麥奀雲吞麵世家 (威靈頓街)

營業中

休息中

I don’t write comments unless it’s super bad experience. This is one! The attendees were so rude n shouted at me for not lining up. I was n I wouldn’t know if no one told me. They said I should wait in the left not right including the lady at cashier n no register system just line at door. I saw people behind me being called in n I was left (maybe they can’t be bothered as it’s only one of me) the guy replied “very fast yr turn” so I ended up walking across to a Vietnamese restaurant. Service wa

從來不寫食評，但今次見證呢間店 服務態度之差， 完全影衰香港人。今日3點入去呢間鋪，問有無下午茶， 其他舖頭在這個時間也有下午茶時段，例如沾仔記或大家樂。 點知個店員大大聲話，呢度冇茶飲過播， 樣子帶點 恥笑， 仲大大聲講左幾次， 成間舖頭得幾個人，全部人都聽到。我今日似文青，好明顯佢哋以為我係遊客，入去係飲下午茶唔係食麪。另一個店員 誇誇張張攞住杯茶走過嚟，話畀杯茶我飲 。我當時即時 體驗到遊客在香港消費受到的 不禮貌對待 及凌辱。此鋪牆上大大隻字寫住只收現金，但又可以以八達通支付寶支付，又是很誤導。大大聲同我講呢度無茶飲嗰個女人負責收錢，我用八達通付款，她就講八達通無收據，對我講話"無收據個喎" 也是誤導，想問八達通係咪可以容許商鋪 唔發收據。過程係完全係貼錢買難受。 我唔知嗰個 係請番嚟嘅店員還是 事頭婆， 唔明白佢點解有咁嘅待客態度 。至於食物，只係雲吞麵一碗，唔覺有乜特別，中環任何一間雲吞麵味道都差不多，但人哋大碗啲，雲吞大粒啲。人哋午飯後有下午茶 餐牌，平過 繁忙時段。人哋亦 有禮貌好多。

越食越差！好失望🙍🏻‍♀️懷念嘅味道走失了。牛腩麵～牛腩－望已知唔掂😣好硬！好似牛肉乾。$50幾蚊得幾件，都比多少少時間同心機，做好D啦！顏色又冇、仲要未夠火候😱真係好失敗！是但－間車仔麪都好食過佢！唉！

為左陪朋友係移民前食返香港野，指明要哩間。最鍾意成間店係我鍾意嘅綠色雲吞真係大粒又足料好彩避開左多人嘅時間可以輕鬆坐低慢慢食但對我黎講太細碗，一碗唔夠食。野飲又分開叫 不過佢個價黎講算ok

食物我係滿意的，佢嘅雲吞同牛腩都好好食，但係唯一唔滿意嘅係佢地唔收apply pay / visa 同master ，剩係收現金同支付寶。呢度香港黎架，收得支付寶點會收唔到其他？離譜

🍜 鮮蝦雲吞但求重質不重量 🦐🦐 細蓉·雲吞麵是香港人的傳統美食，一碗正宗的細蓉應該是重質不重量的。由於想多吃一點雲吞，這次點了牛腩牛筋麵再加一碗淨雲吞作介紹。🦐 淨雲吞 $45湯底清澈富鮮味，雲吞是傳統的細細粒，一口一顆，蝦肉爽脆，雲吞皮薄且滑。份量少但味道得確一讚。🐮 牛腩牛筋麵 $58幼麵爽彈沒有梘水味，出餐前店員會在麵上澆一點油，務求色、香、味俱全。怕長胖的朋友也可以要求走油。牛筋炆得腍滑不黏牙，牛腩味濃易咬。份量可以說是迷你版….女生都不覺飽肚。🔸小總結：麵館乾淨企理，吃的是味道，份量卻真心少，性價比較低，建議帶著輕食的心態光顧。👅 味道：4.7/5💰CP值：2.8/5🕴🏻服務：4.7/5🔰餐廳環境：4/5👀回頭率：4/5🍽 餐廳：麥奀雲吞麵世家🌐地址: 中環威靈頓街77號地下🐮 #cowing吃在尖沙咀#foodie #hkfoodie #hongkongfoodie #852food #852foodie #foodstagram #尖沙咀美食 #相機食先 #吃貨 #食好西 #麥奀雲吞麵世家麥奀雲吞麵世家

中環有好多傳統麵店，三次試試中環麥奀記，裝修幾好，好有老舊香港餐廳既感覺，好親切。講番碗雲吞麵，湯底好濃，仲有鮮甜既海蝦味。雲吞裏面啲蝦都好新鮮，咬落好彈牙，而個麵都好彈牙，煮既時間啱啱好。唯一個問題就係份量太少仲叫咗個炸醬麵，嚟到得兩啖，超級唔抵食，我要收 62蚊。雖然知道中環嘢食喺貴，兩個收費完全唔合理。雖然味道都可以接受，但係幾辣，餐牌上又冇講明。食完之後要再搵第二間再食過，去咗對面間沾仔記雲吞麵店好食太低好多

之前喺中環返工但真係未試過喺呢間野度食碗麵，反而而家唔喺中環返工。行街經過，就入咗去試吓。因為當時三四點有啲肚餓，但又食唔落好多嘢。呢間係出名食雲吞麵嘅入到舖頭嘅時候都見到佢哋人手自己包緊雲吞，我就揀咗食牛筋河（ 原來呢度係冇米粉嘅，得麵或者河粉）老公食牛腩麵，我覺得服務都唔錯 俾兩杯茶，店員仲會主動提供紙巾。碗麵上枱果下有少少驚訝未食過咁細碗牛筋河😂😂😂 好彩本身唔係話太肚餓。我哋兩個都覺得牛筋係好正， 河粉同麵都好食。牛腩就韌左d!我覺得下午茶黎講都唔錯，但午/晚餐就太細份。

