日本料理とん勝 (已結業)

做為食了多年的粉絲，此最後一次剛從外國番香港度假，到呢到叫左份hk$78 炸豬柳午餐講真。hk$78 加一都唔算平吧，你份豬柳薄到咁（有相為證）以前黎食係覺得呢到少有平靚正既正宗日式炸豬排。呢家又少一間on my list

今晚約左兩位朋友食飯慶祝生日，因為其中一位鍾意食茶漬飯，所以上網搵到哩間日式料理店。大約6點半左右黎到，店員一開口就係問我地幾位，連最基本既「いらっしゃいませ」(歡迎)都冇講🤷🏻‍♂️坐低睇左餐牌，打算落單叫野食，問題就係哩度出現，叫玉子燒冇玉子燒(理由係尋晚食客太盡興，所以冇晒雞蛋😓)、叫Sukiyaki冇Sukiyaki、叫牛肉冇牛肉，簡直係「百無」🙈因為乜都未叫(水都未飲)，所以我都提議不如轉場，但係兩位朋友都冇意欲走，所以只好繼續係度揀食物...揀左好耐，最後揀左：炸雞軟骨、炸牛蒡、燒柳葉魚、三文魚茶漬飯、鹿兒島特產黑豬肉薑飃香涮涮鍋(兩人份)首先黎既係炸雞軟骨同炸牛蒡，炸雞軟骨不過不失，係一般居酒屋都有既質素，炸牛蒡香脆而不油膩，配合少量鹽調味，反而係全晚最好食。之後黎既係三文魚茶漬飯同燒柳葉魚，飯份量好多，但係俾湯浸住，而茶竟然係另外用茶壺裝住(一直食開都係茶同湯預先調配，再預先倒落飯，或者用茶壺裝住俾客人自行調配，就算去日本旅行都係一樣食法)而且飯好多都黐埋一舊同埋食得出唔係日本米(但係價錢係貴到可以食越光米)燒柳葉魚就都係普通燒多春魚，不過唔似柳葉魚。最後黎既係鹿兒島特產

沒得去旅行 嚟呢間餐廳搵返日本的味道 雖然位置處於熱鬧的尖沙咀 但餐廳門面不太起眼 廳餐名字帶有日文又唔識讀 所以如果不是朋友介紹 不會留意到呢間餐廳 食過一次已經念念不忘 如果加set有沙律菜 配芝麻醬食佢既沙律係好新鮮好甜佢既炸豬排 同炸豬柳 都好出名 豬扒比較香 因為有留肥膏 豬柳就比較瘦 鬆脆得來又唔油膩 炸完既豬扒仲好juicy 每一啖都好神奇佢既茶碗蒸好食到⋯ 就連佢既味噌湯都係好有心機 好多料 有紅蘿蔔 白蘿蔔 蒟蒻 ⋯ 好豐富 性價比高 十分值得推介的一間餐廳坐既環境都好舒服 餐廳內都好多日本人食 缺點係電話收唔到 不過餐廳有free WiFi 另外切餅費要$50

日本魂又突然出現，瘋狂想食炸豬排😫😫 經過尖沙咀發現這家貌似好日本的餐廳，二話不說即刻入去🤩/一入去有幾枱日本人，覺得自己選對了😂沒有音樂，大家說話又壓低了聲量，感覺好似進了圖書館，不好意思拍攝呢😅/貪心地點了和式便當(每天用料不同)- 麵豉湯👍🏻 清而不太咸，用料很足- 茶碗蒸👌🏻 夠滑，蛋味不夠- 刺身三點👌🏻 新鮮但放題水準- 小菜/漬物👌🏻 口感一流，偏咸- 炸豬柳👌🏻 吉列炸漿夠薄，豬柳有點乾柴- 白飯👌🏻 唔似珍珠米，有飯味，正常/整體來講不過不失，份量取勝，但以炸豬排作主賣點的話其實吃罷失望😔

18.6.2020星期四晚當然要好好鬆一鬆，難得嚟到尖沙咀一帶，諗起附近有間既地道又抵食嘅日式炸豬扒，食指大動，即刻book 位免麻煩。只係仍處疫情期間，餐廳空位甚多，希望可安然度過。在場嘅日本客人很多，氣氛安靜，適合談心。第一道係絕對嘅招牌，吉列豬扒加$25 轉定食，晚市都係百幾蚊，比起唔少所謂專門店要平一大截。當然，午市80蚊都落得樓，附近打工仔先有呢份pleasure。蛋卷，絕對正宗嘅日本味道。醋醃鯖魚：魚味濃厚，甚至有少少腥，but 個人幾鍾。加埋啤酒非常之嘆 XD

因為openrice見到佢哋有茶漬飯咁所以去食， 其實啱啱食完一陣只不過十點，喺openrice時間寫住十一點半。 跟住喺十點嗰陣佢嚟執我哋枱面啲嘢跟住話佢哋閂門， 跟住問佢哋你哋openrice係寫住收十一點半我其實覺得如果你哋係收十點嘅應該改返openrice嘅時間， 跟住佢仲要話咁冇人我哋咪閂門囉， 我覺得佢哋態度好差 唔會再幫襯。

今日幫襯日本人開嘅餐廳，朋友必食推介： 炸豬扒！！！set 餐包有以下食物：豬扒有驚喜外層炸得十分脆口，不會乾身。還採用了珍珠米，粒粒分明，燉蛋十分滑溜，好好味，味噌湯 沒有加味精，好飲!整體十分滿意！

