牛一 (屯門市廣場1期)

營業中

休息中

前一天刚刚徒步完麦理浩径第二天来试试牛一午市的套餐+10%后才 163hkd 放题的牛肉第一次和后面几次的肉品质都是一样的黑蒜酱油也很香 蔬菜种类丰富 很适合健身人群雪糕可以选的小料很多 也很好吃，吃了十来盆肉意犹末尽的走了真的非常推荐中午来吃午市套餐 很多local也在这里吃

🍃天氣涼涼地又好想打邊爐😋屯門 #牛一 日式火鍋放題勁抵食‼️🤩今次食呢間係屯門市廣場分店，適逢牛一會員10周年感謝祭推出“期間限定” 五品肉の放題，90分鐘任食5款肉類包括有🥩美國特選穀飼牛、牛胸腹，豚五花🐷、豚肉、雞肉🐥另有自助鍋物配料🥬新鮮蔬菜、熟食、飲品、乳酪及甜品🍰💕我好鍾意呢間店每碟肉份量偏多，可以慳番啲落單等候時間👍🏻專心享受食物😋必食⭐期間限定💚抹茶雪糕🍦嚴選京都宇治抹茶粉😍茶味香濃，啱曬我呢個抹茶愛好者🩷☺️甜品配料種類好多，有玄米粒、麻薯、紅豆、棉花糖等等，大人細路都食得開心🙆🏻‍♀️💫最近牛一仲有個優惠係Happy Hour 定食套餐，價錢由$68起*真係超級抵食‼️😱港九新界都有分店，約朋友去牛一食火鍋都好方便😏

牛一 (屯門市廣場) Nabe One (Tuen Mun Town Plaza)地址 : 屯門屯隆街3號屯門市廣場一期1樓1246-1266號舖味道指數：⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：60分鐘雞肉套餐 $79 60分鐘雞肉套餐 $89等候時間：0分鐘環境舒適寬敞，富有空間感。最近喜歡來這裏吃60分鐘午餐，兩個人$200有找，非常便宜抵食。而且這裏的肉類質素非常之高，所以我們經常來這裏吃午餐。星期一至星期五，會員還可以憑電子優惠券買一送一碟肉類。蔬菜、丸類、烏冬、拉麵雪糕任吃，飲品任飲。

下午三點幾到，無多餘前菜。即時點牛肉。每次都一分鐘內上菜。牛花靚，食物新鮮。蔬菜種類多。比起一啲點極都吾出牛嘅放題，這是不錯嘅選擇。服務員態度都很友善。環境都舒適。

牛一 (屯門市廣場)位於屯門屯隆街3號屯門市廣場一期1樓1246-1266號舖, 由屯門市中心輕鐵站行去需時10分鐘. 本人光顧了牛一很多次, 習慣吃午餐, 可慢慢消化, 因為晚餐食太飽會很辛苦. 若然你是星期六日午餐幫襯, 則緊記要早最少15至20分鐘到達, 否則人流太多, 吃不到第一輪便要另覓他方了. 說回食物, 食得牛一, 當然主要是食肥牛了, 我們一家人幫襯的是午市90分鐘放題, 最便宜的美國特選級穀飼牛肉($148)及最貴旳澳洲和牛($248), 其實感覺上相差不太遠, 所以之後多數吃美國牛, 配菜只吃三兩樣, 秋葵, 雨衣金蘭, 乳酪雪糕, 大杯啤酒, 冰震, 正!

新年期間唔係間間餐廳繼續營業搵野食最後去左打邊爐平時係咪假期都係好多人排隊無一次食到竟然新年期間終於試到牛一可惜新年加價變得唔抵食推薦：3/5🍴澳洲和牛放題set $343 混合湯底+$20湯底：中華麻辣，木瓜海底椰白魚湯麻辣湯底一啲都唔辣，木瓜海底椰冇乜味湯底失望牛肉全部中規中矩，冇乜特別大深刻印象即使係澳洲和牛，都冇好靚嘅雪花 ，相對封門柳比較好食另外賣點係啤酒任飲，和牛set仲要包左朝日啤酒任飲添，愛飲酒嘅人應該幾啱～甜品係自助乳酪雪糕機，有個粟米新口味唔錯～～不過醬料選擇都幾豐富總括嚟講 哩間唔值得encore

天氣咁凍，最岩就係打邊爐😋呢間牛一開咗係屯門市廣場好多年啦，經過埋疫情都仲捱得住，證明間舖嘅質素都唔差。呢間啲湯底唔算太濃，任食既野款式都唔算多，不過勝在夠抵食，做會員儲分有得換野食或者有折扣。

好耐冇黎過牛一食，咁啱想食嗰間無位就過黎食下，點知質素大不如前食物款式少左好多，連丸都冇幾粒，感覺唔太新鮮，連火鍋店最愛嘅乳酪雪糕都冇，唯一賺下係有個服務員態度幾好，勁helpful勁nice，同埋價錢火鍋店黎講係真係算平

