麻布茶房 (已結業)

由幫襯到而家, 差唔多已經兩個月時間, 怒氣依然未能消除星期三, 諗住請下晝假, 俾自己於周中休息一下, 同女友到尖咀玩下食下。由於午飯食得唔係咁多, 所以行到海港城之後諗住搵間野, 可以慢慢坐下抖一抖。三點零鐘, 入到黎麻布茶房。入座都尚算順利。點菜時, 其實都已經唔係好揀得落手, 揀岩既, 落order之後又話冇晒。最終叫左個豬扒蛋飯既set, 一個唔記得左既卷, 雜菌同野飲咁。d野黎到, 真係火都黎埋。碗飯d野賣相唔好, d野求其擺上面, 個雜菌全部都係冬菇, 但小量金菇絲同肉片, 個湯唔x講, 同洗冬菇水冇分別。最後發覺, 原來杯水最好飲!唔食都食左, 埋單走人, 出到門口先發覺原來有tea set, 但係入面又冇menu俾侍應又冇提過。以後都唔會再去麻布茶房!

平時食開旺角個間麻布茶房d 野都唔錯..諗住試下tst 呢間喇..估唔到d 服務生同d 食物ge 水準都差好遠!叫左個咖喱溫泉蛋烏龍麵..點知一黎到..隻溫泉蛋變左做溏心蛋..一問之下個男侍應唔識答..將個波拋左比個女侍應答個女侍應亦算有禮貌咁解答話因為h5n1 所以將溫泉蛋轉左做溏心蛋..咁我都接受佢個解釋準備開餐啦點知食左幾啖發覺竟然一d 咖喱味都冇兼且平時食開ge肉醬變左肉餅!跟住想再問一問侍應..第一次答我個男侍應望到我揮手..冇理過我..走開左..又叫左另一個女侍應過黎..佢答我話因為日本d 咖喱係冇咖喱味架...我望住個餐牌名...咖喱溫泉蛋烏龍麵..冇咖喱味亦冇溫泉蛋..就咁叫肉餅烏龍麵算la~~~呢餐食得超唔開心..亦唔會再黎!

雖然好耐無嚟過，但咁啱同兩個朋友去海港城，就去呢間麻布茶房開餐。叫咗三個set，等咗好耐，突然一個負責㕑房部的男士（即係唔suppose上菜的職員）將一碟野放咗响我地枱面,碟野係咩又唔講，又唔比餐具。我以往响呢度叫set，都係所有餸菜飯前菜準備好一齊上，你有幾時見過叫套餐時會先上碟餸，然後過二十分鐘先比碗白飯你吖？結果我叫咗個女侍應問點解唔係一set野上，又唔比餐具時，佢竟然白咗我一眼（千真萬確，仲要附送「無你咁好氣」的表情），然後好晦氣咁話：咁我拎餐具比你嘞！我當時真係呆一呆，過無幾耐佢拎啲餐具嚟係用力地晦氣地掉在桌上，然後頭也不回走開。之後我特別留意個位女侍應，發現佢對個個客都係咁差，比張單人地時又會求其放在枱上，個人企到斜晒，好似唔想撈咁。之後我發現成間餐廳都無乜邊個服務好，有個男主任，有個客叫佢快啲上甜品，因為趕時間睇戲，佢竟然用呼喝的語氣話：我依家上甜品比你囉！好彩個客係弱質女流，比我真係會鬧爆佢！之後上甜品（係一個以紅豆作賣點的雪糕），我地發現啲紅豆係鹹既，仲淨係得４粒，於是叫個位女侍應(好不幸地總是遇到她)問一問，她即時的反應是：即係想換過喇！好似我地想呃佢食多碗咁！佢講

今晚食哩間, 八点才到, 還要等位 見到陶大宇和一中年女子也在呆等咖哩芝士雞豚漢堡温泉蛋飯套餐 $68.8 雞豚漢堡size 比較細, 但飯汁ok芝士炸豚肉套餐 $75.8 炸豚肉比較薄, 內裡芝士汁分佈不均. 鰻魚飯團內的鰻魚非常少,整個套餐飯和餸都不夠熱.黑芝麻牛奶刨冰 $37.8 不過不失柚子紅茶 $33.8 茶味非常淡, 柚子非常少Summary: 服務和環境都屬中上, 但食物質素可以更好, 比另一集團Pokka差少少.不過這間分店就快搬, 還送了$150 cash coupon 給我們作為新店之用.

