聘珍樓 (已結業)

結業前來這裏吃lunch，是公司請的。整體食物質素不錯，服務也很好，畢竟是私房菜形式的。我們包了一個廂房，一圍菜，私隱度高，環境不錯，裝潢也有氣派。菜單方面已經在訂枱先決定好，廚師預先設計和準備。首先湯品，喝得出來沒有味精，質素當然不能跟普通的茶餐廳相比，點心也很精緻。炸子雞的雞肉很滑，不會太咸或油膩。其他菜式的質素則保持在中上的水平，只是蛋白瑤柱炒飯可能比較健康，味道淡了一點。甜品是燉雪梨，很滋潤👍🏻👍🏻公司吃飯首選，但平時普通和同事吃lunch應該不會選擇了，一來價錢偏貴，二來聽說要預訂一圍枱呢。

兩個人行時代廣場，到了大蓋下午二時半到達聘珍樓，預備入內飲茶，但到達門口沒有見招待員，只好自己進入但見到一個身穿黑色西服的女士以很不禮貌地用手表示叫我們走，可能時間太遲又或者他們正準備晚上飲宴而不想再接客，這理由我是接受但也應行前向客人說明而不是用手勢趕客，很不禮貌，不是待客之道，我希望這是個别事件因為我在官塘聘珍樓所遇到的招呼簡直是天淵之別！又一間列入黑名單永不幫襯！

聘珍樓啲海鮮唔錯，今次食左聖子同士多啤梨骨另一張龍蝦相係早兩個星期食既，叫左套餐，好好味，有石斑，鮑魚，湯等味道好好聘珍樓啲服務都幾好，不過以呢個價錢嚟講應該再好啲，例如比湯啲客有時會效係佢個位，有時就要你自己拎，怪怪地最正係佢入面有人彈琴，感覺好Grand，幾好

蒸、炸點心唔算多，一半為味點、廚點及小菜鮮蝦韮菜角 -- 肉眼所見，睇唔到有蝦，只得韮菜粒、豬肉粒同菇粒鮑魚雞粒酥 -- 皮夠酥化，味道唔錯鬆脆蛋撻仔 -- 皮夠鬆化，但蛋香唔濃蜂巢芋角 -- 外層鬆化，味道唔錯荷葉珍珠雞 -- 超級迷你。除糥米外，便只得肉碎及有點瑤柱絲。所以我覺得無咩味，且偏醎鮮蝦腸粉 -- 皮唔算厚，但無蝦味 蜜汁义燒包 -- 熱辣；义燒係半肥瘦的

星期日同阿爸阿媽去飲茶，佢地都係好有要求既人，所以我都唔敢抬慢，上網做好晒功課，見唔少人都讚呢間，於是特登早d黎排隊攞位孝敬兩老~首次要讚下佢地d茶，真係好香，最鍾意飲茶既老豆都讚不絕口~加上環境好舒適，兩老都坐得好舒服~食物方面，好多好普通既點心，例如鳳爪、炸饅頭、水餃等等，都整得好有水準，食得出用心製作，抵讚~

最好的朋友，永遠都是於求學時期認識的。而這一篇文章，是一篇婚宴的文章，是我的大學同窗好友的婚宴。向來，若我是寫婚禮的席宴，我只會在 openrice 簡單寫一篇算，但為了留念，故特別選在自己的 blog 撰文。朋友的婚宴，因為是港澳婚姻，banquet 分兩次擺，香港擺男家，澳門擺女家及同事。而作為男家的香港好友，參與的，是香港區的以男家為主的聯婚婚宴，小型的酒會，設宴於銅鑼灣，時代廣場的《聘珍樓》。場地是怎樣的，不多說了，因為《聘珍樓》並非那些專門搞婚宴的場地，所以不算是一個有特色的擺酒場地，所以整體感覺是簡單的。一系列的正統婚禮儀式之後，就立即到了上菜的時間，而且一切很快，很準，原因應該是平日酒宴，同此酒樓不是熱門的婚宴場地，所以伙記們都好急，是日算準時開到席，也準時散席。婚宴一開始，例牌的開場席珍就是乳豬，這的確是一隻很乳的乳豬，那麼小就被人宰來吃，感覺有點可憐。但美食當前，這些要大叫善哉的事就不理了，肉薄皮脆，是好乳豬的重要質素，脆得黎羶香鬆化，薄薄的肉又夠嫩滑，味道絕對美好。碧綠翠珊瑚，是西蘭花加上汁，汁，是一個海鮮汁，有魚肉、蟹柳同珊瑚蚌，這一個就像家常便飯的小菜，煮個菜打

