無双 (已結業)

之前係網上見到介紹呢間餐廳, 仲話已經轉左手, 係日本人打理的, 所以今日同朋友特登去試下先, 哈哈因為我朋友好鍾意食拉麵架. 一去到環境好似FOOD COURT咁, 一個AREA裹面有6間店係到, 都幾特別架, 好似日本個D餃子城呀, 拉麵博物館咁, 可以食到唔同種類既拉麵, 不過我地最終都選左網上介紹既拉麵店.一坐低就會有店員來落單的, 店員也很有禮貌地講比我地知D茶水係自助的, 同埋會問我地D拉麵既軟硬度, 粗幼度TIM, 讚!! 我同朋友一人叫左一碗, 我叫左碗賣相好靚既拉麵, 係用义燒切成成朵花咁架, 哈哈, 仲有我最鍾意食既唐心蛋, 第一啖就緊係試下啖湯先啦, 好香濃既豚骨湯, 而且不太油膩, 拉麵我叫左幼身的, 不太硬不太淋, 剛剛好, 配菜有木耳絲, 主菜义燒都有成5塊, 咬落去仲入口即溶. 正!!而朋友都係叫左义燒拉麵, 不過佢呢碗係粗身既拉麵, 哈哈, 真係好粗, 一上台只見到滿滿既芽菜同义燒, 呢款既义燒比較大塊, 都係一樣入口即溶既感覺, 唔會有肥膩既感覺, 而湯底會比我個碗淡少少, 但都有豚骨湯既味道.總括黎講其實比想像中好食, 因為去之前其實都有望過OPEN

豬肉對我來說，已經是幾乎快要被戒掉不吃，但又冥冥之中，無法完全劃清界線的東西。而日本的拉麵，主要的配料又偏偏離不了它，十碗拉麵至少有九碗會是有豬肉在裡面。偏偏現在的我已經絕少再接觸豬肉，起碼由星期一到星期六，正餐時間儘量跟豬肉保持距離。直到星期日，才偶然吃回拉麵一兩次。對我來說，最大印象的日本拉麵莫過於，上年跟屋企人去日本東京旅行，在日本吃過真正的拉麵。日本人對於拉麵的瘋狂認真執著，跟我對食雞的執著真的不相伯仲之間，幾乎整個東京到處都有賣日本拉麵的餐廳。有個很出名，但我未曾試食過的日本有名拉麵餐廳區，日本東京駅内的拉麵街。聽聞有多間日本有名的拉麵店，都進駐了東京駅拉麵街，吸引不少東京市民跟遊客幫襯。當時我也曾經去過東京駅食晚飯，但是跟東京駅拉麵街卻擦身而過。後來看食評說，在佐敦恆豐中心地庫三樓，開了個類似東京駅拉麵街的日本拉麵店廣場「Ramen Champion」。「Ramen Champion」裡面有六間不同著名的日本拉麵店進駐經營，會定期按業績排名決定各拉麵店「生死」和「去留」，猶如日本拉麵店的競技鬥獸場。一雞死一雞鳴，舊店被淘汰篩走，轉頭又有新店進場，這樣日本拉麵店「困獸鬥」周而

店名：無双 MUSO地址：佐彌敦道222號恒豐中心地庫Ramen Champion 5號舖好味指數：8.2／10價錢：$98春櫻套餐：半熟蛋拉麵 配 餃子 及 果凍拉麵競技場有六間日本拉麵店，每年生意額最差的一間就會被淘汰，由另一間補上。今次選了吃無双原因之一是它取了2012-2013年冠軍，實力固然有所肯定。另一選它的原因是比其他拉麵店的款色為創新。半熟蛋拉麵湯底鮮甜，有一粒粒好像肥膏的物體浮在湯上，但味道不會因此而感到油腻。麵條爽滑，肉質鮮嫩，還配有少量芽菜。餃子味道也不錯，一客有5隻。外皮夠薄，金黃的脆皮炸得脆脆的，肉質鮮甜，配合餃子汁味道更佳。啫喱是提子味，味道就像在家裏吃到的那一種，沒有特別，但優勝之處就是夠凍。 查看更多 