本人為熟客覺得食物ok, 但男店長差劣，傲慢而不講理態度⋯⋯令人留多一秒都嫌多！有好的食材廚師，卻配上壞了的店員......可悲！在疫情下，熟客少咗一兩個都嫌少！

朋友介紹位於尖沙咀既日本餐廳，吉列豬扒係招牌菜，見個menu 有其他唔同既炸物同天婦羅，本身都好鐘意食日本菜同炸物，諗左好耐都係嗌番佢既招牌菜咖喱吉列豬扒飯。看似普通而周圍都有得嗌既食物，反而好難遇到好食，作為招牌菜果然係有啲水準，新鮮炸既豬扒，咬落去唔會好硬咬唔開，又唔會炸到皮同肉分離，又熱又脆而且好大份，日式咖喱既甜度控制得幾好，配埋日本米，食落真係幾唔錯。配菜係薯仔沙律同麵豉湯。朋友仲另外嗌左枝酒同玉子燒。玉子燒既外皮煮得老左啲，食落普普通通。

前兩日中午要去尖沙咀做嘢， 路過嚇得到個對酒吧 諗住搵嘢食， 見到呢間係地庫嘅餐廳好低調， 可能因為疫情嘅關係啦冇乜人， 反正未試過就試下啦。 入到去 發現裝修都幾靚， 而且叫一個set lunch 都只不過係 80蚊左右， 我就叫咗一個炸豬扒便當， 朋友都係叫炸豬扒不過佢就叫咗一個用鐵板上嘅。 餐廳用了好講究， 大家都係炸豬扒但係部位唔同， 用嚟做唔同嘅菜式， 做便當嘅就比較厚， 地鐵板上嘅就打得比較薄， 佢可以點多啲汁。 朋友叫嗰個茶漬飯都幾傳統， 佢話味道都唔錯㗎。 而我就好欣賞便當上面嘅魚生同埋玉子， 明顯真係好新鮮。 我哋一路食隔離都有一枱日本家庭。 又有韓國人嚟食。 真係有質素保證

呢間日本餐廳並唔起眼，門口好窄，只得一本餐牌，仲要係地牢。不過當時餐牌展示咗呢碗北海道小樽海鮮丼，非常吸引，所以就入咗去啦！呢碗海鮮丼並無令我失望，雖然價錢有啲貴，但質素好高，每款刺身都好鮮甜，尤其是係吞拿魚，入口是超級香，海膽同魚子份量亦好足夠，咁多款刺身入面，我覺得三文魚未夠油香，其他都超正！同埋佢個醋飯粒粒都非常飽滿，口感煙軔。另外餐牌以外仲有一個拉麵吉列豬扒飯套餐，只是$168就已經有拉麵，吉列豬扒，沙律，茶碗蒸，芝麻。佢嘅拉麵可以選擇豬骨湯同鹽味，最後我就揀咗鹽味。佢個湯底加左柚子，咸得來好清香，麵質彈牙，清爽唔肥膩。而佢嘅吉列豬扒皮薄酥脆，豬肉厚實多汁，灑上芝麻之後超級惹味！

讚1. 價錢唔貴噃，雖然無另一間吉勝屋咁平，但平過丼吉一截2. 炸功的確好，唔油，香口，唔會刮嘴，外層脆漿做得好，吉列醬甜得黎幾惹味，整體黎講，白飯都煮得幾好，豬柳都唔會韌3. 都幾多日本人黎，氣氛幾好彈1. 椰菜有啲苦，同雪得唔夠，唔夠爽2. 炸蠔真心要改進，太熟啦

蘿蔔蓉吉列豬柳丼飯今次要推介既係呢間堅日本人開既餐廳入面既呢個炸豬排飯！炸豬排啊同炸豬柳都有食過，前者比較juicy，後者肉質比較諗身，我比較鍾意炸豬柳多d。不過最欣賞既都係佢既外層，炸得相當脆口，但又完全無個種油膩既感覺。畫龍點睛個part不得不提個日本珍珠米啦。另外個set包埋前菜男前豆腐，豆腐好有日本食個隻感覺（用上薑蓉+蒜sauce）和無味精既味噌湯（包含京蔥）！建議下次多人可以推介可以試埋其他菜式，配埋sake就perfect啦！

呢間日本野認真係有驚喜：p係尖沙咀隨便行random入左呢間日式料理，叫左一個lunch 定食套餐。入面有吉列豬同刺身，再配埋個飯。咁配料果d度度都差唔多架啦，個麵鼓湯都幾好飲唔會太重口味：p 刺身雖然份量就唔多，但係幾好食入到去個氣氛好靜，講嘢都要細細聲，不過環境都係相當企理舒服。食過咁多間日本野，呢間既質素絕對超過佢既價錢。特別係係尖沙咀呢個地方，我如果日後再行過都會黎番呢度食：）午市套餐係好抵食既

My wife used to work in Trim Sha Tsui and she recommend me to have lunch in this tonkatsu restaurant.I ordered the ロースtonkatsu set. It served with a salad which is fresh. The pork chop is perfectly deep fried and super crispy. The pork is not the highest class, but is cooked very soft. However, it cannot dent that the pork chop is not juicy enough. The rice is pearl rice, which is delicious. However, the soup is not 赤味噌. Japanese style should match 赤味噌with炸物normally.I will give 7 out of 10 for t