稻香訓練酒樓 (已結業) 查看

平日早早要8:30a. m來到先有位，環境中式輝煌， 開了兩壺名茶， 水滾茶靚 !點心精美 ......大大粒蝦餃王x2蟹子燒賣x2肉質鮮嫩牛肉球 脆卜卜鮮蝦腐皮卷整體上坐得舒服， 食物品質， 好滿足(想飲早茶而又唔想等位，就要8:30前到啦)

今次親戚約我去食好嘢，其實唔熟火炭區真係唔知有間咁野，出面全部都有工程做緊，要屈入去才看到，那一間稻香食店好有特色的酒樓，看似保留住古祖屋翻新過，一入去環境寛躺舒適，我已經聞到一陣陣茶味，冲左一壺普洱，我很喜歡佢用紫砂茶壺浸泡，一入口香甘醇，不錯不錯☺️家人問我要幾多粒蝦餃，我話平時食兩粒，點之原來是一籠一大粒😅又叫燒賣，XO醬蘿蔔糕，鯪魚球，混帳腸粉，生煎包，每道菜也很好食很有水準，不過服務態度就好一般啦！最後埋單才知道要有入會咭才可以食嘢，anyway謝謝親戚請食飯。今次真係勁飽，晚飯都唔使食☺️佢樓上仲有展覽不過趕住走下次先再去。（上網唔明OpenRice 話佢結業？）🤔

是日中午，去左火炭站隔離嘅稻香訓練酒樓，聽講呢間係稻香嘅學校，要係練到咁上下水平先可以出山！如果你係會員，一至五1400-1600下午茶時段就可以半價享用點心，抵好多架！我地叫左三小品、蝦餃、燒賣、小籠包、安格斯牛腸粉、粉果、春卷、Q感卡通包、像真核桃包同埋薄撐！茶錢係12蚊一位～部份menu:三小品即係叉燒、雲耳同埋豆腐卜，叉燒肥瘦適中，雲耳酸酸甜甜，餐前小品，唔錯！68蚊1份～蝦餃：皮薄，蝦係原隻新鮮蝦小籠包：普普通通，雖然係熱，但係無咩d流汁，無果種上湯要流出黎的感覺燒賣皇：有隻大蝦係上邊，燒賣豬肉都高質Q感卡通包：即係紅豆＋奶皇包，岩晒小朋友食，造型滿分，味道75分🤪整體感覺係坐得舒服，服務水平高，侍應有禮，願意嘗試解決問題同滿足需要！

龍蝦套餐主打嘅龍蝦肉居然可以係霉嘅，用筷子夾上嚟係一忽忽嘅，完全起唔到成舊肉，食落口仲要係怪味。食開龍蝦伊麵嘅都知正常嘅龍蝦係可以夾到完整嘅肉岀嚟。咁我就叫左兩個侍應過嚟同佢地講，佢地好寸咁話啲龍蝦肉就係咁。我再叫佢地望真啲，佢地完全冇feedback仲要應都唔應聲就走開左。跟住再叫佢地過嚟都扮睇唔到，完全唔理啲客人嘅投訴。呢間店啲服務質素真係每況越下，已經唔多客仲要可以唔理會客人！下次真係唔會再嚟食！

因為做 member 時要比 $250 換返等價 coupon ，所以點都要幫襯 5 次用返晒啲 coupon 先抵 🤣🤣🤣老實講呢度坐得算舒服，食物質素飄忽，服務態度睇你好唔好彩 😅😅上星期打完波同波友嚟開餐，叫咗個 5 小碟，呢 5 款小食有時會唔同，有時味道又麻麻，今次有辣蘿蔔，陳醋木耳，义燒，拍青瓜同烤麩，都算好彩每一款都可以。另外叫咗個羊腩煲，呢個有啲奇怪，點解會有魚腐嘅。 。 。羊腩唔算太多，其他應有嘅配料例如馬蹄，支竹同冬菇都有。甜品叫咗斑蘭糕，食過 2 次都好味唔會太甜。餐牌唔係成日轉，可以選擇唔算多，但坐得舒服，而家有埋自助煲水唔駛揾伙計仲好。

平時真係無咩機會入黎火炭，咁難得入黎做嘢，點都要search 下有咩好食，然後見到呢間訓練酒樓，仲要上午個時段有半價，真係好抵！可能因為地點問題，人唔多，一入到就獲安排大台（2個人坐8人大台） 點餐係用電話掃QR code,幾好，節約紙張及人手！ 佢個菠蘿包係正，上到黎係熱嘅。 連我個唔中意食包嘅老公都大贊 餃子整得好香脆，煎堆仔都係優質！不過排骨就好肥，中左伏， 斑蘭薄撐都整得麻麻，皮太厚，味道口感一般。 整體上比其他稻香酒樓出品好味

