有叉用燒烤樂園 (已結業)

這裡所有野都要收錢, 包括醬料, 餐具, 紙巾, 烤具, 消耗品等, 除了入場費一個人預多三舊水係最基本.味道方面, 所有食物似乎都是劣等貨色, 肉類方面, 肥脂多肉粗鞋佔大部分, 基本上這是難得很難食的燒烤.服務態度很差, 服務員經常扮忙手腳慢而且態度惡劣, 添野食的好似求施捨一般, 而且非常孤寒也不衛生.其他食物例如丸子, 味道不好似乎是雪藏而且放很久的, 蔬菜類沒有洗, 要食自己徹底洗吧. 附加費極多, 沒有下次.

今次係想去試新 BBQ 場，見佢個名又幾特別，試一試啦....但點知......一到步，到counter 辦理入場手續，但好奇怪囉.....我地成十一個人，果盤野食都係得小小，4粒丸，雞翼4隻，豬扒牛扒每樣2年，腸仔4條，雞扒2塊。真係小得可憐，(我地都成十一個人啦，俾多 D 都唔怕死)再拎用具時，蜜糖得 2小"du" 仲要話冇得 refill....再拎到俾錢，喂，我地十一個人分開開爐係咪有十一 "du"呢 ? 多餘......乜野都要錢.....紙巾又係得一卷，用完又要錢。有免費粟米拎，但牛油又要錢不過拎所有野....都係要拎返個 "du" 去拎.....好似個個客人要去乞食咁.....真係一肚氣......租個藍球打都要 $5 呀.......唉........至於野食.....雞翼同墨魚丸都算 OK!! 不過......沒有下次了.....因為唔想再去乞食.....~,~乜野都要錢，但入場已經收我地 $85。

今天帶著狗狗參加狗會活動, 難得搞手話有朋友係度做, 以為每人$180有多些資源或食物或服務好些, 非也, $180比其他人貴, 只是用了個網圍了一小範圍給我們. 我地個台的人全都話未食過這種像乞丐討食物的自助BBQ方式: 每人只能配給一支叉, 一隻碟, 中途比風吹掉了叉落地, 我們一係用紙巾擦過再用, 一係冇叉用. 每台只配給一盒濕食物和一個乾食物的洗菜籃, 你差不多吃完食物, 一定要拿個盒去老遠的Counter, 才能配給一少許食品, 拿去的盒令到正在燒烤的人要等個盒回來, 不消多久, 我地又要去乞食物, 每人只送1支水, 1支指定汽水, 其他都是錢錢錢!!! 面包要比錢, $6一包, 像有4-5片. 後悔沒有先睇open rice的食評, 太相信...唉, 場地差的以為自己在停車場的爛地燒烤. 有蚊之和烏繩 一入場話比佢地知我地早比左錢給搞手, 而搞手又早到左比左錢佢地, 佢地不理不准我地入去, 一定要我地去counter比錢, 要我致電搞手出來通知佢地

我於本月中與朋友一同前往有叉用燒烤樂園, 先說一下門口, 一片爛地, 如果大家係開貴價名車, 請去的日子,不要駕車!!入面的情況, 一入去, 有一頭大黑狗歡迎你, 如果你是愛狗之人, 可能無問題,不過如果有小朋友的就請小心, 這裡的狗都是無人看管的, 如果出了事, 都無人可追討....在燒烤場入面, 有位女士招呼, 她看起來不願做似的, 好像多我們一單唔多, 問佢咩都係好唔滿意答咁....食物方面, 其中有個是雞排, 顏色怪怪的, 是青綠色的d 丸又硬, 好似未解凍一樣...衛生方面, 廁所有2個, 不過2個都十分恐怖, 我女朋友話, 天花板有小強四圍行,地面長時間都係濕淋淋....如果要係呢個場BBQ, 真係要先審慎考慮!!