湯底選擇很多，辛辣的，養生的，甜的酸的都有， 合乎我地喜歡試新野精神。 牛肉和豬肉不可不斷叫侍應添加， 牛肉有肉香， 煮耐咗都唔韌， 好食。 其他蔬菜和丸子出去自取。 雪糕自取，好滑好香牛奶味，好食。 

好耐冇食牛一放題，難得放假又見吾洗點等位就入去食返餐。☺️午市沒有鹿兒島和牛任食，有點可惜，限時90分鐘，最後選擇澳洲和牛過下口癮。 壽喜燒湯底附送蛋，正。😍用QR Code掃描下單，主要得肉類和收費食品，其他配料醬汁，飲品甜品都係自助式。🤗🥩澳洲和牛薄片大大塊，落熱湯過三秒夾起，食得。賣相不太好看但幾好味。 一盤放太多片，雖然吾洗叫多幾次都係好事，最後點左兩次就飽啦！ 吾通係小編細食左？🤣配料有菜🥬，菇🍄，粟米🌽，瓜🥒，腸，粉麵🍜，飯🍛，丸🍥等等，一定夠你夾。😋醬汁選了柚子醋，清爽。💞飲品櫃有各款紙包飲品和罐裝飲品，都係任取。🥂甜品係乳酪，自行添加，各款配料如椰果，朱古力，細粒棉花糖，椰絲等等，可以再加配士多啤梨醬。😋食左一小時左右就食飽，大家可以趁而家少人來食餐飽。😊

唔係第一次食牛一但係今次食完喺餐廳已經即時肚痛即刻去廁所肚痾🤮🤮🤮同行朋友都食到肚痛🤢🤢真係貼錢買難受😭😭嗰日係假日去到餐廳門口覺得冇乜人排隊已經覺得有啲奇怪平時係極爆極多人排隊今次竟然等兩張枱就到我哋唔知係咪因為質素下降所以顧客人數都少咗另外以前我記得係有芝心丸 而家都冇咗叫左豬骨湯底90分鐘食$138 一位 牛雞豬套餐豬肉係比較好食之外牛肉真係完全唔得仲要食到肚痛真係真係要blacklisted

尋日行完街想打下邊爐，屯門市中心抵食之選就一定係牛一啦，初初拎位都見好似無咩人等咁樣，點知行到過去已經多左好多人，無辦法啦咁唯有行住街等位啦大約等左半個鐘就有得食啦，其實都算好快揀左晚市食90分鐘 因為都係快食，揀美國安格斯牛 盛惠$198加一入面汽水任飲，蔬菜丸都係出面自己拎，所有野都有蓋既都算衛生肉都叫見得下人，平食就無咩要求但求飽肚，所以黎咩都係隊哂落去個爐度就算啦其實食一個鐘都飽哂嫁啦 最後食埋個雪糕就走人

牛一好耐冇食. 偶然行過試下，一試中伏…平時冇出pose ， 今次覺得要分享下…中伏係指佢d和牛 (A4) 🤦‍♂️， 食完兩碟，係會唔想再叫… 第一次我對A4和牛會咁有自制.再叫佢其他幾款和牛， 都係肉色偏暗淡， 比正常同級和牛多肥皂 ， 食落都叫入到口， 但冇肉味，冇肉味又多皂我點解要食和牛🤔 其實我食過牛陣既和牛， 都比佢好， 價錢仲平3分之一同場見其他食客，都係叫最平既一兩款餐， 似乎其他食客都好精明， 只怪我唔做research 就黎食.雖然未必有下次 ，有下一次都只會叫最平個款 ，免失望，掃興. 其實間野都算多人排隊入坐，可能其平肉餐都係唔錯既. 所以平平地食ok, 和牛餐就免la.

平時夜晚次次都大排長龍，所以我就選擇左中午黎食，都係六七十蚊勁抵食，可以食60分鐘，我地叫左蕃茄湯好鮮甜，出面自助式拎佩菜，好多選擇一定有野岩食的，仲有雪糕機最正既係乳酪蛋糕黎的，好好味

好少入屯門，專登搵左間平平地嘅自助火鍋好彩冇令我地失望揀左午餐90分鐘＄128嘅set揀左鴛鴦鍋，一個係壽喜燒，一個係季節限定嘅藥膳鍋藥膳鍋好多藥材係入面，但味道實在太似飲緊大補湯，可一不可再壽喜燒係正常一定唔會伏嘅湯底，會愈煲愈濃，雖然好口渴但係好甜好適合打邊爐單係醬料已經有好多選擇，面類都有好多款式，仲有汽水區，Frozen Yoghurt可以揀好多配料除左打邊爐嘅火鍋料，仲有啲熟食，我好推薦佢嘅咖哩非常有日本咖哩風味，可以配碎粒和牛炒飯除左自助拎火鍋料，都有得再加點肉類，海鮮等等我地就再加點豬肉同牛肉，仲有生蠔同蝦滑跟set嘅豬肉食落有陣騷味，但自己落order個陣相對新鮮好食而生蠔都幾鮮甜蝦滑就完全唔推薦，好似食緊粉漿咁，完全食唔到爽口彈牙嘅感覺呢間店都幾多一個人黎食午餐邊爐，係幾抵食，同埋種類都多。