呢間野出晒名抵食，星期一至六下午茶時段半價，但係好難 book 位，同埋無得 walk in ，要有會員卡。平日因為要返工，所以得星期日先得閒，難得同屋企人飲茶，所以正價都無所謂。book 左12點，但都要等一陣先有位。佢沖茶果到係自助式，禁粒制會煲水，同一般酒樓唔同。大約12點15分到落左第一次單，點左我爸爸最愛食既牛肉球。過一陣點心陸續送上，講真味道同出面一般酒樓無乜分別，你話佢新鮮即場整我又唔覺特別好食，正正常常。過左大約半個鐘，所有點心食完，唯獨牛肉球仲未到，咁我就催左一次，問係咪漏左單(用手機點單，無理由會漏)，個 waitress 話整緊好快到，過多10分鐘都仲未到，咁我又催第二次，個 waitress 即刻同個上司講，話我個牛肉球都仲未到，我心諗，上司出馬應該好快到喇掛。再過多10分鐘，牛肉球終於到，但竟然唔係比我呢檯，係比隔離檯，真係講晒粗口。我即刻起身埋單，同個 cashier 投訴，乜今日無牛肉咩？你咁大間酒樓，漏單唔緊要，我等你整好，但我催左幾次你都 hea 我，服務真心差，唔會再去食

今日同朋友飲茶，這裏可能因為係訓練酒樓所以價錢相對上便宜，但係食物質素都可以，茶葉感覺上都比其他普通酒樓好。點心普遍都唔錯既，尤其炸蝦角同叉燒酥值得一讚，可以食到完隻蝦同粒粒叉燒。牛肉球一般，冇咩陳皮味，鯪魚球就麻麻地。蒸包類賣相頗有心思，我最鍾意似minion嘅萌萌流沙包，好得意～仲有一款花生包，賣相同味道都頗特別我地仲有叫煎堆，鳳爪排骨飯等等，最後每人食左$80左右，以正價來說性價比都算高，抵食！

今朝同阿仔老婆黎飲早茶。早兩星期前黎過，覺得幾好味，所以今次再回頭。...呢度轉左用手機點餐，我用wechat掃描座枱上的qr code，就會自動進入點餐系統，好玩又方便。...新增左自助茶煲，好快水滾。水喉連接住下面的大水樽（飲水機嗰啲），如水煲無水的話佢會自動灌水，手動按灌水也可以。...蝦腸粉，上次食過幾好，今次食就差少少，唔夠熱，感覺好似放涼左一段時間先至上枱。...相反，鳳爪排骨飯夠晒熱辣辣。味道正常吧，飯偏軟身。這個飯，搭配大碟又惹味的金錢肚，只需33.5，非常便宜。....蝦餃，上次食過，因為皮薄飽滿所以今次再叫。今次皮厚左少少、裡面又縮左少少。...燒賣，前面頭頂的蝦仁失衡跌低，扶番好佢再拍群照。以下係食燒賣大的阿仔的感想：「蝦冇蝦餃咁彈牙，但蝦餃本身好彈牙」佢講左啲咩... 好有哲學性的一句說話。...阿仔說：「牛肉球出面暖，裡面暖。」好奇炒的感受。...阿仔說：「個皮好脆，裡面就好似蓮蓉咁蓉。」呢個比喻都幾高分。

香港人都鬱悶在家好耐，呢排情況好啲都多咗人出街。用 app 訂好檯星期六就 9 點前到，估唔到要排隊等入座，無嚟一排酒樓又有新攪作，用手機 scan 檯上個 QR CODE 落單，又真係好方便喎。2 個人叫咗 2 粒蝦餃 2 粒燒賣，蝦腸同义燒飽，蝦餃同燒賣比之前失色，點心上嘅蝦唔夠爽脆，以一籠一粒嚟講就唔合格！ 蝦腸粉皮唔算厚，蝦肉反而食到爽脆，補償返嗰 2 個失色點心，最有驚喜竟然係义燒飽，餡料夠 JUICY 👍👍👍點心選擇有個併盤，但就無詳細資料有咩點心，所以無叫，見到有臘腸卷揀好開心，但揀咗又話無 😑😑😑指定時段半價又真係好抵，又坐得舒服，得閒會繼續嚟幫襯架 🤭