今日全家人參加左佢地個營火會加BBQ, 好早就入左去, 好好玩, 下午就玩左D團體遊戲, 同埋有好多適合BB玩的大玩具, 燒左一陣野食, 跟住圍住個火跳舞唱歌, 又唔覺得熱噃, 反而覺得好舒服, 又識左一班朋友, 之前都未試過。食物方面, 老實講不過不失啦, 一個自助燒烤都係O個D野食啦, 但係D綠色的雞扖好好食, 場主比我睇返原來雜誌都介紹過。

今日第一次去, 無睇食評就去,好後悔 由於平日去, 佢地4點開始, 所以我地4點半去到, 無人...以為因為早所以無人, 真係一個人都無, 就得我和男友2個...行左陣, 之前睇佢地個網話有單車踩, 去到問, 話無晒, 得返0的電動唔知咩車....勺魚場0的水似污水好核突, 個場所有野都容容爛爛咁....跟住4點幾5點開始燒... 0的丸全部都好難食, 燒完出黎係又乾難食...雪都未融, 諗住我地早融唔切都算.... 又少野食, 得0的好難食既丸, 牛扒, 雞翼, 豬扒等普通又唔好食既食物, 超唔好食既雪藏食物, 得金沙骨叫好少少燒到6點, 都係一個人都無, 又有烏繩, 但唔算多.... 燒燒下... 有個到養既2隻黑唐狗圍住我地個爐想要野食, 有個整野工人諗住叫佢地走都無叫...諗住打發佢地走所以俾左0的食淨既骨佢地, 已經覺得煩, 我本身好怕狗, 所以再去拎野食時順便叫0的工作人員帶走返2隻狗, 那個女收銀扮聽唔到, 個男既又呆呆下...返到去2隻狗行開左, 已經無晒mood, 諗住燒多陣... 點知2隻狗又黎, 我食完個牛扒再食豬埋時, 隻狗wo 我, 嚇到我死, 幾驚佢咬我,

一班frinds 諗住去試下，點知係銀座行去已經成四五個字(可能唔識路掛)。到入口之前要經過一個停車場，入到去同係網上睇既相係兩回事。俾左錢入去個場更加係恐怖。有D帆布棚好似就快散開咁。因為係下晝入去，嗰日又唔係太好天，個場勁多蚊同蒼蠅，加上少燈個場勁暗。食物方面就不過不失，但係佢只俾一個鐵盆我地放食物(重點係冇蓋既)。最後頂唔順咁多蚊蟲燒到七點幾就走人，出嚟既時候天色已黑但返出嚟條路竟然一支燈都冇。建議各位要去嗰度燒嘢食既朋友1.最好帶備防蚊用具2.唔好太夜去(如果夜晚去就帶備電筒)3.如非必要切勿前住

我住係天水圍我一次都未去過所以想試下....我就同一班親戚去試下啦....去到有一班人出黎同我地講你地唔好入去啦...好多烏蠅呀...我地燒左唔夠一個鐘都頂唔順要走之後我入左去睇睇...係門口都見到有烏蠅...我無誇張..有成一個毫子都大隻呀成個燒烤埸得一家人係到燒仲話差唔多走..佢地d小朋友都好大聲叫之後我地轉地方燒...列入我既BBQ地方的黑名單

沒有想過有义用會变成這麼差. 服務差, 設施勁差. 話D 單車可以任用, 以為可以比D 小朋友玩吓, 點知是全部都唔可以用. 直情可以用廢鐵形容.早幾年去, 人頭湧湧. 但今次去只有小貓三四隻。梗係啦! 個D 職員好似趕客, 多過歡迎你來咁. 態度極劣. 我今次仲做領隊, 話個度好正(之前真係好好). 點知, 我除了失望之餘, 仲令我鬼咁唔好意思. 因去個度車費同入場費每人平均要$160多. 好唔值. 好勁差, 勁勁差...........

交通極不便利，即使係最近既輕鐵站(銀座)落車都要行成十五至二十分鐘先到。夜晚去都幾恐怖。頭一段路都重有D好暗既路燈，之後入去要經過既停車場至入口都冇燈咁制。如果夜晚先去OR夜晚走最好帶電筒。係佢個網站話有好多嘢玩，去到大部份都唔開，個魚塘更加係蚊既主要來源。因為夜晚燈光又暗。地下又多積水，所以各位要去既話一定要做好防蚊。攞嘢食嗰時記住問佢攞返個蓋，因為嗰度都好多蠅。食物同出面嗰D都差唔多，冇乜特別。除左入場收錢、攞嘢食，同開爐之外未見過有職員出玩，全自助

