帝廷酒家 (已結業)

  新一年第一次星期日要開OT，我地一行5人就去左飲茶，叫左好多野食，難得北京道一號呢啲貴價地方都搵到位唔使book，lunch對住個維港景，幾有feel架！我地叫左個午市套餐再加一碟魷魚酥，魷魚酥係Candy指定要叫既，炸得好脆，雖然要$65，但係好味，份量都唔小，即叫即炸，上到枱都仲係熱既，魷魚好煙靭彈牙，食起上黎唔會覺得好肥！另一上品就係乳鴿，一隻乳鴿份量不多不少，唔好以為得骨呀，真係啖啖肉架！個乳鴿皮好脆，但略厭多左少少油，整體味道都咸左d，但係可以接受的。咸魚雞粒炒飯令成餐飯滿足左，食左d小菜點心都略厭唔太飽，食埋炒飯岩岩好，鑊氣幾夠，炒出黎水份不多，很乾身，咸魚味夠，雞粒份量都唔小，每人一碗剛好填飽肚子。酒樓都唔係只係點心出色，小菜炒粉麵都唔錯呀！  

公司今日中午請食飯，一於去番位於北京道一號樓上的酒樓，貪佢地方夠大，容易搵位，加上酒樓用落地大玻璃，可以睇到維港景色，又坐番近窗邊的枱，老闆除左叫左點心之餘，今次試新野要個午市套餐，套餐都有幾個點心，再加上幾個小菜，先來一個炸蠔餅，炸得好香脆，份量都唔小，蠔仔都幾多，炸漿唔算多，所以食落唔油，同埋食既時候再沾少少魚露，更加能帶出蠔餅的鮮味，另外來個魚香茄子煲，煲仔熱辣辣，茄子煮得好淋，食落有d 咸，如果有白飯一齊食就幾好套餐最後來個炸子雞，雞皮炸得好脆，而雞肉仍然好嫩滑，沒有被炸到乾身，好有水準，估唔到套餐都有炸子雞，最值得一讚

今晚有親戚結婚,第一次黎呢間飲宴,但感覺好迫,枱與枱之間得好細條路行呢間應該係SELL睇到海景,應該可以睇到幻彩詠香江,但去到應該完左睇唔到今日聽聞呢餐都7千幾蚊1圍既,但食完,真係覺得唔係好值一黎,覺得佢地D碗碟都唔係好乾淨服務唔係咁好,未開席前都係不停加飲品但可能真係好生手既關係斟橙汁可以斟到滿晒,仲要倒番既時候仲要倒到成枱都係囉,勁差一上菜,以為會分菜啦,原來唔會喎,完全無意識去分菜去到第3,4樣菜既時候先問駛唔駛幫我地分菜囉,唔知點解會咁..菜色冇咩特別深刻，但味道又唔算太差既乳豬都幾厚肉,唔差個雀巢好有益味,個侍應話新鮮炸架喎,但都唔知點解會咁蟹鉗都幾好食,好彈牙但居然有2味餸都有好多生菜,完全相撞左魚都幾好,蒸到剛剛好鮑魚都幾入味,唔差,唔駛切都咬得好炒飯勁差,完全係勁濕又無味

服務態度奇差！侍應超級不專業、並且粗魯裝食物又周圍跌，仲跌左落我件外套度。一句對不起都無，問他拎濕紙巾，竟然就咁拎落隔離我媽嗰張俾我！真有病！我阿媽要用吖嘛！後來我話嗰張我媽要用，請俾另一張我他之後拎完就咁扔過來！大佬你唔係咁的態度下話。再講食物，伊麵好lum, 條條得嗰4cm炒飯，太濕真係一個好差的experience!!!!!!I will never go there again !!!!!!!!!!!!