相約兩位朋友食lunch, 為遷就要返工既朋友而揀左呢到. 我同朋友L十二點半就坐低, 朋友S幾分鐘後到, 當時餐廳仍未滿座.我點左set lunch既拉麵, 兩位朋友分別點炸豬扒咖哩溫泉蛋飯同咖哩芝士漢堡飯. 15分鐘後我既拉麵先到, 10分鐘後我怕可能漏左單所以追問, 稍後炸豬扒飯送到. 但係再過多10分鐘都未見咖哩芝士漢堡飯既蹤影, 我見附近既檯都已經入座同埋已經食緊野, 於是我再問 - 一位衣著似經理既小姐同我地講, 話廚房可能會先煮左相同既order, 所以有可能會遲左少少, 話好快就到. 5分鐘後終於送到黎喇..... 啲咖哩汁面竟然有層"膜"喺到, 好似放左一陣啲汁涼左咁!! 既然煮好即刻送出黎又點會咁既樣呢? 於是我地又再叫返果位小姐黎. 佢話通常漢堡扒同吉列豬扒會比較耐, 要20分鐘先做到 - 但係落單時冇人同我地提出喎! 而且我地已經等左40分鐘, 都應該煮到啦!! 呢個簡直唔係理由!! 我朋友只剩餘十幾分鐘時間, 唯有"三爬兩撥"咁食... 果位小姐有道歉, 又offer送野飲, 不過我地冇要 - 仲邊有時間飲丫(我地唔會咁笨再等佢送野飲黎囉)... 真係連1

心想吃過熱氣逼人的炸薯條，也要來點降降溫才妥（這其實只是一個冠冕堂皇的藉口吧…）黑芝麻刨冰獨一無二，如芝麻湯圓餡般濃郁甜美，配上煉奶與軟雪糕，是邪惡卻動人的大滿足；待冰漸漸融化，甜美麻香依然不減。雙莓刨冰則一下子給比了下去，只是敷衍了事的淋了草莓/藍莓果醬和生果，味道偏淡，冰化后就更沒有吃頭了…黃粉金時蕃薯有很多焦糖醬，非甜牙齒莫試。愛極了灑在表面充滿豆香的黃豆粉，但它還是同黑糖漿搭配口感更佳；熱暖暖蕃薯綿密微甜，與奶香濃厚的軟雪糕冷熱交迭。滿足的吃完這一餐，四肢冰冷，又是顫顫巍巍的行出店鋪…

一行三人去吃, 朋友為慶祝我生日我地去食晚飯, 每人各叫了一碗拉麵我叫左個 蟹肉拉麵 - 賣相真係好得, 好得, 點知......湯底無味, 唔洗清成咁呀????拉麵一般到唔一般, 好似食緊超市買既即食拉麵咁, 蟹箝既蟹肉唔肥美, 肉得果少少, 不過都新鮮。成碗拉麵加入既碎濕濕蝦乾, 唔知佢想點, 調味又唔係, 無味可言....... 放入去真係只是視覺享受, 正式整色整水...............果D咁既雞蛋, 又係睇落好食, 食落去就.......又唔係滑, 呢D又係賣樣貨, 成個麵想起來是無樣得。 朋友叫既其他拉麵 (有鰻魚) ----- 見圖, 我無試佢地個D, 不過唔該睇下佢d鰻魚先啦.......魚乾咁既樣成個咁既拉麵差不多成$60, 唔會有下次喇

3間餐廳選1間, 最後黎左lee 樹食晏時候唔洗等位就有位....打開餐牌有好多既選擇, 花多眼亂...不過最後選擇左泡菜牛肉飯餐, 友人就叫左鹽燒鯖魚餐同我地落order 果個主任唔知係態度唔好定係本來佢把聲就係咁粗魯....把聲唔太友善, 友人叫個鹽燒鯖魚餐, 個主任就同我地講要等起碼15至20分鐘...友人話ok點知唔洗3分鐘友人個鹽燒鯖魚餐已經上枱 唔係要得15-20分鐘嫁咩?? 反而我個餐就等左成10分鐘鹽燒鯖魚餐 -- 條魚好大條...試左小小..不過油左d泡菜牛肉飯 -- 其實同吉野家既質數差唔多....不過唔係好夠泡菜...唔辣其實質素唔係差....不過價錢偏貴

放工後同屋企人行海港城, 行到8點幾, 求其搵間野坐低食飯, 其實每次去海港城既麻布茶房, 我都暗暗同自己講唔會再去呢一間, 但次次都忘記咗....因為每一次去啲服務態度都無變, 就算侍應換哂人, 啲態度依舊!!果晚我地點咗饅魚飯, 梅子漬飯, 卷蛋, 芝麻凍波菜, 燒茄子, 蕃薯天婦羅, 仲有2個甜品....實際點咗乜都唔係好記得, 因為無諗住打報告, 但食到最後, 都有啲忍唔住要投訴...其實麻布茶房既食物唔算太差, 每樣我都接受到, 當然未去到好好味啦, 而價錢亦便宜, 唯獨服務水準, 令人失望再失望, 我去過好幾間分店, 服務態度都OK, 但只得海港城係咁差, 啲服務生全部愛理不理, 我果晚需要一隻匙"斤"(唔識打), 問個女侍應, 佢應該聽錯咗要紙巾, 咁我都明2者發音相近, 攞錯唔奇, 我又無發難, 點知反而係佢大大聲好串咁話: 哦, 你要匙"斤", 唔係紙巾!! 跟住一路行仲一路講(音量係大到比我地聽到), 明顯怪我發音問題, 我同家人都O咀...再之後, 我媽咪要食藥, 要求一杯水, 有個侍應攞咗杯好熱既水嚟, 我地咪問佢可唔可加少少凍水, 佢一臉覺得我地好煩咁樣, 望

after seminar with colleagues, went here for dinner我叫左茶坊蟹肉飯,熱南瓜牛奶 (forgot about what my colleagues choose la)the food is average la, but the slogan at menu is very attractive (來自東京幸福的滋味)The songs are very goodand got seaview!熱南瓜牛奶taste very good! But comparatively expensive ($31.8) with the small size