同女朋友過黎食拉麵，見到ｅ間話好無双，於是就試下啦！我地叫左個二人套餐，我女朋友就叫左個豚骨魚介湯底，而我就叫鹽湯湯底，咁佢就有一個小食送呀！我地就要左個餃子！見到部機叫係度叫，就知有得食啦，佢地賣相都唔錯，隻流心蛋都幾靚，之後就開始食啦，我個鹽味湯底都幾正，但係我女朋友果個豚骨湯底就超咸，唔講以為食緊沾麵，好彩我有個湯底係度，可以share俾佢！土食返我個麵，其實ｄ麵質都唔錯，幾彈牙，隻蛋都唔錯，係有ｄ凍啦，塊叉燒都幾薄下，同埋我覺得ｄ麵都少左ｄ，太多芽菜啦，如果有得加底我相信都會幾好！最後二人餐重有兩個jelly送！

Order左碗$88，忘記碗麵叫咩名了，除左隻溏心蛋好食之外，只記得湯底好鹹!!唔係濃!係鹹!無豬骨味，味精極重，食完口渴左大半日!!麵質冇乜特別。係全場冠軍浪得虛名?定其他店比它更差?ps:呢個拉麵競技場抽風系統極差!!全身都係油煙味!!!!

某日出街見客, 亞頭話是但響附近食, 就揀左黎拉面共和國.原本諗住好似Food Court咁會流流地, 但原來都好似響日本食果D.行左成場一圈, 最後比NO.1既無雙吸引, 叫左"招牌"拉面+餃子set.拉面幾彈牙, 湯底都幾好味, 唔油, 蛋好流心, 最正! 不過义燒薄左D.餃子皮薄, 煎得剛剛好, 唔錯.另外環境唔錯, 好多位, 唔太嘈. 而且有免費水自己拎, 唔洗SIDE錢買野飲.

佐敦恆豐中心裡的「拉麵Champion」有很多日式拉麵店進駐，今天便試了「無双MUSO」的豚骨魚介湯底拉麵。湯底：以魚骨為主，比起一般豬骨濃湯較為清澈；湯面佈滿油花，夠香口。拉麵：硬度一般，份量普通，沒甚個性。叉燒：做得肥瘦均衡，雖然三大片薄薄的，但咬下去時肉香滿口，是上乘貨色。味玉：味道較淡，看似醃得不夠入味，但和整碗麵配搭得宜。配料：筍的份量很多 (另外可以選擇芽菜)、另有蔥和少許黑椒。

入到RAMEN CHAMPION, 有咁多間拉面, 見無雙放住大大個獎杯, 望落又幾吸引, 同FD SHARE左個二人餐, 我揀左經典叉燒拉面, 湯底係1號既豚骨加雞肉, FD揀既係2號湯底, 豚骨加魚介, 即係魚骨熬成。一食, 我果個比較濃, 同重口味, 好重豚骨味, 而且比較油膩; FD果個比起我果個清啲, 但其實都算濃, 有好香既木魚碎味, 感覺我果個係一般拉面湯底再濃啲, 中意木魚既可以揀2號湯底。蛋望上去好似口感好實, 但咬落去意想不到咁滑 , 都幾溏心。二人餐有六隻餃子, 對比起另一間賣沾面既拉面店, 呢間好食好多, 豬肉多啲新鮮啲, 果間似超市買番黎果啲。食完有日式啫喱, 比個名呃左, 以為有咩特別, 其實係羅便臣啫喱-,- 

去得Ramen Champion 又點會只係試一間拉麵館。試完阿修羅比較香甜嘅豚骨湯，想轉個口味，可以試下無雙嘅東京醬油豚骨拉麵，湯頭比較薄，飲落有啲雞味，胡椒味濃，風格清爽，但層次欠奉，加入生蒜後味道稍有改善。麵味香，與淡口湯底非常配合。整碗麵嘅味道平均，但無甚特色，叉燒同半熟蛋亦無甚可評，係一碗普通，中規中矩嘅拉麵。

