁，叫左麻辣三小辣，米線味道同平時差唔多，過橋米線勁多肉， 啖啖都系肉肉，一個女仔喺食唔晒嘅，挑戰失敗不過價錢真系好抵，$50有找，仲唔駛加外賣碗價錢……

睇完笑到蝦碌嘅神經線械劫案下，作為啫喱嘅fans嘅我，一定要衝去試下呢個「神經線突襲套餐」($63)！-黃金鮑魚芝士撈起米線🍜一黎就見到超大隻鮑魚！芝士醬配上香脆蝦條、煙肉、蟹柳等配料，新年流流最岩食撈米線！真係可以撈到風生水起，黄金滿屋( ´ ▽ ` )ﾉ青花椒香茅雪碧🥤香茅同青花椒粉混入香草薄荷雪碧，一開始係香茅同薄荷雪碧味，去到最後青花椒嘅味道出晒，越飲越爽！-除左神經線突襲套餐，仲叫多左一個新米線同雞翼！-雞肉鮮淮山黑蒜清雞湯米線🍜蒜清雞湯清甜鮮美有黑蒜嘅甘香更令湯底味道更有層次，加上爽脆嘅鮮淮山同勁Juicy嘅雞肉，勁滋補！-四川麻辣雞翼 5隻 ($34)🍗麻辣味雞翼一入口未feel到好辣，反而係一飲湯果下就覺得辣勁多，譚仔嘅雞翼好Juicy😋5隻都唔夠喉！-#譚仔 #譚仔雲南米線#啖啖譚仔味

食開佐敦嘅譚仔和譚仔三哥，2間味道都差唔多。呢間都幾明顯差咗一截，米線硬、雞肉有雪味、湯底無辣味、膠碗細一個size。環境似大家樂多啲，自助模式，微弱冷氣。工廠區質素差一點，但價錢一樣。

同朋友行行吓有少少肚餓，又未到食飯時間，呢個時候最好就係去民間小食皇「譚仔」食碗麵，醫下個肚先，我最鍾意食佢個豬軟骨寬麵，四川重慶湯底又辣又好味，豬軟骨夠入味又林又軟，加埋啲豆卜芽菜韭菜好好味超正㗎配搭多杯特色凍飲又一人間美食，好食到你唔信

好耐無食譚仔，所以襯返工lunch過黎食，呢間雖然直入唔使等位但落完單等食物就等左好耐門口太多人叫外賣目擊差唔多20人等外賣😅😅譚仔魔力太大，個個都鍾意食譚仔麻辣味刺激下,正🤪🤪🤪落左單等左差唔多20分鐘先有仲要成日賣哂白肉,今日算好彩雖然大白肉賣哂 但仲有細白肉5個人雖然唔夠食，但都叫左黎食過下癮先，皮蛋抵食$12 仲有青瓜豬耳都有優惠雖然環保用紙飲筒，但枝筒成日好快就林哂 飲唔到🥹🥹要係佢未林之前，鬥快飲哂去

非繁忙時間，坐低叫左之後30分鐘先有杯野飲，等左好耐先有野食，態度求其，催完都係無野食。如果lunch time就極唔推薦，等到完左午市先開始趕。好需要改善既一間譚仔。

非繁忙時間，全店兩枱客，一係就叫極都冇人，一嚟到落單就猛催，員工態度極差劣。落單啱但廚房俾漏餸兼夾做錯湯底，同阿姐講，阿姐繼續街市咁嘅態度自行幫我決定埋個湯底，就一句「由佢啦」，跟著就走咗去補返個餸出嚟，踢波補位都冇咁快。已經谷鬼氣，食食下碗米線入面仲要有條頭髮！連食物衛生都係離晒譜！我本身都冇乜寫開食評，但我都忍唔住一定要出聲。服務態度同食物衞生都係極差。譚仔好多店我都有食過，相信九龍灣其士呢間係全香港管理最差嘅譚仔。以後唔會幫襯！

說起來有點慚愧，咁耐以黎食譚仔都唔敢叫辣既湯，只係叫清湯。今次終於勇敢一試，試下十小辣的湯底，要加$1，辣度對我依啲想食少少辣但又唔受得辣的人來說幾適中，飲了一小啖湯都幾辣，所以我就咁食米線，咁就辣度剛好了！上菜有點慢，等了十幾分鐘後追問就立即有了。本來想用BOC Pay 付款，有優惠，但店員耐心試了兩三次都唔得，結果只能放棄優惠，失望，但都唔關收銀姐姐事，希望可以改善啦！$33 雞肉十小辣米線(連基本配菜:芽菜/韭菜等)