此酒家位於北京道一號，面對尖沙咀文化中心的維港海景，我純粹為此以來。中午時分與佳人到來用餐，此處沒甚麼人來，大量海景座位任君選擇。食物未見有特別之處，非常一般，只是圖其海景之優點，靜靜喝個茶，聊聊天。點心售約$30元起，不便宜，但以尖沙咀區及其景觀的優勢來說，算是客氣。叉燒腸的叉燒含量也不少，還下了不少青蔥吊味。腸粉皮雖不薄，但亦不厚，中規中矩。售$39元的燒肉飯有11件燒肉，算是大方，部份燒肉脂肪過多。皮是脆的，可是燒肉並無肉香，只是擺得落口的質素。不知為何向我們奉送了一碟蛋散，反正免費，也沒關係。太甜的東西本身就沒大興趣，糖漿多了。

今天又去了老地方飲茶，老闆話事，今次不飲茶，我們叫了套餐食小菜。先來一個午市炸子雞，（午市都食炸子雞很奢侈），炸得挺好，優點是皮很脆，還要皮還皮，沒有附送雞油，雞肉也很香嫩，某些很滑，午市能做出這個水準真的不錯！叉燒餐包雖然不是跟套餐，但水準真的很好，來到時還是熱熱的，它不只是叉燒餐包，還帶有甜甜的味道，因為有蜜糖係麵包皮上，咬下去時甜甜地，好滋味，皮的甜味加上叉燒餐包的咸味，有兩個feel喎！最後黎個炸蠔餅，個感覺好麻甩呀！Lunch time食炸蠔餅！呢個蠔餅Size唔太大，話晒都係炸，油就真係比較多，食落味道好好，麵粉搓得好平均，蛋味都好濃，用既蠔仔都多，蠔仔無沙，洗得很乾淨！去酒樓吃個另類午市套餐也不錯呀！

親戚結婚本來好開心，但酒樓服務態度真係差到一個極點…北京道一號地段珍貴..但如果知會食到背脊骨落，我情願去大嶼山食素都唔想食傳菜阿姊D冷言冷語先講食物，乳豬好肥….個湯味精….算….分菜都應該平均D，佢一碟全部都係瓜…另一碟全部都係蝦…我都有比錢…可以比隻蝦我食好嗎?紅豆沙更加分到不知所謂!最激氣係個大碟仲有菜…但佢求其見到有D食物係碟就唔再分…之後聽到呀姐話…今晚好多野可以帶走!!搞錯!!我媽咪見到佢分到跌曬落檯又執翻上碟…忍唔住問佢有冇接受過訓練….佢回應 “我冇受訓架!你地教我吖!”串到呢!我話我地自己黎!

今晚黎食結婚晚宴，感覺佢d碗碟好污糟，一入到去叫杯茶，隻杯有點紅色又唔似係唇膏又諗唔到係啲咩食物會係紅色嘅污即積，搞到我忍住口乾到開席其間上菜嘅碗碟都不時見到有污跡！個台做得唔夠高根本睇唔到對新人！場內婚宴既擺設都好一般，最好食係條魚，聽侍應講有三斤。不過個景觀都唔錯，位置又好，係尖沙咀，夠方便！侍應都會負責分菜，態度手工唔算差。菜色冇咩特別深刻，但味道又唔算太差乳豬配中華沙律，配答新穎。又有飽魚食。

今日約咗個舊同事飲茶，唔想等位所以黎呢間酒樓。 食物好一般……炸魷魚鬚 魷魚超瘦糯米飯就幾ok嘅，一粒粒 都食到有臘肉臘腸牛肉、 蝦餃 就一般啦叫咗個海皇羹，料不算太多芋角就有啲驚喜， 外面非常之鬆脆整體嚟講坐得舒服，有玻璃對住個維港景， 好光猛食物水準就一般般啦似乎過場主要係做 banquet