不定期推出新款點心，好吸收點來吃，點野食就直接寫在紙上，然後交給服務員就可以了。自助式的熱水好新鮮，不用等服務員加水，自己可以加。食物不錯，有些食物好精緻，好可愛，服務態度也不錯，所以會不斷再次光顧。

個個都怕咗個疫情都乖乖留喺屋企，好多飯聚唔係取消都延期，老友生日問佢怕唔怕出街食飯，佢話我唔怕佢都唔怕，咁就近近哋揾個方便泊車嘅地方啦。近年我算幫襯得多，一嚟因為續會比返 5 張 $50 現金券要分開用，二嚟無限時，三嚟有位泊車，仲有就係食物質素都算好，但今次。 。 。 3 個人叫咗個套餐，因要同壽星女啤一啤，所以都係揀啲香口啲嘅餸，套餐有魚有雞有菜，老實講咁嘅價錢算係抵食，原本都擔心唔夠食，但原來都幾漏，所以我哋無加其他餸，就叫咗甜品，諗住芝麻糊無死啦，點知好稀，食食吓仲食到幾條嘢，雖然侍應話係粟米鬚，但我都係退返安全啲!酒樓添置咗自動煲水器，每張檯旁邊都有一套，自動加水及煲水，咁就唔怕揾唔到人沖水啦 👍

生日就到，同事難得約到一齊同我慶祝, Happyhappy Dinner ~~~🤩第一道靚湯上場，淮山螺頭燉雞～好甜飲完成個人暖粒粒蛋白蒸肉蟹鉗真係～感覺拎住蟹鉗，好似拎住雞脾甘啖啖肉，鮮甜美味蛋白咸咸地，滑一滑肉蟹二味～香港正宗薑蔥蟹～wa!!! 食到停唔到其實食野驚咬骨麻煩，所以係出面唔係幾食蝦蟹類，但我愛上這一味清場啦清蒸斑件～果然海鮮出名果魚ge樣甘惡，比我地食到剩返⻣上湯豆苗～健康菜之選，食甘多肉，係時候清清地

前排家人黎過話唔錯，仲做左會員，星期日黎試下～早一日打電話訂座，講埋會員號碼，去到等五分鐘左右就有位。呢度好大好多枱，環境唔錯，都幾乾淨。炸茄子幾香脆，唔會好厚粉但有少少鹹。雞絲粉皮既芝麻醬幾香。點心應該係即叫即蒸，全部都熱辣辣，都幾快上菜。燒賣係一粒一粒咁嗌，一人一粒唔會浪費。大部分點心都幾高質，特別推介金錢肚，好香好好味，絕對可以叫多籠。食完之後上左樓上個博物館，都幾多野睇又可以影下相，呢度幾適合一家大細嚟。

若非朋友帶路，絕對找不到這間稻香，因為入口在工廠大廈旁。我們一行四人，被安排在門口但不擠迫的地方，枱與枱之間有空位，坐得舒服。這裡有較多特色點心 ，我們叫了香蒜蝦春卷丶黃金豆腐丶蝦餃王丶鮮蝦腸粉丶胭脂炸腸粉丶雜菇上湯生菜丶鷄球大飽和干炒牛河。春卷先上，顏色略為深色（竟然忘記影相），以為炸得太久。它皮薄香脆，完全無過火，餡料足，有蝦及豬肉，好味。👍🏻👍🏻👍🏻籠仔蝦餃王逐隻放在細籠蒸，樣子略帶貴氣。不過食落皮厚，蝦無乜鮮味，普通。👎🏻👎🏻👎🏻鮮蝦腸粉同樣普通，腸粉皮不夠薄，蝦同樣無乜蝦味。👎🏻👎🏻👎🏻胭脂炸腸粉是在米漿內加入紅菜頭汁及芝麻，樣子可愛。內裏包著油炸鬼，而油炸鬼中間加了蝦膠，食落有三種不同層次的口感：內部軟滑少少彈牙，中間香脆，而表面腸粉卻滑溜，味道唔錯。😋😋😋雜菇上湯生菜（又忘記影相），清清地，味道ok!黃金豆腐皮薄兼脆，表面上了五香粉，食落帶點咸味和香味。而豆腐仍然幼滑，絕對是佳作。👍🏻👍🏻👍🏻懷舊大飽外貎不合格，表皮一點也不滑，味道同樣不佳。舊時大飽裏面有大嚿叉燒丶鵪𪂹疍丶冬菇...等，稻香大飽皮厚餡少，似是發大了的鷄飽仔。最後上的是干炒牛河，上枱時已聞到陣陣香氣，外貎亦