星期日做孝順仔，同家人去左飲茶，我地去嘅係呢間係cwb嘅聘珍樓，除返開大概每人$1xx到啦， 但係我覺得絕對值，首先，我覺得最impressive嘅就係佢杯茶，我係呢到就飲開龍井嘅，茶好清， 但味濃，一入口就去哂食過嘅嘢嘅味道， 可以繼續欣賞下一種食物 。 咁講到上茶樓，一定要食嘅一定係呢三樣，而我都好推介呢三樣： 一，墨西哥义燒飽，即係菠蘿义燒飽，入口鬆化即溶 二，帶子燒賣，用帶子做嘅燒賣，雖然冇用蝦做咁爽口，但係鮮味多左 三，蝦餃，好爽嘅蝦配上好通透嘅皮，睇落平平無奇，但係加上佢嘅xo醫先係妙絕。總括黎講，我好推介呢間係times嘅聘珍樓。

上星期四金記冰室飯局後回家，見雪櫃內有聘珍樓的糭，就知是細佬公司送贈的。據母親大人所說，一袋的鮑魚瑤柱裹蒸糭皇套裝內有一大兩小糭，分別是原隻鮑魚瑤柱裹蒸粽、蛋黃咸肉粽和蓮蓉梘水粽各一隻。是日早上，母親大人蒸熱了隻蛋黃鹹肉糉，小妹拎回公司作午飯，又慳返一餐。甫打開糭葉，粒粒嫩黃綠豆已急不及待露出了頭來。咬下一口，糯米軟糯而煙韌；綠豆份量極多，富豆香之餘，且甚具咬口；油花四濺的五花腩份量不夠多，顯然較為吝嗇；相反，鮮黃且鹹香無比的鹹蛋黃卻給得極為闊綽，咬下啖啖惹味非常。

本來打算入去利苑, 點知帶位話得好窄的2人枱, 所以就入左呢間呢間就俾左張4人枱我哋2個, 又可以放袋又坐得舒服脆皮燒肉D皮真係脆的, 燒肉味道好好郊外油菜都唔錯, 夠嫩口香煎素鵝就略嫌較淡味, 賣相有D似白切雞..炸兩好有懷舊味道, 而且提供3種配料任點, 唔錯!小籠包就係呢餐敗筆, 因為冇湯的! 皮包肉...古法馬拉糕夠鬆軟蟹籽燒賣皇好味!

早前收到聘珍樓集團送來的賀年蘿白糕及年糕套裝($168)。糕點用大紅環保袋包裝，提取方便，糕點用上可供微波爐翻熱膠盤盛放，再加上膠膜包裹，保證安全衛生。囝囝是蘿白糕瘋狂愛好者，一底蘿白糕可以一次過消化三分二，先切開試試，蘿白糕底雪白，蓋滿了臘腸、臘肉及蝦米，更難得是可以看到一條條的蘿白絲，煎香兩邊，透出蘿白的香氣，入口軟綿清甜，水準之作。再切少許椰汁年糕，賣相及用料十分平實，沒太多花巧的構想，煎時要下多點油，要趁外層微脆時吃就最好。

今年團年飯去時代廣場聘珍樓試吓。本來午市去過覺得食物普通，但勝在環境唔錯，心諗食團年飯環境舒適都好緊要㗎，睇嚟呢度唔錯啩？一早訂咗枱，六點去到，見枱擺得唔迫，第一印象良好。年夜飯做兩轉所以只有套餐和少量散叫以提高上菜效率，是常識吧？(原來唔係，稍後分解。)所以選擇有限無問題。計落套餐同散叫所費相差無幾，叫套餐好了，食完飯仲有節目，常識話俾我知，套餐勝在夠快！(原來又係一廂情願，詳情請繼續收看...)上菜逐碟嚟，唔會堆到成枱餸，味道似乎亦比午市好。龍蝦沙律龍蝦夠彈牙，上枱時毋須冰鎮都夠凍，唔駛食到一口碎冰。翅一般水準，散叫餐牌內似乎冇其他湯羹可選擇略欠周詳。黑松露野菌炒帶子其實不錯，帶子不少兼爽滑，但係冇黑松露味。雞最正，雞皮夠脆，雞肉熟得啱啱好。問題來了，食完雞之後斷纜！ 雞之後應該到魚，但條魚失去蹤影！侍應話廚房蒸唔切，但環顧四周唔覺有人有魚食…接近三十分鐘，唔餓等到餓，終於見到一條接一條魚出現！條魚蒸得唔錯，豉油較得幾好。斷纜一輪之後上菜再唔係一碟接一碟而係要稍等，雖然只係等五至十分鐘尚可接受。蟹肉伊麵竟然幾濃味，有驚喜。紅豆沙湯圓紅豆沙好味過少餡嘅湯圓。芝麻糕唔太甜有芝麻味。食完