今日LUNCH返左公司搵AMY食飯，放產假咁耐好掛住AMY呀!! 我地早一日已經不斷討論究竟去飲茶好呀定係食茶餐廳快靚正好! 最後都係決定對自己好D，飲茶啦!我地去左北京道一號飲茶，扮下HIGH CLASS都要啦~ 因為我放假所以我一早搵位先，酒樓好大好靚呀!對住個窗仲有無敵大海景WOR! 望到維港架! 當然啦，呢度既價錢梗係一D都唔平啦!因為得兩個人，我都唔敢叫咁多，叫左3樣野咋~蟹肉伊麵: 睇電視人家去飲最中意叫既蟹肉伊麵 XD，不過我呢個唔係湯，係炆伊麵。D伊麵炆得軟林林的，不過就無乜汁，食落好似好干咁。伴碟仲有菜心同少量菇，幾健康，菜心係爽口架，咬落去索索聲!!至於蟹肉..我同AMY都一齊話唔係好覺啦…間唔中咬到少少肉既感覺，我地相信就係蟹肉了..但係相當唔起眼，整體黎講個麵係無乜味的，好似清湯咁。鮮蝦腸粉: 我數過，3條腸粉入面都有3粒大蝦肉架!!!真材實料WOR!!!!蝦肉好大粒，D肉好結實，肉質鮮嫩，味道鮮美，蒸左咁耐既鮮蝦都無縮水，咬落仲係咁新鮮!!腸粉皮搓得好薄，晶瑩剔透，但係又唔易斷，少D功夫都唔得呀! 加埋鮮蝦甜甜既豉油，真係想ENCORE多碟!蠔皇叉燒包: 叉燒

因為老闆升左職又加左人工，一星期前已經叫定我地唔好放假，LUNCH請我地食請好!我同AMY做左搵位先鋒，仲叫定一枱點心等佢地黎食~蛋撻仔: 我地叫左2碟，每碟有3個。呢個我叫佢做兩口蛋撻，因為細到兩口就可以食晒! 個皮明明係酥皮，但係唔脆既，至於D蛋漿，我覺得甜過頭，除左甜，我咩味都食唔到，下次可以唔使點~蝦餃: 一籠四粒，塊皮好厚，望唔穿入面，唔夠晶瑩剔透。至於入面既餡料，絕對係真材實料既蝦肉! 我咬開一半黎睇睇，有成3粒蝦肉!!!一粒蝦餃3粒蝦肉絕對出乎我意料之外! 蝦肉既肉質細嫩鮮美，爽口彈牙!食完係想食多粒架!(因為我好中意食蝦餃，所以我叫左4籠，每人食到2粒架!)蒸叉燒腸粉: 可能腸粉豉油岩我既味，我覺得好好食!腸粉皮薄餡靚，又滑，蒸既時間岩岩好，黎到之後仲暖暖地。由於有成十幾人飲茶，所以我地將腸粉分開3 PARTS，腸粉皮薄，所以一切就可以分開了，叉燒味道帶少少咸，份量岩岩好，少少既咸味同腸粉豉油既甜相映成趣，味道真係無得彈呀!臨尾我地每人嗌左一碗紅豆沙，甜度適中!好多紅豆沙都係溝水同無乜豆，但係呢個都有好多紅豆，紅豆煮到爛晒，又綿!食落一陣陳皮味，又香又濃~ 食左一個好滿

大時大節想同母親飲茶又怕有排等位我想起了呢間酒樓之前去過幾次都不是很多人母親節當日也不用等位!服務水準是一般 但食品是可以的因為母親節的關係我本來有一張點心優惠劵不能使用, 平日飲完茶會送紅豆沙也沒有了但埋單也不是太貴  4大1小 點了幾個點心加一碟炒飯 都是3百幾尖沙咀區不算貴了炒飯味道OK  牛腸牛肉夠多  另外有懷舊雞包食  現在很少酒樓有雞包食了  雞肉加上莞茜很美味

近年尖沙咀新建的廣場食肆大多標榜場地闊落兼有落地大玻璃睇親景,適合一般喜慶宴會,結婚擺酒也得體。座落於彌敦道兩旁的The One 和 isquare盡佔地利,但我仍然偏愛位於北京道1號,座擁全維港海景,由港鐵站L5出口,鄰近新太陽廣場,海港城,Duty Free,1881的帝廷酒家。帝廷是皇上皇集團其下一員,他們的slogan是'婚宴喜酌 必然之選'。此豪華婚宴酒家景觀開揚,更備有小型舞台給兄弟姊妹玩新人。話說回來,今天是為我的早午餐而來。11:30am抵達不用等位,可直接入座並叫了一份$198再加兩款點心,餐內包括一碟上湯灼時蔬,3選1的粉麵飯,2選1的小吃和10選4的點心。小吃:脆皮燒腩仔用上五層腩,皮脆肉香,分量足。粉麵飯:福建炒飯炒飯底,配上冬菇粒,菜莖片,蝦段,雞粒,甘筍片和帶子粒。飯粒軟硬適中,但最合意的還是點到即止的獻汁。點心4款:鮮蝦腸粉皇皮厚沒有米香,蝦仁多但沒有鮮味,三大條腸粉,一句'大件夾抵食'。上海小籠包可以豪邁咁夾下去,超濃縮的高湯零留痕,皮偏厚,肉餡尚算嫩滑鬆軟。豉椒蒸排骨用最簡單的方法烹調新鮮的肉排,帶出肉香,鮮蝦菜苗餃此店的餃皮不是很薄很通透嗰隻,但我卻