上星期日約 6:30pm...一行四人, 由於不是太肚餓, 見哩度有位就入左去食叫左1. 炸雞軟骨 - 白"sigh" "sigh", 入口得陣雪味2. 燒三文魚頭 - 特價 $27.8, 好細碟, 得幾舊, 又係冇應該有嘅味道3. 土佐豆腐 - 味道稍為正常4. 炸蝦天婦羅 - 蝦不新鮮5. 凍 latte - 追問幾次, 食物都差唔多食晒先黎冇錯 d 綠茶係好好味, 但係個杯實在太細, 成日要叫加茶...但服務員又唔係咁 sincere....食物水準太差, 只得靚 view 一個

今天和女朋友到尖沙咀逛街,熾熱的聖誕氣氛濃濃地籠罩著整個海港城。雖然是星期一,但人流仍是非常多,一輪衝鋒陷陣之後仍然毫無收穫的我倆要找個地方歇一會。經過麻布茶房,看見甜點的樣子十分討好,貪吃的我們便立即進去一探究竟..服務生知道我們兩位後并沒有立即安排我們入坐,明顯地店子裡仍是有十分多的空桌,但她竟要花十分鐘來決定要我們等二人桌還是四人桌,最後更要得到似是經理的人同意後才安排四人桌.我明白這會不能有效地運用店舖的坐位,但既然不是繁忙時間,亦沒人等位的話,不需要我們等十分鐘吧。好了,Settle down 後,我們點了1.草莓牛奶刨冰(草莓汁)2.香蕉巧克力芭菲侍應很快地送來兩杯茶,但茶杯太小了,很快地我們便要求加茶,但等了很久仍沒有人過來,算了,我們等一下吧。等...等...等..等了很久,草莓牛奶刨冰才送過來,賣相十分討好,頂上的雪糕細滑,Vanilla味道不大特出但冰做得很細碎,細細的一匙令入口時不會太凍,而且草莓醬很夠味道和自然,不似是香精做出來的,當三者交融,雪糕的細滑混和刨冰,加上草莓醬的味道,實在令我和女友十分滿足..雖一挑剔的地方是沒有牛奶的味道,和雪糕不太夠,,到最後只

記得啱啱數年前..我諗02年度係cwb 開....記得開果時都幾多人去食...D待應好有禮貌..食物方面都OK今日我去到tst 呢間食lunch完全受氣!!等左半粒鐘先等到我既飯等到四個字左右已經問D待應幾時OK...佢地答"快啦..快啦"有D直情唔理個客叫...直行直過又話trips 比得....到D食物到既時候..D飯好dry....D 面鼓湯無味...唉..成餐飯係硬食形容以後都唔會去

昨晚，我跟男友一起到尖沙咀拍照，逛得累了，於是就到位於海港城的『麻布茶房』吃飯。我們一共點了三道菜加一杯朱古力香蕉奶昔。 等了十五至廿分鐘，食物終於送上了，但…枱上除了兩小杯茶外，什麼工具也沒有。想找個侍應為我們拿筷子和碗仔，也叫了三個侍應！第一道小食，焗雜菌。細小得可憐，但價錢跟食物的對比差天共地，味道沒有、特色沒有，失望！第二道小食，鰻魚綠茶麵團。脆！像吃天婦羅般，但其他味道一樣也沒有！不看也不知道內有鰻魚，再一次失望！茶喝光了，一次又一次叫侍應加茶，只得到敷衍對待，而且態度勁差。（就連穿白恤衫的女主任也一樣態度奇差）。第三道主菜，咖哩海鮮炒烏冬。咖哩味不足，烏冬少又沒味道，海鮮難尋，魷魚仔數小粒，超迷你帶子碎數粒加冬孤碎，簡直難食！吃完所有，沒有飽肚感，只有絕望感！甜品也沒有吃便想結賬走人。但想走？也要三催四請多位侍應哥哥為我服務，枱上的碗、碟山也沒有人願意為我們清理，熱茶更不用奢望！結賬二百多元，絕對『物非所值』，四個大字『不知所謂』！最後，我們要走到漢堡飽店填肚！真是……過份！

通常係tst, 食甜品, 都會選麻布茶房, 因為無咩其他選擇呀(可能我唔識啦)甜品有特色, 金桔泡冰好好味, 推薦~~ 但係無講落單, 加單, 埋單, 都要叫幾次, 都當聽唔到, 好過份bor..