一講麥奀記, 唔洗介紹都知係食雲吞麵~而間老字號既雲吞麵雖然細碗, 但味道絕對唔會令你失望!雲吞麵 ($45)牛腩雲吞麵 ($66)幼麵完全無梘水味, 又夠彈牙,雲吞雖然細粒, 但絕不馬虎, 湯底夠濃, 仲有好多韭黃,令佢湯底更加香~不過佢會係面頭淋少少油,如果減肥既朋友記得叫佢走油啦~咁就可以放心飲曬成碗湯😋😋淨水餃 ($49)如果食一碗唔夠食, 可以叫多一碗淨水餃試下,同雲吞一樣都超級足料, 絕不馬虎👍🏻雖然價錢有d貴, 不過物有所值👍🏻暫時未搵到一間雲吞麵好味過佢~😋

今日遲左lunch 中環好多餐廳都爆滿😵‍💫所以經過呢間唔洗排隊就入左去😀一坐底個女侍應就企係格離示意落單😅我地全部第一次食同埋要等多位同事，就同佢講諗下先🤔點知佢話 ”咁一陣食快d快d走” 😰出面無人排隊個場未爆 咁樣講好趕客😤👎🏻👎🏻👎🏻牛腩牛筋麵 ($58)上菜超快1分鐘😂牛腩好淋，唔痴牙，有牛味😋牛筋好滑好煙韌😋兩樣都好入味😍麵無梘水味👍🏻麵質爽彈😋不過真係好迷你😂要飽肚至少食2碗😂整體而言，除左份量同服務，有90分會再食🥰

📍 麥奀雲吞麵世家中環威靈頓街77號地下.🤓世家雲吞麵 Signature Wonton Noodles💰$45.唔知係咪呢間算新麵鋪黎講呢間裝修係幾靚綠色為主調 再搭少少金色 有啲貴族風.雲吞都算細粒 但一粒唔止一隻蝦 一粒多少少啦皮勁薄 直程透到見到隻蝦但又唔似得麥兆咁要犧牲size黎做薄皮佢手工好好多.麵正正常常啦 略嫌唔夠爽口

由細食到大。近期再去食,點知差到。。湯底差咗。麵身唔彈牙,雲吞蝦普通問個老伙記係咪有嘢轉咗??? 點解D味唔同咗??又係老C怱𠴱句。冇吖。咪又係咁。氹新仔嚟的咪冇嘢囉…舊客ㄧ定食得出。(勿當客是傻的)。緣盡。。

今日終於來到「香港五大雲吞麵家」其一的世家，而且是在總店品嚐其屹立三十年的雲吞麵。這家應該是在全香港賣得最貴的雲吞麵，以細蓉的份量來比較，價錢貴絕全港(酒店不計算在內)，稱得上是「名門世家」的出品。環境：以綠色為主調，裝潢雅致大方，門口邊就是師父的麵檔，可透過玻璃窗見到，內部空間還算寬敞，牆面用玻璃裝修，掛上其招牌菜，有電視機、關公像和觀音像，坦白說，我是第一次看到有食店將神像放在如此顯眼的位置。世家雲吞麵$45(不收加一服務費)第一，份量細小，以一個飯碗的大小的份量，有四粒雲吞在湯底，若以午餐份量來評論，就算是女士也只是剛好七分飽，若以下午茶便剛好。第二，湯底鮮甜，湯面浮上韮黃，以大地魚及蝦子為主要材料，不會過咸，亦嘗不出味精，吃完不會感到口渴。第三，雲吞一口大小，以新鮮全蝦及大地魚末為主餡料，豬肉比例約是八比二，我最欣賞是蝦肉夠新鮮，有彈牙的口感。第四，麵條用湯匙墊底，帶有彈性，不會有鹼水味。總體而言，份量雖小但質素高，但不論以下下茶或午餐的成本來比較，性價比低，除非是用來作減肥餐，否則真是很難想像在吃不飽的情況下，怎麼渡過整個下午的時間。

多年來，久不久就嚟幫襯下，水準保持得好好，雖然係真係好細碗, 不過真係好味,好有心,好細緻，麵有彈牙嘅感覺，雲吞水餃有蝦嘅鮮味，湯底都飲埋⋯⋯ 整體嘅平衡剛好，就好似食法國菜，好貴，質高，少食多滋味，水準保持得好好，牛筋麵啲牛筋好正，年紀老邁嘅服務員亦都好細心，值得多年來支持，就算冇遊客，仍然堅持做得咁好，值得欣賞！　

第一次食呢間野，難得見到冇人排隊，就即刻入去食，不過今次冇試佢既招牌雲吞麵，而係叫左一碗牛腩麵，$49，5分鐘左右已經到，仲有一杯茶，唔使加一。賣相：一黎到我嚇一嚇，因為俾想像中細碗，只係一個酒樓普通飯碗既size，但望落d麵都滿既，湯都多到差d 瀉。味道：唔錯，牛腩味好香，夠淋又唔會好油膩，麵係正宗硬身個隻雲吞麵，幾好食，但因為份量太少，所以我湯都飲埋，牛腩湯又意外地好飲，飲完唔會口渴。整體黎講：份量太少，性價比低，但想試埋其他食物，所以會再幫襯。