星期六與一班同學聚會，來了這個有叉用燒烤樂園。先說地理位置。看網頁地圖好像很近，結果是下輕鐵或巴士後都要步行一大段路。最重要是步行的路程又暗又少人，找了很久，沒街燈，交通十分不便。再說燒烤場環境。抵達門口後，猶如死城，有叉用燒烤樂園個牌暗到睇唔到。周圍只見貨車泊左係度，有無人，一大片雜草，以為自己去左荒山野嶺。聚會當然是陸續抵達，我相信如果一個人來都咪話唔驚。穿過一處雜草停車場，見到門口，無人接待，又無人（星期六）。心想，無理由去錯。再行入ｄ，只係見到好髒亂的椅子和牌，正如拍戲的廢墟一樣。再談食物。食物款式少，大路野都有，係張紙都選擇，俾佢，佢就係廚房拿俾你，成彭人成堆野食得一個盤裝。相信人少，食物不新鮮，雪到硬哂，燒一粒丸都花上不少時間。再講服務。無人接待都算，入到去第一時間係，有個人彈出黎叫你去買飛。甚少員工，不甚禮貌，冷淡到死，好似唔休做。加碳係自助，一大架車，你係附近推埋黎，唔該哂。價錢方面，假日七十元，加埋走個時你唔打的都唔得（因為行番出去遠），咁即係成一百元。咁的價錢，可以有很多更好的選擇。好在自己玩得開心。

嗰度有車玩幾好玩架有啲車係舊咗啲但係都叫玩得吖出面又唔係有得玩咁可以打發吓時間嘛嘢食都ok呀燒嘢食嚟講佢啲嘢算醃得好食架好入味不過種類就少咗啲總係覺得好似主力唔係燒嘢食咁anyway新屎坑去吓都算唔錯

有叉用...名副其實我昨日一心與家人興高采烈去有叉用燒烤........點知一去到門口,已經另我想停步....點解..因為d環境真係好恐怖.門口無人接待.......因為我們一家是在好遠的地方到來.所以就免為其難入去...之後一幕幕驚心動魄鏡頭出現..環境荒廢..好似一個死城...有多蚊蟲...燒烤場d 椅好污髒..厠 所無水...所謂d釣魚台殘缺不全..河水渾濁...我d小朋友無咩好玩..諗住踏下單車..點知d單車全部都似廢鐵..無人修理..叫d小朋友點玩...我唔會再去...如果呢間公司想繼續做落去.就應該好好檢討下d環境同service.因為佢地連幾張錫紙都好計較..我見到佢地仲鬧人..你話這樣的servic 邊人有仲幫親..有這麼大地方都唔好好用....真係可惜

我幾年前已經幫襯呢道,仲成日推介朋友幫襯添!可惜...近年呢道已經變哂質。近年去覺得客人數量少左,原因我個人覺得有幾樣問題,就係服務方面真係越越差,好似兩個人開一個爐有至樽仔蜜糖,但你十個人開一個爐又係得咁多蜜糖,如果用哂再問佢佢係要額外收錢!有次我成十個人開一個爐,兩樽仔好似外賣醬料樽咁細蜜糖,根本十個人每人搽一浸都唔夠,問佢再多佢話要再俾錢,咁我咪同一個女負責人撐囉,我話:「兩個人開一個爐又係俾咁多蜜糖,咁我而家十個人,如果分開五pair開五個爐,咁妳係咪要俾五份蜜糖我丫?」個女負責人即時無言以對,另一位男負責人聽到我講之後話:「唔好同佢拗啦,佢要俾佢啦!」之後我多兩樽蜜糖返去爐再燒,臨行之前我彈在場負責人兩句:「做生意一次過冇意思!成日幫襯都咁,下次搵鬼幫襯!」之後直至而家近兩年我都冇幫襯過咯!因為佢地服務態度差左,搞到現場環境都差哂,加炭又冇人理要自己郁手,添加食物手續又繁複,蚊患又嚴重...唉!唔怪得之咁多人食評彈佢啦!

食物: 選擇種類少、味道一般，勝在有少量「大碌鱔」供應(每只得一份)。最攪係，補充食物的時候要先填申請表。環境: 面積很大、有單車租、釣魚場、搖控船、麻雀區、小型賽車場、狗隻遊樂場等設施，可惜欠缺打理，有D被荒廢好耐感覺。燒烤場沒有風扇、電視設備。服務: 全場只得3-4個服務人員，態度傲慢、唔積極、唔熱心。除入門口有人主動向我們收錢之外，由開爐、食物、加炭，直至離開走人都冇人招呼過，甚至理會過我地。衛生: 嚴重惡劣。可能由於池水混濁，引致蚊蟲滋生。一群肥壯的蒼蠅不停在我們放食物的上盤旋，我們要一手叉，一手撥蒼蠅，非常恐怖。價錢: $68/位的價錢跟其他燒烤場差唔多，不過就只限5小時。可惜頂唔順蒼蠅的侵襲，我地燒了唔夠3個鐘就離開了。