科記咖啡餐室

營業中

休息中

上上回講到，農曆年後專程去上環食科記，結果摸門釘，時隔差不多一個月喺執念驅使下，再去會一會佢，今次仲要由公司行45分鐘去食，以增加肚餓感，多謝好同事陪我🤔🫶🏻 但明明我嚟過、拎住地圖都仲要帶錯路🥲豬扒飯上枱一刻，真係忍唔住諗：好似又被網上嗰啲厚厚豬扒相片呃咗🥲不過輕過簡單調味嘅煎豬扒的確幾好食，有家常感覺，食起嚟口感唔算好鬆軟，但對絕唔韌，配上甜甜嘅豉油汁+生蛋黃漿，好快就成碟飯食晒😋同枱嘅泰國（？）遊客360度咁影相前，有先抹乾淨碟邊，反觀自己就肚餓到求其影兩張相就開吃，真係好似有啲唔好意思😅

即將離開工作地方，臨走前想試試附近美食！今天一早十點來到科記，門口已經有差不多10人在等候，餐廳員工沒有特別記認，大概就是企起身嘅就係員工，坐低嘅就係客人叫咗外賣拎走，由於太受歡迎，所以都要等20至30分鐘，餐廳留低咗我嘅電話，整好就會通知我嚟拎。就算係外賣，店家都會跟一隻紙碟，方便客人食用，我覺得好貼心。入口有少少沙嗲味，洋蔥同牛肉都好足料，坦白講定價55蚊係有少少偏貴，但整體都覺得新鮮整好，而且味道濃郁、牛肉入味，係一個醒晨小食！

一口嘗試了豬扒飯時，即刻失望了。豬排硬過石頭，無經過任何處理，無松過肉，部位粗，無牙應該唔係點樣咬得到！飯的口感很硬，而且沒有任何風味。醬汁就係鼓油加了點糖煮一下吧，沒有任何香氣。我對這頓午餐絕對失望，不會再去。店員服務態度也是很差，聽到門口人話兩個，打完電話後同返佢地話1個，佢地好似好不歡迎咁私地話一陣話一個一陣話兩個，但人地入座前已經同佢地講左1個啦，又唔係入座後先講。飯跟湯69蚊，就係個湯值10蚊而已，下次唔了其他炒麵98蚊，好過去搶。正正常常去連鎖快餐店食好過。

One of a kind pork chop rice❗️There could be a long queue so make sure to arrive early❗️ They are not fast food restaurant and each dishes will be cooked by order so it might takes some time.❗️It’s worth the wait!HK has a lot of pork chop rice but this one is different. The pork chop is so juicy and tender. It’s very savoury and they have this special sauce poured over the dish to make it slurry and even tastier.The special sauce is indescribable. You have to taste it to know how delicious it is an

近日都在中上環工作，無論是街道或牆上的塗鴉，這裡的確是有另類優閒氣氛。而呢一間餐廳位置不顯眼，無華麗裝修，無服務，但價錢就比得起中上環核心區餐廳！但基本上每次經過，由1pm至 3pm 都可以見到不小人等候入座。來吧！今天見到有位就試下！一個洋蔥芽菜豬扒飯$75， 再加凍飲$15 共$90. 我初時以為自己睇錯，再和服務員確認，對呀！$90，無問題如果真系值的話。...嗯..成碟飯.太油膩，但洋蔥芽菜是炒得好，還保持有脆脆的咬口，豬扒呢？....乾！！！應該不會再去試。

佢去完濟公廟，就看到科記，星期六上午已經排隊中，看着餐牌應該點金牌豬扒最穩陣，然後看看食評，都推介洋蔥牛肉多士，所以我點了這兩款食物。洋蔥牛肉多士，不會太乾，肉汁鮮味，口感很好，多士很脆，真的一定要是！金牌豬扒飯，我很怕吃到那些充滿鬆肉粉質感的豬扒，這間的豬扒是真材實料沒有用鬆肉粉，所以豬扒的口感很好，然後看到其他食客點了鮮茄豬扒，傳來很香的鮮茄味，下次應該要試一試鮮茄豬扒。豬扒煎得剛剛好不會太亁，加煎蛋很好吃！

每次食呢度嘅蕃茄豬扒飯都感覺好幸福因為可能係新鮮整，所以好新鮮而且豬扒切開一塊塊，記得我有一次牙痛，牙仔唔夠好都可以好方便食🤭仲有個蕃茄汁超好食，可以令到豬扒濕濕地容易咬每啖食落去都感覺到好幸福香港人真係要珍惜呢啲小店如果消失了，真的會很可惜吧而且佢哋服務都幾好有小貓走來走去通常一個人都唔使排隊，超方便的如果你有揸車🚗其實係可以泊在門口，但你一定要用心睇住因為附近有機會抄牌的餐廳內有窗口可以望到外面得閒望望就應該OK