有幸獲邀出席好友在這裏設的結婚晚宴。主人家安排我們一班朋友坐在近窗的位置，能夠欣賞維港的景色，更能於八點的時候欣賞幻彩詠香江呢！九時了！終於上菜！鴻運脆皮乳豬全體(件上)乳豬皮脆肉嫩，兩旁有中華沙律伴碟。這配撘挺新穎，乳豬同中華沙律也算對味。碟子不消幾分鐘就一乾二淨呢！金巢海中寶熱葷上場了！用伊麵炸成的雀巢乘著剛炒好的西芹、甘筍、帶子、珊瑚蚌等材料。帶子和珊瑚蚌熟得剛剛好，雀巢香脆可口，朋友們搶著吃！百花釀蟹拑這蟹拑明顯是急凍哪種，食不出鮮味，但炸得非常香脆。翡翠玉環瑤甫玉環是用上脆玉瓜而非節瓜。瑤甫鮮味無渣。紅燒雞絲大生翅翅的味道不算太鹹，也不會太稀。蠔皇翡翠北菰鮮鮑片翡翠既有小棠菜也有生菜。北菰雖然不算大隻，但爽滑香濃。鮑片炆得恰到好處。清蒸海星斑跟一般酒家蒸海鮮一樣，犯了同一個毛病─過火。所以肉質偏堅韌，蒸魚豉油也算不錯，不太鹹也能帶出魚的鮮味。當紅脆皮燒雞皮不算脆，上味不太均勻，令有些部分偏淡，另一些部分偏鹹，但肉質嫩滑。幸福炒飯、雙喜金菇炆伊麵屬一般水準，尚算合格。百年好合即蓮子百合紅豆沙。紅豆比例算多，煲得挺夠火候，能成沙了。沒有像其他酒家偷工減料，用生粉打芡蒙混過關。美點

前排去左尖沙咀帝廷食飯，間野啲人話服務態度唔好。去到個環境幾好咖，佈置又靚，而且仲播住近期大家都聽番既彭羚既「小玩意」，好多愛情嘅歌曲，感覺真係好好。望住下面1881，真係唔錯。 啲野食其實都幾好賣相，首先第一碟好好味，雜果大蝦沙律，啲菜食落去都覺得新鮮。第二碟食燒味，啲味道其實好夠味，我食左啲海浙，跟住食左夠叉燒，咬左一半嘅時候，見到中間夾住條毛@@毛都算，我可以當睇唔到，但我坽出黎發現係類似蟑螂腳嘅物體，即刻口裏面個半舊都拿拿聲嘔番出黎-.- 跟住食玉環柱蒲同蟹拑，個啲瑤柱都幾大舊，舊瓜嘅lum度適中，真係唔錯。而個蟹拑好好食，因為有啲酒樓啲麵粉會落好多，而呢間就幾好食，跟住食青斑同脆皮雞，啲魚明顯煮得太耐，啲魚肉勁老，食落去一啲都唔滑，大大條海斑，浪費哂，啲伊麵真係幾好食，不過，食完先見到個碗啲油，勁誇張，多到嚇死人，完全唔會再食! 總括而言，間野其實環境真係一流，食物都可以，但衛生真係需要大大改善，仲有最大問題，係服務質素，嗰晚，有個waitess佢攞住個盤，上面有幾罐汽水，點知其中一次瞓低左，啲汽水飛左去我朋友件衫到，佢竟然可以一句表示都冇，淨係企喺到，我啲朋友係咁抹，佢都