夏天咁熱唔想食熱湯米線🥱最近見譚仔新出麻辣汁烤雞炸醬撈米線聽到個名就覺得幾吸引，今日lunch一於試試🤟佢由5小辣起跳，食落OK，唔會覺得好辣烤雞整得又juicy又嫩雞皮有少少脆脆地，唔錯加埋炸醬同酸菜，味道配搭得幾好幾惹味🍜不過就略嫌佢個醬汁唔夠麻香夏天好啱食，唔會食到成頭汗1碗$43價錢都合理既....HAHA佢仲出左2款特飲凍海鹽柚子樂同青檸綠豆薏米冰不過我今次就無試啦😂期待譚仔下次再出新米線😁

平日差唔多1點鐘去到門口，等咗5分鐘都冇就可以入去喇呢間譚仔都幾大，入到去都接近滿座，其實附近都有啲人係叫咗嘢食等緊，都聽到有啲人喺度催叫咗嘢食差唔多10分鐘佢先拎張單嚟🥲落咗單大概15分鐘到，嘢飲同埋皮蛋已經到了，皮蛋都係發揮正常👌🏻👌🏻咁我同同事諗住午餐時間多人都正常嘅，就諗住等多陣，過咗20分鐘到，我哋決定催一催單，侍應姐姐話而家午餐時間等20分鐘係正常嘅，你哋等吓啦， 我哋都明白所以就等多一陣過多10分鐘，我哋都再問多次位姐姐係咪正常㗎，我哋等咗30分鐘啦喎，佢就攞走咗我哋張單去check再過多10分鐘，佢就拎住張單嚟話已經整緊㗎啦好快上得，我見到有啲遲過我哋嘅人都已經有嘢食🥲🥲🥲最後我同同事等咗九個字碗嘢先黎，食到谷鬼氣碗嘢味道正常，但我太肚餓冇影呀！😡😡😡同埋來回譚仔嘅時間🤡🤡下次一定唔會嚟啊！

今日難得可以早小小出去食飯就去左食譚仔，因為譚仔都算係好熱門既選擇，每日只要遲小小去都唔會有位食到，所以譚仔算係好高難度先可以食到既餐廳。咁我就叫左個雞肉金菇米線三小辣。雞肉有雞味，而且又煮到岩岩好；金菇又可以索到個湯味，每一啖金菇都充滿左湯底既香味。而三小辣個辣度又係岩岩好會有陣辣味同時又可以保持到本身湯底個鮮味。

堂食唔知掂唔掂但外賣就垃圾、超級垃圾等外賣等到嬲一係就學下德福Beans，人多等外賣要超過30分鐘，你肯等先黎買電話/apps/walk-in又無限收單原來整唔設又唔截單大佬呀～買得外賣就係想快點知要等成45分鐘，真係棟棟企足9個字，無陰公。全體等外賣等到嬲。見到同時間黎到餐廳，堂食那個人都食完左，我..仲等緊咋等咁耐，仲要返到去先發現漏左個小食併盤。頂...仲要漏單。嬲上加嬲。仲有呢間比其他譚仔難食就連堂食...真係無下次

好耐冇食呢間譚仔不過見佢出咗香西皮蛋魚湯湯底所以今日特意去試下由於午膳時間 排隊嘅人都好多 我哋等咗10分鐘先有位入到去基本上有一半嘅食客 枱面都未有嘢食 我地都心知不妙 最後點完餐 都的的確確等咗20-30分鐘食物先至到齊可能原先對魚湯嘅期望好高所以反而有啲失望食落魚湯有魚味 但係鮮味唔突出爽鯇魚只有三四舊 味道還可 皮蛋數目係多嘅 芫荽就適中啦 總之整體來講不過不失 但唔算有驚喜另外 見到佢有新嘅飲品 就係葡萄特飲有乳酸爆珠 抱住一試嘅心態 Hahahaha果然杯嘢飲出出地事😂有啲過甜又古怪 佢好似仲有香茜特飲添架🤣姐 我真係未有勇氣試住 呢間譚仔始終唔係我杯茶 都係食慣三哥味道🙈

用外賣app叫餐，可以制作1個鐘都送唔到出門口，預計時間一遲再遲，再早d叫又晨咁早送黎，11點50分叫，1點05分司機才取到餐，午飯時間12點30分至1點30分，預計時間形同虛設12點唔夠就落單，3碗米線要做成粒鐘