碰巧經過，甫踏入大門口，一女店員派了一張似八達通卡的付款卡。原來，這裏是憑卡先消費，後埋單的。入內繞場一周後，發現共有六家拉麵店在內。原屬意在開飯啦排第一位的北海道毘沙門零，惜仍未營業，故退而求其次，去了枱上放有冠軍獎杯的無双。點餐後，把付款卡交予無双店員。換來的，除卡外，還有一部會發出「咇咇」聲且震動的取餐提示機。然後，可自行搵位坐下，等部機響和震。也可到飲品區，以優惠價另加$8換取果汁一枝，或自行在水機斟冷熱免費茶水。不久，指示機有反應了，小妹要的無双大套餐$98 – 餃子和叉燒半熟蛋拉麵準備好了﹗雖預先要求少麵，然份量仍蠻多的。先呷一口湯底，質感毫不濃稠或油膩。惜，味精湯也。試了兩三口湯，雖有清新蔥花點綴，然，味蕾已受苦，喉籠已乾涸。接著，挾一箸拉麵放入口中，麵質完全是一般貨色，幸口感仍爽彈具嚼勁。不知何解，爽嫩的芽菜竟比拉麵還要多，頗有「喧賓奪主」之嫌。叉燒只有一薄片，普通之作，不評也罷。一隻溏心蛋對切成半，入口不夠醬油味，平平無奇，失望。一客五隻的煎餃子，稱得上皮薄肉鮮。相對拉麵來說，好好味了﹗

今次因朋友介紹，專登開車到佐敦去依間，一間店有六家拉麵既地方。  入到門口去左今次食既無雙拉麵，見櫃檯上放左冠軍獎杯，所以叫左個冠軍拉麵食。之後叫員比左部「機」我，我細問之下店員話可以攞餐既時候，依部「機」會發出「必必」聲。跟住我就去搵位坐低。   大約十分鐘，部「機」響，我就行去櫃面攞餐，眼望落去份量十足，忍唔住立刻開吃。餃子食落口就食到即煎既香口，餡料都非常多之餘肉汁多好多，依個餃子非常好食。之後到戲肉，我食拉麵個人喜好飲啖湯先～試啖湯既感覺就係，非常清既豬骨湯底，再開始食埋個麵，麵質完全係一般貨色，而且义燒薄到紙一樣，而且一d肥都無，完全無口感可言。   依間麵屋，第一次試，因為快餐店式營業，服務絕對係無，食物方面，我個人覺得一間唔好食，都重有五間你試，而且五間各有特式。

WEEKDAY來,人不多,懷著儘管一試的心情來試一試...結果...真係一般!蛋煮得唔入流 拉麵係一般野 湯唔夠熱賣相就見仁見智啦~如果要比，總體黎講，呢處既QUALITY似乎唔多出色。尖咀既888會比佢好。

跟同事一齊上完堂我帶她們去恆豐地庫吃拉麵由於她們沒有吃過所以我發板！選了之前吃過的無双叉燒拉麵配餃子味道不錯！保持水準不太鹹麵也不會太軟太硬！但叉燒得一片3人分就真的比較難分叉燒太薄，多一片就好了！味道都不錯！肥瘦剛好

在星期六的晚上，可能是天氣的影響吧，沒有什麼食慾，想著想著，已到了八點半，本想吃壽司，但常常吃有點膩，腦海一閃，不如吃個拉麵，之後我們去到佐敦的Ramen Champion裏面找食，第一次黎，一入去就有職員俾張卡我地，用黎記低消費記錄，走時先去收銀處結帳，面前有好幾間拉麵店，唔知食邊間好，花多眼亂，最後揀左無雙既冠軍拉麵，麵來了，嗅著有一絲香氣，喝一口湯頭，湯味道一般，不太濃但好多油，溫泉蛋和麵都合格，叉燒就幾好食，有驚喜，如果愛吃濃味拉麵的朋友就唔太適合。結論是可以一試，但再encore 就未必會。

買左團購去試們麵好似拿左日本果邊唔知咩比賽冠軍聽落幾吸引就去試下一開始就食餃子但都有啲凍個湯有啲淡冇咩味同埋好油叉燒有啲肥不過味道幾好蛋就一般 啲麵都唔錯團購黎講算抵食因為有送野飲同甜品(啫哩)整體黎講就ok