來晚一些就要排長龍的科記咖啡餐廳等了好一會 懷著揣測的心情入座點了一份金牌豬扒飯一份洋蔥鮮牛多哈 吃了第一口和朋友不約而同說 好吃！豬扒又嫩又入味 很有記憶點 啊我又想吃了…酥脆多士遇上香辣適中的沙爹汁 蠻出色的…

黎到上環，唔可以唔食遠近馳名既科記豬扒飯！一去到，受歡迎程度真係唔講得笑！平日去都要排半個鐘，不過一場黎到，緊係排啦！既然呢度既豬扒出名，就緊係要食佢地既豬扒！分別叫左金牌豬扒飯同埋豬扒包，加多杯熱奶茶。豬扒飯好大碟，豬扒份量好多，豬扒本身已經好夠味，比較薄身，有一兩舊豬扒係連住少少肥豬肉，特別甘香！飯身偏乾，粒粒分明，配埋甜豉油食就岩岩好豬扒包同奶茶都一般，比較推薦金牌豬扒飯呢度可以體驗到香港懷舊茶餐廳既感覺，店舖仲有隻貓仔行黎行去巡舖咁😂好可愛

来之前看open rice 评语都是说猪扒炸太干，这个不是事实，我吃的猪扒是多汁配酱油，一句话，好吃。这里是老式茶餐室，门上也贴着，如果你赶时间，别来，但幸好没有很多人食物很快来因为是下雨天。

科記咖啡餐室喺上環都算出名多人lunch去幫襯lunch排隊係排到癲/平日1240前未去到可能要等成粒鐘/咁成個lunch time就玩完餐廳嘅裝修簡樸/冇華麗特別嘅裝飾/非常之地道去到就當然要試下嗰度嘅招牌豬扒飯同奶茶✨時菜豬扒飯豬扒嘅肉質都算嫩滑/冇用鬆肉粉/兩面都係金黃色/唯一係真係好油成碟飯好多油/叫時菜就係為咗索吓啲油/不過一讚嘅係啲菜係炒出嚟嘅奶茶每次都會跟餐叫埋/真係非常之唔錯/好順滑

喺上環返工，於是就外賣左兩個返公司食，佢個門口有隻貓貓喺倜籠裏面好得意呀，隻招財貓，我叫咗杯熱奶茶好香濃嘅奶茶味，餐廳必叫嘅飲品，我覺得好香我亦都冇加糖落去，其中一個係鮮茄豬扒飯，佢嘅汁好香好好食，而且好香濃嘅蕃茄味，淡淡蕃茄，而且啲汁好多，而且佢嘅豬扒好大size同埋份量都好足夠，就咁食一個蕃茄豬扒飯巳經好夠飽，另外嗌咗一個金牌豬扒飯，一啲都唔鹹，而且味道啱啱好，相當唔錯，亦都唔會覺得好油嘅感覺，而且都係好大塊豬扒，本人覺得非常之滿意，如果係可以重複再去食，我們再嗌多咗一個沙嗲牛肉多士裹面不會不會太嘅鹹，牛肉好多好似多到想爆出嚟，咁而且裹面嘅牛肉一啲都唔油，又唔會好乾，仲有一啲沙嗲，醬汁喺個麵包裏面夾埋一齊食，口感好豐富餐廳價錢又唔貴，好滿足

咁啱同事話想食豬扒飯急急腳12:00就好去到排隊唔係遲咗少少去到嘅話就大排長龍.咪見鋪頭門口好似好舊式師傅嘅火候同埋鑊氣真係唔講得笑.去科記梗係食豬扒飯但豬扒飯黎講佢都有好幾款時菜豬扒 鮮茄豬扒 金牌豬扒金牌豬扒真心推介 次次唔使諗都會揀咗佢豬扒煎得非常香 唔會乾身 好juicy淋上甜豉油每次食完一碟都成日覺得唔夠皮同事就叫咗時菜豬扒一樣多汁juicy.想晏晝食科記 記得早啲去排隊呀我自己就情願排隊都要堂食外賣點都唔夠現場食咁正

野食貴、排隊耐、服務態度差，咩人情味呀、香港地道小店，唔值囉。唔明點解咁多人狗衝去食，豬排又唔係特別好食，普普通通😵😵😵😵唔會再去，去既人係見人排就去排？？

只係睇食物相，3秒內估唔估到係邊間上環嘅快餐店呢☺️相信有食過嘅朋友都知道係邊間會比咁澎湃及滿瀉嘅時菜豬排飯，無錯就係位置都有啲山旮旯嘅科記！食晏時間超多人排隊等位和外賣，我至少等咗15分鐘先拎到飯盒。風味這回事不在於高級食材、廚藝高超或者華麗吸晴嘅裝修。能令食客有回憶、凝聚和食物不錯吃嘅地方就係啦😌呢盒飯其實唔平，勝在夠足料，而且係用帶骨嘅豬排，即叫即炒好鬼大盒。雖然睇落平平無奇，但你會一啖一啖食晒成盒平平無奇嘅時菜豬排飯，點解嫁呢？😂都要補一句，順路經過不妨一試，老遠走嚟潮勝就要諗諗☺️