呢度環境唔錯，枱擺得唔算逼。中間仲擺個鋼琴裝飾㖭。服務亦唔錯，侍應態度殷勤。不過午市食物選擇不多，質素亦普通。叫咗肉絲炒麵，菜苗餃同鮮腐竹白果津白，味道偏淡。甜品雙皮奶拼芝麻糊，只有少量芝麻糊為雙皮奶“調味“。整體食物只屬不過不失，勝在地方四正，請人食飯求體面都ok嘅。

有外國朋友到訪香港, 想吃片皮鴨, 由於他住的酒店在銅鑼灣附近, 於是咱們一行3人到聘珍樓。由於訂了位, 因此不用排隊等位。訂位時預留了一隻片皮鴨, 服務生很快便把全隻鴨拿出來, 色澤及香味十分吸引, 朋友要求全隻拍照也沒問題, 儘管晚飯時段十分忙碌。 片皮鴨肥瘦剛剛好, 三人食一隻太多, 四至五人差唔多。$380片皮鴨要了兩食, 除了正常的食法外, 還有生菜包。剩下的鴨肉用來炒免治肉然後用生菜包住食, 可以唔洗叫炒飯咁悶。為了有點蔬菜, 我們點了蟹肉扒瓜甫 $108, 蟹肉份量剛好, 不會太少。 很多人都知道, 一般外國朋友都喜歡吃甜酸的中菜, 為免又是咕嚕肉, 於是我們點了糖醋蝦球 $198, 蝦肉彈牙, 味道不錯。環境不會太嘈, 服務也很有效率。是次合計約一千元, 因點了數支青島

今日同朋友食飯,由於我食開霸王餐,所以由他們選擇最後簡了這裡,印象中從未來過環境也算中檔以上,但味道麻麻..MENU做得幾好,好多圖湯就係椰子加上雞和豬肉,材料味道全部出哂去湯度,味道清甜,理論上是全餐比較好的一款.其次就是黃金蝦.佢整得好靚,咸蛋黃剛剛包圍了蝦,但係味道不夠濃,以黃金蝦來講佢完全不夠重口味不過蝦肉很新鮮彈牙其他的菜不值一提,2款魚都係充味冷鮮味,怪怪的,很失望....炸子雞不夠嫩滑浪費了環境我相信帶外國人來食呢度係幾好,因此MENU圖文並茂,很易點菜但係以中國人角度來講呢度食物不合格

話甘快, 自己都已經有左5個月身己. 同老公既第一胎, 當然唔可以待薄佢. 今日就黎呢度開飯. 懷孕後, 一直都尋找肥B不肥媽的食物, 之前響米記見過營養師都知道, 少鹽少油, 戒糖戒甜就一定架喇, 而且一定要8杯水+每餐2碗菜. 澱粉質都唔夠膽吃太多, 怕妊娠糖尿. 所以今日叫左好多菜. 一入門口, 先聽到現場鋼琴演奏, 係幾好, 但好似同中菜唔夾甘....入戲肉叫左海參--對BB發育好呀! 又低卡路里, 膽固醇....不過今日個煮法就太多醬汁喇, 係惹味o既...撈飯幾好!紅燒豆腐雜菇--個賣相同海參甘樣差不多, 味道都係不相佰仲....一般般. 上湯雜菜--呢個最讚, 因為最清, 同埋真係好多菜, 開正我個飯. 玫瑰醬油雞---切左d雞胸比我地, 但係一d都唔鞋口, 老公話, 難得擦膠都甘軟熟...讚!燉湯--無影到, 一人份量, 分左兩小碗, 無味精--收得$6x一碗都唔會太差. 全餐賣單$6xx, 老公話幾好~我都覺得可以, 不過就唔可以成日encore 囉, 窮死lor...呵呵...全餐服務都好好, 笑容可躬.